Aleksandr Barancev

Aleksandr Pavlovič Barancev
Aleksandr Pavlovič Barancev
Roindupäivy	20. sulakuudu 1931
Roindupaikku	Pelduoine, Priäžän piiri, Karjalan avtonoumine sicialistine nevvostotazavaldu, Nevvostoliitto
Kuolendupäivy	2012
Mua	Nevvostoliitto, Ven'anmua
Tiedoala	kielitiedo
Ruadokohtu	Ven'an tiedoakadiemien Karjalan tiedokeskuksen Kielen, literatuuran da histourien instituuttu
Opastus	Petroskoin valdivonyliopisto
Oppiarvo	filolougientiedoloin kandiduattu
Tiedo-ohjuaju	Paul' Ariste
Tundietah	karjalan kielen lyydin murdehen tutkii, Karjalas enzimäine lyydin murdehen paginluavun kniigan kirjuttai

Aleksandr Pavlovič Barancev (20. sulakuudu 1931 - 2012) on Nevvostoliiton da Ven'an tiedomies, karjalan kielen lyydin piämurdehen tutkii.

Eloskerdu

Aleksandr Pavlovič Barancev oli roinnuhes 20. sulakuudu vuvvennu 1931 Karjalan avtonoumizes sicialistizes nevvostotazavallas Priäžän piirin Pelduoine-kyläs. Hänen vahnembat Pavel Ivanovič da Anna Ignatjevna Barancevat oli roittuhes täh kyläh.

Vuvvennu 1945 evakospäi tulduu Barancevan pereh rubei elämäh Petroskois.

Vuozinnu 1947-1951 Barancev opastui Petroskoin arhitektuururakendustehnikumas. Jälles armiedu ruadoi Petroskois Specstroikantoras.

Vuvvennu 1956 Barancev piäzi opastumah Petroskoin valdivonyliopistoh suomelas-ugrilazele ozastole. Loppi sen vuvvennu 1961. Vie yliopistos opastujes Aleksandr Barancev rubei tutkimah karjalan kielen lyydin piämurrehtu - hänen diplomuruavon tiemannu oli "Verbilöin sistiemu karjalan kielen lyydin murdehes".

Tutkimusruado

Vuozinnu 1961-1965 Barancev opastui zaočno Nevvostoliiton tiedoakadiemien Karjalan ozaston Kielen, literatuuran da histourien instituutan aspirantuuras Suomelas-ugrilaine kielitiedo -alal. Hänen ohjuajannu oli Eestin socialistizen nevvostotazavallan Tiedoakadiemien akadiemiekku Paul' Ariste.

Vuvvennu 1963 Barancevua otettih ruadoh nuorimannu tiedoruadajannu Kielen, literatuuran da histourien instituutan kielitiijon ozastoh. Sie häi ruadoi läs 30 vuottu. Kylmykuul vuvvennu 1965 tutkii loppi aspirantuuran da talvikuul vuvvennu 1971 puolisti Tarton yliopistos kandiduatan väitöskirjan "Lyydin paginluavun fonolougizis keinolois" da 21. pakkaskuudu vuvvennu 1971 sai filolougientiedoloin kandiduatan oppiarvon^[1].

[Karjalan tiedokeskuksen Kielen, literatuuran da histourien instituuttu|Kielen, literatuuran da histourien instituutas]] ruadajes Aleksandr Barancev kirjutti mondu tiedokirjutustu karjalan kielen lyydin piämurdehes. Niilöin luvus ollah tiedokirjutukset: «О некоторых особенностях глагола людиковского диалекта карельского языка» (1962), «О фонологическом статусе палатализованных контоидов людиковских говоров» (1966), «О структуре консонантных групп в людиковском диалекте карельского языка» (1966), «Фонематика людиковского диалекта карельского языка» (1967), «Случаи мены языка в речи карел-людиков» (1971) da toizii^[1] .

Kaikkiedah Aleksandr Baranceval oli piässyh ilmah enämbi 50 tiedoruaduo da häi oli enzimäzenny Nevvostoliiton da Ven'anmuan tutkijois, ken julgai "Lyydin murdehen paginluavut". Häi kirjutti lyydin piämurdehen pyhärven paginluavut Pelduoine-kyläs rodivunnuos Anna Ignatjevna Barancevas vuozinnu 1963-1973.

Aleksandr Barancev on erähii ven. Сопоставительно-ономасиологическом словаря диалектов карельского вепсского, саамского языков -sanakniigan luadijoi, kudamas on karjalan kielen lyydin piämurdehen nelli paginluaduu: Kondupohjan piirin Koikarin da Haljärven kylien paginluavut, Anuksen piirin Kuujärven kylän da Priäžän piirin Pyhärven kylän paginluavut.

Karjalan tiedokeskuksen tiedoarhiivas on ruokos Aleksandr Barancevan Karjalan kielen lyydin murreh (Pyhärven foneetiekku da morfolougii) -monogruafien käzikirjutus.

Tutkijan erähii julgavoloi

Фонологические средства людиковской речи [Текст] : Автореферат дис. на соискание ученой степени кандидата филологических наук. (666) / Тартуский гос. ун-т. - Тарту : [б. и.], 1971. - 23 с.
Баранцев, Александр Павлович. Фонологические средства людиковской речи [Текст] : (Дескриптивное описание) / АН СССР. Карел. филиал. Ин-т яз., литературы и истории. - Ленинград : "Наука", Ленингр. отд-ние, 1975. - 280 с.; 22 см.
Баранцев А.П. Образцы людиковской речи : Образцы корпуса людик. идиолекта, [запис. от А.И. Баранцевой]. - Петрозаводск : Карелия, 1978. - 27 см

Huomavukset

↑ ¹ ² A. P. Barancev

Kirjalližus

Баранцев А.П. //Ученые Карельского научного центра Российской Академии наук. Биографический словарь. 2012. С.350-351
Виртаранта, Пертти. Этюды о карельской культуре : Люди и судьбы : [Пер. с фин.] / Пертти Виртаранта. - Петрозаводск : Карелия, 1992. - 285,[2] с. : ил.; 21 см.; ISBN 5-7545-0243-5 : Б. ц.

Linkat

[A._P._Barancev-1] ¹ ² A. P. Barancev

[1]