Halliččijan sadu

On otettu Рувики-späi
Государев сад
Государев сад, Петрозаводск.jpg
Piätiijot
Lajiymbäri vuvven ruadai 
Pinduala13 gektuarua
Perustandupäivyvuvvennu 1720 
Sijoittumine
61°47′17″ с. ш. 34°23′20″ в. д.GЯO
LinnuPetroskoi 
Логотип РУВИКИ.Медиа Медиафайлы на РУВИКИ.Медиа
Герб России

Ven'an Federacien kanzoin
kul'tuuruperindön objektat

Halliččijan sadu (ven. Государев сад[1]) on kul'tuuru- da huogavopuusto Karjalan tazavallan piälinnas Petroskois Oniegujärven rannal. On Ven'an vahnimii puustoloi. Kuuluu Karjalan tazavallan kul'tuuruperindön objektoih[2].

Yleistiijot da sijoittumine

Puusto on Petroskoin linnan histouriellizes keskukses — Petroskoin linnan perustandukohtas, kus oldih linnan tsuari Pedri I:n enzimäzet perustetut zavodat, Oniegujärven rannal. Sidä ymbäröijäh Karl Marksan prospektu, Faddein da Lunačarskoin uuličat, Lohijogi.

Puusto on suvaittavimii huogavokohtii linnas da monien tapahtumien piendypaikannu.

Nimet

Eri vuozinnu savul oldih eri nimet:

  • Koivuroššu;
  • Petrovskoin sadu;
  • Petrovskoin puusto;
  • Kezäsadu;
  • Linnan Yhteiskunnalline sadu;
  • Yhteiskunnalline sadu;
  • Huogavon sadu;
  • Kul'tuuru- da huogavokeskussadu;
  • Kul'tuuru- da huogavopuusto;
  • Halliččijan sadu[3][4][5].

Vuvvennu 2021 puusto sai oman histouriellizen Halliččijan sadu -nimen[6][7].

Histourii

Vuozinnu 1720 Dvorčan tervehyönhoidolah kävves imperuattoru Pedri I nelli kerdua oli käynnyh Petrovskoin zavodale  (ven.) (olo.. Imperatricah niškoi sie oli nostettu kaksikerroksine puuhine dvorču avvonazen galdarinke da matkustajien kirikkö. Aloveh dvorčas da kirikös ymbäri oli puhtastettu kuuzis da istutettu tulien puuston — "Koivurošan" — enzimäzil puuloil oigieloile kävelykujoloile.

Puusto luajittih francielazien barokkosaduloih luaduh: levei piäkävelykoja dvorčan os’saspäi, kalategolambi (dvorču ei ole säilynyh, tegolammes luajittih fontuanu "Päivykukkaine")[8].

Puuston keskipuolel oli parter — avvonaine kohtu, kudaman reunoi myöte oli istutettu koivuloin oigiet riävy.

Puustos oli Pedri I:n matkustajien brezentykirikkö (kivi, kus oli altari, on säilynyh).

Jekaterina II:n aigah hyväksytyn linnan piäpluanan mugah roššu säilytettih mustonnu Pedri Suures da nostandu sie oli kielletty.

Puusto hil'l'akkazin kazvoi, sih rubei kuulumah enizen Petroskoin rauduzavodan aloveh, Kipučki, XX vuozisual — endizen Lohijoven meččyzavodan aloveh.

Vuvvennu 1803 puustol oli suuri vahingo torokas, oli kuadunuh enämbi seiččiekymmendy puudu[9].

Vuozinnu 1819—1820, jälles imperuattoru Aleksandru I:n Petroskoih käyndiä da puolelleh hyll6tytn Petrovskoin savun kačondua, yhteiskunnallzien savun pinduala suurendettih, istutettih uuttu puudu, nostettih paviljonua, a sulakuul vuvvennu 1824 Anuksen gubernuattoran A. I. Rihlevskoin  (ven.) (olo. alguhpanos sit kohtas, kus oli Pedri Suuren matkustuskirikön kivi, azetettih Pedri I:n rinduvestos čugunas (vuvvennu 1964 rinduvestos viettih Dvorčan tervehyönhoidolah)[10][11].

Halliččijan savun arhiivukuva

Silloi sadu sai Yhteiskunnallizen savun nimen, sidä sežo sanottih Kezäsavukse. Kezän aigua sidä käytettih rahvahan ilaškoitandah nähte, sie piettih rahvahan pruazniekkoi, soitti orkestru, oldih ilolaittehet — liedžut, gigantuaskellaittehet. Eri aijoinnu kezän aigua piäzy puustoh oli maksolline, nämmä dengat mendih puuston kunnostamizeh.

Vuvvennu 1858 imperuattoru Aleksandru II:n tulendakse savus paviljonan tyveh nostettih jyrky terrasu paččahienke[12].

