Sergejev Andrei Sergejevič
| Сергеев Андрей Сергеевич | |
|---|---|
 | |
|
| |
| 21. oraskuudu vuvvennu 2025 | |
 Kaliningruadan alovehen
municipualukehityksen da syväinpuoliitiekan ministru  |
|
| 2021 — 2025 | |
|
|
|
| Roindu |
31. elokuudu 1972 (53 vuottu) Kaliningruadu |
| Opastus |
Kaliningruadan valdivonyliopisto, Piiterin ohjuandan tehnolougieloin da talovuon yliopisto |
| Toimindu | valdivopalvelu |
Andrei Sergejevič Sergejev (ven. Серге́ев Андре́й Серге́евич; roin. 31. elokuudu 1972, Kaliningruadu[d]) on Ven'an valdivomies, Karjalan tazavallan piämiehen enzimäine piälikkö — Karjalan tazavallan halličuksen piäministru.
Eloskerdu
Opastus
Vuvves 1990 vuodessah 1995 Sergejev opastui Kaliningruadan valdivonyliopistos, sai muantiedotutkijan da muantiijon opastajan ammatin.
Vuvves 1995 vuodessah 1998 opastui tämän yliopiston aspirantuuras talovuollizen muantiijon laitoksel Talovuolline, sociualine da poliittine muantiedo -opastusalan mugah, ammatti — tutkii.
Vuvvennu 2015 loppi Piiterin ohjuandan tehnolougieloin da talovuon yliopiston, sai valdivollizen da municiupualizen ohjuandan ammattimies -ammatin.
Ammatilline toimindu
Vuvves 1993 vuodessah 1999 Andrei Sergejevič ruadoi Kaliningruadan alovehen Syväinazieloin hallindon Valdivollizes palopalvelus.
Vuvves 1999 vuodessah 2006 oli eri virrois Kaliningruadan kommerciistruktuurois.
Vuozinnu 2006—2008 oli Gurjevskan linnukunnan varapiälikönny rahavaroin da talovuon kyzymyksis.
Sit vuvves 2008 vuodessah 2020 oli Gurjevskan piirin hallindon — Gurjevskan linnukunnan enzimäzenny varapiälikönny.
Vuvven 2020 kylmykuus vuodessah 2021 oli Sovetskoin linnukunnan hallindon piälikönny[1]. Vuvven 2020 kylmykuussah Sergejev mondu kuudu ruadoi hallindon piälikön virras toimijannu.
Vuvvennu 2021 oli Kaliningruadan alovehen municipualuyksikkölöi nevvosto -liiton piälikönny.
Vuvven 2021 kylmykuun 29. päiväs gubernuattoran Anton Alihanovan käskys Sergejevua pandih Kaliningruadan alovehen monicipualukehityksen da syväinpuoliitiekan ministrakse[2][3].
Sulakuul vuvvennu 2025 lähti iäre ruavospäi, ku siirdyi ruadoh toizele alovehele[4].
21. oraskuudu vuvvennu 2025 Karjalan tazavallan Zakonoinluajindukerähmön deputuatat hyväksyttih Andrei Sergejevan kandidatuuran Karjalan tazavallan piämiehen enzimäzekse sijahizekse — Karjalan tazavallan halličuksen piäministrakse[5]. Uvves virras Sergejev rubieu valvomah tervehyönhoiduogi, hänele annettih tarkastettavakse suurien profiliobjektoin nostamistu[6]
Palkindo
On palkittu Kaliningruadan alovehen palkindoloil.
Ruado
- Kaliningruadan alovehel
Kaliningruadan alovehen municipualuyksikkölöin nevvosto -liiton piälikönny olles Andrei Sergejev kannatti Kogo Ven'an paikallizen ičehaldivon kehityksen liittuo. Vuvven 2021 vastavuksen aigah miärättih Kaliningruadan alovehen municipualuyksikkölöin nevvosto -liiton da Kogo Ven'an paikallizen ičehaldivon kehityksen liiton yhtehizet piäruavot.
Sergejev kannatti Ven’an da Valgoven’an Kaliningruadan alovehen enzimäzien eläjien aloveh-donoroin yhteiskunnallizien yhtistyksien Rahvahan yhtenäžys -liiton alguhpanon jogavuodizen alovehienvälizen Fouruman piendän Ven’an päivänlaskuzimas kohtas.
Sidä paiči municipualukehityksen sa syväinnpoliitiekan ministru aktiivizesti otti ozua studentoin elokseh[7].
- Karjalan tazavallas
5. oraskuudu vuvvennu 2025 Karjalan tazavallan piämies Artur Parfenčikov pani Andrei Sergejevua Karjalan tazavallan halličuksen piäministran virras toimijakse[8]. 21. oraskuudu vuvvennu 2025 Karjalan tazavallan Zakonoinluajindukerähmön deputuatat hyväksyttih Andrei Sergejevan kandidatuuran Karjalan tazavallan piämiehen enzimäzekse sijahizekse — Karjalan tazavallan halličuksen piäministrakse[9].
Persounalline elos
On naizis, kazvattau poigua[10].
Huomavukset
- ↑ Ушёл в отставку глава администрации Советского округа Андрей Сергеев. GD.RU (24. kylmykuudu 2021). Kačondan päivymiäry: 8. ligakuudu 2025.
- ↑ Созданное в областном правительстве министерство по муниципальному развитию и внутренней политике возглавил Андрей Сергеев. Правительство Калининградской области (12. pakkaskuudu 2021). Kačondan päivymiäry: 8. ligakuudu 2025.
- ↑ Виктор Сергеев. Андрей Сергеев возглавил министерство по муниципальному развитию и внутренней политике. Комсомольская правда (1. talvikuudu 2021). Kačondan päivymiäry: 8. ligakuudu 2025.
- ↑ Министр муниципального развития Андрей Сергеев ушел в отставку
- ↑ Чиновник из Калининградской области станет премьер-министром Карелии
- ↑ Куратора здравоохранения назначили в Карелии (рус.). vademec.ru (6. oraskuudu 2025). Kačondan päivymiäry: 8. ligakuudu 2025.
- ↑ Управляем будущим: выпускники Западного филиала РАНХиГС получили дипломы об образовании. РАНХиГС. Kačondan päivymiäry: 8. ligakuudu 2025.
- ↑ Андрей Сергеев назначен исполняющим обязанности премьер-министра правительства Карелии
- ↑ Чиновник из Калининградской области станет премьер-министром Карелии
- ↑ Сергеев Андрей Сергеевич. Наше время. Kačondan päivymiäry: 8. ligakuudu 2025.
Linkat
| Karjalan tazavallan valdivomiehet | |||
|---|---|---|---|
 |  | ||
