Pavel Prokkonen

Pavel Stepanovič Prokkonen
Pavel Stepanovič Prokkonen
	Павел Степанович Прокофьев
3. Karjalan avtonoumizen socialistizen nevvostotazavallan Korgeviman Nevvoston Prezidiuman piälikkö
	20. elokuudu 1956 — 18. heinykuudu 1979
Ielolii	virgu suadih järilleh
Jatkai	Ivan Man’kin
Ven'an federatiivizen socialistizen nevvostotazavallan Korgeviman Nevvoston Prezidiuman piälikön sijahine
	11. sulakuudu 1967 — 18. heinykuudu 1979
2. Karjal-Suomelazen socialistizen nevvostotazavallan Ministroin Nevvoston piälikkö
	24. tuhukuudu 1950 — 16. heinykuudu 1956
Ielolii	Vol'demar Matvejevič Virolainen
Jatkai	virgu otettih iäre
1. Karjal-Suomelazen socialistizen nevvostotazavallan Ministroin Nevvoston piälikkö
	15. kevätkuudu 1946 — 1947
Ielolii	virgu perustettih
Jatkai	Vol'demar Matvejevič Virolainen
2. Karjal-suomelazen socialistizen nevvostotazavallan Komissuaroin Nevvoston piälikkö
	heinykuu 1940 — 15. kevätkuudu 1946
Ielolii	virgu perustettih
Jatkai	virgu otettih iäre
Suomen demokruattizen tazavallan Karjalan azieloin ministru
	1. talvikuudu 1939 — 12. kevätkuudu 1940
Roindu	16. heinykuudu 1909; Klyššinvuaran kylä, Povencan ujezdu, Anuksen gubernii, Ven'an valdukundu
Kuolendu	18. heinykuudu 1979 (70 vuottu); Petroskoi, Karjalan avtonoumine socialistine nevvostotazavaldu, Ven'an federatiivine socialistine nevvostotazavaldu, Nevvostoliitto
Pandu muah	Suolusmäin kalmužin[d];
Roindunimi	Pavel Stepanovič Prokofjev
Partii	Nevvostoliiton kommunistine partii
Opastus	1. Leningruadan M. I. Kalininan nimine nevvostorakenduksen instituuttu ; 2. Kogo Nevvostoliiton kommunistizen bol'ševiekkoin partien korgevin škola ; 3. Leningruadan valdivonyliopisto
Ammatti	juristu, haldivomies
Toimindu	valdivomies, poliitiekku
Vojuičendu	Suuri Ižänmualline voinu;

Pavel Stepanovič Prokkonen (suom. Paavo Prokkonen; tovelline sugunimi — Проко́фьев; 16. heinykuudu 1909, Klyššinvuaran kylä, Povencan ujezdu, Anuksen gubernii, Ven'an valdukundu – 18. heinykuudu 1979, Petroskoi, Karjalan avtonoumine socialistine nevvostotazavaldu, Ven'an federatiivine socialistine nevvostotazavaldu, Nevvostoliitto), nevvostolaine valdivomies da poliitiekku, Rahvahan Komissuaroin Nevvoston – Karjal-suomelazen socialistizen nevvostotazavallan Ministroin Nevvoston piälikkö (1940-1947, 1950-1956, Karjalan avtonoumizen socialistizen nevvostotazavallan Korgeviman Nevvoston Prezidiuman piälikkö (1956-1979).

Eloskerdu

Prokkonen rodivui Klyššinvuaran kyläh köyhäh muanruadajien pereheh. Kanzua myöte oli karjalaine^[1]. Lapsennu yhtyi ruskieloin partizuanoin joukkoloih suomelazien valloitettuloil alovehil. Jälles puutui lapsienkodih. Vuozinnu 1922-1925 opastui Puadenen školas. Vuvves 1925 ruadoi iččeh talohuos, oli mečänkuadajannu meččyruadolois, myöjänny kooperatiivas, muanruadajien yhtistyksen keskenäzen avun kasan komitietan piälikönny, Klyššinvuaran kylänevvoston sekretarinnu da piälikönny^[2].

Vuvves 1930 Prokkonen kuului Kogo Nevvostoliiton kommunistizen bol'ševiekkoin partieh. Vuvvennu 1934 Piiterin M. I. Kalininan nimizen nevvostorakenduksen instituutan loppiettuu händy työttih ruadoh Anuksen piirin Ruadajien deputuattoin nevvoston toimehpaniikomitietan instruktorakse. Sen piälikökse häi rodih vuvvennu 1937. Jälles Karjalan nevvostotazavallan vallasolijoin "puhtastandua" vuvvennu 1938 rodih Karjalan avtonoumizen socialistizen nevvostotazavallan Rahvahan Komissuaroin Nevvoston piälikön sijahizekse.