Vuvves 1850 vuodessah 1872 puustos oli tansivokzualu, sen nosti petroskoilaine kauppumies Mark Pimenov[13], se paloi yöl 25. da 26. kevätkuudu vuvvennu 1872[14]. Vuvvennu vokzualu (lebokoda) nostettih uvvessah arhitektoru Mihailovskoin projektan mugah[15].

Vuvvennu 1878 avattih muuzikkuzualu. Sil aigua puusto puaksuh annettih vuograh rahvahale, ezimerkikse, Avstrien kanzalazele N. F. Višnevskoile, Prussien kanzalazele Šmidtale[16], kudamat sit kunnostettih puustuo.

Vuozinnu 1884—1885 lijas puhtastettih tegolambi, sen reunoi myöte azetettih kivilöi. Azuttih kaheksa vestettyy kukkuvaguo, kudamile istutettih kukkua douhturi Regel’an pomolougizes savuspäi, savun keskuksespäi luajittih uuzi troppaine konzulienne olemas olijah grouttah da terrasan luo sen piäl. Petroskoin linnan duumu piästi ilmah saduh käyndysiändölöi (se oli avvoi oraskuus elokuussah). Uvvessah kunnostetun alahazen savun vardoiččemizekse nostettih uuzi paviljon[17].

Vuvvennu 1891 puustoh azetettih enzimäine karuselli.

Vuvvennu 1897 petroskoilaine kauppumies M. P. Pikin ilmai azui sähköt puustoh sähköstansiespäi, kudai oli ei loitton puustos olijal meččyzavodal.

Vuvvennu 1900 petroskoilaine kauppumies G. J. Pimenov nosti tansipaviljonan, savus ymbäri uvvessah luajittih aidu.

Vuozinnu 1900 puustoh azuttih luistelikko[18].

Vuozien 1920 loppuh mennes puuston aloveh suureni Spuasan Ylähnouzemizen  (ven.) (olo., Pedrin da Puavilan kirikön  (ven.) (olo. alovehien vuoh, ku nämmä kiriköt palettih vuvvennu 1924. Linnan puustoh liitettih endizen Miikulan lapsien suojuspaikan savut da kazvosmuat[11].

Jälles vallankumovustu puustos oli kirjasto-luguperti, kezäkinoteatru, fotokuvuamo, kezän aigua — ilolaittehet da restoruanu. Suuren Ižänmuallizen voinan aigah puustole rodih suuri vahingo, äijät huonukset oli hävitetty.

Vuvvennu 1949 arhitektoru M. G. Starčenkon projekan mugah nostettih kezäkinoteatru, kudai paloi vuozinnu 1970[19].

Nevvostoliiton aigah puuston alovehele azetettih ilolaittehet, kiža- da tansilagevot, tennшssukortu, käzimiäččylagevo, Vihandu teatru, fontuanu (täl aigua ei rua)[20].

Talvel vuozinnu 1950—1970 ruadoi luistelikko — jiäkur’oistadion jaksavustiloinke, piettih paikallizien joukkovehien harjaitteluloi da kižoi, ruadoi taidoluistelijoin sekcii. Vuozinnu 1960—1970 puustos ruadoi planetuarii, kudamas piettih paginoi tiähtientiijos, ozutettih fil’moi kosmosas da kosmonaftois[21]. Lugupaviljonas piettih samanaigazii šahmattukižoi[22].

Pakkaskuul vuvvennu 1977 puustos rubei ruadamah pyörii kačonduratas (korgevus 30 metrii)[23].

Vuvvennu 1996 puustoh luajittih kumardusristu (luadii D. Polenkov) sen kohtan luo, kus seizoi Pedrin da Puavilan kirikkö (1710—1924)[24].

Vuvvennu 2003 azetettih mustomerki Petrovskoin zavodoin perustandukohtal (arhitektoru J. Icekson).

Puuston alovehel kazvau 221 lajii kazvii, niilöin joukos introduciiruittuloi lajiloi — Frazeran pihtu, milovidnoi pihtu, japounien lehtikuuzi, berlinan toppoli da muut[25].

Objektat

Halliččijan savus ruadau ilolaittehien puusto, koufeilu, pieni zooparku, ponikluubu[4].

Pyörii kačonduratas puustos
Pieni zooparku Halliččijan savus
Toimimatoi fontuanu Halliččijan savus

