Aleksei Overčuk

On otettu Рувики-späi
Aleksei Longvinovič Overčuk
Alexey Overchuk official portrait.jpg
Флаг
Ven’an Federacien halličuksen varapiälikkö
Флаг
21. pakkaskuudu vuvvennu 2020
(vt. 7.—13. oraskuudu vuvvennu 2024)
Halličuksen piämies Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Roindu 9. talvikuudu 1964(1964-12-09) (60 vuottu)
Korostišev, Žitomiran aloveh, Ukrainan socialistine nevvostotazavaldu, Nevvostoliitto
Opastus Moskovan K. A. Timer’azevan nimine muatalovusakadiemii
Oppiarvo ekonoumiekkutiedoloin kandiduattu
Palkindot
RUS Medal of the Order For Merit to the Fatherland 1st class ribbon.svg RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Медиафайлы на РУВИКИ.Медиа

Aleksei Longvinovič Overčuk (9. talvikuudu 1964) on Ven’an valdivomies da poliitiekku, ekonomistu. Ven’an Federacien halličuksen varapiälikkö vuvven 2020 pakkaskuun 21. päiväs (virras toimii 7.—13. oraskuudu vuvvennu 2024)[1][2].

Sidä enne vuvves 2011 vuodessah 2020 oli Ven’an Federacien Federuallizen veropalvelun varapiälikönny. Ven'an Federacien 2. astien toimii valdivolline nevvoi.

Eloskerdu

On roinnuhes 9. talvikuudu vuvvennu 1964 Žitomiran alovehen Korostišev-linnas.

Vuvvennu 1986 loppi Moskovan K. A. Timer’azevan nimizen muatalovusakadiemien talovuolline kibernietiekku -opastusalan mugah.

Vuozinnu 1986—1993 — Moskovan K. A. Timer’azevan nimizen muatalovusakadiemien Muatalovutevolližuon kompleksan talovusmehanizman kehityslaboratourien laborantu, nuorembi tiedoruadai, tiedoruadai, vahnembi tiedoruadai.

Vuvvennu 1992 puolisti kandiduatan väitösruavon aihies ven. «Организация управления кооперативной формой хозяйствования в АПК» Moskovan K. A. Timer’azevan nimizes muatalovusakadiemies, on ekonoumiekkutiedoloin kandiduattu.

1993—1994 — Kanzoinvälizen yhtesruavon hallindon piäazientiedäi, vuozinnu 1994—1998 — azieloin hallindon kanzoinvälizen ozaston varapiälikkö, vuvvennu 1998 — Ven’an Federacien muavaroin da muankäytön komitietan Valdivollizen mualuvettelun da kirjalepanon hallindon valdivollizen omažusoigevuksien kirjalepanon ozaston piälikkö.

1998 — Muapoliitiekan, rakendamizen da kunnantalovuon ministerstvan Tiijoitus- da analiitiekkuhallindon piälikkö.

1998—1999 — Ven’an Federacien valdivollizen muakomitietan Tiijoitus- da analiitiekkuhallindon piälikkö.

1999—2000 — Ven’an Federacien valdivollizen muapoliitiekan komitietan Tiijoitus- da analiitiekkuhallindon piälikkö.

Vuvven 2000 elokuus — Ven’an federuallizen mualuvettelun palvelun varapiälikkö, vuvves 2004 se muutettih Ven’an federuallizekse omažusobjektoin mualuvettelun agenstvakse (ven. Роснедвижимость). Ven’an federuallizes omažusobjektoin mualuvettelun agenstvas, kudamas jälles rodih Federuallizen kirjalepanon, mualuvettelun da kartanpiirustuksen valdivopalvelu, Mihail Mišustin sai oman valdivovallan elimen piälikön enzimäzen virran, hänen vallanalazennu oli Overčuk[3].

Vuvves 2000 vuodessah 2007 oli Yhtistynnyzien Kanzukundien Jevruazien talohuskomissien muavaroin ohjuandan ruadojoukon b’uroh kuulujannu da varapiälikönny[4].

