Muraško Mihail Al'bertovič

On otettu Рувики-späi
RUWIKIS on kirjutustu toizis ristikanzois sugunimenke Muraško.
Mihail Al'bertovič Muraško
Mikhail Murashko (2020-01-29).jpg
Флаг
Ven'an Federacien tervehyshoidoministru
Флаг
21. pakkaskuudu vuvvennu 2020
(vt. 7.—13. oraskuudu vuvvennu 2024)
Halličuksen piämies Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Ielolii Veronika Skvorcova
Флаг
Federuallizen tervehyshoijon tarkastuspalvelun piälikkö
Флаг
7. kevätkuudu vuvvennu 2013 — 21. pakkaskuudu vuvvennu 2020
Ielolii Nikolai Jurgel’
Jelena Tel’nova (vvt)
Jatkai Dmitrii Parhomenko (vvt)
Alla Samoilova
Флаг
Komin tazavallan tervehyshoidoministru
Флаг
12. kevätkuudu vuvvennu 2006 — 14. tuhukuudu vuvvennu 2011
Gubernuattoru Vladimir Torlopov
V’ačeslav Gaizer
Jatkai Jaroslav Bord’ug
Roindu 9. pakkaskuudu 1967(1967-01-09) (58 vuottu)
Sverdlovsku, Ven'an federatiivine socialistine nevvostotazavaldu, Nevvostoliitto
Partii
Opastus Urualan valdivolline liečetiedoinstituuttu
Oppiarvo liečetiedoloin douhturi
Ammatti liäkäri-ginekoulogu
Toimindu valdivomies
Palkindot
Ruadopaikku

Ven'an Federacien halličus,
Moskovan enzimäine I. M. Sečenovan nimine liečetiedoyliopisto,

Moskovan N. E. Baumanan valdivolline tehnielline yliopisto
Логотип РУВИКИ.Медиа Медиафайлы на РУВИКИ.Медиа

Mihail Al'bertovič Muraško (roinnuhes 9. pakkaskuudu vuvvennu 1967) on Ven'an valdivomies, Ven'an Federacien tervehyshoidoministru vuvven 2020 pakkaskuun 21. päiväs[1][2].

Liečetiedoloin douhturi. Moskovan enzimäzen I. M. Sečenovan nimizen liečetiedoyliopiston professoru. Hänel on korgevin tazo ammattialoil "akušerstvu da ginekolougii", "tervehyshoijon ohjuandu"[2].

Ven'an Federacien 2. astien toimii valdivolline nevvoi[2].

Eloskerdu

Mihail Muraško on roinnuhes Sverdlovskas vuvvennu 1967. Vuvvennu 1984 loppi linnan školan, kus oli fiiziekan, matemuatiekan da hiimien syvä opastumine[3]. Piäzi opastumah Urualan valdivollizeh liečetiedoinstituuttah, jälles tostu kursua händy otettih Ammundutarbehil varustettuloih voimih saldatakse (sih aigah opastujat korgeiškolis, kudamis ei olluh sodalaitoksii, ei voidu siirdiä armieh lähtendiä) da vuvves 1986 vuodessah 1988 sluuži Nevvostoliiton Syväinazieloin ministerstvan Syväinvoiskis[4][5]. Rezervah jiädyy tuli uvvessah opastumah instituuttah.

Vuvvennu 1992 Muraško loppi Urualan valdivollizen liečetiedoinstituutan, sen jälles vuodessah 1996 ruadoi liäkäri-internannu da akušieru-ginekoulogannu Komin tazavallan bol’ničas Siktivkaras. Vuvvennu 1996 rodih Komin tazavallan perinatualukeskuksen piäläkärin sijahizekse konsul’tatiivu-diagnostizes ruavos, sit sen piäliäkärikse. Puolisti kandiduatan väitösruavos aihies ven. «Особенности течения и исходы родов у женщин с некоторыми видами урогенитальной инфекции». Vuvves 1996 vuodessah 1999 oli Tazavallan liečetiedoyhtymän piäliäkärinny. Vuvves 2000 vuodessah 2006 ruadoi Tazavallan perinatualukeskuksen piäliäkärin virras[2].

Vuvvennu 2005 Moskovan alovehen akušerstvan da ginekolougien tiedotutkimusinstituutas puolisti douhturin väitösruavon aihies ven. «Современные аспекты оказания акушерской помощи в регионе с низкой плотностью населения»[2].

Vuvvennu 2006 Muraško siirdyi valdivollizeh palveluh, rodih Komin tazavallan tervehyshoidoministrakse. Samal aigua vuozinnu 2011 da 2012 oli Siktirkaras olijan Ven’an tervehyshoijon da sociaulukehityksen ministerstvan Kirovan valdivollizen liečetiedoakadiemien akušerstvan da ginekolougien laitoksen piälikönny[2].

Vuvvennu 2011 Muraško oli silminnägijänny kriminualudielos tiedokonehtomograffoin ostandas nostettulois hinnois Komin liečetiedolaitoksih nähte vuvvennu 2009[6][7][8].

