Jessoilu

Jessoilu
Mua	Ven'a
Koordinuatat	61°50′48″ с. ш. 33°12′17″ в. д.GЯO
Rahvastu	▲3 175 hengie (2021);
Poštuindeksat	186137

Jessoilu (suom. Jessoila, ven. Эссойла) on kylä Priäžän kanzallizes piiris Karjalan tazavallas Ven'al.

Jessoilan kyläkunnan johtajakse valličukses syvyskuul vuvvennu 2025 vallittih Lidija Anatoljevna Pajusova.

Muantiedo

Jessoilu on sijoitunnuh Siämärven suvirannal. Jessoilaspäi piirin keskuksessah Priäžässäh on läs 50 kilometrii, Karjalan piälinnah Petroskoissah on läs 70 kilometrii. Jessoilas poikki menöy raududorogu da ajotie A133 Petroskois Suojärveh.

Nimi

Kylän nimi on ottanuh allun ristikanzan pravosluavizes nimes Jessoi, Dessoi (ven. Ефим), kudamah liittyy paikkua merkiččii juondeh -lu^[2] от карельского имени karj. Jessoi, D’essoi — рус. Ефим^[3]. On olemas toiziigi nimen sellityksii, ezimerkikse, zuakkunois Pedri Suures, ga niilöil ei ole tiijollistu pohjua.

Järvi

Histourii

Alguudah myöte Jessoilu oli ylen pienenny hierunnu, kudai kuului enzimäi Siämärven da sen jälles Ugmoilan prihodah. Kyläs oli pieni Pyhän Paraskevan časounu. Sen rinnal oli vahnu kalmisto.

Vuvvennu 1782 Jessoilas eli vai viizi suurdu perehty, kudamih kuului vähästy enämbi 50 hengie. Vuvvennu 1926 kyläs oli jo 32 taloidu, a rahvahanlugu kazvoi 220:h hengie.

Vuvvennu 1924 Jessoilas rodih Petroskoin piirikunnan Siämärven voulostin piäkylä. Vuvvennu 1959 Siämärven da Kungojärven kylänevvostoloin liitettyy rodih Jessoilan kylänevvosto.

XX vuozisuan loppupuolel Jessoilu on kazvanuh suureh pos'olkah enämbi 3000 eläjänke.

Rahvas

Rahvahanluvun tiedoloin mugah vuvvennu 2013 Jessoilas eli 1742¹ hengie, verduamizekse vuvvennu 2010³ oli 1790, vuvvennu 2009² — 2240 hengie.

Tundietut jessolčat

Aleksandr Lukič Volkov (1928—2020) — karjalaine runoilii, kirjuttai, kiändäi, Karjalan tazavallan rahvahan kirjuttai.

Infrastruktuuru

Opastus da kul'tuuru

Kläs ruadau keskiškola, kudai rodih Petroskoin valdivonyliopiston stratiegizekse yhtesruadajakse^[4].

Mustomerki Jessoilas

Ruadau päivykodi, kirjasto, etnokul'tuurukeskus "Kielen kirju", kudai on karjalan kielen da karjalazen kul'tuuran säilyttäjänny da kehittäjänny^[5].

14. ligakuudu vuvvennu 2006 kyläs pyhitettih Pokrovan časounu^[6].

Transportu

Kylän alovehel on Okt'abr'skaja-raududorogan Jessoilu-stansii, kudai on 466,9 kilometril Suojärvi — Petroskoi -liiniel.

Tämän ližäkse kyläs mennäh tazavallan da piirin dorogat: Petroskoi — Suojärvi, Jessoilu — Nuožarvi.

Mustomerkit da nähtävykset

Vuvvennu 1995 vahnal kalmistol on nostettu kumardusristu, voinientoris da repressieloin aigua kuolluzien mustokse.
Vuvvennu 1996 on rakendettu Pyhä Miikulan kirikkö⁴.
Kyläs on äijy hyvin säilynytty karjalastu taloidu.
15 kilometrua pohjazeh päi Jessoilas on eriže suojeltavu luonnonaloveh — Merisuo, sen pindu-ala on 487,4 gektuarua.

Huomavukset

↑ https://rosstat.gov.ru/storage/mediabank/Tom1_tab-5_VPN-2020.xlsx
↑ Dessoilan kylä (kar.) (недоступная ссылка — история).
↑ История и культура Сямозерья / Под. ред. В. П. Орфинского, И. Е. Гришиной, А. П. Конкка, И. И. Муллонен, В. Д. Рягоева. Петрозаводск, 2008.— 816 с. ил. ISBN 978-5-8021-0906-9
↑ МОУ "Эссойльская средняя общеобразовательная школа"
↑ Этнокультурный центр "Киелен Кирью"
↑ В поселке Эссойла Пряжинского района появилась еще одна часовня

Linkat

[_a52c0e625b0def47-1] ttps://rosstat.gov.ru/storage/mediabank/Tom1_tab-5_VPN-2020.xlsx

[2] Dessoilan kylä (kar.) (недоступная ссылка — история).

[3] История и культура Сямозерья / Под. ред. В. П. Орфинского, И. Е. Гришиной, А. П. Конкка, И. И. Муллонен, В. Д. Рягоева. Петрозаводск, 2008.— 816 с. ил. ISBN 978-5-8021-0906-9

[4] МОУ "Эссойльская средняя общеобразовательная школа"

[5] Этнокультурный центр "Киелен Кирью"

[6] В поселке Эссойла Пряжинского района появилась еще одна часовня

[1]

[2]

[3]

[4]

[5]

[6]