Talvikuul vuvvennu 1939 Paavo Prokkonen -nimel häi rubei kuulumah Terijoven halličukseh, kudaman luadi Nevvostoliiton halličus Suomen zakonahizen halličuksen sijah da kudai ruvennus ruadamah Ruskien Armien Talvivoinas voitettuu. Karjalazennu olles Prokkonen perustetus halličukses sai Karjalan azieloin ministran -virran. Prokkonen iče oli voinal da perusti hiihtäjii joukkoloi. Häi oli kontuuzittu Loimolan lohkol. Talvivoinan lopus Terijoven halličus hajoitettih da Prokkonen jatkoi ruaduo Karjal-suomelazen socialistizen nevvostotazavallan valdivovallas. Vuvvennu 1940 häi rodih Karjal-suomelazen socialistizen nevvostotazavallan Komissuaroin Nevvoston enzimäzekse piälikökse da händy vallittih Karjal-suomelazen socialistizen nevvostotazavallan Korgeviman Nevvoston deputuatakse.

Suuren Ižämuallizen voinan allettuu^[3] händy miärättih Karjal-suomelazen socialistizen nevvostotazavallan Valdivon puolistuskomitietan vallitukse, kus häi hoidi Kirovan raududorogan endizeh kundoh suandua da meččyruadoloi. Ližäkse Prokkonen ohjai oružoin da ammundutarbehien valmistandua frontah niškoi. Iče oli granuattoin koittelemizis, min periä kaimai oigien käin.

Vuvvennu 1947 händy työttih opastumah Partien korgevimah školah, kudai ruadoi Nevvostoliiton kommunistizen partien keskuskomitietan tyves. Opastundan loppiettuu, vuvvennu 1950, händy pandih Karjal-suomelazen socialistizen nevvostotazavallan Ministroin Nevvoston piälikökse.

Vuvvennu 1957 Prokkonen loppi Leningruadan valdivonyliopiston juriidizen tiedokunnan, kus opastui zaočno.

Konzu Karjal-suomelazen socialistizes nevvostotazavallas rodih Karjalan avtonoumine socialistine nevvostotazavaldu da O. V. Kuusinen lähti omas virraspäi iäre, Prokkonen vallittih Karjalan avtonoumizen socialistizen nevvostotazavallan Korgeviman Nevvoston Prezidiuman piälikökse. Sit virras häi oli kuolendassah vuvvennu 1970.

Prokkonen vallittih Nevvostoliiton Kommuninistizen partien XIX-XXV kerähmölöin deleguatakse. Häi oli Nevvostoliiton Kommunistizen partien Keskustarkastusjoukkoh kuulujannu (1952-1961).

On pandu muah Petroskoin Suolusmäin kalmužimale^[4].

Mustolaudu Petroskoin taloil Kirovan uuličal, 24

Prokkozen mustopačas Suolusmäin kalmužimal

Palkindot

Kaksi Leninan kunnivomerkii,
Suuren Ižänmuallizen voinan II astien kunnivomerki,
Kaksi Ruskien Ruadoflavun kunnivomerkii,
Rahvahien ystävyön kunnivomerki (13.07.1979),
Kaksi Kunnivon kunnivomerkii (sit luvus 15.07.1969)^[5].

Bibliogruafii

Прокконен П. С. Героизм народа в дни воины: Воспоминания. — Карелия 1974 — D811. 5 .P73 1974

Kirjalližus

Прокконен, Павел Степанович // Прокат — Раковины. — М. : Советская энциклопедия, 1955. — С. 13. — (Большая советская энциклопедия#Второе издание / гл. ред. Б. А. Введенский ; 1949—1958, т. 35).
Алексей Арикович Макаров. П. С. Прокконен: жизнь — Карелии!. — Петрозаводск: Карелия, 2010 год. — ISBN 978-5-7545-1552-9.
Веригин С. Г. Карелия в годы военных испытаний: Политическое и социально-экономическое положение Советской Карелии в период Второй мировой войны 1939-1945 гг. — Петрозаводск: ПетрГУ, 2009 год. — 544 с. — 700 экз. — ISBN 978-5-8021-0932-8.
Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.