Vuvvennu 2007 rodih Federuallizen erillizien talovusalovehien ohjuandan agenstvan varapiälikökse, agenstavan piälikönny oli Mihail Mišustin. Sie Overčuk ohjai ruaduo investoroin huokuttelemizekse.

Vuvves 2008 vuodessah 2010 oli johtovirrois UFG Capital Management -investiciilaitoksien joukos, sen piälikönny oli Mihail Mišustin.

Aleksei Overčuk Jevruazien talohuskomissien nevvoston istundos, vuozi 2020

Vuvven 2011 kevätkuus — Federuallizen veropalvelun varapiälikkö. Ohjai da tarkasti standartoin da kanzoinvälizen yhtesruavon hallindon ruaduo. Federuallizen veropalvelun varapiälikön virras ohjai virraston da alovehellizien veroelimien metodolougistu da ohjailuturvuandan ruaduo Ven’an avtomuattizes tiedovaihtelus kanzoinvälizien sobimuksien käyttökyzymyksis[4].

Vuvven 2020 pakkaskuun 21. päiväs — Ven’an Federacien halličuksen varapiälikkö. Halličukses hänen velvolližuksih kuulutah Jevruazien integracien, kanzoinvälizien laitoksienke yhtesruavon kyzymykset (Iččenäzien valdivoloin yhtymy, BRIKS, G20 da toizet) da kanzoinvälizien pidoloin reknailemine da valmistandu, kudamih ottau ozua Halličuksen piämies[5].

Kylmykuul vuvvennu 2023 Overčuk oli Ven’an delegacien piälikönny Aazii-Tyynimeren talovuollizen yhtesruavon sammitas (ven. АТЭС) San-Franciskos, kus piäpaginat oli omsitettu ilmaston kyzymyksile[6].

11. oraskuudu vuvvennu 2024 Mihail Mišustin andoi Valdivollizele Duumale kačottavakse uvven halličuksen, kehoitti Overčukua varapiäministran virga[7]. 13. oraskuudu Valdivolline Duumu hyväksyi händy täh virgah[8]. 14. oraskuudu Ven’an piämies allekirjutti käskyn virgah miäriändäs[9]. Overčuk jatkau valdivollizen poliitiekan ohjuandua integracien tazol Jevruazien alovehel, BRIKS:an, Šanhain yhtesruavon yhtistyksen da G20:n toimindan ohjuandua[10].

Palkindot

  • I astien Arvoruadolois Ižänmuan hyväkse -kunnivomerkin medali (12. kezäkuudu vuvvennu 2017) — monivuodizes moitimattomas valdivollizen palvelun ruavos[11]
  • II astien Arvoruadolois Ižänmuan hyväkse -kunnivomerkin medali (25. ligakuudu vuvvennu 2014) — ruadosuavutuksis, monivuodizes kunnollizes ruavos da aktiivizes yhteis-kunnallizes ruavos[12]

Pereh

Tuattah, Logvin Aleksejevič Overčuk (1932—2007), ruadoi Kogo Ven’an muatalovusekonoumiekan tutkimusinstituutas. Oli Amierikan Yhtysvallois Ven’an Federacien posol’stvan attaše muatalovuon kyzymyksis[13]. Kuoli 25. kezäkuudu vuvvennu 2007, on pandu muah Trojekurovan kalmužimal Moskovas[14].

Muamah, Nelli Aleksandrovna Overčuk (1936—2009), ruadoi Kogo Ven’an muatalovustevolližuon kompleksan tehniellis-talovuollizien tutkimuksien tutkimusinstituutas (ven. ВНИИТЭИагропром)[15].

Omažus da tulot

Vuvven 2018 tuloloin deklaracien mugah Overčukan omažuoh kuulutah kaksi muapalua, kudamien yhtehine pinduala on 2200 m², kolme fatierua, kudamien yhtehine pinduala on 225,6 m² da yksi mašin Ford Focus. Tulot silloi oldih 8 786 378 rubl’ua[16].

