Jurii Trutnev

On otettu Рувики-späi
Jurii Petrovič Trutnev
Yury Trutnev official portrait.png
Флаг
Ven’an Federacien halličuksen varapiälikkö — Ven’an Federacien piämiehen täyzivaldaine ezittäi Loittozen Päivännouzun federuallizes okrugas
Флаг
31. elokuudu vuvvennu 2013
(vt. 8.—18. oraskuudu vuvvennu 2018, 15.—21. pakkaskuudu vuvvennu 2020, 7.—13. oraskuudu vuvvennu 2024)
Halličuksen piämies Dmtrii Medvedev
Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Ielolii virgu perustettih,
Viktor Išajev kui Ven’an Federacien Loittozen Päivännouzun kehityksen ministru — Ven’an Federacien täyzivaldaine ezittäi Loittozen Päivännouzun federuallizes okrugas
Флаг
Ven’an Federacien piämiehen abuniekku
Флаг
22. oraskuudu vuvvennu 2012 — 31. elokuudu vuvvennu 2013
Prezidentu Vladimir Putin
Флаг
Ven’an luonnoinvaroin da ekolougien ministru
Флаг
9. kevätkuudu vuvvennu 2004 — 8. oraskuudu vuvvennu 2012
(vt. 7.—12. oraskuudu vuvvennu 2004, 8.—12. oraskuudu vuvvennu 2008, 8.—21. oraskuudu vuvvennu 2012)
Halličuksen piämies Mihail Fradkov
Viktor Zubkov
Vladimir Putin
Viktor Zubkov (vt.)
Dmitrii Medvedev
Prezidentu Vladimir Putin
Dmitrii Medvedev
Vladimir Putin
Ielolii Vitalii Art’uhov
Jatkai Sergei Donskoi
Флаг
Permin alovehen gubernuattoru
Флаг
14. talvikuudu vuvvennu 2000 — 11. kevätkuudu vuvvennu 2004
Prezidentu Vladimir Putin
Ielolii Gennadii Igumnov
Jatkai Oleg Čirkunov (vt.);
virgu otettih iäre Permin alovehen perustandan periä, Oleg Čirkunov kui Permin alovehen gubernuattoru
Флаг
Permin linnan johtai
Флаг
9. talvikuudu vuvvennu 1996 — 14. talvikuudu vuvvennu 2000
Ielolii Vladimir Fil'
Jatkai Arkadii Kamenev
Roindu 1. kevätkuudu 1956(1956-03-01) (70 vuottu)
Polazna-pos’olku, Dobr’anskoi piiri, Molotovon aloveh, Ven’an federatiivine socialistine nevvostotazavaldu, Nevvostoliitto
Partii Yhten’aine Ven’a
Opastus Permin politiehnielline yliopisto
Ammatti mägi-inženieru
Palkindot
Орден «За заслуги перед Отечеством» 4-й степени
RUS Order of Honour ribbon.svg Order of Honor (South Ossetia) ribbon.png Медаль Столыпина П. А. 1 степени Медаль Столыпина П. А. 2 степени
Логотип РУВИКИ.Медиа Медиафайлы на РУВИКИ.Медиа

Jurii Petrovič Trutnev (ven. Ю́рий Петро́вич Тру́тнев; roin. 1. kevätkuudu 1956, Polazna[d], Molotovan aloveh[d]) on Nevvostoliiton da Ven’an valdivomies. Ven’an Federacien halličuksen varapiälikkö  — Ven’an Federacien piämiehen täyzivaldaine ezittäi Loittozen Päivännouzun federuallizes okrugas vuvven 2013 elokuun 31. päiväs. Kuruattoru Päivännouzun federuallizes okrugas vuvven 2021 heinykuun 19. päiväs[1]. Kogo Ven’an Yhtenäine Ven’a -poliittizen partien ozanottai[2].

