Golubev Roman Gennadjevič

Golubev Roman Gennadjevič
Golubev Roman Gennadjevič
Karjalan tazavallan piämiehen kodimuanpoliitiekan ; varapiämies
	2025
Ielolii	Korsakov Igor' Jurjevič
Karjalan tazavallan opastandu- da sportuministru
	2019 — 2025
Jatkai	Karmazina Natalja Vladimirovna
nuorižoazieloin, liikundukul’tuuran da sportan ; enzimäine varaministru
	2015 — 2019
Roindu	24. kevätkuudu 1987 (39 vuottu); Petroskoi, Ven'an federatiivine socialistine nevvostotazavaldu[d], Nevvostoliitto;
Partii	Yhtenäine Ven'a -partii
Opastus	Petroskoin valdivonyliopisto (2009)
Ammatti	poliitiekantiedoilii

Roman Gennadjevič Golubev (ven. Го́лубев Рома́н Генна́дьевич, roin. 24. kevätkuudu 1987, Petroskoi) on Ven'an valdivomies, Karjalan tazavallan piämiehen kodimuanpoliitiekan varapiämies (vuvves 2025). Karjalan tazavallan opastandu- da sportuministru (vuozinnu 2019—2025). Kogo Ven'an yhteiskunnallizen Ven'an nuorižoliitto -yhtistyksen alovehellizen ozaston johtai (vuozinnu 2011—2015)^[1], Yhtenäine Ven'a -partien alovehellizen ozaston sekretari^[2].

Eloskerdu

On rodinuhes 24. kevätkuudu vuvvennu 1987 Petroskois. Vuvvennu 2004 sai keskiškolaopastuksen školas № 37 (nygöine Lomonosovan gimnuazii). Viijendes kluasas lähtijen häi oli opastujien ičehallindoelimien ozanottai, kaheksandes kluasas lähtijen johti školan parluamentua, oli sen piämiehenny^[3].

Vuvvennu 2009 loppi Petroskoin valdivonyliopiston Poliitiekkutiedo-opastusalan mugah (lizäammattineronke "Opastai"). Sil samazel vuvvel valmistui Karjalan tazavallan halličuksen alazes tiedokundien välizes opastuijoukospäi, vuvvennu 2014 sai ližäammattiopastuksen Karjalan valdivonyliopiston Karjalan ohjuamizen, talovuon da oigevuon alovehinstituutas Ohjuandu-opastusprogramman mugah^[4].

Karjieru

Vuvvennu 2008 rubei ruadamah Kogo Ven'an yhteiskunnallizes Ven'an nuorižoliitto (ven.) (olo. -yhtistyksen alovehellizes ozastos Petroskoil, vuvvennu 2011 hänes rodih ozaston johtai. Vuvves 2007 vuodessah 2010 toimi Karjalan tazavallan piämiehen Artur Parfenčikovan ylimiäräzenny nevvonandajannu^[5].

Vuozinnu 2010—2015 oli Karjalan Yhteiskunnallizen paluatan opastuksen da tiijon komissien ozanottai. Vuvves 2015 häi on toiminuh Karjalan nuorižoazieloin, liikundukul’tuuran da sportan enzimäzenny varaministrannu. 20. oraskuudu vuvvennu 2019 tazavallan piämiehen Artur Parfenčikovan käskys on pandu Karjalan opastandan da sportan ministrakse^[6].

Roman Golubevan täs virras toimindukavven aigua Karjalas nostettih viizi uuttu školua, 15 lapsien päivykodii, luajittih mondu Kvantorium-školatehnolougiipuustuo. Karjalan kylien da pienien linnoin školis avattih 129 "Kazvukohtua", 104 kyläškolas sego 38 koulledžas da tehnikumas uvvistettih ainehellistehnielline pohju liikundukul’tuuran opastukseh nähte. Avattih Sirius 10 -keskus, opastaikunnan heittelemättömän ammatillizen kehtityksen keksus, ammatilline ennakkovalmistuskeskus, 16 sportulagevuo, liikundu- da terehyönhoidokeskustu Karhumäis, Kostamukses da Petroskois. Hänen aigah Petroskoin avtotransportan tehnikuman, Pohjazen koulledžan da Tehnolougien da biznessutoimindan koulledžan kolme klasterua luajittih federuallizen Ammattitaido (ven.) (olo.- projektan hantuzis^[6]^[7]. Karjal äijän kerdua oli kymmenen parahan alovehen joukos erilazien abudengukilvoin ozanottajien da voittajien miärän mugah.

