Muzeiloin yö
| «Muzeiloin yö» | |
|---|---|
 | |
 | |
| Ala | kul’tuuru, taido, muzeiazii |
| Enzimäine piendypäivy | 1997 |
| Puaksuvus | joga vuottu |
| Jälgimäine piendypäivy | 2025 |
| Luadii | Ven’an Federacien kul’tuuruministerstvu |
| Stuatussu | проводится |
| Verkosivusto | museumnight.culture.ru |
 Медиафайлы на РУВИКИ.Медиа | |
"Muzeiloin yö" (angl. Night of Museums) on kanzoinväline kul’tuuru-opastukselline tapahtumu, kudaman aigah muzeit ruatah myöhäildassah libo yölgi[1]. Se on sovitettu Kanzoinvälizekse muzeiloin päiväkse, kudamua pietäh 18. oraskuudu; tavan mugah sidä pietäh lähihuogavopäivinny — oraskuun kolmandennu huogavopäivinny. Tapahtuman tarkoituksennu on muzeifondoin popul’arizacii, muzein da opastuksellizen ruavon mahtoloin da uuzien ruadotaboin ozutandu[2]. Enzikerdua akcii piettih vuvvennu 1997[3].
Vuvvennu 2025 Ven'al Muzeiloin yödy piettih 17. oraskuudu. Tapahtuman tiemu — "Urhomiehet"[4].
Tapahtuman histourii
Enzikerdua "Pitkiä muzeiloin yödy" piettih (nems. Lange Nacht der Museen)[5] Berlinan kahtestostu muzeis vuvvennu 1997. Sen pidoloi oldih ekskursiet, luvendot, teatrallizet ezitykset, kudamii piettih kogo yön aigah. Niilöih käyndy oli ilmaine[1].
Vuvvennu 1999 saman akcien luadi Francien kul'tuuru- da viestindyministerstvu[6].
Vuvvennu 2001 akcieh yhtyi Jevroupan da Amierikan 39 muadu[4].
Vuvvennu 2005 Jevroupan nevvosto hyväksyi Francien ehoitettuu jogavuodistu kanzoinvälisty Muzeiloin yö -akcien piendän. Piätettih, ku piduo ruvetah pidämäh huogavopäivinny, kudamat ollah Kanzoinvälisty muzeiloin päiviä lähäl[7].
Vuvven 2025 tiedoloin mugah tapahtuman ozanottajinnu on enämbi 3,5 tuhattu muzeidu enämbi migu 40 muas[7].
Ven'al
Ven'a rubei ottamah ozua akcieh 20. sulakuudu vuvvennu 2002[8][9]. Pidoloih, kudamien luadijannu oli Krasnojarskan muzeikeskus, kävyi enämbi viitty tuhattu hengie[6].
Vuvvennu 2006 "Muzeiloin yödy" piettih Piiteris da Kazanis[4].
Vuvvennu 2007 akcii enzikerdua piettih Moskovas da Jekaterinburgas. Moskovas pido sai Yö muzeis -nimen[7]. Piädykauti akcieh nähte äijät laitokset valmistettih suuret ozuttelu-ekskursieloin programmat lapsih da täyzi-igäzih nähte.
Vuvvennu 2015 "Muzeiloin yö" sai federuallizen stuatusan. Sit aijas akciedu pietäh Ven’an Federacien kul’tuuruministerstvan kannatuksel. Akcieh otetah ozua federuallizet, valdivollizet, minicipualu-, virrasto- da yksittäzet muzeit kogo muaspä[2].
"Muzeiloin yö" Ven’al yhtistäy enämbän 2 tuhattu muzeilaitostu[7]. Akcieh yhtytäh sežo ozuttelukeskukset, teatrat, gallereit, kirjastot, joudoaijan keskukset da toizet laitokset[2].
Joga vuottu akcii on omistettu millegi tiemale.
Hronolougii
- Vuvvennu 2016 akcii piettih 21. oraskuudu. Tapahtumat omistettih Ven’alazen kinon vuvvele. Äijät muzeit piettih pidoloi Yhten ozutteluvehkehen histourii -tieman mugah. Piiteris, Jekaterinburgas da Kaliningruadas kai akcien ozanottajat kohtat ruattih yhtehizen lipun mugah[10]. Piettih enämbi 130 muzei- da monii kymmenii linnu-ekskursieloi, 60 konsertua da 30 kino-ozutustu. Moskovas VDNH-ozuttelus piettih Kino da moudu. Kuulužien kino-ozuttelijattarien pluat’at Aleksandr Vasiljevan fondaspäi -ozuttelu[11].