Ven’an luonnoinvaroin da ekolougien ministru (2004—2012). Ven’an Federacien piämiehen abuniekku (2012—2013). Ven’an Federacien toimii 1. astien valdivolline nevvoi (2012). Ven’an bojutaidoliiton eräs piälikkölöis[3], Ven’an Kiokusinkailiiton prezidiuman piälikkö[4], Muailman Kökusinliiton eräs piälikkölöis[5].

Eloskerdu

Jurii Trutnev on roinnuhes 1. kevätkuudu vuvvennu 1956 Polazna-pos’olkas[6], ei loitton Molotovos (nygöi Permin linnan oza) neftinnostajien perehes[7].

Vuvvennu 1978 Trutnev loppi Permin politehniellizen instituutan mägitiedokunnan mägi-inženieru -opastusalan mugah. Ammatin mugah ruadoi instituutas opastundan aigah — poruajan abuniekannu, neftin da guazunsuandan operuattorannu laitoksis ven. «Полазнанефть» da ven. «Коминефть».

Vuvvennu 1978, instituutan loppiettuu, händy työttih ruadoh Permin neftintevolližuon tutkimus- da projektuinstituuttah. Ruadoi nuorembannu tiedoruadajannu[8].

Vuozinnu 1981—1986 Trutnev oli nuorižoliittoruadolois. Ruadoi instruktorannu Kogo Nevvostoliiton Leninan kommunistizen nuorižoliiton Permin linnukomitietas.

Vuozinnu 1986—1988 oli Permin alovehen toimehpaniikomitietan Sportan azieloin komitietan piälikönny.

Vuvvennu 1988 Trutnev yhtes partn’ouroinke peristi Kontakt-kooperatiivan, kudai kehitti da valmisti sportukundoilulaittehii; enimyölleh niilöi myödih erilazile valdivollizile laitoksile[7]. Vuvvennu 1990 rodih kooperatiivan perustehel luajitun ven. «ЭКС ЛИМИТЕД»-laitoksen johtajakse. Vuvvennu 1996 rodih ven. АО «Э. К. С. Интернешнл»-laitoksen piämiehekse. Kundoilulaittehien myöndän ližäkse Trutnev järjesti voimakkahien miehien ozuttelumatkoi fiskul’turniekkoin briguadas, möi ulgomualazii mašinoi da toi myödäväkse šveicuarielastu šokoluadua «Nestlé», sidä ruaduo ruadoi yhtes Oleg Čirkunovanke, kudai silloi ruadoi Ven’an Federacien ezitystös Šveicuaries. Konzu Čirkunov tuli järilleh Permih part’ourat oldih ven. «Семья»-laukkuverkon omistajinnu[6][7].

Vuvvennu 1994 Trutnevua vallittih Permin alovehen Zakonoinluajindukerähmön da Permin linnan duuman deputuatakse. Zakonoinluajindukerähmös oli talovuollizen poliitiekan da veroloin komitietan piälikönny[7].

Talvikuul vuvvennu 1996 Trutnevua vallittih Permin linnan johtajakse, häi sai 61 % valliččijoin iänii.

Talvikuul vuvvennu 2000 Trutnevua vallittih Permin alovehen gubernuattorakse[9]. Valličuksen enzimäzes ozas jätti jällele toimijan gubernuattoran Gennadii Igumnovan, sai 51 % valliččijoin iänii. Lehtistön mugah Trutnevua kannatettih bizensmiehet, niilöin joukos Dmitrii Ribolovlev da Andrei Kuz’ajev[7]. Trutnevan gubernuattoran ruavon aigah algavui nygözes Ven’as enzimäine alovehien yhtiständyprocessu — Permin alovehen yhtiständy Komi-permiläzen avtonoumizen okruganke, a 7. talvikuudu vuvvennu 2003 piettih referendumu, kudaman tuloksennu rodih alovehien yhtistämine.

24. oraskuudu - 19. talvikuudu vuvvennu 2003 Trutnev oli Ven’an Federacien Valdivollizen Nevvoston prezidiuman ozanottajannu[10][11].

