Kipinä
| Kipinä | |
|---|---|
| suom. Kipinä | |
| Tiijosto:Kipinä2015.jpg | |
| Specializacii | lapsien kirjalližus |
| Piäzendykerrat | kerran kuus |
| Kieli | karjalan, vepsän da suomen kieli |
| Toimituksen adressi | 185035, Ven'a, Karjalan tazavaldu, Petroskoi, Titovan uuličču, 3 |
| Piätoimittai | Jana Filimonkova |
| Mua |
 Nevvostoliitto→ Ven'anmua |
| Ilmahpiästäi | Periodika-julguamo |
| Perustandupäivy | 1932 |
| painanduversien ISSN | 0235-134X |
| Verkosivusto | Virralline verkosivusto |
Kipinä (suom. И́скорка) on lapsien žurnualu, kudai piäzöy ilmah joga kuudu karjalan, vepsän da suomen kielel vuorokkai. Sen ilmahpiästäjänny on Periodika-julguamo[1]. Vuvvennu 2015 "Kipinä" sai Sampo-palkindon[2]. Karjalan tazavallas joga školah, kus opastetah karjalan, vepsän da suomen kieldy, suajah Kipinä-žurnualua[3].
Histourii
Žurnualua ruvettih luadimah Piiteris suomen kielel vie XX vuozisuan allus, vuvvennu 1932. Sen enzimäine nimi oli "Pioner". Ga sit nimes terväh kieldävyttih, sendäh ku lugiettih žurnualua ei vaiku pionierat. Nenga "Kipinä" sai oman nimen. Piiteris žurnualu piäzi ilmah kaksi kerdua kuus da luajittih sidä vaiku kaksi vuottu.
Uvvessah "Kipinän" luadimizeh ottavuttih Karjalas vuvvennu 1986. Tämän ruavon alguhpanijannu oli kuulužu karjalaine kirjuttai Jaakko Rugojev. Sih aigah školien suomen kielen opastujile "Kipinän" tilavus oli vältämätöi. Vuvvennu 1989 žurnualal oli 8 000 tiluajua. "Kipiniä" lugiettih Karjalas da rajan tagua: Suomes da Estounies.
Vuvvennu 2011 "Kipinä" rubei piäzemäh ilmah kolmel kielel erikseh: karjalan, vepsän da suomen kielel. Joga kielel vuvven aigua piäzöy ilmah nelli noumerua. Karjalankieline "Kipinä" piäzöy ilmah kahtel karjalan kielen murdehel: livvikse da vienankarjalakse da se on 32-sivuhine. Vepsän- da suomenkielizes "Kipinäs" on 24 sivuu.
Yleistiijot
Toimitukses ruatah karjalan-, vepsän- da suomenkielizet toimittajat. "Kipinän" piätoimittajannu on Jana Filimonkova, taidoilijannu – Ol'ga Demidova.
"Kipinäs" sanellah Karjalan kandurahvahien histouries da perindölöis. Sit on karjalan, vepsän da suomen kielel kirjuttajien kerdomuksii, suarnoi da runoloi, sežo kiännettylöi literatuurutevoksii. Tämän ližäkse žurnualah painetah lapsien taidoruadoloi, sanaristakkoloi, kuva-arbaituksii da komiksoi lapsih nähte.
Vuvvennu 2020 Periodika-julguamo luadi kanzallizen Oma Media -mediaportualan karjalan, vepsän, suomen, ven'an da anglien kielel, kudai yhtisti kaikkii julguamon joukkoviestimii, sit luvus Kipinängi[4].
Piätoimittajat
- Jyrjö Karppanen (1932, žurnualan enzimäine piätoimittai)
- Viktor Husu (1986)[5].
- Galina Lettijeva
- Viktor Paaso[5].
- Nina Rugojeva (1994—1997)[5].
- Irina Kurilo (1997—2004)[5].
- Jekaterina Zaharova (1997—2004)[5]
- Elina B'urkland (2005—2010)[5].
- Natalja Denisova (2010—2012)[5].
- Jana Filimonkova (vuvves 2012 algajen)[5].
Palkindot da arvonimet
- Sampo-palkindo erinomazes panokses Karjalan tazavallan kanzallizen kul'tuuran säilyttämizeh da kehittämizes (2015)[6].
- Vuvvennu 2019 "Kipinä" rodih parahakse ven. Пять лучших этнических изданий России -kilvas nominacies "Paras literatuurutaijolline julgavo"[7].
Kirjalližus
- Ruppijeva, J. V. Livvin opastuskniigu : 7. kluassu : учебник для 7-го класса общеобразовательных организаций / J. V. Ruppijeva ; под редакцией Т. П. Бойко, О. А. Храмцовой ; художник Елена Агафонова. — Москва : Русское слово, 2020. — 1 файл (1,47 Мб) : цв. ил.
Huomavukset
- ↑ Oma Media. Kipinä
- ↑ Журнал «Кипиня» стал лауреатом премии «Сампо» главы Карелии.
- ↑ Журнал Kipinä признан лучшим литературно-художественным изданием
- ↑ В год 100-летия Карелии начинает работу Мультиязычный медиапортал Oma Media
- ↑ 5,0 5,1 5,2 5,3 5,4 5,5 5,6 5,7 Oma Media. Kipinän histourii
- ↑ На праздновании Дня республики деятелям искусства и культуры Карелии вручены премии «Сампо». Kačondan päivymiäry: 7. kezäkuudu 2015. Arhiviiruittu originualaspäi 8. kezäkuudu 2015
- ↑ Журнал Kipinä признан лучшим литературным изданием России на национальном языке