Fal'kov Valerii Nikolajevič

On otettu Рувики-späi
RUWIKIS on kirjutustu toizis ristikanzois sugunimenke Fal'kov.
Valerii Nikolajevič Fal’kov
Valery Falkov govru.png
Флаг
Ven’an Federacien tiijon da korgien opastuksen ministru
Флаг
21. pakkaskuudu vuvvennu 2020
(vt. 7.—13. oraskuudu vuvvennu 2024)
Halličuksen piämies Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Ielolii Mihail Kot’ukov
Флаг
T’umenin valdivonyliopiston rektoru
(vt. ligakuu 2012 — 21. kevätkuudu vuvvennu 2013)
Флаг
21. kevätkuudu vuvvennu 2013 — 21. pakkaskuudu vuvvennu 2020
Ielolii Gennadii Čebotar’ov
Jatkai Ivan Romančuk
Флаг
T’umenin alovehellizen duuman deputuattu
Флаг
18. syvyskuudu vuvvennu 2016 — 21. pakkaskuudu vuvvennu 2020
Флаг
T’umenin linnan duuman deputuattu
Флаг
2013 — 2016
Roindu 18. ligakuudu 1978(1978-10-18) (46 vuottu)
T’umeni, T’umenin aloveh, Ven’an federatiivine socialistine nevvostotazavaldu, Nevvostoliitto
Partii Yhtenäine Ven’a
Opastus T’umenin valdivonyliopisto
Oppiarvo oigevustiedoloin kandiduattu, docentu
Ammatti juristu
Toimindu poliitiekku
Tiedoruado
Tiedoala oigevustiedo
Ruadopaikku Ven’an Federacien tiijon da korgien opastuksen ministerstvu
Логотип РУВИКИ.Медиа Медиафайлы на РУВИКИ.Медиа

Valerii Nikolajevič Fal’kov (ven. Вале́рий Никола́евич Фалько́в; roinnuhes 18. ligakuudu vuvvennu 1978, T’umeni, T’umenin aloveh, Ven’an federatiivine socialistine nevvostotazavaldu, Nevvostoliitto) on Ven’an valdivomies, Ven’an Federacien tiijon da korgien opastuksen ministru vuvven 2020 pakkaskuun 21. päiväs (vt. 7.—13. oraskuudu vuvvennu 2024). Tiedomies-juristu.

Enne — T’umenin valdivonyliopiston rektoru (2013—2020).

Eloskerdu

Opastus

Loppi Novoselezn’ovskan keskiškolan T’umenin alovehen Kazanskoin piirin Kazanskoje-kyläs.

Vuvvennu 1995 piäzi opastumah T’umenin valdivonyliopiston oigevustiijon tiedokunnale, vuvvennu 2000 loppi Valdivon da oigevuksen instituutan oigevustiedo-opastuslan mugah, sen jälles piäzi opastumah aspirantuurah da oraskuul vuvvennu 2003 loppi sen enne aigua da puolisti kandiduatan väitösruavon aihies "Valličuksen agitacien oigevuksen ohjuandan kehittämine (ven. "Совершенствование правового регулирования предвыборной агитации в Российской Федерации", tiedo-ohjuaju G. N. Čebotar’ov)[1].

Tiedo-haldivolline ruado

Vuvves 2003 vuodessah 2007 Fal’kov oli T’umenin valdivonyliopiston peruszakonu- da municipualuoigevuksen laitoksen varapiälikönny, vuvvennu 2007 Fal’kovale annettih docentan oppiarvo.

Vuvven 2007 kevätkuus kylmykuussah oli T’umenin valdivonyliopiston opastuspuolen varajohtajannu.

Vuvves 2007 vuodessah 2011 Fal’kov oli T’umenin valdivonyliopiston ližäopastuksen da ozastoloin vararektorannu, vuvves 2011 vuvven 2012 kevätkuussah oli T’umenin valdivonyliopiston oigevuon, talohuon da ohjuandan instituutan johtajannu.

Vuvves 2009 vuodessah 2011 Fal’kovua vallittih T’umenin alovehen nuorien tiedomiehien da ammattimiehien nevvoston piälikökse (vuvvennu 2011 Nevvosto oli Ven’an effektiivizimii nevvostoloi).

Vuvven 2012 ligakuus vuvven 2013 sulakuussah Fal’kov oli T’umenin valdivonyliopiston rektoran virras toimijannu. Ven’an Federacien tiijon da korgien opastuksen ministerstvan[ru] attestaciikomissien piätökses[2] da oli sit virras vuodessah 2020.

30. sulakuudu vuvvennu 2015 Fal’kovua vallittih T’umenin alovehen korgeiškolien rektoroin nevvoston piälikökse. On Ven’an Federacien korgeiškolien juriidizen opastuksen opastus-metoudizen yhtymän prezidiuaman ozanottai.

Fal’kov valvoi T’umenin alovehen perspektiivat: uvvet tevolližuot da ruadajien potensiualu -opastusprogrammua, kudaman pani rattahile Moskovan Skolkovo-ohjuanduškola T’umenin alovehen gubernuattoran tiluandas yhtesruavonnu T’umenin valdivonyliopistonke.

