Oma Media

Oma Media
URL	omamedia.ru
Kaupalline	ei
Verkosivuston laji	kanzalline mediaportualu
Registracii	ei ole vältämätöi
Kielet	karjalan kieli, vepsän kieli, suomen kieli, ven'an kieli, anglien kieli
Palvelimen sijoittumine	Ven'anmua
Omistai	Periodika-julguamo
Perustai	Periodika-julguamo
Piätoimittai	Mihail Nezvickii
Ruavon algu	23. syvyskuudu vuvvennu 2020
Nygöine stuatussu	toimii
Mua	Ven'a

Oma Media on Karjalan tazavallan kanzalline mediaportualu karjalan, vepsän, suomen, ven'an da anglien kielel.

Yleistiijot

Oma Media portualu on virrallizesti avattu 23. syvyskuudu vuvvennu 2020 Periodika-julguamon pohjal kanzallizien kielien säilyttämizekse da kehittämizekse. Se on ainavoluaduine sit puoles, ku sen piätiijot ollah viijen kielel: karjalan, vepsän, suomen, ven'an da anglien kielel. Uudizii da kirjutuksii suau lugie nelläl kielel: karjalakse, vepsäkse, suomekse da ven'akse.

Oma Media yhtistäy eri Periodika-julguamon joukkoviestimii: karjalankielizen Oma Mua-lehten, vepsänkielizen Kodima-lehten, suomenkielizen Karjalan Sanomat-lehten, karjalan-, suomen- da vepsänkielizen Kipinä- da Carelia-žurnualat.

Portualal on yhtehine uudizien lentu. Uudizii, ihan kui kirjutuksii, voibi eroittuagi joukkoviestimien mugah — joga joukkoviestimel portualal on oma oza. Kai ozat on luajittu samah tabah, jogahizel vai on oma väri oman logotiipan mugah.

Oma Media on uuzi joukkoviestin, kudai tuou ezile Karjalan kandukanzoin omii uudizii. Sen ližäkse kerrommo Karjalan da Ven'an tärgielöis uudizis, sanou portualan piätoimittai Mikko Nezvickii.Oma Mua, 2020, № 36

Oma Media -portualal on sežo karjalan kielen livvin da vienankarjalan murdehen, vepsän kielen alguverkokursoi opastujih da opastajih niškoi, kirjasto, kus suau lugie kniigoi online-formuatas, verkolaukku, kudamas voibi ostua Pertiodika-julguamon ilmah piästettylöi kniigoi. Mieldy kiinitetäh Oma radio- da Oma video -ozat. Enzimäzes suau kuunnelta Periodika-julguamon joukkoviestimien kirjutuksii, on pajuo, runuo, suarnua da muudu kuuneltavua kanzallizil kielil. Oma video -ozas on karjal-vepsäläzen KV-šoun da Kukirikku-juumoružurnualan fil'moi, karjalan da vepsän kielen videourokkoi, kudamat on luajittu ven. Легко сказать?! -projektan aigua.

Vuvves 2024 portualal on oma Telegram-kanualu.

Syvyskuul vuvvennu 2025 Oma Media täytti viizi vuottu. Portualan piätoimittai Mikko Nezvickii sanoi:

Viijes vuvves Oma Media valmisti enämbän 9 000 uudistu da enämbän 1 000 pitkiä kirjutusti karjalakse, vepsäkse, suomekse da ven’akse. Uudizii kirjutetah Periodika-julguamon lehtien da žurnualoin ruadajat. Oma Media julguau uudizii da kirjutuksii tazavallan elaijan eri puolis: ekonoumiekku, kul’tuuru, tevolližus, muatalovus, sociualuala, erillizeh voinuoperacieh yhtynyzien kannattamine da opastus.Oma Media

Palkindot

• Vuvvennu 2021 Oma Media rodih V Kogo Ven'an yhteiskunnallizen Kl'učevoje slovo -palkindon voittajakse nominacies "Paras mul'timediiprojektu". Palkinduo juatah vuvves 2017 algajen da sen tarkoituksennu on Ven'an kielimoniluadužuon säilyttämine
• Vuvvennu 2024 Oman Median taoimittajien luajittavu Kukkirikku -juumoružuarnualu kanzallizil kielil puutui Kogo Ven'an Jevruazien iäni (ven. "Голос Евразии") -kilvan laureatakse nominacies "Paras programmu lapsih da nuorižoh nähte"

Huomavukset

Kirjalližus

• Margarita Pehkonen. Oma Media on meidän uusi media // Karjalan Sanomat. — 2020. — 23. syvyskuudu (№ 36).
• Margarita Pehkonen. Oma Media on meijän uuši media // Oma Mua. — 2020. — 23. syvyskuudu (№ 36).
• Margarita Pehkonen. Oma Media: vuosi verkossa // Karjalan Sanomat. — 2021. — 22. syvyskuudu (№ 36).

Linkat

• Oma Media. Kl'učevoje slovo -palkindo: Oma Media voittajien joukos
• Karjalan tazavallan 100-vuozipäivänny Karjalas rubieu ruadamah monikieline Oma Media -mediaportualu
• Viestit-Karjala. Oma Media portualan tärgevyös sanelou sen piätoimittai Mikko Nezvickii
• Viestit-Karjala. Oma Media 3-vuotias