Vladimir Kolokol'cev

On otettu Рувики-späi
RUWIKIS on kirjutustu toizis ristikanzois sugunimenke Kolokol'cev.
Vladimir Aleksandrovič Kolokol'cev
Vladimir Kolokoltsev (2020-02-21).jpg
Флаг
Ven’an Federacien syväinazieloin ministru
Флаг
21. oraskuudu vuvvennu 2012
(vt. 8.—18. oraskuudu vuvvennu 2018, 15.—21. pakkaskuudu vuvvennu 2020, 7.—13. oraskuudu 2024)
Halličuksen piämies Dmitrii Medvedev
Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Ielolii Rašid Nurgalijev
Флаг
Ven’an Federacien Syväinazieloin ministerstvan piähallindon
piälikkö
Флаг
24. kevätkuudu vuvvennu 2011 — 21. oraskuudu vuvvennu 2012
Ielolii virgu perustettih, häi iče kui Moskovan syväinazieloin piähallindon piälikkö
Jatkai Viktor Golovanov (vt.)
Anatolii Jakunin
Флаг
Moskovan syväinazieloin piähallindon
piälikkö
Флаг
7. syvyskuudu vuvvennu 2009 — 24. kevätkuudu vuvvennu 2011
Ielolii Vladimir Pronin
Aleksandr Ivanov(vt.)
Jatkai virgu otettih iäre, häi iče kui Ven’an syväinazieloin ministerstvan piähallindon piälikkö Moskovas
Флаг
Syväinazieloin hallindon piälikkö
Orlovan alovehel
Флаг
12. pakkaskuudu vuvvennu 2007 — 14. sulakuudu vuvvennu 2009
Ielolii Leonid Pašin
Jatkai Jurii Savenkov
Roindu 11. oraskuudu 1961(1961-05-11) (64 vuottu)
Nižnii Lomov, Penzan aloveh, Ven'an federatiivine socialistine nevvostotazavaldu
Akku Vera Ivanovna Kolokol'ceva
Lapset poigu: Aleksandr
tytär: Jekaterina
Puoloveh partieh kuulumatoi
Opastus Nevvostoliiton Syväinazieloin ministerstvan Kogo Nevvostoliiton Leninan kommunistizen nuorižoliiton 60-vuozipäivän nimine politehnielline korgei opisto
Oppiarvo oigevustiedoloin douhturi (2005)
Ammatti juristu
Toimindu syväinpoliitiekku, yhteiskunnalline turvalližus
Palkindot
Verkosivusto Министерство внутренних дел
Sodapalvelu
Palveluvuvvet vuvves 1982
Kuulundu  Nevvostoliitto →  Ven'anmua
Voiskien laji MVD Badge (Solid Colors).svg Nevvostoliiton syväinazieloin ministerstvu
Emblem of the Ministry of Internal Affairs.svg Ven'an syväinazieloin ministerstvu
Erilline nimi libo kluassučiinu
Arvonimi policien generualu
Ven’an Federacien policien generualu
Логотип РУВИКИ.Медиа Медиафайлы на РУВИКИ.Медиа

Vladimir Aleksandrovič Kolokol'cev (roinnuhes 11. kevätkuudu vuvvennu 1961) on Ven'an valdivomies, oigevuksienvalvojien elimien johtoruadai. Ven’an Federacien syväinazieloin ministru vuvven 2012 oraskuun 21. päiväs[1]. Ven’an Federacien policien generualu (2015)[2]. Ven’an Federacien syväinazieloin elimien arvostettu ruadai. Oigevustiedoloin douhturi (2005). Ven’an Federacien Turvalližuon Nevvoston alalline ozanottai vuvves 2012.

Enne — Moskovan syväinazieloin piähallindon piälikkö 7. syvyskuudu vuvvennu 2009 — 24. kevätkuudu vuvvennu 2011. Ven’an syväinazieloin ministerstvan piähallindon piälikkö Moskovas 24. kevätkuudu vuvvennu 2011 — 21. oraskuudu vuvvennu 2012[3].

Eloskerdu

Vladimir Kolokol'cev on roinnuhes 11. oraskuudu vuvvennu 1961 Penzan alovehen Nižnii Lomov -linnas ruadajan perehes. Ruadoi gruuzijan mašinan šouferinnu, sit pumpulaittehen mašinistannu Penzan alovehen Vlast’ truda -fanieruzavodan kattilozastos. Vuvvennu 1979 händy otettih armieh, sluuži rajavoiskis Nevvostoliiton da Afganistuanan rajal.