Huomavukset

  1. ↑ Наименования улиц на карельском языке. Kačondan päivymiäry: 12. elokuudu 2025. Arhiviiruittu 23. sulakuudu 2021
  2. ↑ Приказ Управления по охране ОКН РК от 17.08.2018 № 141. Kačondan päivymiäry: 12. elokuudu 2025. Arhiviiruittu 19. kylmykuudu 2019
  3. ↑ Петровские памятники и памятные места Петрозаводска (рус.). Министерство культуры Республики Карелия. Национальный архив Республики Карелия. Kačondan päivymiäry: 11. elokuudu 2025.
  4. ↑ 1 2 Парк культуры и отдыха Государев сад (рус.). Парк культуры и отдыха Государев сад. Kačondan päivymiäry: 11. elokuudu 2025.
  5. ↑ Гайдук С. Г. Топонимы Петрозаводска: улицы и парки. — М., 2017. — 391 с.
  6. ↑ Петровские памятники и памятные места Петрозаводска (рус.). Министерство культуры Республики Карелия. Национальный архив Республики Карелия. Kačondan päivymiäry: 11. elokuudu 2025.
  7. ↑ Не прогуляться ли нам в Государев сад? (рус.). Газета "Лицей" (31. pakkaskuudu 2021). Kačondan päivymiäry: 12. elokuudu 2025.
  8. ↑ Ициксон Е. Петровский парк. Kačondan päivymiäry: 12. elokuudu 2025. Arhiviiruittu 11. pakkaskuudu 2019
  9. ↑ Митрофанов А. М. Записки старого петрозаводчанина. — Петрозаводск: Карелия, 1987. — 102 с.
  10. ↑ Пашков А. М. Филимончик С. Н. Петрозаводск. — СПб.: Карелия, 2001. — 38 с.
  11. ↑ 1 2 Пашков А. М. Филимончик С. Н. Сады и парки в истории Петрозаводска. — Петрозаводск: Карелия, 2003. — 160 с. — ISBN 5-8430-0082-6.
  12. ↑  // Олонецкие губернские ведомости. — 1858. — 19. heinykuudu.
  13. ↑ Историческая записка о саде. Kačondan päivymiäry: 12. elokuudu 2025. Arhiviiruittu 7. pakkaskuudu 2019
  14. ↑ Пашков А. М. Филимончик С. Н. Петрозаводск: 300 лет истории. Документы и материалы. В трёх книгах. Книга 2. 1803—1903 / Научные редакторы: О. П. Илюха, Н. А. Кораблёв, Д. З. Генделев. — Петрозаводск: Карелия, 2001.
  15. ↑ Историческая записка о саде. Kačondan päivymiäry: 12. elokuudu 2025. Arhiviiruittu 7. pakkaskuudu 2019
  16. ↑ Петровский общественный сад // Олонецкие губернские ведомости. 1882. 7 июля. Kačondan päivymiäry: 12. elokuudu 2025. Arhiviiruittu 7. pakkaskuudu 2019
  17. ↑ Историческая записка о саде. Kačondan päivymiäry: 12. elokuudu 2025. Arhiviiruittu 7. pakkaskuudu 2019
  18. ↑ Открытие катка в городском общественном саду || Олонецкие губернские ведомости. 1909. № 12-13. Kačondan päivymiäry: 12. elokuudu 2025. Arhiviiruittu 7. pakkaskuudu 2019
  19. ↑ Летний кинотеатр. Kačondan päivymiäry: 12. elokuudu 2025. Arhiviiruittu 11. sulakuudu 2018
  20. ↑ Парк культуры и отдыха в Петрозаводске ждет масштабная реконструкция. Kačondan päivymiäry: 12. elokuudu 2025. Arhiviiruittu 5. pakkaskuudu 2019
  21. ↑  // Ленинская правда. — 1965. — 28. syvyskuudu.
  22. ↑  // Ленинская правда. — 1965. — 15. elokuudu.
  23. ↑  // Ленинская правда. — 19öö. — 5. pakkaskuudu.
  24. ↑ Крест, поставленный в парке в память об утраченной церкви Петра и Павла. Kačondan päivymiäry: 12. elokuudu 2025. Arhiviiruittu 11. sulakuudu 2018
  25. ↑ Петровский сад. Kačondan päivymiäry: 12. elokuudu 2025. Arhiviiruittu 4. pakkaskuudu 2019

Kirjalližus

  • Аврамов М. Историческая записка о Петрозаводском городском общественном саде: [деревян. постройки на территории сада в XVIII—XIX вв. — дворец Петра I, павильоны, сторожка]. — Петрозаводск: в Губерн. тип., 1885. — 10 с.
  • Мошина Т. Петровский общественный сад и его достопримечательности // Олонецкие губернские ведомости. — 1902. — 26 ноября.
  • Звучала музыка в саду… : Из истории городских увеселений : [Из истории Петровского сада (парка культуры и отдыха)г. Петрозаводска] // ТВР-Панорама. — 1997. — 6 февраля.
  • Ициксон, Е. Петровский сад (Парк культуры и отдыха) // Краевед : сборник статей. — 2007. — С. 58-65.
  • Лантратова А. С. Сады и парки Петрозаводска : их жизнь и существование в современном городе : экологические аспекты. — Петрозаводск: VERSO, 2007.
  • А. С. Лантратова, Е. Е. Ициксон, Е. Ф. Марковская, Н. В. Куспак. Сады и парки в истории Петрозаводска. — Петрозаводск: ПетроПресс, 2003. — 160 с. — ISBN 5-8430-0082-6.

Linkat

Lähteh - "https://olo.ruwiki.ru/w/index.php?title=Halliččijan_sadu&oldid=126361099"