- Vuvvennu 2017 akcii piettih yöl 20. da 21. oraskuudu. Piätiemakse rodih Vuvven 1917 vallankumovus[12]. Tapahtumah otti ozua kymmenii kul'tuurulaitoksii. Niilöin joukos oldih Tretjakovan gallerei, Caricino-usad’bu, VDNH, Moskovan zooparku, Nygyaigazen taijon Garaž-muzei da muut. Piettih luvendoloi, ekskursieloi, vastavuksii taijontutkijoin, histourientutkijoin, kuvuajienke, muasteripajoi da teatrallizii ezityksii[13].
- Vuvvennu 2018 akcii piettih yöl 19. oraskuudu. Tapahtuman piätiemakse rodih — "Nerotevot varastoloispäi" (ven. «Шедевры из запасников»[14]. Pidoloih otettih ozua muzeit, teatrat, gallereit, art-keskukset da taidoškolat. Muzeit ezitettih harvinazii ozutteluvehkehii, kudamii enne piettih salvattulois varastolois libo net oldih restauroičusruadolois. Moskovas piettih enämbi 800 piduo, kudamih kävyjiä oli 500 tuhattu hengie.
- Vuvvennu 2019 akcii piettih 18. oraskuudu. Tapahtuman piäaihiennu oli "Elementat"[15]. Enämbi sadua muzeidu kogo muas ruattih myöhässäh, piettih ekskursieloi, luvendoloi, ezityksii da konsertoi. Garaž-muzei järjesti kävyjih niško ilmazii ekskursieloi Pavel Pepperšteinan ozutteluu myöte "Ristikanzu kui kehys landšaftah nähte" da Rašid Arajin. Retrospektiivu -ozutteluu myöte. Bahrušinan muzeis piettih teatralline ozutus "Teatru Sofoklas Meijerhol’dassah", kudamas kaččojat voidih vallita oman mavun mugah seiččemes teatrukavves, antiekas XVII vuozisadassah. Sol’anka-gallerein gost’at suadih kaččuo, kui ruadau taidoilii. Akcien piäkohtakse rodih Moskovan muzei, kus piettih kanzoinvälizen Drumsfest Russia 2019 -festivualin ozanottajien pompottišou[16].
- Vuvvennu 2020 Muzeiloin yö -akcien piätiemakse rodih "Simvolat"[17]. Pandemien Covid-19 periä kaikkii pidoloi piettih online-muvvos 16. da 17. oraskuudu. Akcieh otti ozua enämbi 50 Moskovan muzeidu da gallereidu. Online-tapahtumii piettih laitoksien virrallizil verkosivustoloil da sociualuverkolois. Kaikkiedah pidoloih otti ozua enämbi 800 tuhattu hengie[18].
- Vuvvennu 2021 akcii piettih 15. oraskuudu. Piätiemannu oli "Enämbi migu muzei"[19]. Sen aigah piettih ozutteluloi, ekskursieloi, muasteripajoi, kvestoi, kilboi, luvendoloi. Piäpaikakse rodih Tretjakovan gallerei, kus piettih kanzoinväline Huavehet Vällyös. Romantizmu Ven’al da Germuanies -ozuttelu. Valdivollizen histourien muzeih tulluot suadih tuttavuo harvinazien ozutteluvehkehien restauroičendan processah da kaččuo käilkirjutettuloi mustomerkilöi. Kogo Ven’an dekoratiivutaijon muzein ruadajat valmistettih lapsih niškoi programman, piettih muasteripajan olgifiguuroin luadimizes[20].
- Vuvvennu 2022 pido piettih 21. oraskuudu. Sen tiemannu oli "Lugemizen algukohtu"[21]. Kävyjih niškoi luajittih ekskursieloi, konsertoi, muuzikku-runollizii ezityksii, muasteripajoi lapsih da täyzi-igäzih niškoi, ilmazii jallaikävelendyekskursieloi, luvendoloi, kino-ozutuksii pihal[22]. Pidoh otti ozua enämbi 300 tuhattu hengie.
- Vuvvennu 2023 Muzeiloin yö -akcii oli 21. oraskuudu. Piätiemakse rodih "Histourii da histouriet"[23]. Piettih ozutteluloi, muasteripajoi, konsertoi, ekskursieloi. Akcieh otettih ozua Indien, Saudi-Aruabien, Venesuelan, Kataran, Livanan, Kambodžan, Mongoulien da toizien valdivoloin diplomuattukunnan ezittäjät. Valdivollizes A. S. Puškinan nimizes taidomuzeis luajittih Kui soittau ymbäristökuva -ohjelmu (ven. «Как звучит пейзаж»): kävyjät telefonoin da kuulokkehienke mendih muzein zualoi myöte da sit yhtistyi kaksi taidolajii — muuzikku da mualuamistaido. Päivännouzun muzei VDNH:l luadi "muuzikkumatkan" alallistu ozutteluu myöte[24]. Akcien aigah piettih enämbi 1300 piduo, kudamih kävyi enämbi kahtumiljonua hengie[25].