9. kevätkuudu vuvvennu 2004 Ven’an Federacien piämiehen käskys Trutnevua pandih luonnonvaroin ministrakse Mihail Fradkovan halličukses. Oraskuul vuvvennu 2004, konzu Vladimir Putin tuli virgah Ven’an Federacien piämiehen toizekse kavvekse, Trutnev uvvessah rodih Ven’an Federacien luonnonvaroin ministrakse.

22. oraskuudu vuvvennu 2012 Trutnev rodih Ven’an Federacien piämiehen abuniekakse. Hänen ruadoalah kuului Valdivollizen nevvoston ruavon valvondu. Andoi Valdivollizen Duuman VI kučundukerähmön deputuatan manduatan milliardierale Anatolii Lomakinale[12].

31. elokuudu vuvvennu 2013 Trutnev rodih Ven’an Federacien halličuksen varapiälikökse — Ven’an Federacien piämiehen täyzivaldazekse ezittäjäkse Loittozen Päivännouzun federuallizes okrugas[13]. Uvvessah jäi sih virgah Ven’an Federacien halličuksen muvvostandan aigah 18. oraskuudu vuvvennu 2018 da 21. pakkaskuudu vuvvennu 2020[14].

Vuvven 2018 talvikuus — Arktiekan kehityksen kyzymyksienvaldivollizen komissien piälikkö[15][16].

13. oraskuudu vuvvennu 2024 Valdivolline Duumu hyväksyi halličuksen varapiälikkölöin kandidatuurat, kudamat enne ehoitti piäministru Mihail Mišustin. Trutneval jäi varapiäministran da Ven’an Federacien piämiehen täyzivaldazen ezittäjän Loittozen Päivännouzun federuallizes okrugas virgu uvves halličukses[17][18]. Trutnev sežo vastuau prioritiettualovehien da kehitynnyzien alovehien sociualu-talovuollizes kehitykses Magadan alovehel, Sahalinan alovehen Suvi-Kuriloin, Kuriloin da Pohjas-Kuriloin mualois[19].

Pereh

Jurii Trutnev on naizis. Hänel on kolme poigua da kaksi tytärdy. Poigah Dmitrii (roinnuhes vuvvennu 1982) on Keskuskooperatiivunbankan rahavaroin nevvoi da johtajien nevvostoh kuului[20].

Kiinnostukset

Trutnev kaiken ijän lujah harjaitti sportua — päivännouzun borčua (karate Kökusinkai da avtokilboi (klassine ralli).

On Kanzoinvälizen kökusinkailiiton ИКО karate Kökusinkain 5. danan omistai (2005) da Kökusinkailiiton karate kökusinkain 6. danan omistai (1. kevätkuudu vuvvennu 2018)[21][22].

Perustandupäivis vuvvennu 2005 on Ven'an bojutaidoliiton eräs piälikkölöis (yhtes S. V. Kirijenkonke)[3][23][24]. perustandupäiväs vuvvennu 2004 on Ven'an kökusinkailiiton prezidiuman piälikkö [4][25]. perustandupäivis vuvvennu 2011 Muailman Kökusinliiton eräs piälikkölöis[5][26][27]. Oli eräs tämän liiton perustandan kehoittajii.

Vuvves 2000 vuodessah 2004 Trutnev alalleh otti ozua Ven'an čempionuatan da kubkan avtoralliloih mašinoil Mitsubishi Lancer Evolution[2].

