KV-šou
| KV-šou | |
|---|---|
| URL | omamedia.ru |
| Kaupalline | ei |
| Kielet | ven'an kieli, karjalan kieli, vepsän kieli |
| Palvelimen sijoittumine |
 Ven'anmua |
| Omistai | Periodika-julguamo |
| Perustai | Periodika-julguamo |
| Piätoimittai | Aleksandra Aniskina, Andrei Gorškov |
| Ruavon algu | syvyskuul vuvvennu 2021 |
| Nygöine stuatussu | toimii |
| Mua | |
KV-šou on vuvvennu 2021 alguh pandu karjal-vepsäläine verkoprojektu, kudaman aigua luajitah da sijoitetah internettah pienii fil'moi Karjalan tazavallas, sen nähtävyksis da kaunehis kohtis[1] . Film'ois kiinitetäh huomavuo Karjalan tazavallan kandurahvahih: karjalazih da vepsäläzih. KV-šoun fil'mat ollah ven'an kielel, ga niilöis käytetäh karjalan da vepsän kieliigi.
Yleistiijot
KV-šou on Periodika-julguamon Karjalazien, vepsäläzien da suomelazien resursukielikeskuksen projektu, kudamua kannattau Karjalan tazavallan Kanzallizen da alovehellizen poliitiekan ministerstvu. Sen vedäjinny ollah Karjalan tazavallan arvostetut artistat, Karjalan kanzallizen teatran artistat Aleksandra Aniskina da Andrei Gorškov. Aleksandra Aniskina on vepsäläine, Andrei Gorškov — liygiläine.
KV-šoun nimi on roinnuh kahten kanzan — karjalazien da vepsäläzien — nimen algukirjaimis. Sen enizmäine fil'mu luajittih da ozutettih vuvven 2021 syvyskuul[2]. Se oli omistettu Petroskoin linnale.
KV-šoun fil'mois sen vedäjät Aleksandra Aniskina da Andrei Gorškov ollah jo saneltu Karjalan kuulužis kohtis, pruazniekois, Karjalan kandurahvahien, karjalazien da vepsäläzien, perindöllizes kul'tuuras da tavois, äijäs muus. Fil'moin luadijes kävväh Karjalan tazavallan piirilöih, kuvauksih sežo yhtytäh Karjalan tutkijat, tundietut rahvas, kieliaktivistat da opastujat.
Kahtes vuvves myö kuvaimmo 26 fil'mua da niilöih otti ozua 64 hengie. Myö matkustimmo mašinal enämbän viittytuhattu kilometrii Karjalan eri paikkoi myöte.Aleksandra Aniskina, KV-šoul kaksi vuottu roittuu, Oma Mua, vuozi 2023, № 39
KV-šoun fil'moi sijoitetah Periodika-julguamon kanzalliskielizen Oma Media-mediaportualan Oma Video -ozah da projektan sivule VK-sociualuverkos.
Kirjalližus
- Uljana Tikkanen. Mediakeškuš on kielišäilyttäjien apulaini // Oma Mua. — 2023. — 11. ligakuudu (№ 39).