21. pakkaskuudu vuvvennu 2020 Fal’kovua pandih Ven’an Federacien tiijon da korgien opastuksen ministrakse Mihail Mišustinan halličukses.

14. oraskuudu vuvvennu 2024 Valdivolline Duumu uvvessah hyväksyi Valerii Fal’kovua Ven’an Federacien tiijon da korgien opastuksen ministrakse[3], samannu piän Ven’an Federacien piämies allekirjutti käskyn virgah miäriändäs[4].

Yhteiskunnalline ruado

Oli alovehienvälizen moniprofilihizen školas opastujien Mendelejev-olimpiuadan alguhpanijannu da luadijannu, olimpiuadan tarkoituksennu oli nerokkahien lapsien ečindän da kehitändän sistieman luadimine T’umenin alovehel.

Vuvven 2012 kevätkuus on Kogo Ven’an yhteiskunnallizen Ven’an juristoin liiton alovehellizen ozaston varapiälikkö, Liiton T’umenin linnan ozaston piälikkö.

Vuvves 2006 vuodessah 2013 Fal'kov oli T’umenin alovehen valličuskunnan ozanottai piättäjän iänen oigevuksenke.

Vuvves 2013 vuodessah 2016 oli T’umenin linnan duuman VI kerähmön deputuatannu, Yhtenäine Ven’a -partien alovehellizen poliittizen nevvoston ozanottajannu, T’umenin linnan duuman alallizen linnannostandan da muavälilöin komissien piälikönny. 18. syvyskuudu vuvvennu 2016 — 21. pakkaskuudu vuvvennu 2020 oli T’umenin alovehellizen duuman deputuatannu yhten ezittäjän valličuskunnaspäi № 17.

Vuvvennu 2020 kuului Ven’an Federacien peruszakonan kohenduksien luadijah ruadojoukkoh[5].

Fal'kov on ven. «Тобольск и вся Сибирь»-al’manuahan toimitusnevvoston piälikönny.

T’umenin kanzalazien oigevustiedo-opastundan Oigevuon avvonaine škola -projektan alguhpanii.

Vuvves 2014 kuuluu Ven’an Federacien piämiehen alazeh ohjuanduruadajien rezervah.

Vuvven 2015 kezäkuus kuuluu T’umenin alovehen monitouringan da ruadajien tarbehen ennustandan azientiedäjien nevvostoh.

Vuvven 2018 talvikuun 25. päiväs rubei kuulumah Ven’an Federacien piämiehen alazeh Tiijon da opastuksen nevvostoh[6].

27. talvikuudu vuvvennu 2024 Ven’an Federacien piämiehen 27.12.2024 Virrastoloinvälizen histouriellizen opastuksen komissien kyzymykset -käskyn № 1120 mugah rubei kuulumah Virrastoloinvälizen histouriellizen opastuksen komissieh[7].

Palkindot da arvonimet

  • Ven’an Federacien Opastanduministerstvan kunnivokirjaine (2003) da T’umenin alovehen gubernuattoran kunnivokirjaine (2008)
  • T’umenin alovehen gubernuattoran kiitändykirjaine (2008)
  • T’umenin alovehellizen duuman kunnivorynnäsmerki (2009)
  • Korgien oigevustiijon palkindon laureattu T’umenin alovehel "Юрист года — 2014"
  • Kiitändykirjaine Ven’an Federacien piämiehen ezittäjäs Urualan federuallizes okrugas (2015)
  • T’umenin alovehen opastuksen da tiijon departuamentan kiitändykirjaine (2015)
  • Ven’an Federacien federualukerähmön Federacien Nevvoston piälikön kiitändykirjaine (2017).

Huomavukset

  1. ↑ Просмотр документа — dlib.rsl.ru. Kačondan päivymiäry: 22. pakkaskuudu 2020. Arhiviiruittu 25. tuhukuudu 2020
  2. ↑ Приказ от 10 апреля 2018 г. № 12-07-03/50. Kačondan päivymiäry: 21. pakkaskuudu 2020. Arhiviiruittu 13. pakkaskuudu 2021
  3. ↑ Госдума утвердила Фалькова министром науки и высшего образования. РИА "Новости" (14. oraskuudu 2024). Kačondan päivymiäry: 14. oraskuudu 0204.
  4. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  5. ↑ Источник. Kačondan päivymiäry: 21. pakkaskuudu 2020. Arhiviiruittu 28. elokuudu 2020
  6. ↑ См. Указ Президента Российской Федерации от 25.12.2018 № 748 "О внесении изменений в состав Совета при Президенте Российской Федерации по науке и образованию и в состав президиума этого Совета, утверждённые Указом Президента Российской Федерации от 16 ноября 2017 г. № 550" Arhiivukoupii 12 pakkaskuudu 2021 Wayback Machine
  7. ↑ Указ Президента Российской Федерации от 27.12.2024 № 1120 ∙ Официальное опубликование правовых актов. publication.pravo.gov.ru (27. talvikuudu 2024). Kačondan päivymiäry: 27. talvikuudu 2024.

Linkat

  • Страница на сайте Минобрнауки России
  • В. Н. Фальков (недоступная ссылка) на сайте депутатов партии "Единая Россия"
Lähteh - "https://olo.ruwiki.ru/w/index.php?title=Fal%27kov_Valerii_Nikolajevič&oldid=126192371"