Mečän da puutevolližuon ruadajien päivy

On otettu Рувики-späi
Mečän da puutevolližuon ruadajien päivy
Talvimeččy
Talvimeččy
Tiippu Ammatilline pruazniekku
Toizin Mečänvardoiččijoin päivy
On pandu alguh Nevvostoliiton Korgeviman Nevvoston Prezidiumu
Pietäh  Valgoven'a  Kirgiizii  Ven'anmua  Ukrainu
Päivymiäry 13. elokuudu vuvvennu 1966
Piendy joga vuottu, syvyskuun kolmendennu pyhänpiän
Логотип РУВИКИ.Медиа Медиафайлы на РУВИКИ.Медиа

Mečän da puutevolližuon ruadajien päivy on kaikkien mečänruadajien rahvahienväline ammatilline pruazniekku, kudamua pietäh syvyskuun kolmandennu suovattan Valgoven'al, Kirgiizies, Ven'an Federacies da Ukrainal[1].

Pruazniekan histourii

Pruazniekku pandih alguh Nevvostoliiton Korgeviman Nevvoston Prezidiuman käskys 13. elokuudu vuvvennu 1966 (ven. «Ведомости Верховного Совета СССР», 1966, № 33, st. 742) da sidä pietäh joga vuottu syvyskuun kolmandennu pyhänpiän[2]. Nevvostoliiton hajuondan jälles erähis endizis Nevvostoliiton mualois tämä pruazniekku säilyi.

Valgoven'a

Valgoven'al Mečän da puutevolližuon ruadajien päivy on ammatilline pruazniekku, kudai on pandu alguh Valgoven'an piämiehen käskys № 157 "Valdivollizis pruazniekois, pruazniekku- da mustopäivis Valgoven'an tazavallas" 26. kevätkuudu vuvvennu 1998[3].

Kirgiizii

Kirgiizies jatketah pidiä Mečän ruadajien päiviä samannu piän, mille autoi Kirgiizien tazavallan tyves ruadajan Valdivollizen meččyinspekcien ruadajien kiändymine, а tazavallan halličus 13. elokuudu vuvvennu 1993 piästi ilmah azetuksen № 364, kudamas andoi pruazniekale virrallizen stuatusan.

Ukrainu

Ukrainan enzimäine piämies Leonid Kravčuk 28. elokuudu vuvvennu 1993 sežo piästi ilmah käskyn N 356/93, kudaman mugah Ukrainal rodih meččytalovuon, mečän da puutevolližuon ruadajien ammatilline pruazniekku — Mečän ruadajien päivy, kudamua pietäh joga vuottu syvyskuun kolmandennu pyhänpiän[4].

Ven'a

Kilvat Mečän ruadajien päivänny, Kor'ažma

Vuvvennu 2003 Vladimir Putin tälle pruazniekale omistetut hyvittelytelegrammas sanoi:

Meččy on Ven'an erähii piärikkahuksii, muan kallis talovuolline da ekolougine resursu. Sen endizeh kundoh suandu da oigei käyttämine ollah valdivon edisijal… tänäpäi ižänmuan meččytalovuos da puutevolližuos on äijy sellitettäviä probliemua. Niilöin joukos ollah kompleksan ruavon effektiivižuon nostamine, tehnolougielline laittehiston uvvistamine da, tiettäväine, sie ruadajien sociualuturvuamine…»[5].

Vuvvennu 2023 lehtistökeskukses TASS Mečän ruadajien päiväle omistetus lehtistökonferenises oli anonsiiruittu enzimäine tiijolline fil'mu meččien säilyttämizes[6]. 17. syvyskuudu vuvvennu 2023 Ven'an piämies hyvitteli mečän ruadajii ammatillzen pruazniekanke da huomai, ku "pidäy kehittiä mečänsuojelumiärii, eri huomavuo kiinittiä opastusprogrammoih…»[7].

Kačo ližäkse

  • Puuloin istutuspäivy

Huomavukset

  1. ↑ НИЦ Регион Календарь (недоступная ссылка)
  2. ↑ Указ Президиума ВС СССР от 13.08.1966 N 125-VII "Об установлении ежегодного праздника «Дня работника леса»
  3. ↑ Указ Президента Республики Беларусь от 26.03.1998 № 157
  4. ↑ Про День працівника лісу| від 28.08.1993 № 356/93
  5. Wayback Machine
  6. ↑ Лесотехнический университет готовит первый научный фильм о сохранении лесов. Журнал Лесной комплекс (18. syvyskuudu 2023).
  7. ↑ Поздравление работников леса. Президент России (17. syvyskuudu 2023).

Linkat

Lähteh - "https://olo.ruwiki.ru/w/index.php?title=Mečän_da_puutevolližuon_ruadajien_päivy&oldid=126144527"