Oma Mua

Tarkastettu kirjutus

Oma Mua
Tiippu	yhteiskundupoliittine
Formuattu	А3
Omistai	Periodika-julguamo
Julguamo	Periodika-julguamo
Piätoimittai	Natalja Sinickaja
Perustettu	1990
Kieli	karjalan kielen livvin murreh
Ilmahpiäzendykerrat	kerran nedälis
Piätoimisto	Karjalan tazavaldu, Petroskoi, Titovan uuličču, 3
Painandulugumiäry	440
ISSN	0110-9278
Verkosivusto	omamedia.ru/publication/oma_mua/

Oma Mua on vuvvennu 1990 perustettu karjalankieline yhteiskundupoliittine lehti. Sen haldivoiččijoinnu ollah Karjalan tazavallan Zakonoinluajindukerähmö, Karjalan tazavallan halličus, Karjalan Rahvahan Liitto da Periodika-julguamo.

Lehtie tilatah da lugietah Karjalan tazavallas da sen ulgopuolel, rajan taguagi: Suomes, Ruočis da toizis mualois.

Lehten piätoimittajannu on Natalja Sinickaja.

Histourii

"Oman Muan" enzimäine noumeru piäzi ilmah 8. kezäkuudu, vuvven peräs kui Karjalan avtonoumizen socialistizen nevvostotazavallan Ministroin Nevvoston Prezidiumu oli hyväksynnyh karjalan kielen kirjaimikon latinalazel pohjal.

"Oman Muan" toine noumeru piäzi ilmah vaste 1. syvyskuudu vuvvennu 1990, kolmas — 7. kylmykuudu, nelläs — talvikuun allus. Alalleh, joga nedälii, lehti rubei piäzemäh ilmah vuvves 1991 algajen.

Lehten alguhpanijoinnu oldih kieliaktivistat Pekka Zaikov, Tatjana Klejerova da Akilan Iivan. "Oman Muan" enzimäzekse piätoimittajakse rodih žurnalistu Viktor Makarov, tundietun karjalan kielen tutkijan da karjalan kielen sanakniigan luadijan Grigorii Makarovan poigah. Vuvven peräs, vuvvennu 1991, lehten piätoimittajakse tuli Vladimir Kettunen, tundiettu lehtentoimittai, kudai enne sidä ruadoi Karjalan Sanomat -lehten toimitukses. Toimituksen enzimäzii ruadajii oldih Vera Hämäläinen, Valentina Kiuru, L'ubov' Arefjeva (Baltazar), Viktor Trošev.

Silloi lehten keskimäine painosmiäry oli puolitostu-kaksituhattu palua da se oli nellisivuine. Sit oli materjualua karjalan kielen livvin da vienankarjalan murdehel.

Vuvvennu 2000 "Oman Muan" sijah rodih kaksi lehtie: vienankarjalan murdehel rubei piäzemäh ilmah Vienan Karjala -lehti, a "Omua Muadu" ruvettih luadimah livvin murdehel.

Vuvvennu 2013 lehtet uvvessah yhtistettih, rodih yhtehine Oma Mua -lehti, kudai rubei piäzemäh ilmah kaikil karjalan kielen murdehil: livvikse, vienankarjalakse dai lyydikse.

"Oman Muan" kujo Petroskois

Lehten kunnivokse Petroskoin erähäle kujole on anettu "Oman Muan" kujo -nimi.

Lehten painosmiäry on 440 palua. Toimitukses luajitah sežo lehten pdf-versiedy.

Formuattu

Allus Oma Mua -lehti piäzi ilmah nelläl sivul da oli mustuvalgei.

Vuvves 2009 livvinkielizes Oma Mua -lehtes oli 8 sivuu da vuvven 2011 pakkaskuus sen pdf-versii on värilline.

Vuvves 2013 algajen Vienan Karjala -lehtenke yhtistynnyh "Oma Mua" rubei piäzemäh ilmah 12 sivul.

Vuvven 2016 oraskuus lehti on värilline.

Vuvves 2025 lehti piäzöy ilmah kaheksal sivul mustuvalgiennu.

Piätoimittajat

• Vladimir Kettunen (1990—2000);
• Larisa Nikitina (2000—2004);
• Natalja Sinickaja (2004—2017);
• Ol'ga Melentjeva (2017—2019);
• Ol'ga Smotrova (2019—2025);
• Natalja Sinickaja (vuvves 2025).

Toimittajat

Endizet toimittajat

• Raisa Remšujeva
• Vera Hämäläinen
• Marina Mihailova
• Nina Mihailova
• Vladimir Romanov
• Mihail Kallijev
• Arina Timonen
• Pavel Mihailov
• Oleg Georgijevskii
• Marina Viglijeva
• Santtu Karhu
• Galina Lettijeva
• Jelena Migunova
• Natalja Antropova
• Jelena Ruppijeva
• Natalja Vorobei
• Alina Čuburova
• Ksenija Buravova
• Ol'ga Dubitskaja
• Elina Potapova
• Natalja Kibrojeva

Nygöine toimitus

• Natalja Sinickaja
• Ol'ga Smotrova
• Marija Spicina
• Uljana Tikkanen
• Margarita Kemppainen
• Aleksandra Lesonen
• Irina Zaitseva
• Valentina Mironova
• Natalja Antonova
• Ol'ga Ogneva
• L'ubov' Baltazar
• Nadežda Mičurova

Huomavukset

Kirjalližus

• Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД "ПетроПресс", 2009. С. 319—464 с.: ил., карт. ISBN 978-5-8430-0125-4 (т. 2)
• "Oma Mua" — uvven sanaston luadii da livuttai // Taival. — 2020. — С. 77—82.

Linkat

• Oma Media. Oma Mua.
• Oma Mua -lehten joukko VKontaktes