Vuvvennu 1982 Kolokol'cev rubei ruadamah syväinazieloin elimis. Sluuži Moskovas akkreditiiruittuloin ulgomualazien valdivoloin diplomuattizien ezitystölöin suojelun miliciiozastos. Vuvvennu 1984 händy pandih Moskovan Gagarinan piirin toimehpaniikomitietan milicien syväinazieloin hallindon vardoičuspalvelun erillizen bataljounan vzvodan piälikökse.

Vuvvennu 1985 Kolokol'cev piäzi opastumah Nevvostoliiton Syväinazieloin ministerstvan Kogo Nevvostoliiton Leninan kommunistizen nuorižoliiton 60-vuozipäivän nimizeh politehniellizeh korgieh opistoh, loppi sen kiitettävien arvosanoinke vuvvennu 1989. Opiston loppiettuu tuli uvvessah Moskovah, rubei ruadamah syväinazieloin elimis Moskovan Kuncevon piirin toimehpaniikomitietan syväinazieloin hallindon kriminualututkindo-ozaston operatiivuruadajannu. Myöhembä rodih Moskovan milicien 20. ozaston varapiälikökse, sit — milicien 8. ozaston piälikökse.

Vuvvennu 1992 Kolokol'cev siirdyi ruadoh Kriminualutitkindohallindoh Moskovan syväinazieloin piähallindon Kriminualututkindohallindon 2. ozaston vahnemban operatiivuruadajan virgah. Vuvven 1993 allus händy pandih Moskovan milicien 108. ozaston piälikökse.

Vuvvennu 1995 Kolokol'cevua pandih Keskushallindo-okrugan 2. Piirin syväinazieloin hallindon kriminualututkindohallindon ozaston piälikökse. Vuvvennu 1997 häi rodih Alovehellizen järjestettylöin rikoksien vastustushallindon 4. alovehellizen ozaston piälikökse Moskovas Ven'an syväinazieloin ministerstvan tyves. Vuvvennu 1999 händy pandih alovehellizen Operatiivututkindob'uron piälikökse Liidehen hallindollizes okrugas alovehellizes Järjestettylöin rikoksien vastustuskeskushallindos Ven'an syväinazieloin Järjestettylöin rikoksien vastustuspiähallindon tyves.

Vuvvennu 2001 Kolokol'cevua pandih Ven'an syväinazieloin piähallindon operatiivututkindob'uron 3. ozaston piälikökse Keskusfederualuokrugas. Vuvvennu 2003 häi rodih b'uron varapiäilikökse. Pakkaskuul vuvvennu 2007 händy pandih Syväinazieloin hallindon piälikökse Orlovan alovehel[4][5]. Hänen ruavon aigah alovehel viäritettih kahtu varagubernuattorua Kočujevua da Sošnikovua, erähii alovehen hallindon ozastoloin piälikkölöi[6]. Vangittih da viäritettih tyrmäh suudittavakse erähii aktiivizii muga sanotun "Vorobjovan" joukon ozanottajii. Sulakuul vuvvennu 2009 Kolokol'cevua pandih Ven'an syväinazieloin Kriminualututkindodepartuamentan enzimäzekse varapiälikökse[7].

7. syvyskuudu vuvvennu 2009 Ven'an piämiehen käskys Kolokol'cevua pandih Moskovan syväinazieloin piähallindon piälikökse[8]. Kolokol'cev vaihtoi sit virras iäre työtyn Vladimir Proninan. Enne sidä, 28. sulakuudu, Proninua työttih iäre virraspäi sen jälles, kui Caricinon syväinazieloin ozaston piälikkö Denis Jevs'ukov luadi ammundan Moskovan supermarketas. Läs nelliä kuudu Linnan syväinazieloin hallindon piälikön virras toimijannu oli enzimäine varapiälikkö Aleksandr Ivanov[6].

10. kezäkuudu vuvvennu 2010 Kolokol'cevale annettih erilline arvonimi "milicien generualu-leitenantu"[9].

Ven'an Federacien piämiehen käskys 24. kevätkuudu vuvvennu 2011[10] Kolokol'cevale annettih erilline arvonimi — policien generualu-leitenantu da händy pandih Ven'an syväinazieloin ministerstvan piähallindon piälikökse Moskovas.

