Vladimir R'agojev

On otettu Рувики-späi
Tarkastettu kirjutus
Vladimir Dmitrijevič R'agojev
Rjagoev.jpg
Roindupäivy 8. pakkaskuudu 1935(1935-01-08)
Roindupaikku Priäžän piiriP, Karjalan avtonoumine socialistine nevvostotazavaldu, Nevvostoliitto
Kuolendupäivy 28. kevätkuudu 2019(2019-03-28) (84 vuottu)
Mua  Nevvostoliitto,  Ven'anmua
Tiedoala karjalan kielen tutkimine
Ruadokohtu Ven'an tiedoakadiemien Karjalan tiedokeskuksen Kielen, literatuuran da histourien instituuttu
Opastus Petroskoin valdivonyliopiston histourii-filolougizen tiedokunnan suomi-ugrilaine ozasto
Oppiarvo filolougientiedoloin kandiduattu

Vladimir Dmitrijevič R'agojev (ven. Владимир Дмитриевич Рягоев; 8. pakkaskuudu 1935, Kolatselgy, Priäžän piiri, Karjalan avtonoumine socialistine nevvostotazavaldu, Nevvostoliitto – 28. kevätkuudu 2019, Petroskoi, Ven'a) on Nevvostoliiton da Ven'an tiedomies, karjalan kielen tutkii, filolougientiedoloin kandiduattu.

Eloskerdu

Vladimir R'agojev oli roinnuhes Karjalan tazavallan Priäžän piirin Kolatsellän kyläs. Hänen tuattah Dmitrii Mihailovič oli roinnuhes vuvvennu 1906, kuadui Suurel Ižänmuallizel voinal vuvvennu 1942. Muamah Marfa Bogdanovna Petrova oli roinnuhes vuvvennu 1908 Nehpoilan kyläs.

Suuren Ižänmuallizen voinan aigua pereh oli evakos Arhangelin alovehel. Sie Aleksandrovka-kyläs Vladimir R'agojev ehti kaksi vuottu opastuo školas. Kodoimuale evakospäi tulduu opastui Kolatsellän seiččemenkluasan školas da sit Vieljärven školas. Jälles školua vuvvenpäivät ruadoi geologujoukos Kin'alahten čupul.

Vuvvennu 1945 R'agojev piäzi opastumah Petroskoin valdivonyliopiston histourii-filolougizen tiedokunnan suomi-ugrilazele ozastole. Vuvvennu 1959 loppi sen. Opastundan jälles R'agojevua työttih ruadoh Veškelyksen školan lapsien kodih opastuspuolenjohtajakse da vena'an kielen opastajakse. Vuvvennu 1962 händy siirrettih Suojärven piirin opastandan ozaston inspektoran virgah. A vuvvennu 1964 Vladimir R'agojevua kučui ruadoh Karjalan tiedokeskuksen Kielen, literatuuran da histourien instituuttah kielitiijon ozaston piälikkö Georgii Martinovič Kert. Sie Vladimir R'agojev ruadoi 45 vuottu vuodessah 2009[1].

Kaksi kerdua, vuozinnu 1986–1990 da 1994–1997 Vladimir R'agojev oli Kielen, literatuuran da histourien instituutan kielitiijon ozaston piälikönny.

Tutkimusruado

Vladimir R'agojevan tutkimusalannu oli karjalan kieli. Tutkii kiinitti huomavuo Leningruadan alovehen Boksitogorskan piirin Tihvinän karjalazien paginluaduh. Sidä ainehistuo R'agojev keräi vuvves 1965.

Vuvvennu 1977 piäzi ilmah tutkijan ven. Тихвинский говор карельского языка-tutkimuskniigu. A vuvvennu 1979 tämän tutkimuksen pohjal R'agojev puolisti kandiduatan väitösruavon.

Vladimir R'agojev otti ozua "Baltiekkumerensuomelazien kielien kieliatlasan luadimizeh (Atlas Linguarum Fennicarum, I–III. 2004–2010), oli sen kolmanden ozan vastuollizennu toimittajannu. Se oli suuri mondu vuottu kestäi projektu.

R'agojev on eräs ven. Сопоставительно-ономасиологического словаря диалектов карельского, вепсского, саамского языков-sanakniigan luadijois. Ližäkse tutkii on monien karjalankielizien kniigoin redaktorannu da toimittajannu.

Vladimir R'agojev kuului Karjalan tazavallan karjalan kielen sanastokomissieh, oli Suomalais-ugrilaisen Seuran ulgomualazennu ozanottajannu.

Kuoli vuvvennu 2019.

Bibliogruafii

  • Владимир Рягоев. Словообразующие и формообразующие частицы в карельском языке // Прибалтийско-финское языкознание : Вопросы фонетики, грамматики и лексикологии. — Л., 1967. — С. 59-63.
  • Образцы карельской речи: говоры ливвиковского диалекта карельского языка / Г. Н. Макаров, В. Д. Рягоев. — Ленинград: Наука, Ленинградское отделение, 1969. — 282 с.
  • Владимир Рягоев. Исследования по тихвинскому наречию карельского языка // Suomalais-ugrilaisen kielentutkimuksen symposiumi: Petroskoissa 26.-27.3.1974. — Helsinki, 1975. — С. 192-204.
  • Владимир Рягоев. Тихвинский говор карельского языка. — Л.: Наука, 1977. — 286 с.
  • Образцы карельской речи / РАН. Карел. науч. центр. Ин-т яз., лит. и истории, Ун-т Йоенсуу, Карел. науч.-исслед. ин-т; ред.: В. Рягоев, М. Есканен, Вып. 1, Говоры Республики Карелии, тихвинских и тверских карел. — Петрозаводск: Йоенсуу, 1994. — 457 с.
  • Владимир Рягоев. Карельский язык // Государственные языки в Российской Федерации: Энциклопедический словарь-справочник. — М., 1995. — С. 99-109.
  • Владимир Рягоев. Начин перевода Евангелия от Матфея на "Олонецкое наречие" карельского языка // Прибалтийско-финское языкознание: Сб. ст., посвящ. 80-летию Г. М. Керта. — Петрозаводск, 2003. — С. 170-177.
  • Владимир Рягоев. Семантика и мотивация наименований летучей мыши: (на материале ALFE // Прибалтийско-финское языкознание: лингвогеографические исследования. — Петрозаводск, 2005. — С. 76-84.[1].

Huomavukset

  1. ↑ 1 2 Vladimir Dmitrijevič R'agojev

Kirjalližus

  • Виртаранта, Пертти. Этюды о карельской культуре : Люди и судьбы : [Пер. с фин.] / Пертти Виртаранта. – Петрозаводск : Карелия, 1992. – 285,[2] с. : ил.; 21 см.; ISBN 5-7545-0243-5 : Б. ц.
  • Tatjana Boiko. Sammui karjalan kielen tuohus (karjalan kieli) // Oma Mua. — 2019. — № 16. — С. 6.

Linkat

Lähteh - "https://olo.ruwiki.ru/w/index.php?title=Vladimir_R%27agojev&oldid=126196721"