Aleksi Raumo

On otettu Рувики-späi
Aleksi Raumo
Алекси Раумо 2022.jpg
Avtonoumizen ei-kaupallizen Ulgomualazien investicieloin
Karjalah houkutuskeskus -yhtistksen johtai
vuvvennu 2021 — vuvvennu 2022
"Karjalan kehityskorporacien"
enzimäine varapiäjohtai
vuvvennu 2022 — vuvvennu 2024
Roindu 1973

Aleksi Raumo (ven. Алекси Раумо, roindua myö Aleksei Jurjevič Očeret'ko, roin. 1973, Petroskoi) on valdivomies da yhteiskunnalline ruadai, Avtonoumizen ei-kaupallizen Ulgomualazien investicieloin Karjalah houkutuskeskus -yhtistyksen johtai (vuozinnu 2021—2022), "Karjalan kehityskorporacien" enzimäine varapiäjohtai (vuozinnu 2022—2024), Karjalan gubernuattoran Artur Parfenčikovan endine ylimiäräine nevvonandai mualoinkeskizis kosketuksis Suomenke[1].

Karjieru

On rodinuhes vuvvennu 1973 Petroskoil[2]. Loppi školan № 17. Vuozien 1990 algupuolel ajoi elämäh Suomeh, sie sai Suomenmuan kanzalližuon. Oman nimen da sugunimen vaihtoi Aleksi Raumokse (roindua myö häi oli Aleksei Očeret’ko). A. Raumon mollembat died’oit sluužittih Nevvostoliiton Valdivollizen turvalližuon komitietas, buabah oli Petroskoin školan № 29 opastuspuolenjohtajannu, tuattah — Jurii Očeret’ko ruadoi pahantegotutkino-ozastos[3].

Pakkasjuus vuvvennu 2022 Aleksi Raumo tuli järilleh Karjalan piälinnah da tazavallan piämieh Artur Parfenčikovan ehoitukses rubei Avtonoumizen ei-kaupallizen Ulgomualazien investicieloin Karjalah houkutuskeskus -yhtistyksen piäjohtajakse[4]. Yhtistys perustettih Petroskois vuvven 2021 loppupuolel, sen toimisto kačottih avata Helsingis, a ruadoloi pidiä Jevroupan Liiton alovehel. Päivänlaskupuolen mualoin Ven’ua vastah azetetut sankciet sotkettih yhtistyksen pluanat. Jo keviäl vuvvennu 2023 sen nimi muutettih "Ulgomualazien investicieloin houkutus- da tuondan korvuamizen nostatandukeskuksekse Karjalan tazavallas ruadajih laitoksih niškoi", yhtistyksen toimindu da muantiedo leveni. Ruado siirdyi Lähi-Päivännouzun da Liideh-Aazien  (ven.) (olo. alovehile[5].

Vuozinnu 2022—2024 Aleksi Raumo johti Moi biznes-keskustu Karjalan tazavallas[6]. Vuvves 2022 Raumo on toiminuh vie Tuondan korvuamizen da rajoittamizen keskuksen ruadojoukon vedäjänny, oli Karjlan piämiehen Artur Parfenčikovan ylimiäräzenny nevvonandajannu. Myöhembäh Raumo toimi "Karjalan kehityskorporacien" enzimäzenny varapiäjohtajannu.

Kriminualudielo

Vuvvennu 2024 Raumo rodih kriminualudielon vastuaju Karjalas. 10. pakkaskuudu vuvvennu 2024 händy otettih kiini Petroskoin Piter Inn -hotelis dengupakietanke, kudamas oli 1 miljon rubl’ua[7]. Kiiniotetun sanoin mugah dengat oli tarkoitettu virgumiehile muapalan annandas kauppulaitoksele[8][3]. Raumuo viäritetäh kielastukses  (ven.) (olo. (Ven’an Federacien kriminualukoudeksan 4. oza 159. pygäl), kädehannon valloitandas (Ven’an Federacien kriminualukoudeksan 3. oza 160. pygäl) da otandas (Ven’an Federacien kriminualukoudeksan 2., 5., 6 . ozat 290. pygäl)[6][9].