Ven'an Federacien piämiehen käskys 21. oraskuudu vuvvennu 2012 Kolokol'cev rodih Ven'an Federacien syväinazieloin ministrakse[11][12] da hänen johtol jatkui oigevuksienvalvojan sistieman uvvistus.

Jälles halličuksen ruavon lopendua pakkaskuul vuvvennu 2020 Kolokol'cevua uvvessah pandih ministran virgah Mihail Mišustinan uvves halličukses 21. pakkaskuudu vuvvennu 2020. Händy uvvessah pandih Syväinazieloin ministrakse 14. oraskuudu vuvvennu 2024[13].

Toizet virrat

  • Valdivollizen narkoutiekkoinvastazen komitietan piälikkö (vuvven 2016 talvikuus, virran mugah);
  • Halličuksen rikoksien profilaktiekan komissien piälikkö (vuvven 2012 kezäkuus).
  • Ven’an Federacien piämiehen alazen korrupcienvastazen nevvoston ozanottai da Ven’an Federacien piämiehen alazen liikundukul’tuuran da sportan kehittämizen nevvoston ozanottai (mollembat — vuvven 2012 heinykuus).
  • Ven’an Federacien soda-tevolližuon komissien ozanottai (vuvven 2014 syvyskuus)[3].

Sankciet

Vuvves 2018 Kolokol'cev on Amierikan Yhtysvaldoin sankcieloin alazennu, a konzu Ukrainal vuvvennu 2022 algavuttih sodatoimet on Kanuadan, Jevroupan liiton, Yhtistynnyön Kuningaskunnan, Šveicuarien, Avstrualien, Japounien da Uvven Zelandien sankcieloin alazennu.

Sankcieloih kaččomattah vuvvennu 2018 Kolokol'cev kävyi Amierikan Yhtysvaldoih Yhtistynnyzien Kanzukundien pidoloih, sih niškoi ongelmittah sai amierikkalazen viizan. Vuvvennu 2022 Amierikan Yhtysvallat ei annettu viizoi Ven’an syväinazieloin ministerstvan delegaciele Kolokol'cevan johtol, sendäh häi ei voinnuh tulla policiipalveluloin piälikkölöin sammitale Yhtistynnyzis Kanzukunnis. Kezäkuul vuvvennu 2024 Kolokol'cev tuli Nju Jorkah Yhtistynnyzien Kanzukundien ozanottajien valdivoloin IV policien elimien piälikkölöin sammitah. Amierikan Yhtysvaldoin Valdivollizen departuamentan sellittelylöin mugah sankcieloin rajoitukset Ven’an policiivirrastoloin piälikkölöin kohtah on loppiettuhes. Amierikan Yhtysvaldoin ezitystös Yhtistynnyzien Kanzukundien tyves sellitettih, ku vagavinnu pietäh omii velvolližuksii viizoin andamizes yhtistyksen sobimuksen hantuzis sen štuabu-fatieras Nju Jorkas. Amierikan Yhtysvaldoin Valdivollizes departuamentas tovestettih velvolližus viizoin andamizes delegacieloile, kudamat otetah ozua Yhtistynnyzien Kanzukundien pidoloih[14].

Kriitiekku

  • 10. tuhukuudu vuvvennu 2013 Kolokol'cev NTV-kanualan ven. «Сегодня. Итоговая программа»-ohjelmas paistes Kirill Pozdn'akovanke sanoi rouno ku ei ole vastah surmukuaznii vagavis rikoksis da terrorizmas, ilmoitti nenga:

Varuan suaja iččeh kohtah surmukuaznin vastustajien vihan, ga ei vai ministrannu, a tavallizennu kanzalazennu en nägis nimidä moitittavua [sit kuritukses] nämmis rikoksis

Tämä ilmoitus oli luajittu, konzu päivy enne sidä luajittih vagavii rikoksii, varrastettih da tapettih 8-vuodine Vasilisa Galicina Naberežnije Čalni -linnas da varrastettih da tapettih vie yksi tyttöine Čečeenies. Sidä ilmoitustu kritikuittih Juablokku-partieh kuulujat, partien verkosivustol kehoitettih työndiä ministru iäre virraspäi[15], ga oli niilöigi, ket kannatettih iče ideidy dai ministran oigevustu sanomah omii mielii.

