Labinov Vladimir Vitaljevič

On otettu Рувики-späi
Labinov Vladimir Vitaljevič
Владимир Витальевич Лабинов, министр сельского хозяйства Республики Карелия.jpg
Karjalan tazavallan muatalovusministru
24. pakkaskuudu vuvvennu 2018 — 15. kevätkuudu vuvvennu 2023
Ven'an Federacien muatalovusministerstvan žiivatankazvatandan da rodutoimindan departuamentan piälikkö
vuvvennu 2012 — vuvvennu 2016
Ven'an Federacien muatalovusministerstvan žiivatankazvatandan da rodutoimindan departuamentan varapiälikkö
vuvvennu 1997 — vuvvennu 2000
Roindu 3. kylmykuudu 1963(1963-11-03) (62 vuottu)
Opastus Moskovan K. I. Skr'abinan nimine žiivattoinliečindän da biotehniekan valdivoakadiemii (1985), Ven’an Federacien piämiehen Rahvahan talovuon da valdivollizen palvelun akadiemii (2000)

Vladimir Vitaljevič Labinov (ven. Влади́мир Вита́льевич Ла́бинов, roin. 3. kylmykuudu 1963, Ibresi[d], Ibresin piiri[d], Čuvašien avtonoumine socialistine nevvostotazavaldu[d], Ven'an federatiivine socialistine nevvostotazavaldu[d], Nevvostoliitto) on Ven’an valdivomies, Ven'an Federacien muatalovusministerstvan žiivatankazvatandan da rodutoimindan departuamentan varapiälikkö (vuozinnu 2012—2016), Karjalan tazavallan halličuksen varapiämininisran virrastoimii — Karjalan tazavallan mua- da kalatalovusministran virrastoimii (vuozinnu 2017—2018), Karjalan tazavallan mua- da kalatalovusministru (vuozinnu 2018—2023). On muatalovustiedoloin kandiduattu[1].

Eloskerdu

On rodinuhes 3. kylmykuudu vuvvennu 1963 Ibresi-pos’olkas Čuvašien tazavallas  (ven.) (olo.[2]. Vuvvennu 1985 loppi Moskovan K. I. Skr'abinan nimizen žiivattoinliečindän da biotehniekan valdivoakadiemien, vuvvennu 2000 — Ven’an Federacien piämiehen Rahvahan talovuon da valdivollizen palvelun akadiemien.

On muatalovustiedoloin kandiduattu.

Yhtes ammattisuguloin kilvas Labinovien pereh tunnustettih muan enzimäzekse ammattisuvukse, kudaman ruadovuozien kogonaine stuažu on enämbi 1400 vuottu. Labinoval on enämbi 45 sugulastu muaman da tuatan puoles, ket ollah žiivatanliäkärit[3].

Karjieru

Ruadotaibalehen algai Počinkovskii-souhozan žiivattoinkaččojas. Ruadoi vahnembannu karjankazvattajannu, piätehnoulogannu Smena-siibikarjankazvatuszavodal[4].

Vuvvennu 1996 Labinov rodih Ven'an karjuyhtistyksien varajohtajakse. Vuvves 1997 vuodessah 2000 toimi Ven'an Federacien muatalovusministerstvan žiivatankazvatandan da rodutoimindan departuamentan varapiälikönny. Vuvvennu 2000 hänes tuli Ven’an maidotevollisalan laitoksien liiton johtai[3][5].

Vuvvennu 2000 ruadoi menedžerannu, johti avvonazen vuitinomistajien Vimm-Bil’l’-Dann -yhtistyksen talovushallindon tutkimusjuokkuo. Vuvves 2000 vuodessah 2012 oli Ven’an maidotevollisalan laitoksien liiton toimehpaniijohtajannu. Vuvves 2012 — Ven'an Federacien muatalovusministerstvan žiivatankazvatandan da rodutoimindan departuamentan piälikönny[5]. Vuvvennu 2016 virraston johtokunnan vaihtandan jälgeh lähti iäre ruadovirraspäi[3].

Oraskuus vuvvennu 2017 lähtijen Labinov vastai Karjalan tazavallan muatalovuon kehittämizes. Otti ozua tazavallan muatalovus- da kalahoidokompleksoin kehitysstratiegien koncepcien valmistandah vuodessah 2025, sen hyväksyi Ven’an Federacien muatalovusministerstvu[2][5].

26. syvyskuudu vuvvennu 2017 Karjalan tazavallan piämiehen Artur Parfenčikovan käskys V. Labinovua pandih Karjalan tazavallan halličuksen varapiäministran virrasolijakse — Karjalan tazavallan mua- da kalatalovusministran virrastoimijakse. 24. pakkaskuudu vuvvennu 2018 — Karjalan tazavallan halličuksen varapiäministrakse— Karjalan tazavallan mua- da kalatalovusministrakse[6][2].