- Vuvvennu 2024 akcii piettih 18. oraskuudu. Sen piätiemannu oli "Polvi polveh. Perehrelikviet"[26]. Moskovan kul’tuurulaitoksis piettih läs 500 piduo. Niilöin joukos oldih literatuuruozutelmat, teatrallizet ozutelmat, muasteripajat, kvestat, kilvat, klassizen da nygyaigazen muuzikan konsertat. Federuallizih laitoksih kävyi enämbi 300 tuhattu hengie.
- Vuvvvennu 2025 Muzeiloin yö -akcii piettih 17. oraskuudu. Piätiemannu oldih "Urhomiehet"[27]. Ižänmuan puolistajan vuvvennu programmu omistettih histouriellizen muston da hengellis-morualizien arvoloin säilyttämizele, muas da sen suavutuksis ylbevyön tunnon kehittämizele.
Ven’an Federacien kul’tuuruministru Ol'ga L'ubimova pani merkile[28]:
Suuren voiton vuozipäivänny myö rubiemmo mustamah urhomiehis, kudamat iččie žiäleiččemättäh torattih muan vällyös da iččenäžyös da avuttetih ajua iäre fašizmu. Urhomiehet-tiemu kajahtahes Ven’an eri čuppuloin muzeilois, joga alovehelhäi on omua urhomiesty da histourien mustokohtua, kui Suuri Ižänmualline voinu, mugai toizii muah nähte merkittävii tapahtumii. Myö uvvessah kiännymmö mennyönaijan urhollizih tapahtumih, mustoitammo meijän rahvahan urhollizii tegoloi histourien eri aijoinnu, kuulemmo histourieloi urhomiehis da urhomiehien histourieloi. Uvvel aigua rodieu uuttu urhomiesty da otettu tiemu andau muzeile mahton nojavuo histouriellizeh pohjah dai vallita nygyaigazen kačahtuksen sih ilmivöh da sanella tämän päivän urhomiehis.
Tapahtuman aigua piettih ekskursieloi, ozutteluloi, muasteripajoi, konsertoi da muudu ruaduo[29]. Moskovan transportan muzeis piettih muasteripajoi komiksoin luajindas, Tretjakovan gallereis akcien gost'at käydih minilektourieh, Moskovan Kremlin muzeis piettih luvendo "Aleksandr Nevskoi — ven'anmuan puolistai" da ekskursii "Aleksandran sadu — kahten Ižänmuallizen voinan mustomerki".
Liittyjät päivät
- Muailman ekskursienvedäjän päivy (21. tuhukuudu)
- Kul'tuururuadajan päivy (25. kevätkuudu)
- Kanzoinväline mustopaččahien da histouriellizien kohtien päivy (18. sulakuudu)
- Kanzoinväline muzeiloin päivy (18. oraskuudu)
- Kinon yö (piendypäivy joga vuottu vaihteleh)
Huomavukset
- ↑ 1 2 Что известно о всероссийской акции "Ночь музеев", TACC (17 oraskuudu 2024). Kačondan päivymiäry: 27. sulakuudu 2025.
- ↑ 1 2 3 Всероссийская акция "Ночь музеев", РИА Новости (18 oraskuudu 2024). Kačondan päivymiäry: 27. sulakuudu 2025.
- ↑ Денис Сидоров. Музей подготовился к грядущей ночи, Победа РФ | Новости, история, патриотизм (15 oraskuudu 2021). Kačondan päivymiäry: 27. sulakuudu 2025.
- ↑ 1 2 3 Когда пройдет «Ночь музеев» в 2025 году?, AiF (5 tuhukuudu 2025). Kačondan päivymiäry: 27. sulakuudu 2025.
- ↑ Всероссийская акция «Ночь музеев» 2024, Аскинский район — дата и место проведения, программа мероприятия., Культура.РФ. Kačondan päivymiäry: 27. sulakuudu 2025.
- ↑ 1 2 История акции "Ночь музеев", TACC. Kačondan päivymiäry: 14. oraskuudu 2025.
- ↑ 1 2 3 4 История акции. Ночь музеев. Kačondan päivymiäry: 27. sulakuudu 2025.
- ↑ «Ночь в храме», возможно, пройдет в Москве // Православие и мир. — 22.09.2015.
- ↑ Красноярский музейный центр. Kačondan päivymiäry: 10. sulakuudu 2010. Arhiviiruittu originualaspäi 20. oraskuudu 2010
- ↑ Акция "Ночь музеев", посвященная Году кино, стартует по всей России, РИА Новости (21 oraskuudu 2016). Kačondan päivymiäry: 27. sulakuudu 2025.
