Dmitrii Černišenko

On otettu Рувики-späi
RUWIKIS on kirjutustu toizis ristikanzois sugunimenke Černišenko.
Dmitrii Nikolajevič Černišenko
Dmitry Chernyshenko official portrait (government.ru).jpg
Флаг
Ven’an Federacien halličuksen varapiälikkö
Флаг
21. pakkaskuudu vuvvennu 2020
(vt. 7.—13. oraskuudu vuvvennu 2024)
Halličuksen piämies Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Roindu 20. syvyskuudu 1968(1968-09-20) (56 vuottu)
Opastus
Palkindot
Verkosivusto government.ru
Логотип РУВИКИ.Медиа Медиафайлы на РУВИКИ.Медиа

Dmitrii Nikolajevič Černišenko (ven. Дми́трий Никола́евич Черныше́нко, roinnuhes 20. syvyskuudu 1968) on Ven'an valdivomies, Ven'an Federacien halličuksen varapiälikkö digitalizaciitalohuon da innovacieloin kyzymyksis, yhtevykses, joukkoviestimis, sežo kul’tuuras, matkailus da sportas vuvven 2020 pakkaskuun 21. päiväs[1][2]. Kuruattoru Volganrannikon federualuokrugas vuvven 2021 heinykuun 19. päiväs[3].

Vuozinnu 2007—2014 — Vuvven 2014 Sočin XXII Olimpiuadan talvikižoin da XI Paralimpiuadan talvikižoin ohjailukomitietan piämies. Vuvven 2014 kylmykuun 28. päiväs — Kontinentualizen jiäkur'oiliigan hallindon piälikkö. Gazprom-media Holdingan piäjohtai da halličuksen piälikkö. Vuvven 2018 ligakuun 20. päiväs ven. «ГПМ Развлекательное ТВ»-subholdingan johtai[4][5].

Vuvvennu 2019 Černišenko toizen kerran peräkkäi puutui Variety500:h — muailman vaikuttavimien mediapersounoin 500 luvetteluh, kudaman luadiu amierikkalaine julgavo Variety[6].

Eloskerdu

Kanzoinvälizen olimpiuadukomitietan 119. sessien avuajazis. Hurual Ven'an piämiehes V. A. Ferisov, oigiel — I. K. Rodnina da D. N. Černišenko.
Gvatemala, 3. heinykuudu vuvvennu 2007
Dmitrii Černišenko ruadomatkan aigua Loittozen Päivännouzuh, vuozi 2021

Dmitrii Černišenko on roinnuhes 20. syvyskuudu vuvvennu 1968 Saratovos. Kazvoi Maikopas da Sočis[5][7].

Loppi Moskovan valdivollizen tehnolougiellizen yliopiston "Stankin" avtomatiziiruitun projektiiruičendan sistiemat -opastuslan mugah, sai inženieru-sistiemutehniekan ammatin. Opastundan aigah piirusti gruafiekan MMM:n rekluamuvideoh nähte, kudamas sai oman enzimäzen palkan — 1500 dollarua[8][5].

Vuozinnu 1989—1991 Černišenko ruadoi ohjelmoiččijannu televiestindän Copris&M Co -laitokses.

Vuozinnu 1989 Stankin-yliopistos yhtes opastunnuzienke perusti ven. «Информатика Маркетинг Сервис»-laitoksen, se oli Nevvostoliitos enzimäzii tiedokonehgruafiekan stuudien. Vuozinnu 1991—1992 oli tämän laitoksen piäjohtajannu.

Vuvves 1992 vuodessah 1994 oli SFT-rekluamuagenstan johtajannu (pieni laitos ven. «Информатика Маркетинг Сервис» suureni rekluamuagenstvassah SFT (ven. «СФТ-Реклама»).

Vuvvennu 1993 Černišenko rodih Media Arts -rekluamuagenstvan erähäkse perustajis, se luajittih ven. «Информатика Маркетинг Сервис»-laitoksen pohjal, kudai terväh sai rekluamuholdingan stuatusan Media Arts Group. Vuvvennu 1994 rodih holdingan taidojohtajakse, vuvvennu 1996 — sen varapiäjohtajakse[8].