Kriminualuazii

Petroskoin linnan suudo tunnusti Karjalan tazavallan muatalovusministerstvan endizen piälikön Vladimir Labinovan viäryniekakse kädehandoloin otandas da virguazeman viärähkäyttämizes (Ven’an Federacien kriminualukoudeksan 6. oza 290. pygäl). Endine ministru suudittih 15 vuottu tyrmiä kovan kurin kolounieh. Hänele miärättih 106,4 miljonan rubl’an suurus šruafu da kieltih Ven’an valdivopalvelun da paikallizien haldivoloin elimih ruadoh menemäs tulien kymmenen vuvven aijakse[7][8].

Labinov otettih kiini 15. kevätkuudu vuvvennu 2023 ebäiltävänny 10,6 miljonan rubl’an suuruon kädehannandan otandas Biokarelija-marjulaitokselpäi. Sijah häi tagusti biznesanpidäjile tuven da suojelun muatalovusabudengoin javos Agrostartap-programman hantuzis[7], kudai houkuttelou kanzalazii ruveta fermeroikse[9][2].

Pereh

Vladimir Labinovan pereh eläy Moskovan alovehel[3].

  • Tuattah, Vitalii Pavlovič Labinov, on žiivattoinliečetiedoloin douhturi, Mordouvien N. P. Ogar’ovan nimizen valdivollizen yliopiston  (ven.) (olo. docentu, Čuvašien valdivollizen muatalovusakadiemien professoru, hirurgu, yliopistoloin opastandukniigoin luadii, pidi monimutkastu leikkavustu sih pädemättömis kohtis[3].
  • Muamah, Zoja Ignatjevna Labinova, on žiivatanliäkäri, Ibresinskoin liha-, maido- sego einehtavarvalvonduazeman johtai.
  • Velleh, Sergei Vitaljevič Labinov, on fermeru Čuvašien Ibresinskoin piiris, Krasnii frontovik -kolhouzan johtai, Valdivollizen Duuman deputuatan P. V. Sem’onovan abulaine[5].

Kiindymykset

Suvaiččou kukkii. Hänel on Ven’an suurin gladiolussoin  (ven.) (olo. kerälemy, sit on 450 kukkulajii[3].

Huomavukset

  1. ↑ Назначен новый министр сельского и рыбного хозяйства Карелии (рус.) (28. syvyskuudu 2017). Kačondan päivymiäry: 19. tuhukuudu 2026.
  2. ↑ 1 2 3 4 Что известно о главе Минсельхоза Карелии Владимире Лабинове? (рус.). karel.aif (16. kevätkuudu 2023). Kačondan päivymiäry: 19. tuhukuudu 2026.
  3. ↑ 1 2 3 4 5 6 Мария Лукьянова. Всегда лидер Лабинов (рус.). rk.karelia (7. syvyskuudu 2018). Kačondan päivymiäry: 19. tuhukuudu 2026.
  4. ↑ Назначен новый министр сельского и рыбного хозяйства Карелии (рус.) (28. syvyskuudu 2017). Kačondan päivymiäry: 19. tuhukuudu 2026.
  5. ↑ 1 2 3 4 КĕлĕмкассиZем & ТуçаZем ★ Ибресинский район (рус.) (18. tuhukuudu 2025). Kačondan päivymiäry: 19. tuhukuudu 2026.
  6. ↑ Указ Главы Республики Карелия от 24.01.2018 № 7 О члене Правительства Республики Карелия – заместителе Премьер-министра Правительства Республики Карелия – Министре сельского и рыбного хозяйства Республики Карелия (рус.) (24. pakkaskuudu 2018). Kačondan päivymiäry: 19. tuhukuudu 2026.
  7. ↑ 1 2 Александр Гнетнев. За что получил срок экс-глава Минсельхоза Карелии Владимир Лабинов (рус.) (4. tuhukuudu 2025). Kačondan päivymiäry: 19. tuhukuudu 2026.
  8. ↑ С экс-главы Минсельхоза Карелии Лабинова взыщут 33,8 млн руб. karelia.rbc.ru (27. kylmykuudu 2025). Kačondan päivymiäry: 27. kevätkuudu 2026.
  9. ↑ Александр Гнетнев. "Взяток я не брал": экс-глава Минсельхоза Карелии отверг обвинения во взяточничестве (рус.) (5. kylmykuudu 2025). Kačondan päivymiäry: 19. tuhukuudu 2026.
Lähteh - "https://olo.ruwiki.ru/w/index.php?title=Labinov_Vladimir_Vitaljevič&oldid=126360524"