Muailman kitoin da del'fiinoin päivy

On otettu Рувики-späi
Muailman kitoin da del'fiinoin päivy
Gurbukita
Gurbukita
Tiippu Ekolougine
Merkičys kiinittiä rahvaskunnan huomavuo kitoih, kitamuodohizih, toiči toizihgi meri-imettäjih
Alguhpanii Kanzoinväline kitoinpyydökomissii (IWC)
Päivymiäry 23. heinykuudu 1986
Liittyy Tävvellizes kaupallizes kitoinpyydökiellos
Логотип РУВИКИ.Медиа Медиафайлы на РУВИКИ.Медиа

Muailman kitoin da del'fiinoin päivy (angl. World Whale and Dolphin Day) on ekolougine pruazniekku, kudaman pani alguh vuvvennu 1986 Kanzoinväline kitoinpyydökomissii (angl. International Whaling Commission — IWC). Sidä pietäh 23. heinykuudu, sendäh ku sinäpiän vuvvennu 1982 IWC iänesti Tävvellizes kitoin kauppupyydökiellos, algajen kavves 1985/1986[1][2].

Kieldo tuli voimah 19. tuhukuudu vuvvennu 1986. Sen nimeh joga vuottu 19. tuhukuudu pietäh vie yhty päiviä — Muailman kitoin päiviä (angl. World Whale Day). Se on toiziengi meri-imettäjien suojelupäivänny. Toiči eri mualoin ekolougizet yhtistykset yhtes omistetah sen päivän kudualetahto yhtele imettäjien lajile, kudai rodih varavonalazekse[3][4]. Toizien tiedoloin mugah tädä päiviä pietäh tuhukuun joga kolmattu suovattua[5].

Histourii

Kanzoinväline kitoinpyydökomissii (angl. International Whaling Commission — IWC) luadi kalenduarah uvven pruazniekan vuvvennu 1986[6].

Vuvvennu 1982 komissii ilmoitti vagavis ekolougizis ongelmis, kudamat roittih kitoin da del'fiinoin massuhävitändän periä. Komissien kehoituksien pohjal 23. heinykuudu vuvvennu 1986 tuli voimah kova kieldo kitoin suandah. Sit aijas joga vuottu muailmas pietäh Muailman kitoin da del'fiinoin päiviä, kudai on omistettu vienalazen mieron ainavoluaduzile elättilöile[7][8].

Kitoinpyydo "tiedotarkoituksih"

Kitan lihua Tokion erähäl bazaril

Konzu Kanzoinväline kitoinpyydökomissii kieldi kitoin tevolližuspyvvön, Japounii, sankcieloin varavos, yhtyi sobimukseh, ga jätti ičele oigevuon "Kitoinpyydöh tiedotarkoituksih". Kvoutat pyydöh vuvvennu 2007 oldih 950 kitua, toizin sanoin Japounii joga päiviä pyydi läs kolmie kitua. Sinävuon Japounien Niccin-maru-kitoinpyydöpiälaivastol oli tulipalo, sendäh tutkittamizekse oli tapettu 508 elättii. Sendäh Japouniele annettih luba pyydiä kitoi parittelunaigah. Jälles tutkimusruadoloi elättilöin lihat enimyölleh vietäh Japounien restoruanoih. Japounies sežo huavatah uvvessah ruveta pyydämäh gurbukitoi[9].

19. tuhukuudu vuvvennu 2010 Avstrualien piäministru Kevin Radd prižmi, ku Japounii heittäs kitoinpyvvön, da varaitti annandal Kanzoinvälizeh suudoh Gaagas[10].

Pruazniekku Ven'al

Franc-Iosifan mua, Primorskoi piiri

Joga vuottu aktivistat da luonnonsuojelulaitokset pietäh miitingoi, demonstracieloi da kerähmölöi, ku suas kiinittiä yhteiskunnan huomavuo meri-imettäjien luvun vähenemizen probliemoih. Se koskou ei vaiku kitoin pyydyö, ga del'fiinoingi da toizien elättilöin piendiä del'finuarielois da okeanuariumois, kus net puaksuh eletäh pahois ololois[11].

Ven'al erähii piettävii pidoloi[12]:

  • Ekolougizet pruazniekkuprogrammat, ezimerkikse, Arhangelis 23. heinykuudu vuvvennu 2023 lagevol Pohjazen merimuzein ies piettih pruazniekkuprogrammu, kudamah kuuluttih interaktiivumatku Franc-Iosifan mua -suariston kartua myöte, kilbu, muasteripajat, fotosessii jiäkondienke.
  • Mustotutkimusmatkat, moizet kui El'dorado-purjehvenehel elokuul vuvvennu 2023, sen aigah käydih Franc-Iosifan mua -suaristole.
  • Tiedokäytöndöllizet konferensies, ezimerkikse, konferensii "Franc-Iosifan mua: 150 vuottu tutkimusruaduo", kudai piettih sygyzyl vuvvennu 2023 kanzoinvälizenny konferensiennu.

Huomavukset

  1. ↑ Brakes P., Simmonds M. P. Whales and Dolphins: Cognition, Culture, Conservation and Human Perceptions. — Routledge, 2013. — P. 42. — 256 p. — ISBN 9781317974697.
  2. ↑ International Whaling Commission. IWC Schedule. — 2013. — P. 5. Arhiivukoupii 13 tuhukuudu 2014 Wayback Machine
  3. ↑ Сегодня — День защиты китов и морских млекопитающих. Харьковские Известия (19. tuhukuudu 2013). Kačondan päivymiäry: 20. tuhukuudu 2014. Arhiviiruittu originualaspäi 24. tuhukuudu 2014
  4. ↑ Всемирный день китов. РИА Новости (19. tuhukuudu 2013). Kačondan päivymiäry: 20. tuhukuudu 2014. Arhiviiruittu 24. tuhukuudu 2014
  5. ↑ Halifax Discovery Centre celebrates 38th annual World Whale Day
  6. ↑ Роман Паршинцев. Всемирный день китов и дельфинов: у берегов Чукотки летом собираются до 100 горбачей. mir24.tv. Мир24 (23. heinykuudu 2023). Kačondan päivymiäry: 4. heinykuudu 2024.
  7. ↑ 23 июля — всемирный день китов и дельфинов. Экосфера (23. heinykuudu 2023). Kačondan päivymiäry: 4. heinykuudu 2024.
  8. ↑ 23 июля, Всемирный день китов и дельфинов. smmplanner.com. Kačondan päivymiäry: 4. heinykuudu 2024.
  9. ↑ Япония впервые за 20 лет не смогла выбрать квоту на промысел китов
  10. ↑ Австралия пригрозила Японии международным судом за промысел китов
  11. ↑ Всемирный день китов и дельфинов в 2024 году: история и традиции праздника. Комсомольская правда. Kačondan päivymiäry: 4. heinykuudu 2024.
  12. ↑ Всемирный День китов и дельфинов отметят в Архангельске. Правда Севера. Kačondan päivymiäry: 4. heinykuudu 2024.

Linkat

Lähteh - "https://olo.ruwiki.ru/w/index.php?title=Muailman_kitoin_da_del%27fiinoin_päivy&oldid=126343844"