Dmitrii Grigorenko

On otettu Рувики-späi
Dmitrii Jurjevič Grigorenko
Григоренко Дмитрий Юрьевич.jpg
Флаг
Ven’an Federacien halličuksen varapiälikkö — Ven’an Federacien halličuksen apparuatan johtai
Флаг
21. pakkaskuudu vuvvennu 2020
(vt. 7.—13. oraskuudu vuvvennu 2024)
Halličuksen piämies Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Ielolii Konstantin Čuičenko
Roindu 14. heinykuudu 1978(1978-07-14) (48 vuottu)
Nižnevartovsku, T’umenin aloveh, Ven’an federatiivine socialistine nevvostotazavaldu, Nevvostoliitto
Opastus
Palkindot Орден «За заслуги перед Отечеством» 2-й степени Thanks the President of the Russian Federation.PNG
Логотип РУВИКИ.Медиа Медиафайлы на РУВИКИ.Медиа

Dmitrii Jurjevič Grigorenko (ven. Дми́трий Ю́рьевич Григоре́нко; roin. 14. heinykuudu 1978, Nižnevartovsku[d], T’umenin aloveh[d]) on Ven'an valdivomies, ekonomistu. Ven’an Federacien halličuksen varapiälikkö — Ven’an Federacien halličuksen apparuatan johtai vuvven 2020 pakkaskuun 21. päiväs[1] (vt. 7.—13. oraskuudu 2024)[2][3].

Enne — Ven'an Federacien Federuallizen veropalvelun varajohtai (2013—2020)[4]. Federuallizen keskusokrugan kuruattoru vuvven 2021 heinykuun 19. päiväs[5]. Ven'an Federacien 2. astien toimii valdivolline nevvoi (2017)[6].

Eloskerdu

Vuvvennu 2000 Dmitrii Grigorenko loppi Kubanin valdivonyliopiston Ekonoumiekan, oigevuon da luonnontiedoloin instituutan Oigevustiedo-ammatin mugah da Kubanin kanzoinvälizen biznessualan da menedžementan instituutan Rahavarat da krediitty -ammatin mugah.

Vuvven 2000 ligakuus ruadoi veroelimis. Vuozinnu 2000—2003 oli Krasnodaran linnan verovirraston № 4 enzimäzen astien azientiedäjänny.

Vuvvennu 2003 Grigorenko rodih Alovehienvälizien suurien veronmaksajien verovirraston № 2 valdivollizekse piäveroispektorakse, vuvves 2003 vuodessah 2004 oli Ven’an Federacien vero- da tulliministerstvan Tuloloinveroitusdepartuamentan yhtehis-analiittizen ozaston valdivollizennu piäveroispektorannu, vuozinnu 2004—2006 oli Federuallizen veropalvelun Tuloloinveroitushallindon kauppulaitoksien veroitusozaston piälikönny.

Vuvves 2006 vuodessah 2008 oli Federuallizen veropalvelun Tuloloinveroitushalličendan hallindon kauppulaitoksien tuloloinveroitushalličendan ozaston piälikönny.

Vuozinnu 2008—2012 oli tuloloinveroituksen da erillizien verokuriloin ozaston piälikönny, Federuallizen veropalvelun veroitushallindon varapiälikönny.

Vuozinnu 2012—2013 Grigorenko oli Federuallizen veropalvelun veroitusnhallindon piälikönny. Vuvven 2013 elokuus ligakuussah oli Federuallizen veropalvelun juriidizien yksikkölöin veroitushallindon piälikönny. Vuvven 2013 ligakuus vuvven 2020 pakkaskuussah oli Federuallizen veropalvelun varajohtajannu.

21. pakkaskuudu 2020 rodih Ven'an Federacien halličuksen varapiälikökse — Ven’an Federacien halličuksen apparuatan johtajakse.

11. oraskuudu vuvvennu 2024 [[Mihail Mišustin] andoi Valdivollizele Duumale kačottavakse uvven halličuksen, kehoitti Grigorenkuo varapiäminstran virgah[7]. 13. oraskuudu Valdivolline Duumu hyväksyi händy täh virgah[8]. Ven’an Federacien piämies 14. oraskuudu allekirjutti käskyn virgah miäriändäs[9]. Grigorenko varapiäministran virras vastuau digitualizes kehitykses da yhtevykses, tegoälyn tehnolougieloin käyttöh ottamizes, monopoulienvastazes poliitiekas, kanzallizen Digitualine talohus -projektan kehitändäs, todevutandas da tarkastandas[10].

