Ivan Man'kin

Ivan Pavlovič Man’kin
Ivan Pavlovič Man’kin
Karjalan avtonoumizen socialistizen nevvostotazavallan; Korgeviman Nevvoston; Prezidiuman piälikkö
	18. elokuudu 1979 — 9. kevätkuudu 1984
Ielolii	Pavel Prokkonen
Jatkai	Ivan Sen’kin
Roindu	9. ligakuudu 1924; Kaskes-kylä, Šoutjärven piiri, Avtonoumine Karjalan socialistine nevvostotazavaldu, Ven'an federatiivine socialistine nevvostotazavaldu
Kuolendu	9. kevätkuudu 1984 (59 vuottu); Petroskoi, Karjalan avtonoumine socialistine nevvostotazavaldu
Pandu muah	Suolusmäin kalmužin[d];
Partii	Kogo Nevvostoliiton bol'ševiekkoin kommunistine partii vuvven 1947 elokuus
Opastus	Partien korgevin škola Nevvostoliiton kommunistizen partien keskuskomitietan tyves[d];
Vojuičendu	Suuri Ižänmualline voinu;

Ivan Pavlovič Man'kin (ven. Ива́н Па́влович Ма́нькин; 9. ligakuudu 1924, Kaskes-kylä, Šoutjärven piiri, Avtonoumine Karjalan socialistine nevvostotazavaldu, Ven'an federatiivine socialistine nevvostotazavaldu – 9. kevätkuudu 1984, Petroskoi, Karjalan avtonoumine socialistine nevvostotazavaldu) on Nevvostoliiton valdivomies da poliitiekku, Karjalan avtonoumizen socialistizen nevvostotazavallan Korgeviman Nevvoston Prezidiuman piälikkö^[1].

Eloskerdu

Man'kin rodivui muanruadajien pereheh, kanzua myöte oli vepsäläine. Vuvvennu 1941 loppi školan.

Suuren Ižänmuallizen voinan allettuu Man'kinoin pereh työttih evakkoh Molotovan alovehen Častinskoih piirih, kus häi ruadoi lugijoin pertin piälikönny da luguu pidäjänny traktoristoin joukkovehes. Hänen tuattah Pavel Man'kin (1902-1942) kuului partizuanoin joukkoh. Kuoli, konzu täytti bojutehtäviä garnizonoin tiijustelendas vihollizen tagavos Karjal-suomelazen socialistizen nevvostotazavallan Šoutjärven piiris^[2]..

Vuozinnu 1942–1943 Man'kin on polkuškolan kursantannu Nižnii Tagil -linnas, vuvvennu 1943 oli demobiliziiruittu.

Evakospäi tulduu vuvvennu 1944–1947 ruadoi Šoutjärven piirin toimehpaniikomitietan ozaston piälikönny, Šoutjärven piirin kirjaston piälikönny.

Vuozinnu 1947–1948 oli Kogo Nevvostoliiton Leninan kommunistizen nuorižoliiton Šoutjärven piirikomitietan toizennu sekretarinnu. Elokuus 1947 Man'kinua otettih Kogo Nevvostoliiton bol'ševiekkoin kommunistizeh partieh.

Vuozinnu 1948—1950 Man'kin opastui partien školas Karjalan federatiivizen socialistizen nevvostotazavallan Bol'ševiekkoin kommunistizen partien keskuskomitietan tyves.

Vuozinnu 1950–1952 Man'kin oli Kogo Nevvostoliiton Leninan kommunistizen nuorižoliiton Šoutjärven piirikomitietan enzimäzenny sekretarinnu, vuozinnu 1952–1953 – Kogo Nevvostoliiton Leninan kommunistizen nuorižoliiton Segežan piirikundukomitietan enzimäzenny sekretarinnu.

Vuozinnu 1953–1955 Man'kin ruadoi Matkažpromstroi-trestan rakenduskomitietan piälikönny Segežan piiris.

Vuozinnu 1955–1961 oli Nevvostoliiton kommunistizen partien Segežan piirikomitietan piälikönny.

Vuozinnu 1961–1964 oli Nevvostoliiton kommunistizen partien Onieganrannikon piirin enzimäzenny sekretarinnu, Onieganrannikon piirin kylätoimehpaniikomitietan piälikönny.

Ivan Man'kinan mustopačas Suolusmäin kalmužimal

Vuvvennu 1966 loppi Sordavalan souhozu-tehnikuman da Partien korgeviman školan, kudai ruadoi Nevvostoliiton kommunistizen partien keskuskomitietan tyves. Vuozinnu 1966–1967 ruadoi Nevvostoliiton kommunistizen partien Karjalan alovehkomitietan instruktorannu.

Vuozinnu 1967–1971 oli Nevvostoliiton kommunistizen partien Pitkänrannan piirikomitietan enzimäzenny sekretarinnu.

Vuozinnu 1971–1979 oli Karjalan avtonoumizen socialistizen nevvostotazavallan Ministroin Nevvoston piälikön sijahizennu da enzimäzenny sijahizennu.

