Aleksandr Volkov

Tarkastettu kirjutus

Aleksandr Volkov
Roindupäivy	25. talvikuudu 1928(1928-12-25)
Roindukohtu	Jessoilu, Priäžän kanzalline piiri, Karjalan tazavaldu, Ven'an federatiivine socialistine nevvostotazavaldu[d], Nevvostoliitto
Kuolendupäivy	4. sulakuudu 2020(2020-04-04) (91 vuozi)
Kuolendukohtu	Petroskoi, Ven'a
Mua	Ven'a  Nevvostoliitto
Toimindu	kirjuttai, runoilii
Palkindot da arvonimet

Aleksandr Lukič Volkov (25. talvikuudu 1928, Jessoilu, Karjalan tazavaldu – 4. sulakuudu 2020, Petroskoi, Karjalan tazavaldu) on karjalaine runoilii, kirjuttai, kiändäi, Karjalan tazavallan rahvahan kirjuttai, Karjalan kul'tuurualan arvostettu ruadai. Volkov kuului Ven'an kirjuttajien liittoh da oli Karjalaine sana -yhtymän piälikönny.

Eloskerdu

Aleksandr Volkov oli roinnuhes muanruadajien lapsekkahah pereheh. Vuvvennu 1937 hänen tuattua repressiiruittih valehilmiannos da muamah yksinäh kazvatti kuuzi lastu.

Nevvostoliiton da Suomen voinan aigah (1941–1944) Volkovan pereh oli evakos Sverdlovan alovehel, kus Aleksandr algoi oman ruadotoimindan kolhouzas heboloinkaččojannu, sit mečänkuadajannu.

Aleksandr Volkov loppi kooperatiivutehnikuman vuvvennu 1948. Vuozinnu 1948–1988 ruadoi Nevvostoliiton kauppulaitoksis, oli Ammattiliittoloin komitietan johtajannu da Petroskoin linnan nevvoston deputuatannu. Vuvves 1963 vuodessah 1991 oli "Karellesursan" piälikönny.

Vuvvennu 1959 Volkov loppi Karjalan valdivollizen pedagouguinstituutan. Samannu vuon oli painettu Volkovan enzimäzet runot Leninskaja pravda -lehteh.

Luomisruado

Vuvvennu 1993 oli painettu kirjuttajan enzimäine Malen'kaja Dessoila -runokniigu ven'an kielel, a nellän vuvven peräs, vuvvennu 1997, tämä kniigu "Pieni Dessoilu" nägi päivännvalgien karjalan kielen livvin murdehel.

Vuvvennu 1998 Volkovan Igäine tuli -runo sanottih parahakse lehtimiehien da kirjuttajien kilvas "Paras tevos karjalan da vepsän kielel".

Vuozis 1990 Aleksandr Lukič oli karjalazien kirjuttajien Karjalaine sana -yhtymän piälikönny. Yhtymän ruavon tarkoituksennu oli nuorien kirjuttajien nevvondu da kannatandu.

Vuvvennu 2000 Aleksandr Volkovua otettih Ven'an kirjuttajien liittoh.

Runoilijal on piässyh ilmah äijy kniigua karjalan kielel. Runoilijan runot on otettu XIX–XX vuozisuan karjalankielizen literatuuran Karjalan pagin -antolougieh da Karjalan nygyaigazen kanzallizen literatuuran antolougieh.

Volkov kiändi karjalakse enämbän migu kaheksankymmenen Ven'an runoilijan tevoksii, niilöin joukos A. S. Puškinan, A. Blokan, A. Ahmatovan, S. Jeseninan, A. Tvardovskoin da toizien Ven'an runoilijoin runot. Volkovan iččeh kirjutettu kolmeozaine runo "Liivin virret" on kiännetty kaheksale suomi–ugrilazele kielele. Tämä runo on omistettu liiviläzile - pienele baltiekkumerensuomelazele rahvahale.

Vuvvennu 2001 kirjuttajan Vellen syväin -kniigu sai diploman Karjalan tazavallan vuvven kniigu -kilvas da Karjalan tazavallan piämiehen palkindon.

Vuozinnu 1999–2001 Volkov oli Karjalan Rahvahan Liiton piälikönny.

Volkov on Sampo–palkindon laureatannu. Kirjuttajua sanottih Vuvven 2013 ristikanzakse Karjalan tazavallas da vuvvennu 2018 häi rodih vuvven laureatakse Karjalan tazavallas.

Aleksandr Volkov kuoli 4. sulakuudu Petroskois. On pandu muah Jessoilan kyläh.