- ↑ Волкова, С.. «Ночь музеев» - 2016: Хотите увидеть редкие коллекции, торопитесь зарегистрироваться, msk.kp.ru (13 oraskuudu 2016). Kačondan päivymiäry: 14. oraskuudu 2025.
- ↑ «Ночь музеев»-2017 посвятили русской революции, Известия (19 oraskuudu 2017). Kačondan päivymiäry: 27. sulakuudu 2025.
- ↑ "Ночь в музее" в Москве: Куда пойти, что посмотреть, и как добраться, Metro Москва. Kačondan päivymiäry: 14. oraskuudu 2025.
- ↑ «Шедевры из запасников» станут главной темой «Ночи музеев-2018», Известия (7 oraskuudu 2018). Kačondan päivymiäry: 27. sulakuudu 2025.
- ↑ Когда проведут "Ночь музеев" в 2019 году? Тема акции была объявлена в конце мая прошлого года | Санкт-Петербург Центр (рус.). peterburg.center (11. tuhukuudu 2019). Kačondan päivymiäry: 27. sulakuudu 2025.
- ↑ «Ночь музеев» в Москве 2019: куда идти и что смотреть, BURO.. Kačondan päivymiäry: 14. oraskuudu 2025.
- ↑ Участие в «Ночи музеев — 2020». www.artnight.ru. Kačondan päivymiäry: 27. sulakuudu 2025.
- ↑ Онлайн-мероприятия акции "Ночь в музее – 2020" посетили более 800 тыс. человек, TACC. Kačondan päivymiäry: 14. oraskuudu 2025.
- ↑ Анонс пресс-конференции «Ночи музеев — 2021». old.artnight.ru. Kačondan päivymiäry: 27. sulakuudu 2025.
- ↑ Ночь музеев - 2021 (рус.). nazaccent.ru. Kačondan päivymiäry: 14. oraskuudu 2025.
- ↑ Как пройдет акция "Ночь музеев" в России в 2022 году, РЕН ТВ (20 oraskuudu 2022). Kačondan päivymiäry: 27. sulakuudu 2025.
- ↑ Что и где посмотреть в Москве в «Ночь музеев-2022»?, AiF. Kačondan päivymiäry: 14. oraskuudu 2025.
- ↑ Ночь музеев: когда будет в 2023 году, участники акции, программа, РИА Новости (5 oraskuudu 2023). Kačondan päivymiäry: 27. sulakuudu 2025.
- ↑ Экскурсия по бункеру, рок-концерт и закулисье театра: куда пойти на «Ночь музеев» в Москве, Global City. Kačondan päivymiäry: 14. oraskuudu 2025.
- ↑ Министр культуры рассказала о рекордах "Ночи музеев" в России. Вести.ру (25. oraskuudu 2023). Kačondan päivymiäry: 14. oraskuudu 2025.
- ↑ Объявлены дата и тема «Ночи музеев» 2024 года - Год Литературы, Год Литературы (13 kevätkuudu 2024). Kačondan päivymiäry: 27. sulakuudu 2025.
- ↑ «Ночь музеев» пройдет по всей России 17 мая. Публикации СМИ. Первый канал, 1tv.ru (5 tuhukuudu 2025). Kačondan päivymiäry: 27. sulakuudu 2025.
- ↑ Ольга Любимова: Всероссийская акция «Ночь музеев» в 2025 году будет посвящена теме «Герои». Министерство культуры РФ (17. pakkaskuudu 2025). Kačondan päivymiäry: 14. oraskuudu 2025.
- ↑ Ночь музеев — 2025. Официальный сайт акции. museumnight.culture.ru. Kačondan päivymiäry: 14. oraskuudu 2025.
Kirjalližus
- Казакова, О., Кошелева, С. Ночь музеев во Франции как пример современной международной кооперации и общественно-государственного партнёрства // Вестник Кемеровского государственного университета культуры и искусств. — 2023. — № 63.
- Малафий, А. Туризм впечатлений : ресурсы и перспективы развития в Тульской области // Современные проблемы сервиса и туризма. — 2019. — № 2.
- Петрунина, Л. Два лица одного музея. "Ночь музеев" в Третьяковской галерее // Телескоп: журнал социологических и маркетинговых исследований. — 2012. — № 6.
- Черткова, М. А., Аксенова, Л. В., Каримова, Э. Т. Международная акция «Ночь музеев» в Учебном ботаническом саду им А.Г. Генкеля ПГНИУ // Ботанические сады в современном мире. — 2024. — № 6. — doi:10.24412/cl-36595-2024-6-169-171.