Dielontutkijat suadih selväkse, gu kylmykuus vuvvennu 2022 sulakuussah vuvvennu 2023 Aleksi Raumo otti kauppufirmoin ezittäjispäi kädehandoloi, kudamien lopputulos oli enämbi 1,7 miljonua rubl’ua. Dengat oli tarkoitettu investiciiprojektoin edehpäi eistämizeh, zavodan nostamizeh Petroskoil da hotelibiznesan  (ven.) (olo. kehittämizeh Karhumäis[1]. Kädehandoloin otandas viäritettävy Aleksi Raumo ei tunnusta omua viärytty[10].

Heinykuus vuvvennu 2025 Raumon puolistajat ečittih muutustu Petroskoin linnan suvvonpiätökseh jatkua hänen tyrmäs olenduaigua, ga Karjalan tazavallan Korgein suudo jätti piätöksen endizekse[6].

Enne Karjalan tulendua Aleksi Raumo eli Helsingis (Suomi).

Pereh

Vuvven 2024 tiedoloin mugah Aleksi Raumol oli kaksi lastu: vahnimal oli 19 vuottu, nuorimal — 9 vuottu (eli Frantsies)[3]. Internetlähtehien mugah Aleksi Raumon muamah vuvvennu 2025 eli Moskovas[3].

Huomavukset

  1. ↑ 1 2 Алекси Раумо пойдёт под суд за взятки и мошенничество (рус.). ptzgovorit.ru (28. elokuudu 2025). Kačondan päivymiäry: 18. tuhukuudu 2026.
  2. ↑ «Какие денежные средства? Это не мое!» (рус.). petrozavodsk.bezformata.com (11. talvikuudu 2024). Kačondan päivymiäry: 18. tuhukuudu 2026.
  3. ↑ 1 2 3 4 Александр Гнетнев. Кто такой Алекси Раумо: взлет и падение советника главы Карелии (рус.). factornews.ru (13. talvikuudu 2024). Kačondan päivymiäry: 18. tuhukuudu 2026. Arhiviiruittu 17. tuhukuudu 2025
  4. ↑ Эксклюзивное интервью генерального директора новой правительственной структуры - Центра по привлечению иностранных инвестиций РК (рус.). rk.karelia.ru. Kačondan päivymiäry: 18. tuhukuudu 2026.
  5. ↑ Ирина Добродей. Большие связи: итоги работы Центра по привлечению инвестиций и стимулированию импортозамещения в Карелии (рус.). rk.karelia.ru (26. talvikuudu 2022). Kačondan päivymiäry: 18. tuhukuudu 2026. Arhiviiruittu 20. syvyskuudu 2024
  6. ↑ 1 2 3 Прокуратура утвердила обвинительное заключение в отношении Алекси Раумо (рус.). karelia.rbc.ru. Kačondan päivymiäry: 18. tuhukuudu 2026.
  7. ↑ Андрей карельский. Миллион в пакете. Гражданина Финляндии задержали за взятку в Карелии (рус.). spb.aif.ru (11. talvikuudu 2024). Kačondan päivymiäry: 18. tuhukuudu 2026. Arhiviiruittu 15. elokuudu 2025
  8. ↑ Задержан бывший замгендиректора Корпорации развития Карелии (рус.). Губернiя Daily (11. talvikuudu 2024). Kačondan päivymiäry: 18. tuhukuudu 2026. Arhiviiruittu 11. talvikuudu 2024
  9. ↑ Кому нёс деньги Алекси Раумо (рус.). factornews (19. syvyskuudu 2025). Kačondan päivymiäry: 18. tuhukuudu 2026.
  10. ↑ Елена Ли. Обвиняемый в получении взяток экс-советник губернатора Алекси Раумо не признает свою вину (рус.). karel.mk.ru (19. syvyskuudu 2025). Kačondan päivymiäry: 18. tuhukuudu 2026.
Lähteh - "https://olo.ruwiki.ru/w/index.php?title=Aleksi_Raumo&oldid=126354779"