Periodika-julguamo

Karjalan tazavallan
avtonoumine laitos
Periodika-julguamo
Karjalan tazavallan ; avtonoumine laitos; Periodika-julguamo
	; Julguamon taloi German Titovan uuličal, 3
Perustettu	1991
Mua	Ven'anmua
Adressi	185035, Ven'a, Karjalan tazavaldu, Petroskoi, G. Titovan uuličču, 3
Johtai	Jevgenija Aleksandrovna Šustova
Verkosivusto	omamedia.ru
	Информация на РУВИКИ.Данные ?

Tarkastettu kirjutus

Periodika-julguamo (Karjalan tazavallan avtonoumine laitos Periodika-julguamo) on valdivolline julguamo Petroskoin linnas. Julguamo piästäy ilmah kansalliskielizii lehtilöi, žurnualoi da kniigoi.

Julguamon johtajannu vuvves 2017 on Natalja Sinitskaja^[1].

Yleistiijot

Periodika-julguamo on perustettu vuvvennu 1991 kanzalliskielizien lehtilöin ilmah piästämizekse^[2]. Allus algajen julguamoh kuului kaksi kanzalliskielizien lehtilöin toimitustu: "Karjalan Sanomat" da "Oma Mua". Vuvven 1993 lopus "Periodikah" rubei kuulumah Carelia-žurnualan toimitus, vuvvenu 1994 – Kodima-lehten toimitus, vuvvennu 1995 – Kipinä-žurnualan toimitus. Vuvvennu 1995 kai Karjalan tazavallan karjalan, suomen da vepsänkielizet lehtet da žurnualat ruvettih piäzemäh ilmah Periodika-julguamos.

Julguamon haldivoiččijoinnu ollah Karjalan tazavallan halličus, Karjalan tazavallan Zakonoinluajindukerähmö, Karjalan tazavallan Kanzallizen da alovehellizen poliitiekan ministerstvu, Karjalan tazavallan opastanduministerstvu da yhteiskunnallizet yhtistykset^[3].

Vuvvennu 2018 Periodika-julguamos perustettih Karjalazien, vepsäläzien da suomelazien resursukielikeskus^[4]. Sen tarkoituksennu on karjalan, vepsän da suomen kielen säilyttämine da kehittämine. Kielikeskus on monien tapahtumien piendypaikannu, sit ruadau kirjasto, kielikursat^[5].

Vuvvennu 2020 julguamo luadi kanzallizen Oma Media -mediaportualan karjalan, vepsän, suomen, ven'an da anglien kielel, kudai yhtisti kaikkii julguamon joukkoviestimii^[6].

Julguamon johtajat

Lidija Rämönen (1991-2013);
Aleksei Makarov (2013-2017)^[7];
Natalja Sinitskaja (vuvves 2017 algajen)^[8],
Jevgenija Šustova (vuvves 2025)^[9].

Julguamon lehtet da žurnualat

Oma Mua-lehti, piäzöy ilmah joga nedälii karjalan kielel. Lehti perustettih 8. kezäkuudu vuvvennu 1990.
Karjalan Sanomat-lehti, piäzöy ilmah joga nedälii suomen kielel. Lehti perustettih 5. ligakuudu vuvvennu 1920, se on Karjalan nygözis lehtilöis vahnin^[10].
Kodima-lehti, piäzöy ilmah joga nedälii vepsän da ven'an kielel. Lehti perustettih vuvvennu 1993, sulakuul^[11].
Kipinä-žurnualu, lapsien žurnualu karjalan, vepsän da suomen kielel. Piäzöy ilmah kerran kuus. Žurnualu perustettih vuvvennu 1986, elokuul. Vuvvennu 2015 žurnualu sai Sampo-palkindon^[12]^[13].
Carelia-žurnualu, piäzöy ilmah suomen kielel kaksi kerdua vuvves. Toimitukses ližäkse luajitah kaksi al'manuahua vuvves:Taival-al'manuahu karjalan kielel da "Verez Tullei" vepsän kielel. Carelia-žurnualu perustettih vuvvennu 1928, kevätkuul^[14].

Vuvves 2016 kai Periodika-julguamon lehtet da žurnualat piästäh ilmah värillizinny^[15].

Kniigoin painandu

Julguamo piästäy ilmah kniigua karjalan, vepsän, suomen da ven'an kielil. Niilöin joukos on kaunehliteratuuran kogomustu, opastuskniigua, sanakniigua, paginsanakniigua. "Periodikan" painettuloi kniigoi voibi ostua julguamon verkolaukasgi.

Perindöllizekse on roinnuh julguamon joga vuvven allus piettävy KniiguMelliččy-pido, kudamas ezitetäh mennyön vuvven kniigoi^[16]^[17].