Vuvven 2022 ligakuus Grigorenko on Ven’an Federacien halličuksen alazen Ven'an Federacien Ammundutarbehil varustettuloin voimien, toizien voiskien, sodaozastoloin da elimien tarbehien täyttämizen ohjailunevvoston varapiälikönny. Kuuluu Ven'an Federacien piämiehen alazeh stratiegizen kehityksen da kanzallizien projektoin nevvostoh, a vuvven 2020 tuhukuus on sen prezidiuman ozanottajannu. Vuvven 2020 syvyskuus Grigorenko on valdivollizien korporacieloin ven. ВЭБ.РФ da VTB-bankan tarkailunevvostoloin piälikönny, vuvven 2020 pakkaskuus on halličuksen zakonoinluajindukomissieloin piälikönny, vuvven 2020 kevätkuus — hallindouvvistuksen piendän, opimizacien kyzymyksien da b’udžiettukululoin effektiivižuon kazvandan komissieloin piälikönny[3].

On Jevroupan Liiton, Amierikan Yhtysvaldoin, Kanuadan, Yhtistynnyön Kuningaskunnan, Šveicuarien, Avstrualien, Japounien, Uvven Zelandien sankcieloin alazennu.

Palkindot da arvonimet

  • II astien kunnivomerki "Arvoruadolois Ižänmuan hyväkse" — (2014);
  • Ven'an Federacien piämiehen kiitändy — (2017);
  • Ven'an Federacien Lugupaluatan piämiehen kiitändy;
  • Valdivollizen Duuman merki "Arvoruadolois parlamentarizman kehittämizen hyväkse"[11];
  • Ven'an Federuallizen veropalvelun paras ruadai;
  • Ven'an Federuallizen veropalvelun kunnivoittu ruadai[12][13].

Kluassučiinu

  • Ven'an Federacien 2. astien toimii valdivolline nevvoi[12].

Pereh

On naizis, on lapsi[12].

Huomavukset

  1. ↑ Путин назначил Григоренко главой аппарата правительства // РИА Новости. Kačondan päivymiäry: 24. syvyskuudu 2025. Arhiviiruittu 22. pakkaskuudu 2020
  2. ↑ Правительство России переходит в статус и.о. до назначения нового состава (рус.). TACC. Kačondan päivymiäry: 24. syvyskuudu 2025.
  3. ↑ 1 2 Энциклопедия ТАСС, 2024. Григоренко, Дмитрий Юрьевич. Заместитель председателя правительства РФ — руководитель Аппарата правительства РФ
  4. ↑ Григоренко Дмитрий Юрьевич //SBO-Paper. Kačondan päivymiäry: 24. syvyskuudu 2025. Arhiviiruittu 29. kevätkuudu 2020
  5. ↑ Михаил Мишустин назначил вице-премьеров кураторами федеральных округов. Kačondan päivymiäry: 24. syvyskuudu 2025. Arhiviiruittu 19. heinykuudu 2021
  6. ↑ Указ Президента РФ от 02.05.2017 N 194 «О присвоении классных чинов государственной гражданской службы Российской Федерации федеральным государственным гражданским служащим» // Кодификация РФ. Kačondan päivymiäry: 24. syvyskuudu 2025. Arhiviiruittu 29. kevätkuudu 2020
  7. ↑ О чем говорит новая конфигурация российского правительства. РБК (11. oraskuudu 2024). Kačondan päivymiäry: 24. syvyskuudu 2025.
  8. ↑ Госдума утвердила Григоренко на пост зампреда правительства. РИА Новости (13. oraskuudu 2024). Kačondan päivymiäry: 24. syvyskuudu 2025.
  9. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 24. syvyskuudu 2025.
  10. ↑ Михаил Мишустин утвердил распределение обязанностей между вице-премьерами. government.ru (17. oraskuudu 2024). Kačondan päivymiäry: 24. syvyskuudu 2025.
  11. ↑ Володин наградил Григоренко знаком Думы за заслуги в развитии парламентаризма (рус.). ТАСС. Kačondan päivymiäry: 24. syvyskuudu 2025.
  12. ↑ 1 2 3 Дмитрий Григоренко: биография руководителя аппарата правительства России (рус.). mail.ru (6. heinykuudu 2022). Kačondan päivymiäry: 24. syvyskuudu 2025.
  13. ↑ Дмитрий Григоренко (рус.). 24smi.org. Kačondan päivymiäry: 24. syvyskuudu 2025.

Linkat

Lähteh - "https://olo.ruwiki.ru/w/index.php?title=Dmitrii_Grigorenko&oldid=126360802"