  • Kolokol'cev — oigevustiedoloin douhturi, hänen väitösruavon tiemannu oli "Ven’an valdivollizien kiindoloin turvuamine kanzallizen turvalližuon koncepcien kontekstas" (ven. «Обеспечение государственных интересов России в контексте концепции национальной безопасности») (2005)[16]. Dissernetan sellittelyn mugah Kolokol'cevan douhturin väitösruavos on nelläs väitösruavospäi laihinah otettuu[17].

Pereh

Vladimir Kolokol'cev (oigiel) operativniekan roulis fil’mas ven. «На углу у Патриарших]». 3. seerii, ven. «Невидимый дирижёр»

On naizis, on kaksi lastu.

  • Akkah — Vera Ivanovna Kolokol'ceva.
  • Сын — Aleksandr Vladimirovič Kolokol'cev (roinnuhes vuvvennu 1983), biznesmies[18].
  • Tytär — Jekaterina Vladimirovna Kolokol'ceva (roinnuhes vuvvennu 1988), MGIMON loppenuh.

Rouli kinos

Vuvvennu 1994 Kolokol'cev ezitti operatiivuruadajan epizouduroulin detektiivusarjufil’mas ven. «На углу, у Патриарших»[19].

Arvonimet

  • Milicien generualu-majouru (5. kevätkuudu vuvvennu 2008).
  • Milicien generualu-leitenantu (10. kezäkuudu vuvvennu 2010).
  • Policien generualu-leitenantu (24. kevätkuudu vuvvennu 2011)[20].
  • Policien generualu-polkovniekku (12. kezäkuudu vuvvennu 2013)[21].
  • Ven'an Federacien policien generualu (10. kylmykuudu vuvvennu 2015)[22].

Palkindot

valdivollizet
  • Arvoruadolois Ižänmuan hyväkse -III da IV astien kunnivomerki.
  • Ven'an Federacien syväinazieloin elimien arvostettu ruadai[23].
  • Medali "Arvoruadolois yhteiskunnallizen järjestyksen suojelun hyväkse".
  • Aleksandr Nevskoin kunnivomerki (2014)[24].
virrastoloin
  • Rynnäsmerki "Syväinazieloin ministerstvan kunnivoruadai".
  • Medali "Urholližuos sluužbas" (Syväinazieloin ministerstvu).
  • I da II astien medali "Arvoruadolois sluužban aigah" (Syväinazieloin ministerstvu).
  • III astien medali "Kunnollizes sluužbas".
  • II da III astien medali "Arvoruadolois johtanduruavos" (Federualline narkoutiekkukaupan tarkastuspalvelu).
  • Medali "200 vuottu Ven’an Syväinazieloin ministerstval" (Syväinazieloin ministerstvu).
  • Medali "Bojuyhtevykses" (Federualline vardoičuspalvelu).
  • Medali "Avus" (Ven’an valdivolline feldjegerupalvelu).
  • Medali "Erinomazes panokses tärgielöin valdivollizien objektoin turvalližuon tirvuamizes" (Hädätiloin ministerstvu).
  • Medali "Bojuyhtevykses" (Syväinazieloin ministerstvu).
  • Rynnäsmerki "200 vuottu Ven’an syväinazieloin ministerstval".
uskondollizet
  • Prepodobnoin Sergii Radonežskoin II astien kunnivomerki (Ven’an pravosluavine kirikkö, 2012)[25].
  • Pyhän Suuren kniäzin Dimitrii Donskoin I astien kunnivomerki (Ven’an pravosluavine kirikkö, 2022) — huomavos kirikkö-valdivollizien välilöin lujittamizeh da 60-vuozipäivän nimeh[26].
alovehellizet
  • Eri merki "Kunnollizes palvelus Moskovan linnan hyväkse" XX vuottu (17. oraskuudu vuvvennu 2011).
  • Medali "Moskovan 850-vuozipäivän mustokse".
  • Nižnii Lomov -linnan kunnivokanzalaine.
  • Orlovan alovehen kunnivokanzalaine (2018)[27].
  • Medali "Arvoruadolois Karjalan tazavallan hyväkse" (8. kezäkuudu vuvvennu 2020) — arvoruadolois Karjalan tazavallan da sen eläjien hyväkse, suures panokses tazavallan sociualu-talovuollizeh kehitykseh da aktiivizes ruavos Valdivollizes Karjalan tazavallan 100-vuozipäivän valmistamizen komissies[28].
ulgomualazet
  • Dostuk-kunnivomerki (12. ligakuudu vuvvennu 2021, Kirgiizii)[29].

