Muailman kostežikkoloin päivy

Muailman kostežikkoloin päivy
Soloveckoit suaret — eräs "Ramsaran kondulois" Ven'al
Tiippu	Ekolougine
Merkičys	kiinittiä rahvaskunnan huomavuo kostežikkoloin probliemoih
On pandu alguh	vuvvennu 1997
Päivymiäry	2. tuhukuudu
On kiini	"Ramsaran konvencien" allekirjuttamizes
Медиафайлы на РУВИКИ.Медиа

Muailman kostežikkoloin päivy (angl. World Wetlands Day, ven. Всемирный день водно-болотных угодий) on kanzoinväline päivy, kudamua pietäh kogo muailmas joga vuottu 2. tuhukuudu.

Histourii

Muailman kostežikkoloin päiviä pietäh vuvves 1997 algajen.

Tämän päivän piendypäivy ei olluh petties vallittu: juuri sinäpiän 2. tuhukuudu vuvvennu 1971 Iruanan linnas Ramsar (provincii Mezenderan) allekirjutettih Konvencii kostežikkoloih nähte (angl. Convention on Wetlands). Tädä dokumentua vie tietäh nimel "Ramsaran konvencii". Konvencii kostežikkoloih nähte on allekirjutettu kostežikkoloin suojelemizekse, kudamil on kanzoinväline merkičys (enimälleh vezilinduloin eländykohtien suojeltavannu).

Pakkaskuun 18. päivän vuvven 2006 tiedoloin mugah tämän konvecien ozanottajinnu oli jo 150 valdivuo. Erähänny Ramsaran konvencieh yhtyndyehtolois oli hos yhten "Ramsaran konnun" perustamine sit muas, kudai tavoittelou sih yhtyö. Nenga Ven'an Federacies "Ramsaran konduloih" kuuluu 35 kostežikkuo Ven'an Federacien 21 alovehel, niilöih kogonaine pinduala on enämbi 10 miljonua gektuarua.

Tämän kanzoinvälizen päivän luadijat eri pidoloi luadijes tavoitellah kiinittiä yhteiskunnan da eri valdivoloin johtokundien huomavuo vezilinduloin eländykohtien suojelemizeh da kostežikkoloin tärgevyöh Mua-planietan ekosistiemas.

Kačo ližäkse

• Muailman veziresursoin päivy
• Muailman valdumerien päivy
• Muailman meren päivy
• Muailman ymbäristön suojelupäivy

Linkat

• 2. tuhukuudu февраля - Muailman kostežikkoloin päivy (Valgoven'a)