Vuozinnu 1998—2002 Černišenko oli TV:n ven. ДТВ-МА -stuudien piäjohtajannu, se rodih, konzu Media Arts Group -holdingu osti D’Arсy TV -laitoksen («Д’Арси ТелеВижн»), kudai luadi rekluamuvideoloi. ven. ДТВ-МА -stuudien klijentoinnu oldih kuulužat kanzoinvälizet brendat da rekluamuagenstvat. Stuudii on suannuh enämbän 30 palkinduo Ven'an da kanzoinvälizis festivualilois[9].

Vuvvennu 2002 Černišenko rodih Media Arts Groupan vahnembakse varapiämiehekse da Sportima-laitoksen johtajakse, kudai perustettih holdingan sydämes sportumarkietingan alal ruadoh nähte[8].

Kylmykuul vuvvennu 2005 Černišenko rodih Sočin Olimpiuadan da Paralimpiuadan kižoin kampuanien johtajakse, Soči-2014 taričuskomitietan piäjohtajakse[10].

Vuvves 2007 vuodessah 2014 Černišenko oli Sočin vuvven 2014 XXII Olimpiuadan da Paralimpiuadan kižoin ohjailukomitietan johtajannu[11][5].

Vuvven 2007 syvyskuun 26. päiväs Černišenko on Ven’an Federacien piämiehen alazen liikundukul’tuuran da sportan, korgevimien suavutuksien sportan, Sočin vuvven 2014 XXII Olimpiuadan da Paralimpiuadan kižoin valmistandan da piendän nevvoston prezidiuman ozanottajannu[12]. Ozanottajan enzimäzenny vuon (vuvven 2007 syvyskuun 26. päiväs vuvven 2008 syvsykuun 5. päivässäh) oli nevvoston sekretarin virras[5].

Vuvven 2007 kylmykuun 12. päiväs oli ven. ГК «Олимпстрой»-laitoksen tarkailunevvoston piälikönny[13].

Ligakuus talvikuussah vuvvennu 2014 Černišenko oli Volga Group -investiciikompuanien johtajannu, rodih kompuanien biznesmiehen Gennadii Timčenkon aktiivoin ohjuajakse[14].

Vuvven 2014 kylmykuun 28. päiväs Černišenko on Kontinentualizen jiäkur’oiliigan piämiehenny da halličuksen piälikönny[15]

Vuvven 2014 talvikuun 23. päiväs — Ven’an jiäkur’oifederacien nevvostoh kuului.

Vuvven 2015 pakkaskuun 13. päiväs — Gazprom-Media Holdingan piäjohtai[16][5].

Vuvves 2016 — Kanzallizen rekluamualjansan johtajien nevvoston piälikkö[17]. Ven’an raududorogat -laitoksen johtajien nevvostoh kuului[18].

21. pakkskuudu vuvvennu 2020 Černišenko pandih Ven’an Federacien halličuksen varapiälikökse[19] digitalizaciitalohuon da innovacieloin kyzymyksis, yhtevykses, joukkoviestimimis, sežo kul’tuuras, matkailus da sportas. Häi valvou kanzallizien programmoin todevutandua: "Digitualine talohus", "Kul'tuuru", sežo federuallistu Kanzallizen Demogruafii-projektan projektua "Sportu eloksen normannu". Hänen valvondan alazinnu sežo ollah valdivollizen poliitiekan kyzymykset joukkoviestimien da innovaciitoimindan alal, valdivolline hindoin (tariiffoin) ohjuandu yhtevyksen alal da valdivollizien ohjelmoin todevutandu IT:n da yhtevyksen alal. Ližäkse Černišenko vastuau merkittävien sportutapahtumien piendäs da yhtehizes ruavos uskondollizien yhtistyksienke[1].

11. oraskuudu vuvvennu 2024 Mihail Mišustin andoi valdivollizele Duumale kačottavakse uvven halličuksen, kehoitti Černišenkuo varapiäministrakse[20]. 13. oraskuudu Valdivolline Duumu hyväksyi händy sih virgah[21]. 14. oraskuudu Ven’an Federacien piämies allekirjutti käskyn sih nähte[22][5].

