Kogo Ven'an kirjastoloin päivy
| Kogo Ven'an kirjastoloin päivy | |
|---|---|
 | |
| Toizin | kirjastoloin päivy, kirjastonhoidajan päivy |
| Merkičys | Kirjastoloin panoksen da roulin tunnustamine kul'tuuran, tiijon da opastuksen kehitykseh sego yhteiskunnan eloksen parandamizeh |
| Pandih alguh | 27. oraskuudu vuvvennu 1995 Ven'an Federacien piämiehen B. N. Jel'cinan käskys |
| Alguhpanii | V. N. Zaicev, Ven'anmuan kirjastoloin liiton piälikkö, Ven'an kanzallizen kirjaston johtai |
| Päivymiäry | 27. oraskuudu |
| Liittyy | Ven'an enzimäzen valdivollizen kaikile pädijän kirjaston perustamizeh 27. oraskuudu vuvvennu 1795 (Imperuattoran rahvahan kirjasto) |
 Медиафайлы на РУВИКИ.Медиа | |
Kogo Ven'an kirjastoloin päivy on Ven'anmuan mualline kirjastoloin ruadajien ammattipruazniekku, kuduadu joga vuottu pietäh 27. oraskuudu vuvves 1995[1].
Histourii
27. oraskuudu vuvvennu 1995 Ven’an Federacien piämiehen Boris Jel’cinan käskys perustettih Kogo Ven’an kirjastoloin päivy[2].
Pruazniekan perustandan ehoittajannu oli Ven'an kanzallizen kirjaston, Ven’anmuan kirjastoloin liiton piälikkö Vladimir Nikoljaevič Zaicev[3].
Pruazniekan piendypäiväkse sanottih 27. päivy oraskuudu, se on Ven'an enzimäzen valdivollizen kaikile pädijän kirjaston — Imperuattoran rahvahan kirjaston perustandupäivy (vuvvennu 1795)[1].
Päivän perustandan tarkoituksii oli kirjastoloin panoksen da roulin tunnustamine kul'tuuran, tiijon da opastuksen kehitykseh sego yhteiskunnan eloksen parandamizeh[2].
27. oraskuudu vuvvennu 1996 enzikerdua piettih Kogo Ven’an kirjastoloin päiviä[4].
Tiemat
Joga vuottu pruazniekale annetah oma tiemu:
- 2022 — Ven’anmuan kirjastovaraston kehitys da säilytändy[5];
- 2023 — Luvemmo yhtes[6];
- 2024 — Kirjastoloin pereh — perindölöin säilyttäi[7].
Pivot
Kogo Ven’an kirjastoloin päivänny kirjastolois, luguzualois da toizis kohtis pietäh eriluaduzii pidoloi[9][10]:
- Kirjuozutteluloi — alallizii, siirdyjii da virtualizii;
- tiijoitus- da opastuspidoloi;
- tiijonsuandah niškoi;
- ammattimiehien personuallizii da joukkotiijonannandoi;
- tiijoitusvaroin kečelmii da ezityksii;
- kluuboi eri kiinnostuksii myö;
- tiijollizii konferensieloi;
- kirjastoloin akcieloih ozanottoloi;
- tiedokilboi da kižakvestoi.
Vuvvennu 2017 Sevastopol’an linnan L. N. Tolstoin nimizes aiguzien keskuskirjastos järjestettih Kirjastopikniekku -pido[11]:
- Mobil’noi kirjasto -projektan ezitändy;
- Ven’an ekolougien vuvvele omistettu kirjuozuttelu, kudamah ezile oli pandu ven. Мисс Токсичность— nimine manekienu ekolougienvastaine pluat’t’u piäl;
- Erillizien taktil’noloin kirjoin luajindan Erinomaine kniigu -nimine kilbu sogieloih da pahoinägijöih niškoi;
- Slavjunoin kirjukielen da kul'tuuran päiväle omistettu kirjuozuttelu kirjaston varastospäi;
- Kaligruafizien kirjutuksien luadimine Enne nägemättömien kirjoin pertis (Azbukart -projektua myö);
- Ven’an muzein tiijoitus- da opastuskeskuksen mul’timediavaroin ezittely: virtualine ozasto.
Vuvvennu 2018 pruazniekan hantuzis piettih Kogo Ven'an Luve, mua! -akcii"[12].
Vuvvennu 2024 Moskovas Ven’an valdivollizes nuorien kirjastos oli ičenohjuamizen päivy. Sinäpiän jogahizel oli mahto oppie[7]:
- luadie lugijan lippu;
- andua nevvoloi loittuolpäi kirjaston sivul;
- ruadua angl. RFID-tehnolougieloinke;
- pidiä operacieloi kirjaston varastos;
- ruadua kirjalepaniitoimistos, vierahien kielien literatuuran, yhteiskunnallizien da gumanituarizien tiijonaloin, kaunehliteratuuran da taijon zualois, kirjuvarastos da "Muuzikkupodvualas".
Ven’an valdivollizes sogieloin kirjastos piettih Kirjastonhoidai kaunehliteratuuras -kirju- da kuvaozuttelu[7].