Palkindot

  • IV astien Kunnivomerki "Arvoruadolois Ižänmuan hyväkse" (2. kevätkuudu vuvvennu 2016) — suuris arvoruadolois valdivon hyväkse da monivuodizes kunnollizes ruavos[28];
  • Kunnivon kunnivomerki (8. kezäkuudu vuvvennu 1998) — suures panokses Permin sociualu-talovuollizeh kehitykseh, monivuodizes kunnollizes ruavos[29];
  • Ven’an Federacien halličuksen kunnivokirjaine (1. kevätkuudu vuvvennu 2006) — arvoruadolois luonnovaroin käytändyalal da ymböristön suojelemizes[30];
  • P. A. Stolopinan I astien medali (23. kevätkuudu vuvvennu 2016) — arvoruadolois muan socialu-talovuollizen kehityksen stratiegiellizien tehtävien täyttäjes da monivuodizes kunnollizes ruavos[31];
  • P. A. Stolopinan II astien medali (1. kevätkuudu vuvvennu 2011) — arvoruadolois muan socialu-talovuollizen kehityksen stratiegiellizien tehtävien täyttäjes, niilöin joukos Ven’an Federacien halličuksen pitkyaigazien projektoin todevuttajes da 55-vuozipäivän nimeh[32];
  • Kunnivon kunnivomerki (Suvi-Osietii, 1. kezäkuudu vuvvennu 2009) — suures persounallizes panokses rahvahien ystävyön da yhtesruavon kehittämizes da lujittamizes, aktiivizes avus Suvi-Osietien ekolougizen tilan pranadamizes, sen luonnovaroin kehittämizes da käyttämizes da Osietein rahvahan avus gumanituarizen katastroufan aigah[33].

