N'orpanpoigazen päivy

On otettu Рувики-späi
N'orpanpoigazen päivy
Белёк 1.jpg
Merkičys

Yhteiskunnan huomavon kiinittämine n'orpanpoigazien peitočisualistandan ongelmah.

Lapsien opastandu huolekkahah kosketukseh elättilöih da luondoh.
Pandih alguh vuozi 2003
Alguhpanii Omatahtoine Irkutskaspäi Tatjana Karelina
Pietäh  Ven'anmua
Päivymiäry oraskuun 25. päivy

N'orpanpoigazen päivy on mualline ekolougine pruazniekku, kuduadu joga vuottu pietäh Ven'al 25. oraskuudu vuvves 2003.

Histourii

Vuvvennu 2003 Irkutskan linnas omatahtoine Tatjana Karelina keksi da järjesti N’orpanpoigaine -projektan lapsih da nuorih niškoi[1].

Projektu algavui sähköpoštuviestilöis, gu kevätkuus pidi tulla n’orpanpoigazien vie erähän iškun aigu: «…N’orpanpoigazien suuret mustusilmät kačotah meihpäi plakuatois da tele-ekruanois. Tiijollizis ohjelmis kai mieron lapset tiijustetah t’ulieniloin eländäs, sit, kui aigazel keviäl t’ulienimuamat kannetah kaunehii valgeikarvazii olendoloi. Lapset ei vai tietä, gu jällel nämmis lapsis azutah hattuloi, turkiloi, hiemattomii paidoi, vergoi dubl’onkoih niškoi…». Minä työnnin prezidentale telegramman t’ulieniloin tapandan kieldämizes, kudamah kai sain kummakkahan vastavuksen. Yhtes mamanke azuimmo listovkat, kudamis kehoitimmo toizii kirjuttamah kirjazii da työndämäh telegrammoi, minä riputtelin net yliopistolois.Tatjana Karelina[1]

Nuorien johtajien školan kerähmöl algavui enzimäzeh N’orpanpoigazien päivy -pruazniekkah varustundu, enzikerdua päivy piettih 25. oraskuudu vuvvennu 2003 Irkutskas[1].

Pruazniekkua piettih alovehellizel tazol Siberis (Irkutskan alovehel, Bur’aties). Myöhembi sidä ruvettih pidämäh ymbäri Ven’anmuadu[2].

Tämän pruazniekan perustandan tarkoituksih kuuluu yhteiskunnan huomavon kiinittämine peitočisualistandan ongelmah, enin kaikkie Baikalan n'orpanpoigazien peitočisualistandah sego lapsien opastandu huolekkahah kosketukseh elättilöih da luondoh[2].

N’orpan lugumiärän vähenemizeh vaikutetah moizet šeikat[3]:

  • pedoelätit tabaillah da syvväh n’orpanpogazii,
  • aigaine da lämmin kevät (lumipezien muuttumine),
  • peitočisualistandu,
  • Baikal-järven lijastandu.
Ven’an UNESCOh liityndän 70-vuozipäivän poštumarku. Baikal-järvi. Drakon-kallivo da Baikalan n'orpanpoigazet

Pivot

14. päiväs 30. päivässäh sulakuudu vuvvennu 2003 Irkutskan Utkinan nimizes kirjastos N’orpanpoigazen pävän piendän hantuzis otettih vastah lapsien kilvan ruadoloi — kuvii da käzinluajittuloi veššilöi (kaikkiedah kilbah oli työtty enämbän kahtusadua ruaduo). Niilöin ozuttelu oli Irkutskan alovehellizes V. P. Sukač’ovan nimizes taidomuzeis, Irkutskan alovehellizes valdivollizes I. I. Molčanovan — Sibirskoin nimizes tiedokirjastos, Hudožestvennii — konoteatras[1].

Piettih moizii pidoloi[1]:

  • Ful’man ozutandu n’orpanpoigazes (Ven’an Grinpisu);
  • Zabava -nimizen teatru-stuudien pikkaraine spektakli;
  • Kulgu plakuattoin da transparantoinke (sih otti ozua enämbi kolmiesadua lastu);
  • Lapsien joukkoloin ezittelyt;
  • Kuvien da käzinluajittuloin veššilöin ozuttelun ozanottajien palkičendupido.
Baikalan n'orpanpoigaine, Uškan’ji-suaret

Vuvvennu 2008 Bur’atien luonnon muzeis N’orpanpoigazen päivän nimeh ruadoi siirdyi Baikalan No’rpanpoigaine -ozuttelu (kanzoinväline ven. Нерпа в фокусе -projektu[4].