Ven’an kanzallizes kirjastos kunnivokirjoil da diplomoil palkittih kirjastoloin ruadajii sego piettih 34. tiijollizet Ven’an kanzallizen kirjaston harvinazet kirjat nimizet lugemizet[7].
Paškovan kois oli Ven’an valdivollizen kirjaston ruadajien palkičendupido[7].
Ven’an valdivollizes lapsien kirjastos järjestettih[7]:
- literatuuru- da teatru-urokat da luvendot,
- muasteriopastukset da fil’moin kačondu.
Ven’an valdivollizes taidokirjastos[7]:
- Ven’an valdivollizen taidokirjaston enzimäzen johtajan Aleksandr Fominan oma kirjasto. Enzimäzet tulokset matkal muutandah päi -muasteriopastus;
- Moskovan valdivollizen A. G. Šnitken nimizes muuzikkuinstituutan opastujien ven. Музыкальная палитра -konsertu.
Ven’an valdivollizes rahvahan histourien kirjastos järjestettih Pavel Vasiljevič Ščapovale omistettu ozuttelu[7].
R’azanin linnan S. A. Jeseninan nimizes kirjastos piettih akciet[9]:
- "Lugijoin aidu" — hyvittelysanat da toivotukset kirjastole;
- "Magei vaihto" — n’amuloi vaihtettih kirjastole, kirjoile da lugemizele omistettuloih runoloih;
- "Rakkahuol kirjastole" — VKontakte — sociualuverkon akcii loittuolpäi -formuatas.
Jel’can Lučkovskoin nimizes lapsien kirjastos oli pietty Kirjoin peitot: kui ičel vallita kirjastos kirju -kirjaston urokku[9].
Piiterin Imperuattoran kirjaston taloi, nägö bokaspäi. Grav’uuru, 1800 vuozien algu.
Ven'an valdivolline kirjasto
.jpg)
Pruazniekkah liittyjät tapahtumat
- 27. oraskuudu vuvvennu 1795 ven’alazen tsuarikunnan halliččijan Jekaterina II käskys perustettih Ven'an enzimäine valdivolline kaikile pädii kirjasto — Imperuattoran kirjasto da kanzalline kirjuvarasto[8][10].
- 27. oraskuudu vuvvennu 1902 Kirgistanas avattih enzimäine kaikile pädii Kirgistanan tazavallan kanzalline kirjasto[13].
- 27. oraskuudu vuvvennu 2009 Piiteris Sinodan talois avattih B. N. Jel'cinan nimine prezidentan kirjasto[14].
 Ven'an kanzalline kirjasto .svg){kind=small} | |
|---|---|
| Histourii |
|
| Ainavoluaduzet käzikirjutukset |
|
| Johtajat |
|
| Muut |
|
Kačo ližäkse
Huomavukset
- ↑ 1 2 День библиотекаря 2025: какого числа, история и традиции праздника. Kačondan päivymiäry: 22. sulakuudu 2025.
- ↑ 1 2 27 мая: какой сегодня праздник отмечают (неопр.). vm.ru. Kačondan päivymiäry: 22. sulakuudu 2025.
- ↑ Владимир Николаевич Зайцев (1938—2010). nlr.ru. Kačondan päivymiäry: 22. sulakuudu 2025.
- ↑ Сергей Канн. 27 мая 1997 г. — Всероссийский День Библиотек. www.prometeus.nsc.ru. Kačondan päivymiäry: 25. sulakuudu 2025.
- ↑ Общероссийский день библиотек — 2022 (рус.). новаябиблиотека.рф (26. oraskuudu 2022). Kačondan päivymiäry: 23. sulakuudu 2025.
- ↑ Что за «Русские чтения» пройдут в рамках «Библионочи-2023»?, AiF. Kačondan päivymiäry: 23. sulakuudu 2025.
- ↑ 1 2 3 4 5 6 7 8 Общероссийский день библиотек отпразднуют награждением лучших библиотекарей, выставками, лекциями, мастер-классами и концертами. culture.gov.ru. Kačondan päivymiäry: 22. sulakuudu 2025.
- ↑ 1 2 Указ Президента Российской Федерации от 27.05.1995 г. № 539, Президент России. Kačondan päivymiäry: 22. sulakuudu 2025.
- ↑ 1 2 3 День библиотекаря, Бизнес-секреты (28 kevätkuudu 2025). Kačondan päivymiäry: 22. sulakuudu 2025.
- ↑ 1 2 Общероссийский день библиотек (рус.). cgon.rospotrebnadzor.ru. Kačondan päivymiäry: 22. sulakuudu 0205.
- ↑ Общероссийский день библиотек (рус.). svlib.ru. Kačondan päivymiäry: 23. sulakuudu 2025.
- ↑ «Библиотечный пикник — 2018» (рус.). svlib.ru. Kačondan päivymiäry: 23. sulakuudu 2025.
- ↑ День библиотек Кыргызстана — 27 мая История и особенности праздника в проекте «Календарь праздников», ОРТ: ort-tv.ru. Kačondan päivymiäry: 23. sulakuudu 2025.
- ↑ Общая информация, Президентская библиотека имени Б.Н. Ельцина. Kačondan päivymiäry: 23. sulakuudu 2025.