Huomavukset

  1. ↑ Михаил Мишустин назначил вице-премьеров кураторами федеральных округов. Kačondan päivymiäry: 19. heinykuudu 2021. Arhiviiruittu 19. heinykuudu 2021
  2. ↑ 1 2 Энциклопедия ТАСС, 2024. Трутнев, Юрий Петрович. Заместитель председателя правительства РФ — полномочный представитель президента РФ в ДФО
  3. ↑ 1 2 Высший совет Российского Союза боевых искусств. Kačondan päivymiäry: 27. talvikuudu 2019. Arhiviiruittu 27. talvikuudu 2019
  4. ↑ 1 2 Президиум Ассоциации Киокусинкай России. Kačondan päivymiäry: 27. talvikuudu 2019. Arhiviiruittu 27. talvikuudu 2019
  5. ↑ 1 2 Высший совет Всемирного Союза Кёкусин. Kačondan päivymiäry: 15. kezäkuudu 2012. Arhiviiruittu 28. kezäkuudu 2012
  6. ↑ 1 2 Сергей Мулин. Резкий кадр. Огонёк № 35 (9. syvyskuudu 2013). Kačondan päivymiäry: 9. syvyskuudu 2013. Arhiviiruittu 9. syvyskuudu 2013
  7. ↑ 1 2 3 4 5 Василий Тимирязев. Опыты на природе. Компания (28. oraskuudu 2012). Kačondan päivymiäry: 10. syvyskuudu 2013. Arhiviiruittu originualaspäi 27. syvyskuudu 2013
  8. ↑ Трутнев, Юрий Петрович. ТАСС. Kačondan päivymiäry: 28. ligakuudu 2021. Arhiviiruittu 28. ligakuudu 2021
  9. ↑ Юрий Трутнев Вступил В Должность Губернатора Пермской Области | «Новый Компаньон». Kačondan päivymiäry: 25. elokuudu 2019. Arhiviiruittu 25. elokuudu 2019
  10. ↑ Распоряжение Президента Российской Федерации от 24.05.2003 г. № 269-рп «О президиуме Государственного совета Российской Федерации». Kačondan päivymiäry: 29. kevätkuudu 2020. Arhiviiruittu 26. kevätkuudu 2020
  11. ↑ Распоряжение Президента Российской Федерации от 19.12.2003 г. № 606-рп «О президиуме Государственного совета Российской Федерации». Kačondan päivymiäry: 29. kevätkuudu 2020. Arhiviiruittu 26. kevätkuudu 2020
  12. ↑ Миллиардер Анатолий Ломакин стал депутатом Госдумы. Forbes (22. elokuudu 2012). Kačondan päivymiäry: 23. talvikuudu 2012. Arhiviiruittu 25. talvikuudu 2012
  13. ↑ Указ Президента Российской Федерации от 31.08.2013 г. № 692 «О Заместителе Председателя Правительства Российской Федерации — полномочном представителе Президента Российской Федерации в Дальневосточном федеральном округе». Kačondan päivymiäry: 13. elokuudu 2019. Arhiviiruittu 13. elokuudu 2019
  14. ↑ Указ Президента Российской Федерации от 18.05.2018 г. № 228 «О Заместителе Председателя Правительства Российской Федерации — полномочном представителе Президента Российской Федерации в Дальневосточном федеральном округе». Kačondan päivymiäry: 13. elokuudu 2019. Arhiviiruittu 13. elokuudu 2019
  15. ↑ Вице-премьер Трутнев возглавит госкомиссию по Арктике (рус.). Interfax.ru. Kačondan päivymiäry: 20. tuhukuudu 2023.
  16. ↑ ИА «Север-Пресс». Юрий Трутнев возглавил госкомиссию по Арктике | Север-Пресс. ИА «Север-Пресс» (7. syvyskuudu 2018). Kačondan päivymiäry: 20. tuhukuudu 2023.
  17. ↑ Госдума утвердила всех предложенных вице-премьеров. РИА Новости (13. oraskuudu 2024). Kačondan päivymiäry: 13. oraskuudu 2024.
  18. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  19. ↑ Михаил Мишустин утвердил распределение обязанностей между вице-премьерами. government.ru (17. oraskuudu 2024). Kačondan päivymiäry: 18. oraskuudu 2024.
  20. ↑ Юлия Говорун. «Нельзя продать — и забыть», — Юрий Трутнев, министр природных ресурсов и экологии. Ведомости (28. pakkaskuudu 2010). Kačondan päivymiäry: 9. syvyskuudu 2013.
  21. ↑ Шиханы России. Сихан. высшие даны каратэ, черные пояса карате кёкусинкай. Kačondan päivymiäry: 15. kezäkuudu 2009. Arhiviiruittu 5. elokuudu 2009
  22. ↑ Шихану Юрию Трутневу присвоили пояс Кёкусинкан. Kačondan päivymiäry: 30. heinykuudu 2020. Arhiviiruittu 9. kylmykuudu 2018
  23. ↑ Российский Союз Боевых Искусств. Kačondan päivymiäry: 15. kezäkuudu 2012. Arhiviiruittu 14. kezäkuudu 2012
  24. ↑ Юрий Трутнев: биография, образование, семья
  25. ↑ Архивированная копия. Kačondan päivymiäry: 15. kezäkuudu 2012. Arhiviiruittu originualaspäi 12. heinykuudu 2012
  26. ↑ Time to be United! — kwunion. Kačondan päivymiäry: 15. kezäkuudu 2012. Arhiviiruittu 26. kezäkuudu 2012
  27. ↑ Юрий Трутнев стал сопредседателем Высшего совета Всемирного союза каратэ киокусинкай
  28. ↑ Указ Президента Российской Федерации от 2 марта 2016 года № 93 «О награждении государственными наградами Российской Федерации». Kačondan päivymiäry: 2. kevätkuudu 2016. Arhiviiruittu 4. kevätkuudu 2016
  29. ↑ Указ Президента Российской Федерации от 8 июня 1998 г. № 687
  30. ↑ Распоряжение Правительства Российской Федерации от 1 марта 2006 г. № 271-р
  31. ↑ Распоряжение Правительства Российской Федерации от 23 марта 2016 года № 487-р «О награждении медалью Столыпина П. А. I степени Трутнева Ю. П.» Kačondan päivymiäry: 28. elokuudu 2021. Arhiviiruittu 28. elokuudu 2021
  32. ↑ Распоряжение от 1 марта 2011 г. № 305-р. Kačondan päivymiäry: 27. talvikuudu 2019. Arhiviiruittu 27. talvikuudu 2019
  33. ↑ Минприроды России поможет сохранить экологию Южной Осетии. Kačondan päivymiäry: 27. talvikuudu 2019. Arhiviiruittu 27. talvikuudu 2019

Linkat

Lähteh - "https://olo.ruwiki.ru/w/index.php?title=Jurii_Trutnev&oldid=126361285"