Kodima
| Kodima | |
|---|---|
| Tiijosto:Kodima.jpg | |
| Nimen originualu | veps. Kodima |
| Tiippu | lehti |
| Formuattu | А3 |
| Omistai | Periodika-julguamo |
| Julguamo | Periodika-julguamo |
| Mua | |
| Piätoimittai | Irina Sotnikova |
| Perustettu | sulakuu 1993 |
| Kieli | vepsän kielel |
| Ilmahpiäzendykerrat | 1 kuu |
| Piätoimisto |
Российская Федерация, ул. Космонавта Германа Титова, д.3 |
| Painandulugumiäry | 990 экз. |
| Verkosivusto | omamedia.ru |
Kodima on ainavo Ven'al vepsänkieline lehti, sidä piästetäh ilmas Karjalas Periodika-julguamos.
Yleistiijot
Kodima-lehti on perustettu vuvvennu 1993 Vepsän kul'tuuruseuran kehoitukses. Sen tärgielöi ruadoloi on vepsän kirjukielen kehittämine. Lehten enzimäzenny piätoimittajannu oli filolougientiedoloin douhturi Nina Zaitseva.
Kodima piäzöy ilmah kerran kuus kaheksal sivul vepsän da ven'an kielel. Lehten painandulugumiäry on 600 palua. "Kodimua" lugietah Ven'an kolmes alovehes – Karjalan tazavallas, Leningruadan da Voulogdan alovehel.
Lehten sivuloil suau lugie vepsäläzien uudizii, kirjutuksii vepsän kielen kehitändäs, vepsäläzien kylien eläjis da äijäs muus. "Kodiman" sivuloil suau tuttavuo nygyaigazeh vepsänkielizeh literatuurah. Lehtes on oma čuppu lapsih da vepsän kielen opastujih niškoi, kudamas löydyy mielenkiinittäjiä tehtäviä da kaunehliteratuuran tekstua.
Lehten pitoimittajinnu ruattih Nikolai Fomin, Marina Ginijatullina. Täl aigua lehten piätoimittajannu on Irina Sotnikova.
30-vuozipäivy
Vuvvennu 2023 lehti täytti 30 vuottu. Vuozipäivän hantuzis lehten toimittajat piettih alovehienväline fotokuvien kilbu "Kodikülä – kal'hed ristitud" – "Kodikylä – kallehet ristittyöt". Tämän ruavon sai ruadua Vepsän kul'tuuruseuran Kel' – minun Kodima ("Kieli – minun Kodimua") -projektan aigah, kudamah oli suadu dengukannatustu Karjalan piämehen abudengoin fondaspäi. Kilbah otti ozua 45 hengie Petroskoispäi, Piiterispäi, Karjalan tazavallan, Leningruadan da Voulogdan alovehen vepsäläzis kylispäi. Voittajat oli vallittu kahtes nominacies. Enzimäzes Vepsäläzet kylät -nominacies voiton sai piiteriläine Jegor Frolov Ladva-kuvanke. Toizes Vepsäläzet rahvas -nominacies voittajakse rodih Al’ona Igamberdijeva Piiterispäi kuvanke "Čuajun juondu Ladvan kylän emändänke". Kilbah työttylöin fotokuvien ozuttelu oli ezil Periodika-julguamos. A parahien fotokuvien pohjal Kodima-lehten toimittajat luajittih Vepsäläzet kylät -kalenduaran vuvvekse 2024.
Kirjalližus
Hiloin Anni. Kodima-lehti täytty 30 vuottu (karjalan kielel) // Oma Mua. — 2023. — № 37. — С. 1-3.