Vuvvennu 2012 Muraškuo pandih Federuallizen tervehyshoijon tarkastuspalvelun varapiälikökse. Vuvves 2013 oli virraston piälikön virras toimijannu, a 14. heinykuudu vuvvennu 2015 virrallizesti rodih Federuallizen tervehyshoijon tarkastuspalvelun piälikökse.

21. pakkaskuudu vuvvennu 2020 Vladimir Putinan käskys Muraško rodih Ven’an Federacien tervehyshoidoministrakse Mihail Mišustinan halličukses.

14. oraskuudu vuvvennu 2024 Valdivolline Duumu uvvessah hyväksyi Muraškuo Ven’an Federacien tervehyshoidoministrakse Mihail Mišustinan halličukses[9], samannu piän Ven’an Federacien piämies allekirjutti käskyn virgah miäriändäs[10].

Liečetiedoloin douhturi. Moskovan enzimäzen I. M. Sečenovan nimizen liečetiedoyliopiston professoru[2].

Uvven recenziiruittavan Kanzalline tervehyshoido (ven. «Национальное здравоохранение»)-liečetiedožurnualan piätoimittai[11].

Pereh

Mihail Muraško on naizis, hänel on kaksi lastu[12].

Palkindot

  • Arvoruadolois Ižänmuan hyväkse -II astien kunnivomerkin medali (2018)
  • Tiähtenke Arvoruadoloin kunnivomerkin kamandoru (2021, Vengrii)[13]
  • Ven’an Federacien halličuksen kiitändykirjaine (2018)
  • rynnäsmerki "Tervehyshoijon paras ruadai" (2014)
  • Ven’an Federacien Tervehyshoijon ministerstvan kaksi kunnivokirjastu (2001, 2006)
  • medali "Avus narkoutiekkutarkastuksen elimile" (2016)
  • medali "Bojuyhtevykses" (2016)
  • medali "Arvoruadolois ižänmuan hoijon hyväkse" (2016)
  • medali "Arvoruadolois Čečeenien tazavallan hyväkse" (2017)
  • vuozipäivymedali "45 vuottu Ven’an federuallizen turvalližuon palvelun talovullizen turvalližuon nevvoston "П"-hallindon 3. ozastol" (2018)
  • mustomedali "Sočin vuvven 2014 XXII Olimpiuadan talvikižat da XI Paralimpiuadan talvikižat" (2014)
  • Ven’an syväinazieloin ministerstvan mustovuozipäivymedali "100 vuottu kanzoinvälizel policien yhtehizel ruavol" (2015)
  • rynnäsmerki "Kriminualu-toimehpanijan palvelun liečetiedopalvelu" (2019)
  • Ven’an mašinoinrakendajien liiton kunnivokirjaine (2019)
  • Ven’an Federacien Tervehyshoidoministerstvan kiitändykirjaine
  • Ven’an federuallizen turvalližuspalvelun kiitändykirjaine (2019)
  • Ingušietien tazavallan kunnivokirjaine (2016)
  • Komin tazavallan kunnivokirjaine (2004)

Huomavukset

  1. ↑ Путин назначил Михаила Мурашко министром здравоохранения // РИА Новости
  2. ↑ 1 2 3 4 5 6 7 Энциклопедия ТАСС, 2024. Мурашко, Михаил Альбертович. Министр здравоохранения РФ
  3. ↑ Биография Михаила Мурашко: что известно о новом министре здравоохранения России. Комсомольская правда. Kačondan päivymiäry: 22. pakkaskuudu 2020.
  4. ↑ Биография Михаила Мурашко. РИА Новости. Kačondan päivymiäry: 22. pakkaskuudu 2020.
  5. ↑ А. Ванденко. Михаил Мурашко: хватит испытывать систему на прочность! ТАСС (15. kylmykuudu 2021). — «практически всех моих сокурсников призвали… попал в войска МВД… забирали после второго курса… рядовым…» Kačondan päivymiäry: 7. sulakuudu 2023.
  6. ↑ Свидетели по делу о томографах бывшие министр здравоохранения Коми Михаил Мурашко и замминистра Сергей Колесников будут доставлены в суд в принудительном порядке
  7. ↑ Новый министр здравоохранения России был свидетелем по уголовному "делу о томографах" в Коми
  8. ↑ Свидетель по делу о закупке томографов в Коми стал министром здравоохранения России
  9. ↑ Госдума утвердила Мурашко министром здравоохранения. РИА "Новости" (14. oraskuudu 2024). Kačondan päivymiäry: 14. oraskuudu 2024.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 14. oraskuudu 2024.
  11. ↑ Журнал "Национальное здравоохранение"
  12. ↑ Михаил Мурашко стал новым министром здравоохранения России вместо Вероники Скворцовой.
  13. ↑ A Magyar Érdemrend középkeresztje a csillaggal

Linkat

Lähteh - "https://olo.ruwiki.ru/w/index.php?title=Muraško_Mihail_Al%27bertovič&oldid=126185530"