Černišenko vastuau: perus- da ammatillizes keskiopastukses, nuorižopoliitiekas. Häi jatkau valvondan: innovacien toimindas, tiedotutkimuksien kannattamizes tegoälyn kehittämizes. Černišenko ruadau kanzallizien projektoin kehitändäs, todevutandas da tarkastandas: "Tiedo da yliopistot", "Opastus", "Matkailu da rahmannožuon industrii". Valvou moizien ministerstvoin da virrastoloin ruaduo:

  • Tiijon da korgien opastuksen ministerstvu;
  • Ven’an Federacien opastanduministerstvu;
  • Sportan ministerstvu;
  • Rakendamizen da eländykunnallistalovuon ministerstvu (kanzallizen projektan "Matkailu da rahmannožuon industrii" pivot);
  • Talovuskehityksen ministerstvu (valdivollizen poliitiekan todevutandu matkailun alal);
  • Ven'an Federacien digituallizen kehityksen, yhtevyksen da joukkoviestindän ministerstvu (valdivollizen poliitiekan todevutandas joukkoviestindän da joukkoviestimien alal);
  • Federualline nuorižoazieloin agenstvu;
  • Federualline kanzalližuksien azieloin agenstvu (kyzymyksis yhtehizes ruavos uskondollizien yhtistyksienke);
  • Federualline opastusalan da tiijon tarkastuspalvelu[23].

23. syvyskuudu vuvvennu 2024 Černišenko pandih Ven'an Federacien ezittäjäkse Internetan kehityksen instituutan tarkailunevvostos[24].

11. tuhukuudu vuvvennu 2025 Ven'an Federacien piämies hyväksyi Černišenkuo valdivollizen programman Liikundukul'tuuran da sportan -programman todevutandan komissien piälikökse[25].

Černišenko maltau anglien kieldy[26].

Pereh

Dmitrii Černišenko on naizis, hänel on kaksi tytärdy. Suvaiččou mägihiihtändiä da bojutaidoloi[5].

Sankciet

Jälles Ukrainal sodatoimiloin algavundua Černišenko on Jevroupan liiton, Yhtistynnyön Kuningaskunnan, Amierikan Yhtysvaldoin, Šveicuarien da Uvven Zelandien sankcieloin alazennu.

Palkindot da arvonimet

Palkičendu Arvoruadolois Ižänmuan hyväkse -II astien kunnivomerkil. 24. kevätkuudu vuvvennu 2014
  • Arvoruadolois Ižänmuan hyväkse -II astien kunnivomerki (24. kevätkuudu vuvvennu 2014) — suures panokses Sočin vuvven 2014 XXII Olimpiuadan da Paralimpiuadan kižoin valmistandas da piendäs da Ven’an joukkovehien hyvän ezityndän turvuamizes[27].
  • Kunnivon kunnivomerki (6. elokuudu vuvvennu 2007) — aktiivizes ruavos Sočin linnan taričuspakičuksen voittoh nähte Vuvven XXII talven Olimpiuadukižoin da Paralimpiuadan piendäs[28].
  • Ystävyön kunnivomerki (23. oraskuudu vuvvennu 2019)[29].
  • Ven'an Federacien kiitändykirjaine (30. oraskuudu vuvvennu 2018) — aktiivizes toimindas Ven'an yhteiskunnan yhteiskunnallizes elokses[30].
  • Ven'an sportutiähtet -kanzallizen palkindon laureattu (2008)[31].
uskondollizet
  • Pyhän kniäzin Aleksandr Nevskoin II astien kunnivomerki (6. talvikuudu vuvvennu 2021) — huomavos Pyhän kniäzin Aleksandr Nevskoin 800-vuozipäivän piendän abuloih[32].
  • Prepodobnoin Sergii Radonežskoin II astien kunnivomerki (28. elokuudu vuvvennu 2014) — huomavos Ven’an pravosluavizen kirikön abuloih[33].
  • Prepodobnoin Sergii Radonežskoin III astien kunnivomerki (30. pakkaskuudu 2006)[34].
sportan
  • Kuldaine Olimpiuadukunnivomerki (2014)[35].