Vuvvennu 2017 Irkutskan alovehellizes lapsien Mark Sergejevan nimizes kirjastos piettih literatuuru-teatrualline ekolougine Gostih n’orpanpoigazelluo — matku[5]:

  • Irkutskan runoilijoin runoloin lugemizet — V. P. Skif, T. G. Dolbunova. Irkutskan kirjuttajan M. D. Sergejevan ven. Глоток океана" -suarnan lugemine;
  • Pienen tyttispektaklin ozuttelu Mih niškoi n’orpanpoigazel kynnet ollah -kerdomuksen mugah (Irkutskan ekolougu da kirjuttai S. N. Buntovskaja);
  • Ekskursii ven. Ластоногая красавица Байкала -kirju- da ezinehozutteluu myö.

Vuvvennu 2021 Moskvarium-keskukses VDNH-ozuttelus oli pietty temuattine N’orpanpoigazen pävy -pruazniekku lapsih da aiguzih niškoi[6]:

  • Okeanariuman ammattimiehien luvendot Baikalan n’orpanpoigazis;
  • Avvonaine vastavus ven. Байкал. Удивительные приключения Юмы -nimizen fil’man luadijoinke;
  • Temuattine tiedokilbu Baikal-järves;
  • Baikalan n’orpanpoigazien avvonaine harjaitandu (Akvariuman ozuttelus).

Vuvvennu 2023 N’orpanpoigazen päivän nimeh järjestettih pidoloi Moskovan zooparkas[7]. Sinävuongi Vladimiran linnan keskuskirjastos tämä päivy piettih ven. О, да, вторсырьё! -nimizel ozuttelul[8].

Vuvvennu 2024 Jaroslavl’an zooparkas  (ven.) (olo. piettih ekskursii da Baikalan čuudo -tiedokilbu[9].

Novosibirskan alovehellizes lapsien A. M. Gor’koin nimizes kirjastos oli Baikalan čuudo. N’orpanpoigazen päivy -pido[10].

Huomavukset

  1. ↑ 1 2 3 4 5 Ежемесячная газета зелёных «Берегиня». 25 мая — День Непрёнка (рус.) (PDF). greensalvation.org С. 16 (5. oraskuudu 2009). Kačondan päivymiäry: 22. sulakuudu 2025.  (Архивная копия)
  2. ↑ 1 2 День непрёнка — 25 мая! (рус.). greenedu.ru (25. oraskuudu 2022). Kačondan päivymiäry: 22. sulakuudu 2025.
  3. ↑ День Нерпёнка (рус.) (PDF). bibliotaishet.ru. Kačondan päivymiäry: 22. sulakuudu 2025.
  4. ↑ В Бурятии отметят День нерпёнка. web.archive.org. Kačondan päivymiäry: 22. sulakuudu 2025.
  5. ↑ Юные читатели отметили День нерпёнка (рус.). metodisty.rgdb.ru (25. oraskuudu 2017). Kačondan päivymiäry: 22. sulakuudu 2025.
  6. ↑ День нерпёнка в Москвариуме (рус.). moskvarium.ru. Kačondan päivymiäry: 22. sulakuudu 2025.
  7. ↑ Москвичей пригласили на День нерпенка, 360° (23 oraskuudu 2023). Kačondan päivymiäry: 22. sulakuudu 2025.
  8. ↑ О, да, вторсырьё!, Русское географическое общество (21 oraskuudu 2023). Kačondan päivymiäry: 22. sulakuudu 2025.
  9. ↑ День нерпёнка 2024, Ярославль — дата и место проведения, программа мероприятия., Культура.РФ. Kačondan päivymiäry: 22. sulakuudu 2025.
  10. ↑ «Чудо-Байкала. День нерпенка» | Арт-субботы (рус.). arts.nios.ru. Kačondan päivymiäry: 22. sulakuudu 2025.

Linkat

Lähteh - "https://olo.ruwiki.ru/w/index.php?title=N%27orpanpoigazen_päivy&oldid=126352424"