Palkindot

Periodika-julguamo on monien palkindoloin da kunnivokirjazien suannuh. Julguamon ilmah piästetyt kniigat ainos puututah parahien kniigoin joukkoh eri kniigukilvois Karjalan tazavallas da sen ulgopuolel. "Periodikan" kniigat jo kuuzi kerdua roittih parahikse kniigoikse Karjalan tazavallan Vuvven kniigu -kilvas:

Vuvvennu 2018 – ven. Антология современной национальной литературы Карелии / [сост. Н. В. Чикина]^[18]. Kniigu rodih parahakse sežo nominacielois "Paras kniigu karjalan, vepsän da suomen kielel" da ven. «Лучшая книга в области художественной литературы и публицистики».
Vuvvennu 2019 – ven. Народы Карелии : историко-этнографические очерки^[19]. Kniigu rodih parahakse sežo nominacielois ven. «Свет науки», ven. «Искусство книги», ven. «Мой край и его люди».
Vuvvennu 2020 – Усачева Е. В. Карельские беженцы. Дорога домой = Itä-karjalan pakolaiset. Tie kotiin. Kniigu rodih parahakse sežo nominacielois «Карелия=Karjala», ven. «Мой край и его люди»^[20].
Vuvvennu 2021 – ven. «Былины Обонежья»^[21].
Vuvvennu 2022 – "Pedri – kuulužu kuningas"^[22]
Vuvvennnu 2023 – ven. Культурное наследие вепсов. Культурное наследие вепсов : (по материалам этнографических экспедиций под руководством В. В. Пименова)^[23]. Kniigu rodih parahakse kilvan toizisgi nominacielois, kui «Карелия=Karjala», ven. «Свет науки», ven. «Мой край и его люди».
Vuvvennnu 2025 – Nina Zaicevan kniigu "Minun vepsläine oza" piäzi III sijale Julgavo, kudamas rodieu panos kul'tuuroin dialogah -nominacies XI Kanzoinvälizes kanzallizen kniigan festivualis "Lugii muailmu"^[24].

Tiluandu

"Periodikan" lehtilöi da žurnualoi voibi tilata poštan kauti, julguamos da julguamon verkosivustol.

"Oma Mua" da "Karjalan Sanomat" luajitah omien lehtilöin pdf-versiet. Tilata niidy voibi julguamon verkosivustol da julguamos.

Huomavukset

Linkat

[1] В издательстве «Периодика» в Карелии назначен новый директор

[2] Читать на своём

[3] Oma Media. Julguamoh nähte

[4] Ресурсный центр карелов, вепсов и финнов создадут на базе «Периодики»

[5] Oma Media. Resursukielikeskus

[6] В год 100-летия Карелии начинает работу Мультиязычный медиапортал Oma Media

[7] В информагенстве «Республика» назначен новый директор

[8] В издательстве «Периодика» в Карелии назначен новый директор

[9] Сегодня назначен новый генеральный директор АУ РК «Издательство «Периодика» (рус.). vk.com (26. kevätkuudu 2025). Kačondan päivymiäry: 9. ligakuudu 2025.

[10] Финский стиль

[11] Oma Media. Kodiman histourii

[12] Oma Media. Kipinän histourii

[13] Karjalan kirjalližuskartu. Kipinä

[14] Финская Carelia

[15] Karjalan Tv. Viestit-Karjala. Karjalan- da suomenkielizii lehtilöi pienendetäh

[16] «KniiguMelliččä-2021» – новые книги издательства «Периодика»

[17] KniiguMelliččä järjestetään Petroskoissa

[18] «Книга года Республики Карелия - 2018»

[19] Книга года Республики Карелия 2019

[20] Книга года Республики Карелия 2020

[21] Книгу года – 2021 назвали в Карелии

[22] Книгой года в Карелии стало красочное издание «Пётр – знаменитый царь»

[23] Торжественная церемония награждения победителей республиканского конкурса «Книга года Республики Карелия – 2023»

[24] Издательство "Периодика" – в числе победителей "Книги года" (рус.). omamedia.ru (7. ligakuudu 2025). Kačondan päivymiäry: 9. ligakuudu 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

Periodika-julguamon lehtet da žurnualat
Lehtet	Karjalan Sanomat (suomen kielel) Oma Mua (karjalan kielel) Kodima (vepsän kielel)
Žurnualat	Kipinä (karjalan, vepsän da suomen kielel) Carelia da sih kuulujat al’manuahat: Taival da Verez Tullei
Verkoportualu	Oma Media (karjalan, vepsän, suomen, anglien da ven'an kielel)