Ol'ga Karlova

Ol'ga Karlova
Roindupäivy	30. syvyskuudu 1977(1977-09-30) (48 vuottu)
Roindupaikku	Vuokkiniemi, Karjalan avtonoumine socialistine nevvostotazavaldu, Nevvostoliitto
Mua	Nevvostoliitto,  Ven'anmua
Tiedoala	paikannimistö, antroponiimii, baltiekkumerensuomelaine kielitiedo
Opastus	Petroskoin valdivonyliopisto
Oppiarvo	filolougien tiedoloin kandiduattu
Tiedoarvonimi	Petroskoin valdivonyliopiston docentu
Tiedo-ohjuaju	Irma Mullonen

Ol'ga Leonidovna Karlova (Ольга Леонидовна Карлова; roin. 30. syvyskuudu 1977, Vuokkiniemi, Karjalan tazavaldu) on karjalan kielen opastai, tutkii, filolougientiedoloin kandiduattu (2006).

Eloskerdu

Ol'ga Karlova on roinnuhes Vuokkiniemen kyläs karjalazeh pereheh.

Vuvvennu 1999 loppi Petroskoin valdivonyliopiston, kus opastui baltiekkumerensuomelazien kielien da kul'tuuran tiedokunnal karjalan da vepsän kielen ozastol karjalan da suomen kieldy da literatuurua. Samannu vuon tuli ruadoh Petroskoin valdivonyliopiston karjalan da vepsän kielen laitoksele, kus rubei opastamah karjalan kielen vienankarjalan murdehen algukursua, kirju- da paginkielen kehittämzien kursua, morfolougiedu da toizii opastusainehii.

Vuvvennu 2004 loppi Petroskoin valdivoyliopiston aspirantuuran suomi-ugrilazet da samojedikielet -opastusalan mugah.

Vuvvennu 2006 puolisti kandiduatan väitösruavon, sen tiemannu oli "-L-modeli Karjalan paikannimistös" (ven. «-L-овая модель в топонимии Карелии»).

Monien vuozien aigah Ol'ga Karlova opasti karjalan kielen vienankarjalan murrehtu jogavuodizil kanzoinvälizil kursiloil, kudamii vuorotellen piettih Suomes da Karjalas. Niilöih otettih ozua Suomen da Ven'an puolen opastajat, lapsienkazvattajat, žurnalistat, yhteiskunnallizel alal ruadajat rahvas.

Ol'ga Karlova kuului Karjalan piämiehen alazeh sanastokomissieh, Karjalan Rahvahan Liiton hallindoh. Vuozinnu 2005-2013 oli karjalankielizen Čičiliušku-tyttiteatran artistannu. Samal aigua kiändi karjalan kielele teatran ozutelmien käzikirjutuksii.

Täl aigua eläy da ruadau Suomes, on Itä-Suomen yliopiston karjalan kielen opastajannu.

Bibliogruafii

Ol'ga Karlova on monien tiedoruadoloin da opastuskniigoin kirjuttajannu. Hänen vuvvennu 2011 ilmah piästetty "Vienankarjalan alkeiskuršši" rodih parahakse kniigakse Karjalan tazavallan Vuvven 2011 kniigu -kilvas karjalan-, vepsän- da suomenkielizien kniigoin nominacies. Kniigah kuuluu CD-disku kniigan vuoropaginoin da tekstoin kel karjalan kielel. "Vienankarjalan alkeiskuršši" on käytettävimii opastuskniigoi karjalan kieldy opastajes da opastujes, sit on luajittu ližäpainostu.

Kniigat

• Карлова, О. Л. -L-овая модель в топонимии Карелии : автореф. дис. на соиск. учен. степ. канд. филол. наук : специальность 10.02.22 — Языки народов зарубеж. стран Европы, Азии, аборигенов Америки и Австралии (финно-угор. и самодийс. языки). — Петрозаводск: Петрозаводский государственный университет. — 22 с.
• Karlova, O. Opastukka vienankarjalaksi. — Petroskoi: Издательство ПетрГУ, 2008. — 140 с. — ISBN 978-5-8021-0747-8.
• Karlova, O. Vienankarjalan alkeiskuršši. — Petroskoi: Verso, 2011. — 173 с. — ISBN 978-5-91997-037-8.
• Karlova, O. Vienankarjalan alkeiskuršši = Карельский для начинающих. — Petroskoi: Periodika, 2019. — 173 с. — ISBN 978-5-88170-337-0.

Palkindot da arvonimet

• Kalevalaseuran palkindo (2006);
• Karjalan Sivistysseuran palkindo (2016).

Pereh

On miehel; kazvattau poigua.

Huomavukset

Kirjalližus

• Filippova, J. Panet peldoh higie, suat pellos vägie // Oma Mua. — 2006. — 7. talvikuudu (№ 48).
• Filippova, J. Luve, kuundele da opastu : on piästetty ilmah Ol'ga Karlovan "Vienankarjalan alkeiskuršši" // Oma Mua. — 2012. — 18. pakkaskuudu (№ 2).
• Buravova, K. Čičiliušku, kuklien kirjava muajilma // Taival : almanakku. — 2012. — С. 97-112. — ISSN 978-5-88170-219-9.

Linkat

• Karjalan kirjuttajien verkokirjasto. Ol'ga Karlovan Vienankarjalan alkeiskuršši