Huomavukset

  1. ↑ Правительство РФ подало в отставку
  2. ↑ Указ Президента Российской Федерации от 10.11.2015 г. № 554 "О присвоении специального звания Колокольцеву В. А."
  3. ↑ 1 2 Энциклопедия ТАСС, 2024. Колокольцев, Владимир Александрович. Министр внутренних дел РФ
  4. ↑ Указ Президента Российской Федерации от 15.01.2007 г. № 33 "О начальнике Управления внутренних дел по Орловской области"
  5. ↑ В УВД Орловской области назначен новый начальник // Пресс-служба УВД, 17 января 2007
  6. ↑ 1 2 Баршев В., Передельский Д. и др. Город принял // Российская газета, № 4991 (167), 7 сентября 2009.
  7. ↑ Указ Президента Российской Федерации от 08.04.2009 г. № 365 "О назначении на должность сотрудников органов внутренних дел Российской Федерации"
  8. ↑ Указ Президента Российской Федерации от 07.09.2009 г. № 1013 "О начальнике Главного управления внутренних дел по г. Москве"
  9. ↑ Главе ГУВД Москвы Колокольцеву присвоено звание генерал-лейтенанта. РИА Новости (11. kezäkuudu 2010). Kačondan päivymiäry: 21. syvyskuudu 2010. Arhiviiruittu 10. sulakuudu 2012
  10. ↑ Указ Президента Российской Федерации от 24 марта 2011 г. № 350 "О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации"
  11. ↑ Указ Президента Российской Федерации от 21.05.2012 г. № 645 "О Министре внутренних дел Российской Федерации"
  12. ↑ Владимир Колокольцев назначен министром внутренних дел РФ
  13. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  14. ↑ РБК, 26 июня 2024. Колокольцев прибыл в Нью-Йорк для участия в полицейском саммите для стран ООН
  15. ↑ Алексей Мельников: Колокольчик смертной казни | Партия ЯБЛОКО. Kačondan päivymiäry: 28. kevätkuudu 2013. Arhiviiruittu 5. sulakuudu 2013
  16. ↑ Глава МВД представил Владимира Колокольцева личному составу // vesti.ru, 7 сентября 2009.
  17. ↑ "Сплошные совпадения" генерала Колокольцева привели в Петербург // Фонтанка.ру
  18. ↑ ВЕДОМОСТИ — Сын министра внутренних дел оказался бизнесменом
  19. ↑ На углу у Патриарших. Актёры и роли
  20. ↑ Указ Президента Российской Федерации от 24.03.2011 г. № 350 "О присвоении специального звания высшего начальствующего состава сотрудникам органов внутренних дел Российской Федерации и назначении на должность сотрудников органов внутренних дел Российской Федерации"
  21. ↑ Указ Президента Российской Федерации от 12.06.2013 г. № 556 "О присвоении воинских званий высших офицеров, специальных званий высшего начальствующего состава, высших специальных званий и классных чинов"
  22. ↑ Указ Президента Российской Федерации от 10.11.2015 г. № 554 "О присвоении специального звания Колокольцеву В. А".
  23. ↑ Министр внутренних дел Российской Федерации Генерал полиции Российской Федерации Владимир Александрович Колокольцев
  24. ↑ https://мвд.рф/upload/site1/minister1(2)-240xx314.jpg Фото Министра внутренних дел РФ генерала полиции Российской Федерации В. А. Колокольцева с орденскими планками
  25. ↑ В неделю по Рождестве Христовом Предстоятель Русской Церкви совершил Божественную литургию в Успенском соборе Московского Кремля
  26. ↑ Состоялась встреча Святейшего Патриарха Кирилла с министром внутренних дел России В. А. Колокольцевым
  27. ↑ Владимир Колокольцев стал "Почетным гражданином Орловской области". "ВЕЧЕРНИЙ ОРЁЛ". Орловская электронная газета (21. talvikuudu 2018). Kačondan päivymiäry: 26. sulakuudu 2019.
  28. ↑ Указ Главы Республики Карелия от 8 июня 2020 года № 58 "О награждении государственными наградами Республики Карелия"
  29. ↑ Колокольцев Владимир Александрович

Linkat

Lähteh - "https://olo.ruwiki.ru/w/index.php?title=Vladimir_Kolokol%27cev&oldid=126181800"