Vodlajärven Il'l'an pogostan aidu
| Nähtävys | |
| Vodlajärven Il'l'an pogostan aidu | |
|---|---|
 | |
| 62°22′48″ с. ш. 36°54′28″ в. д.GЯO | |
| Mua | |
| Sijoittumine | Kuganavolokan kyläkundu[d] |
| Perustandan päivymiäry | 1798 |
| Stuatussu |
 ОКН № 1010050001 |
 |
|
 Медиафайлы на РУВИКИ.Медиа | |
|
Ven'an Federacien kanzoin |
Il'l'an Vodlajärven pogostan aidu (ven. Огра́да Ильи́нского Водлозе́рского пого́ста) on XVIII vuozisuan aigaine salvettu puuhine aidu, kudaman muodo da rakendeh on kui muinazis linnoituksis. Kuuluu Il'l'an Vodlajärven pogostan arhitektuuruansambl'ah Pieni Kolgostrov -suarel Vodlajärven kanzallizes puustos Karjalan tazavallan Puudogan piiris. Säilyi ilmai suurii häviemizii da uvvistamizii. Oli ezimerkinny nygözen Kižin pogostan aijan nostamizes. On kul’tuuruperindön objektannu federuallizen merkičyksenke[1][2].
Kuvailu
Aijal on vönyi monikulmalline muodo, se toistau rannan da reljefan viivoi. Sydämes lounasozas on kirikkö, a päivännouzun ozas — kalmužin. Aidu on luajittu kolmikkomuodozien parzirakendehien pohjal, net ollah välil 8 metrii da niilöil on kontrforsoin merkičys. Parzirakendehien piät kačotah sydämeh nenga, ku aijan konturu rodieu kolmikkomuvvon ulgoseinis. Čuput ollah salvetut. Ylähänpäi on pandu parziprogonat, kudamat yhtes aijan ylähäzien parziloinke da kon’kulavvoinke ollah kaksipuolizen levon karkasannu. Aijan levo on katettu hoikil lavvoil. Levon puolien liitokset on peitetty kniäziparrel[3][4].
Suviseinäs kirikkösenččoloin vastalpäi on piäveräi, kudai on kahten viiziseinäzen salvoksen muodoine, niilöil on myöndykohtien rouli, niilöin välis ollah sangei aiduveräi trapeciinmuodozen agjanke da aiduveräi. Salvoksien ulgopuolizis seinis ollah leviet loukot levitettävien ikkunlavvoinke, kudamii käytetäh myöndystolinnu. Myöndykohtien salvokset ollah ylembä aijan piäozua. Rakendehen tulenduoza on yhtistetty yhtehizen kaksipuolizen levon avul. Tulenduveriän kniäziparren piäl on ristu. Rakendehen gorizontualline suurus on 13,68 × 2,12 metrii[3][4].
Pieni aiduveräi ongi aijan päivänlaskun ozas[5].
Histourii
Kirjallizis lähtehis tovestetah, ku Il’l’an pogostu oli roinnuh XVI vuozisual. Täh aigassah säilynyön aijan igiä liitetäh Il’l’an kirikön nostamizeh vuvvennu 1798, sen nostettih Vodlajärven kiervesmiehet uskovazien varoih endizen kupolukirikön kohtah, se vahnuttu riičittih iäre. Se ku pogostu oli Ven’an Pohjazen tärgielöil tielöil, nimenomah tiel Soloveckoih manasterih, autoi tämän alovehen talovuollizes kehitykses XVIII vuozisuan lopus. Rinnal olijal suarel oldih suuret varastot erilazih tavaroih niškoi, kudamii myödih pruazniekkoin da jarmankoin aigah vodlajärveläzet muanruadajat da kauppumiehet, sendäh nostettuh aidah oli luajittu myöndykohtat[6].
Pogostu eli hyviä elostu nevvostovallan tulendassah. Vuozinnu 1930 kirikkö salvattih, a sen papit repressiiruittih[6].
Vuozinnu 1950—1953 piettih avuariikohendamine. Restauracien miäriämizet da projektan luadi A. V. Opolovnikov, ruadoloih ottavui Karjal-suomelazen socialistizen nevvostotazavallan Arhitektuuran azieloin hallindon tiedo-restauracien ruadopaja[4].
Vuvvennu 1960 aidu pogostan arhitektuurukompleksah kuulujannu yhtes kirikön da časounanke rubei kuulumah arhitektuuran mustomerkilöih, kudamii pidäy vardoijah valdivollizen merkičyksen mustomerkinny[2].
Vuvvennu 1983 ven. ВООПИК-laitoksen Karjalan ozaston ruadojoukko kohendi aijan levon[4].
Vuvvennu 1991 perustettih Vodlajärven kanzalline puusto, kudamah rubei kuulumah Pieni Kolgostrov -suari Il’l’an pogostanke. Vuvvennu 2006 Karjalan mitropoulien Petroskoin jeparhii perusti sie miesmanasterin — Pyhän Il’l’an Vodlajärven manasterimuan[6].
Vuozinnu 2006—2007 aijan ylen pahan kunnon periä luajittih restauracii V. N. Kuspakan projektan mugah (Kiži-muzei-zapovedniekan piäarhitektoru). Ruadoloih ottavui ven. ООО «Архитектурно-реставрационный центр „Заонежье“»[7][8].
Vuvvennu 2016 Il’l’an pogostan aidu rubei kuulumah Kul’tuuruperindön objektoin yhtehizeh valdivollizeh luvetteluh kui kul’tuuruperindön objektu federuallizen merkičyksenke[1].
Huomavukset
- ↑ 1 2 Приказ Министерства культуры Российской Федерации № 967 от 04.05.2016 (рус.). Министерство культуры Российской Федерации (2016). Kačondan päivymiäry: 5. syvyskuudu 2025.
- ↑ 1 2 Постановление Совета Министров РСФСР № 1327 от 30.08.1960 (рус.). Совет Министров РСФС. Kačondan päivymiäry: 5. syvyskuudu 2025.
- ↑ 1 2 Орфинский, 1972, с. 108.
- ↑ 1 2 3 4 Паспорт 1010050001, 1988.
- ↑ Паспорт 1010050000, 1988.
- ↑ 1 2 3 НП Водлозерский, 2019.
- ↑ Ильинский погост – центр возрождения Водлозерского края (рус.). ГКУ Республики Карелия «Республиканский центр по государственной охране объектов культурного наследия» (2006). Kačondan päivymiäry: 5. syvyskuudu 2025.
- ↑ Итоги работы за 2007 год (рус.). ГКУ Республики Карелия «Республиканский центр по государственной охране объектов культурного наследия» (2007). Kačondan päivymiäry: 5. syvyskuudu 2025.
Kirjalližus
- Orfinskii V. P. Деревянное зодчество Карелии. — Ленинград : Стройиздат, 1972. — 120 с.
- Паспорт памятника истории и культуры СССР. Погост Ильинский. Ворота ограды и торговые лавки / составитель Е. В. Вахрамеев. — Петрозаводск, 1988. — 11 с.
- Паспорт памятника истории и культуры СССР. Погост Ильинский. Комплекс / составитель Е. В. Вахрамеев. — Петрозаводск, 1988. — 8 с.
- Ильинский погост [Электронный ресурс] // ФГБУ «Национальный парк „Водлозерский“». — 2019.