Huomavukset

  1. ↑ 1 2 Мишустин распределил обязанности между своими заместителями. РИА Новости (28. pakkaskuudu 2020). Kačondan päivymiäry: 29. pakkaskuudu 2020. Arhiviiruittu 30. kevätkuudu 2020
  2. ↑ Правительство России переходит в статус и.о. до назначения нового состава. TACC. Kačondan päivymiäry: 7. oraskuudu 2024.
  3. ↑ Михаил Мишустин назначил кураторов федеральных округов. Kačondan päivymiäry: 19. heinykuudu 2021. Arhiviiruittu 19. heinykuudu 2021
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано 11 ligakuudu 2018 года.
  5. ↑ 1 2 3 4 5 6 7 8 Энциклопедия ТАСС, 2024. Чернышенко, Дмитрий Николаевич. Заместитель председателя правительства РФ
  6. ↑ viapiuser. Dmitry Chernyshenko (англ.). Variety (28. elokuudu 2018). Kačondan päivymiäry: 9. syvyskuudu 2019. Arhiviiruittu 13. elokuudu 2019
  7. ↑ Дмитрий Соколов. Как сбывались мечты главы «Газпром-Медиа» Дмитрия Чернышенко Собеседник № 37, 2015 год.
  8. ↑ 1 2 3 Ведомости. «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru (25. ligakuudu 2007). Kačondan päivymiäry: 9. syvyskuudu 2019.
  9. ↑ Визитка компании DTV-MA - Sostav.ru. www.sostav.ru. Kačondan päivymiäry: 27. oraskuudu 2019.
  10. ↑ Ярослав КОРОБАТОВ | Сайт «Комсомольской правды». Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет. KP.RU - сайт «Комсомольской правды» (10. syvyskuudu 2007). Kačondan päivymiäry: 28. oraskuudu 2019.
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. Kačondan päivymiäry: 9. syvyskuudu 2019.
  12. ↑ Указ Президента Российской Федерации от 05.09.2008 г. № 1311. Президент России. Kačondan päivymiäry: 9. syvyskuudu 2019.
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru. Kačondan päivymiäry: 7. kezäkuudu 2009. Arhiviiruittu originualaspäi 23. tuhukuudu 2014
  14. ↑ Кирилл Мельников, Анна Афанасьева. Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ (6. ligakuudu 2014).
  15. ↑ Совет Директоров КХЛ избрал Дмитрия Чернышенко новым Президентом лиги
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг»
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. Kačondan päivymiäry: 28. oraskuudu 2019.
  18. ↑ Совет директоров ОАО «РЖД»
  19. ↑ Дмитрий Николаевич Чернышенко - Правительство России. government.ru. Kačondan päivymiäry: 29. pakkaskuudu 2020.
  20. ↑ О чем говорит новая конфигурация российского правительства. РБК (11. oraskuudu 2024). Kačondan päivymiäry: 13. oraskuudu 2024.
  21. ↑ Госдума утвердила Чернышенко заместителем председателя правительства. РИА Новости (13. oraskuudu 2023). Kačondan päivymiäry: 13. oraskuudu 2023.
  22. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  23. ↑ Михаил Мишустин утвердил распределение обязанностей между вице-премьерами. government.ru (17. oraskuudu 2024). Kačondan päivymiäry: 17. oraskuudu 2024.
  24. ↑ Чернышенко назначили представителем РФ в набсовете Института развития интернета, TACC (23 syvyskuudu 2024). Дата обращения: 23 syvyskuudu 2024.
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов. publication.pravo.gov.ru. Kačondan päivymiäry: 12. tuhukuudu 2025.
  26. ↑ PwC Russia. Video from Sochi 2014 President Dmitry Chernyshenko (27. kevätkuudu 2012). Kačondan päivymiäry: 27. oraskuudu 2019.
  27. ↑ Награждённые государственными наградами Российской Федерации
  28. ↑ Фонд поддержки олимпийцев России. www.olympians.ru. Kačondan päivymiäry: 9. syvyskuudu 2019.
  29. ↑ Алексей Прокин. Владимир Путин вручил государственные награды в Кремле. НТВ. Kačondan päivymiäry: 9. syvyskuudu 2019.
  30. ↑ Распоряжение Президента Российской Федерации от 30 мая 2018 года № 131-рп «О поощрении»
  31. ↑ В Сочи прошло вручение премии «Спортивные звезды России». Газета.Ru. Kačondan päivymiäry: 9. syvyskuudu 2019.
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве. Патриархия.ru (6. talvikuudu 2021). Kačondan päivymiäry: 1. tuhukuudu 2022.
  33. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля. Патриархия.ru (28. elokuudu 2014). Kačondan päivymiäry: 1. tuhukuudu 2022.
  34. ↑ Биография Дмитрия Чернышенко, РИА Новости (20.09.2023). Дата обращения: 6 oraskuudu 2024.
  35. ↑ IOC President says Thank You to Sochi, olympic.org (24 tuhukuudu 2014). Дата обращения: 3 kevätkuudu 2014.

Linkat

Lähteh - "https://olo.ruwiki.ru/w/index.php?title=Dmitrii_Černišenko&oldid=126179295"