Talvikuus vuvvennu 2020 Roman Goluvev rubei Yhtenäine Ven'a -partien alovehellizen ozaston johtajakse. Kezäkuus vuvvennu 2021 händy viijekse vuottu vallittih partien ozaston sekretarikse. Hänen kandidatuurua kannatettih linnukonferensien vallitut^[8].

12. kevätkuudu vuvvennu 2025 händy pandih Karjalan tazavallan piämiehen Artur Parfenčikovan kodimuanpoliitiekan varapiämiehekse^[6]^[4]^[9].

Pereh

On naizis. Kazvattau kaksi poigua^[4].

Huomavukset

↑ Голубев Роман Геннадьевич (рус.). petrsu.ru. Kačondan päivymiäry: 16. tuhukuudu 2026.
↑ Голубев Роман Геннадьевич (рус.). karel.er.ru. Kačondan päivymiäry: 16. tuhukuudu 2026.
↑ «Современный, молодой, интеллигентный»: что говорят о новом и. о. министра образования Карелии (рус.). rk.karelia.ru. Kačondan päivymiäry: 16. tuhukuudu 2026.
↑ ¹ ² ³ Министр образования и спорта Карелии назначен на новую должность (рус.). rk.karelia.ru. Kačondan päivymiäry: 16. tuhukuudu 2026.
↑ Для начала, нужно определиться, что такое успех… (рус.). Kačondan päivymiäry: 16. tuhukuudu 2026.
↑ ¹ ² ³ Заместителем главы Карелии по внутренней политике назначен Роман Голубев (рус.) (12. kevätkuudu 2025). Kačondan päivymiäry: 16. tuhukuudu 2026.
↑ Образование Карелии как точка роста (рус.). Столица на Онего (24. kezäkuudu 2024). Kačondan päivymiäry: 16. tuhukuudu 2026.
↑ Секретарем петрозаводского отделения «Единой России» избрали Романа Голубева (рус.). Kačondan päivymiäry: 16. tuhukuudu 2026.
↑ «Продолжаем перезагрузку» (рус.). mustoi.ru (12. kevätkuudu 2025). Kačondan päivymiäry: 16. tuhukuudu 2026.

[1] Голубев Роман Геннадьевич (рус.). petrsu.ru. Kačondan päivymiäry: 16. tuhukuudu 2026.

[2] Голубев Роман Геннадьевич (рус.). karel.er.ru. Kačondan päivymiäry: 16. tuhukuudu 2026.

[Портал-3] «Современный, молодой, интеллигентный»: что говорят о новом и. о. министра образования Карелии (рус.). rk.karelia.ru. Kačondan päivymiäry: 16. tuhukuudu 2026.

[rk.karelia-4] ¹ ² ³ Министр образования и спорта Карелии назначен на новую должность (рус.). rk.karelia.ru. Kačondan päivymiäry: 16. tuhukuudu 2026.

[5] Для начала, нужно определиться, что такое успех… (рус.). Kačondan päivymiäry: 16. tuhukuudu 2026.

[gazeta-karelia-6] ¹ ² ³ Заместителем главы Карелии по внутренней политике назначен Роман Голубев (рус.) (12. kevätkuudu 2025). Kačondan päivymiäry: 16. tuhukuudu 2026.

[7] Образование Карелии как точка роста (рус.). Столица на Онего (24. kezäkuudu 2024). Kačondan päivymiäry: 16. tuhukuudu 2026.

[8] Секретарем петрозаводского отделения «Единой России» избрали Романа Голубева (рус.). Kačondan päivymiäry: 16. tuhukuudu 2026.

[9] «Продолжаем перезагрузку» (рус.). mustoi.ru (12. kevätkuudu 2025). Kačondan päivymiäry: 16. tuhukuudu 2026.

[1]

[2]

[3]

[4]

[5]

[6]

[7]

[8]

[9]