Tuotando

• Volkov, A. Pieni Dessoilu : runot, kiännökset / Aleksandr Volkov. – Petroskoi : [s. n.], 1997. – 80 s. : kuv. ; 17 sm. – Текст карел. – ISBN 5–7378003–2. (кар.)
• Volkov, A. Ven'an runot livvin kielel / Aleksandr Volkov. – Petroskoi : [s. n.], 1998. – 95 s.: kuv. ; 17 sm. – Текст карел. – ISBN 5–7378–0010–5. (кар).
• Volkov, A. Vellen suväin / Aleksandr Volkov ; Taitto N. Truhin ; Algusana A. Mišin. – Petroskoi : Periodika, 2001. – 159 s. : kuv. ; 21 sm. – Текст карел.–ISBN 5–88170–067–8. (кар.)
• Volkov, A. Järvet Karjalan : valitut runot / Aleksandr Volkov ; Alkul. A. Mišin. – Petroskoi: Periodika, 2003. – 126 s. ; 16 cm. – Текст карел. – ISBN 5–88170–111–9. (фин.)
• Volkov, A. Venehes : valitut runot, kiännökset / Aleksandr Volkov ; [предисл.: Армас Мишин]. – Petroskoi : Periodika, 2008. – 206, [1] s. : kuv. ; 17 cm. – Текст карел. (ливвик. наречие). – Пер. загл.: В лодке. – В вып. дан. авт.: Александр Лукич Волков. – Библиогр.: с. 201–202. – ISBN 978–5–88170–184–0 (кар.)
• Volkov, A. Hilissügis / Aleksandr Volkov ; [tolkinud karjala keelest Jaan Oispuu, vene keelest Arvo Valton. – Tallinn : Kirjastuskeskus, 2009. – 62, [2] s. : valok. ; 17 cm. – (Väikesterahvaste suur kirjandus). – Текст эст. – ISBN 978–9949–445–20–2 (кар.)
• Volkov, A. Raštavan tiähti : [сборник] / Aleksandr Volkov. – Petroskoi : КнигоГрад,2013. – 222, [1] c., [10] л. портр. – В вып. дан.: Рождественская звезда (на карельском языке) / Александр Лукич Волков. – Текст карел.– Коротко об авт. на 3–4 с. текста. – Возрастные ограничения:12+. – 500 экз. – ISBN 978–5–9631–0226–8.

• Волков, А. Л. Маленькая Дессойла. – Петрозаводск : Б.и., 1993. – 55с. ; 16с. – ISBN 5– 87336–323–4.
• Волков, А. Л. Вечный огонь / Александр Волков. – Петрозаводск, 2000. – 103 с. : ил. ; 22 см. – Дарственная надпись авт. – К 80-летию Респ. Карелия. – ISBN 57378–00–30–X.
• Волков, А. Л. Поздняя осень : [избр. стихи] / Александр Волков ; Худож. В. Х. Лукконен. – Петрозаводск, 2003. – 111 с. : портр. ; 17 см. – ISBN 5–7378–0076–8.
• Волков, А. Л. Слово о ливах : [стихи] / Александр Волков. – Petroskoi, 2004. – 23 с. ; 20 см. – Текст карел., рус., лив., эстон., фин., коми. – ISBN 5–7378–0063–6.
• Волков, А. Л. Слово о ливах : триптих / Александр Волков ; [пер.: Ката Кубини и др.]. – Петрозаводск : Периодика, 2008. – 79 с. ; 17 см. – Текст парал. рус., финно–угор. яз. – ISBN 978–5–88170–180–2.
• Волков, А. Л. Тихое небо : стихи / Александр Волков ; [пер. с карел.: А. Расторгуев, О. Мошников, А. Мишин ; худож. З. В. Волкова]. – Петрозаводск : [б. и.], 2008. – 157 с. :ил., портр. ; 157 см. – ISBN 978–5–7378–0090–1.
• Волков, А. Л. Земля Карелия : [стихи] / А. Волков. – Петрозаводск : Острова, 2013. – 79, [1] с. : ил., фот. ; 21 см. – Текст парал. рус., карел. – Авт. также на карел. яз.: A. Volkov. – Другие произведения авт. на 4–й с. обл. – ISBN 978–5–98686–046–6.

Palkindot da arvonimet

• Orden Trudovogo krasnogo znameni -kunnivomerki
• Karjalan avtonoumizen socialistizen nevvostotazavallan kauppualan arvostettu ruadai (1966)
• Karjalan avtonoumizen socialistizen nevvostotazavallan Korgeviman nevvoston prezidiuman kunnivokirjaine (1968)
• Ven'an federatiivizen socialistizen nevvostotazavallan kauppualan arvostettu ruadai (1986)
• Ven'an federatiivizen socialistizen nevvostotazavallan Korgeviman nevvoston prezidiuman kunnivokirjaine (1989)
• Nevvostoliiton VDNH:n medali
• Nevvostoliiton kauppualan paras ruadai
• Znak počota -kunnivomerki (1981)
• Karjalan tazavallan vuvven laureattu (1999, 2006, 2009, 2018)
• Karjalan tazavallan kul'tuurualan arvostettu ruadai (2003)
• Priäžän kanzallizen piirin kunnivokanzalaine (2008)
• Karjalan tazavallan rahvahan kirjuttai (2013)
• Medali "M. V. Lomonosovan 300-vuozipäivy"
• Medali "A. S. Puškinan 200-vuozipäiväkse"
• Suomen pravosluavizen kirikön medali "Arvoruadolois" (avus "Uvven Sanan" karjalan kielen livvin murdehele kiännändäs)
• Karjalan tazavallan vuvven ristikanzu, vuozi 2013.
• Medali "А. Т. Tvardovskoin 100-vuozipäivy" (2011)
• Karjalan tazavallan piämiehen Sampo-palkindo (2007)
• Karjalan tazavallan rahvahan kirjuttai

Huomavukset

Kirjalližus

• Писатели Карелии: библиографический словарь / Карельский научный Центр РАН, Институт языка, литературы и истории, Министерство культуры и по связям с общественностью; [сост. Ю. И. Дюжев ]. — Петрозаводск: Острова, 2006. — С. 84

Linkat

• Karjalan kirjuttajien verkokirjasto
• Oma Media. Karjalazen kirjuttajan pitky elaigu
• Kanzallizien literatuuroin portualu
• Kirjakamari. Aleksandr Volkov
• Karjalan TV-yhtevys. Aleksandr Volkovan 90-vuozipäiväkse