Vuozinnu 1979–1984 oli Karjalan avtonoumizen socialistizen nevvostotazavallan Korgeviman Nevvoston Prezidiuman piälikönny.

Man'kinua vallittih Karjalan avtonoumizen socialistizen nevvostotazavallan Korgeviman Nevvoston VI-X kučundukerähmölöin deputuatakse da Ven'an federatiivizen socialistizen nevvostotazavallan Korgeviman Nevvoston X kučundukerähmön deputuatakse.

Kuoli aijoi, 9. kevätkuudu vuvvennu 1984 Petroskois. On pandu muah Suolusmäin kalmužimale.

Huomavukset

↑ Карелия: энциклопедия: в 3 т / гл. ред. А. Ф. Титов. — Петрозаводск: ПетроПресс, 2009. — Т. 2: К — П. — С. 194. — 464 с. — ISBN 978-5-8430-0125-4.
↑ Могила партизан К. П. Кочерина и П. С. Манькина (неопр.). Объекты историко-культурного наследия Карелии. Kačondan päivymiäry: 5. tuhukuudu 2019. Arhiviiruittu 7. tuhukuudu 2019

Kirjalližus

История партийной организации Карелии: указ. лит. / Гос. публич. б-ка Карельской АССР [сост.: Т. В. Осипова, Т. В. Терпугова]. — Петрозаводск: РИО Госкомиздата КАССР, 1990. — 175 с.: ил. — Из содержания: Именной указатель (Манькин И. П.) — С. 156.
Иван Павлович Манькин: [некролог] // Ленинская правда. — 1984. — 11 марта.
Иван Павлович Манькин: [некролог] // Советская Россия. — 1984. — 13 марта.
Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.

Linkat

Национальная библиотека Республики Карелия. Манькин И. П.

[1] Карелия: энциклопедия: в 3 т / гл. ред. А. Ф. Титов. — Петрозаводск: ПетроПресс, 2009. — Т. 2: К — П. — С. 194. — 464 с. — ISBN 978-5-8430-0125-4.

[2] Могила партизан К. П. Кочерина и П. С. Манькина (неопр.). Объекты историко-культурного наследия Карелии. Kačondan päivymiäry: 5. tuhukuudu 2019. Arhiviiruittu 7. tuhukuudu 2019

[1]

[2]

Karjalan piämiehet vuvves 1921 algajen
Karjalan ruadokommuunan piämiehet	Edvard Gylling (1921—1923, alovehtoimehpaniikomitiettu) Aleksandr Šotman (1921—1923, talovusnevvosto)
Avtonoumizen Karjalan socialistizen nevvostotazavallan Rahvahan Komissuaroin nevvoston, Karjal-Suomelazen socialistizen nevvostotazavallan Rahvahan Komissuaroin nevvoston, Karjalan avtonoumizen socialistizen nevvostotazavallan Ministroin Nevvoston piämiehet	Edvard Gylling (1923—1935) Pavel Bušujev (1935—1937) P'otr Sol'akov (1937—1940) Pavel Prokkonen (1940—1947) Vol'demar Virolainen (1947—1950) Pavel Prokkonen (1950—1956) Ivan Bel'ajev (1956—1967) Andrei Kočetov (1967—1984) Jurii Ivanov (1984—1989) Sergei Blinnikov (1989—1994)
Puolovehen johtajat	Ivan Danilov (1920—1921) Vasilii Kudžijev (1921—1922) Iogan Järvisalo (1922—1929) Gustav Rovio (1929—1935) P'otr Irklis (1935—1937) Gennadii Kuprijanov (1938—1950) Aleksandr Kondakov (1950) Aleksandr Jegorov (1950—1955) Leonid Lubennikov (1955—1958) Ivan Sen’kin (1958—1984) Vladimir Stepanov (1984—1989) Nikolai Kirjanov (1989—1991)
Karjalan avtonoumizen socialistizen nevvostotazavallan Keskustoimehpaniikomitietan piäliköt	Aleksandr Šotman (1923—1924) Santeri Nuorteva (1924—1928) Nikolai Juščijev (1929—1934) Vasilii Averkijev (1934—1935) Nikolai Arhipov (1935—1936) Mark Gorbačov (1936—1937)
Karjalan avtonoumizen socialistizen nevvostotazavallan Prezidiuman piäliköt	Nikolai Arhipov (1936—1937) Mark Gorbačov (1937—1940) Otto Kuusinen (1940—1956) Pavel Prokkonen (1956—1979) Ivan Man'kin (1979—1984) Nikolai Kalinin (1984, vt) Ivan Sen’kin (1984—1985) Viktor Čeremovskii (1985, vt) Kuzma Filatov (1986—1989) Viktor Stepanov (1989—1990)
Korgeviman Nevvoston piäliköt	Viktor Stepanov (1990—1994)
Karjalan tazavallan halličuksen piämiehet	Viktor Stepanov (1994—1998) Sergei Katanandov (1998—2002)
Karjalan tazavallan piämiehet	Sergei Katanandov (2002—2010) Andrei Nelidov (2010—2012) Aleksandr Hudilainen (2012—2017) Artur Parfenčikov (vuvves 2017)