Kanzoinväline tigran päivy

On otettu Рувики-späi
Kanzoinväline tigran päivy
Poštumarku tigranke (Ven'a, 1993)
Poštumarku tigranke (Ven'a, 1993)
Tiippu Kanzoinväline
On pandu alguh vuvvennu 2010
Päivymiäry 29. heinykuudu

Kanzoinväline tigran päivy (angl. International Tiger Day) on pruazniekku, kudai oli pandu alguh Kanzoinvälizel fourumal, kudamal paistih tigroin sälyttämizes Mua-planietal ("Tugrusammitu") kylmykuul vuvvennu 2010 Piiteris. Sidä pietäh joga vuottu 29. heinykuudu[1].

Eri mualois Kanzoinvälizen tigran päivän piendän erähii piätarkoituksii on tiijonannandu tigroin häviendän probliemois da niilöin puolistustavois[1].

Tigru on kanzoinvälizel tazol puolistettavannu, kuuluu Kanzoinvälizen luonnonsuojeluliiton Ruskieh Kniigah, Liitto-oza 1 SITES[2]. Vuvves 1947 on kogonah kielletty tigroin pyvvändy. Vuvvennu 1955 oli kielletty, a sit vagavah rajoitettu tigranpoigazien pyvvändy [2].

Eri mualois

Pruazniekkua eri kohtis pietäh eri luaduh: ezimerkikse, erähis zooparkois ymbäri muailmua pedoelätit suajah sinäpiän magiembat syömizet da lahjat[3]. Kanzoinväline yhtistys Global Tiger Initiative Kanzoinvälizen tigran päiväkse on pannuh alguh läs 350 miljonan dollaran dengoinkeriändän tigroin säilyttämizekse da ilmoitti, ku vuvvekse 2022 tigrat ei hävitä, a niilöin lugu rodieu kahteh kerdah suurembi[4].

Ven'al

Tigran päivän piendy Vladivostokas, vuozi 2006.

Ven'al syvyskuun nelländenny pyhänpiän pietäh vie yhty pruazniekkua — Tigran päiviä Loittozes Päivännouzus, kudai on pandu alguh vuvvennu 2000. Tämän päivän piendän vie vuvvennu 1995 on kehoitannuh kirjuttai, mečästyksen azientiedäi Vladimir Troinin, kudai sit viijen vuvven aigah pidi školis da kirjastolois luonnonihailu-urokkoi, ekolougizii ekskursieloi lapsih nähte da "Tigran päiviä" lugemizien muvvos[5][6]. Vuvvennu 2000 Feniks-fondan johtai Sergei Berezn'uk piätti muuttua "Tigran päivän" formuatan da kehoitti omile ystävile, sugulazile daigi kolliegoile Muailman koskemattoman luonnon fondan Amuran ozastospäi astuo linnua myöte tigran kost'umois louzungoinke junokkahan pedoelätin kannattamizekse, se oligi luajittu: 14. ligakuudu 200 hengen rivi astui Vladivostokan linnan piälagevuo myöte[7][8]. Vuvvennu 2001 Vladivostokan linnan hallindon piämiehen azetukses "Tigran päivy" sai virrallizen jogavuodizen linnan pruazniekan stuatusan[9]. Perindön mugah linnas pruazniekku algavuu karnavualukullus, programmah kuuluu sežo kilbua.[9]. Sen jälles "Tigran päiviä" ruvettih pidämäh Primorskoin alovehen toizis eländykohtisgi[10], a vuvves 2008 algajen se virrallizesti rodih alovehen pruazniekakse[11]. Vuvvennu 2010 pruazniekkua allettih pidiä Koreisgi Primorskoin alovehen raja-alovehil[12].

Ven'an piämies Vladimir Putin sanoi "Tigran päiviä" muan kaikis kirjavimakse ekolougizekse pruazniekakse. Hänen sanoin mugah se päivy yhtistäy "kaikkii, kedä huolestuttau tämän ihailtavan pedoelätin oza, kaikkii, ken ei ole viluverelline koskemattoman luonnon kohtah da tavoittau eliä senke garmounies, akkiloija sidä luadijen tervehty ymbäristyö iččeh da tulieloih polviloih niškoi[13].

Huomavukset

  1. ↑ ИТАР-ТАСС (29. heinykuudu 2014). Kačondan päivymiäry: 28. syvyskuudu 2014. Arhiviiruittu 1. ligakuudu 2014
  2. ↑ 2,0 2,1 Тихонов А. Красная книга России.Животные и растения. — РОСМЭН, 2002. — С. 414. — 10 000 экз. — ISBN 5-353-00500-7.
  3. Аргументы и факты (29. heinykuudu 2014). Kačondan päivymiäry: 28. syvyskuudu 2014.
  4. Российская газета (29. heinykuudu 2013). Kačondan päivymiäry: 28. syvyskuudu 2014. Arhiviiruittu 8. syvyskuudu 2013
  5. ↑ [|title=«TIGER DAY FESTIVAL 2016 IN VLADIVOSTOK, RUSSIA»]
  6. ↑ [Экологический праздник. Кто придумал празднование Дня тигра]
  7. ↑ «День Тигра — 2017»
  8. ↑ «ДЕНЬ ТИГРА ВО ВЛАДИВОСТОКЕ»
  9. ↑ РИА Новости (28. syvyskuudu 2013). Kačondan päivymiäry: 28. syvyskuudu 2014. Arhiviiruittu 28. syvyskuudu 2014
  10. ↑ «День Тигра» шагает по Приморью
  11. ↑ |title=«Сергей Березнюк: В День тигра приморцев ждет масса сюрпризов»
  12. ↑ В приграничном Китае отпраздновали День тигра (недоступная ссылка)
  13. РИА Новости (28. syvyskuudu 2013). Kačondan päivymiäry: 28. syvyskuudu 2014. Arhiviiruittu 27. syvyskuudu 2014

Linkat

Lähteh - "https://olo.ruwiki.ru/w/index.php?title=Kanzoinväline_tigran_päivy&oldid=126104768"