Akan tulot oldih 1 636 351 rubl’ua, hänel ližäkse oli kaksi fatierua, kudamien yhtehine pinduala on 96 m²[17].

Huomavukset

  1. ↑ Алексей Оверчук стал вице-премьером России // ИА REGNUM. Kačondan päivymiäry: 21. pakkaskuudu 2020. Arhiviiruittu 16. kevätkuudu 2020
  2. ↑ Правительство России переходит в статус и.о. до назначения нового состава. TACC. Kačondan päivymiäry: 7. oraskuudu 2024.
  3. ↑ Бессменный заместитель и давняя коллега: вице-премьерами стали двое подчиненных Мишустина // Московский комсомолец. Kačondan päivymiäry: 25. pakkaskuudu 2020. Arhiviiruittu 25. pakkaskuudu 2020
  4. ↑ 1 2 Новым ответственным за ИТ в России стал давний коллега нового премьера // CNews. Kačondan päivymiäry: 24. pakkaskuudu 2020. Arhiviiruittu 25. pakkaskuudu 2020
  5. ↑ Распределение обязанностей между заместителями Председателя Правительства. Kačondan päivymiäry: 30. sulakuudu 2020. Arhiviiruittu 29. sulakuudu 2020
  6. ↑ ТАСС, 17 ноября 2023. Оверчук заявил, что тема Украины в начале саммита АТЭС звучала в основном фоново
  7. ↑ О чем говорит новая конфигурация российского правительства. РБК (11. oraskuudu 2024). Kačondan päivymiäry: 13. oraskuudu 2024.
  8. ↑ Госдума утвердила Оверчука заместителем председателя правительства. РИА Новости (13. oraskuudu 2024). Kačondan päivymiäry: 13. oraskuudu 2024.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  10. ↑ Михаил Мишустин утвердил распределение обязанностей между вице-премьерами. government.ru (17. oraskuudu 2024). Kačondan päivymiäry: 17. oraskuudu 2024.
  11. ↑ Указ Президента Российской Федерации от 12.06.2017 № 266 «О награждении государственными наградами Российской Федерации» // Собрание законодательства Российской Федерации. Kačondan päivymiäry: 26. pakkaskuudu 2020. Arhiviiruittu 6. kezäkuudu 2020
  12. ↑ Указ Президента Российской Федерации от 25.10.2014 № 680 «О награждении государственными наградами Российской Федерации» // Собрание законодательства Российской Федерации. Kačondan päivymiäry: 26. pakkaskuudu 2020. Arhiviiruittu originualaspäi 6. kezäkuudu 2020
  13. ↑ Ю.Н. ВАВИЛОВ В долгом поиске // Книга о братьях Николае и Сергее Вавиловых. Kačondan päivymiäry: 24. pakkaskuudu 2020. Arhiviiruittu 24. pakkaskuudu 2020
  14. ↑ Логвин Алексеевич Аверчук // BillionGraves. Kačondan päivymiäry: 24. pakkaskuudu 2020. Arhiviiruittu 24. pakkaskuudu 2020
  15. ↑ Н. А. Оверчук «Совершенствование организационно-экономических форм агрохимического обслуживания сельского хозяйства» // Biblus. Kačondan päivymiäry: 24. pakkaskuudu 2020. Arhiviiruittu 6. kezäkuudu 2020
  16. ↑ Алексей Оверчук // Finparty. Kačondan päivymiäry: 25. pakkaskuudu 2020. Arhiviiruittu 25. pakkaskuudu 2020
  17. ↑ Оверчук Алексей Логвинович // Деклатор. Kačondan päivymiäry: 25. pakkaskuudu 2020. Arhiviiruittu 25. pakkaskuudu 2020

Linkat

Lähteh - "https://olo.ruwiki.ru/w/index.php?title=Aleksei_Overčuk&oldid=126169052"