Huomavukset

↑ Карелы Карельской АССР. — Петрозаводск, 1983. — 288 с.
↑ Прокконен (Прокопьев) Павел Степанович- Персоны - Имена в истории Карелии (неопр.). imena.karelia.ru. Kačondan päivymiäry: 24. kevätkuudu 2025.
↑ Карелия в годы военных испытаний. Политическое и социально-экономическое положение Советской Карелии в период Второй мировой войны 1939–1945 гг. :: Электронная библиотека РК (неопр.). elibrary.petrsu.ru. Kačondan päivymiäry: 24. kevätkuudu 2025.
↑ П.С.Прокконен — KARELMEDIA (неопр.). Электронная библиотека исторических документов и литературы о Великой Отечественной Войне 1941-1945 гг. в Республике Карелия. Kačondan päivymiäry: 24. kevätkuudu 2025.
↑ Руководители КАССР Прокконен П.С., Кочетов А.А., Сенькин И.И. на торжественном заседании, посвященном 30-летию освобождения Карелии от фашистских оккупантов (Музыкально-драматический театр) (неопр.). old.kareliamuseum.ru. Kačondan päivymiäry: 24. kevätkuudu 2025.

[1] Карелы Карельской АССР. — Петрозаводск, 1983. — 288 с.

[2] Прокконен (Прокопьев) Павел Степанович- Персоны - Имена в истории Карелии (неопр.). imena.karelia.ru. Kačondan päivymiäry: 24. kevätkuudu 2025.

[3] Карелия в годы военных испытаний. Политическое и социально-экономическое положение Советской Карелии в период Второй мировой войны 1939–1945 гг. :: Электронная библиотека РК (неопр.). elibrary.petrsu.ru. Kačondan päivymiäry: 24. kevätkuudu 2025.

[4] П.С.Прокконен — KARELMEDIA (неопр.). Электронная библиотека исторических документов и литературы о Великой Отечественной Войне 1941-1945 гг. в Республике Карелия. Kačondan päivymiäry: 24. kevätkuudu 2025.

[5] Руководители КАССР Прокконен П.С., Кочетов А.А., Сенькин И.И. на торжественном заседании, посвященном 30-летию освобождения Карелии от фашистских оккупантов (Музыкально-драматический театр) (неопр.). old.kareliamuseum.ru. Kačondan päivymiäry: 24. kevätkuudu 2025.

[1]

[2]

[3]

[4]

[5]

Karjalan piämiehet vuvves 1921 algajen
Karjalan ruadokommuunan piämiehet	Edvard Gylling (1921—1923, alovehtoimehpaniikomitiettu) Aleksandr Šotman (1921—1923, talovusnevvosto)
Avtonoumizen Karjalan socialistizen nevvostotazavallan Rahvahan Komissuaroin nevvoston, Karjal-Suomelazen socialistizen nevvostotazavallan Rahvahan Komissuaroin nevvoston, Karjalan avtonoumizen socialistizen nevvostotazavallan Ministroin Nevvoston piämiehet	Edvard Gylling (1923—1935) Pavel Bušujev (1935—1937) P'otr Sol'akov (1937—1940) Pavel Prokkonen (1940—1947) Vol'demar Virolainen (1947—1950) Pavel Prokkonen (1950—1956) Ivan Bel'ajev (1956—1967) Andrei Kočetov (1967—1984) Jurii Ivanov (1984—1989) Sergei Blinnikov (1989—1994)
Puolovehen johtajat	Ivan Danilov (1920—1921) Vasilii Kudžijev (1921—1922) Iogan Järvisalo (1922—1929) Gustav Rovio (1929—1935) P'otr Irklis (1935—1937) Gennadii Kuprijanov (1938—1950) Aleksandr Kondakov (1950) Aleksandr Jegorov (1950—1955) Leonid Lubennikov (1955—1958) Ivan Sen’kin (1958—1984) Vladimir Stepanov (1984—1989) Nikolai Kirjanov (1989—1991)
Karjalan avtonoumizen socialistizen nevvostotazavallan Keskustoimehpaniikomitietan piäliköt	Aleksandr Šotman (1923—1924) Santeri Nuorteva (1924—1928) Nikolai Juščijev (1929—1934) Vasilii Averkijev (1934—1935) Nikolai Arhipov (1935—1936) Mark Gorbačov (1936—1937)
Karjalan avtonoumizen socialistizen nevvostotazavallan Prezidiuman piäliköt	Nikolai Arhipov (1936—1937) Mark Gorbačov (1937—1940) Otto Kuusinen (1940—1956) Pavel Prokkonen (1956—1979) Ivan Man'kin (1979—1984) Nikolai Kalinin (1984, vt) Ivan Sen’kin (1984—1985) Viktor Čeremovskii (1985, vt) Kuzma Filatov (1986—1989) Viktor Stepanov (1989—1990)
Korgeviman Nevvoston piäliköt	Viktor Stepanov (1990—1994)
Karjalan tazavallan halličuksen piämiehet	Viktor Stepanov (1994—1998) Sergei Katanandov (1998—2002)
Karjalan tazavallan piämiehet	Sergei Katanandov (2002—2010) Andrei Nelidov (2010—2012) Aleksandr Hudilainen (2012—2017) Artur Parfenčikov (vuvves 2017)