Pyhärvi
| Kylä | |
| Pyhärvi | |
|---|---|
| Святозеро | |
.jpg) | |
| 61°33′44″ с. ш. 33°37′10″ в. д.GЯO | |
| Mua |
 Ven'anmua |
| Federacien subjektu | Karjalan tazavaldu |
| Municipualupiiri | Priäžän kanzalline piiri |
| Kyläkundu | Pyhärven kyläkundu |
| Enzimäine mainičendu | 1568 |
| Eläjät | |
| Eläjät | 603 hengie (vuozi 2025) |
| Digitualizet identifikuattorat | |
| Telefonkoudu | +7 81456 |
| Poštuindeksu | 186122 |
| Koudu ОКАТО | 86239000065 |
| Koudu ОКТМО | 86639450101 |
| ГКГН | 0167813 |
|
|
|
| Святозерского сельского поселения, | |
|
|
|
 Медиафайлы на РУВИКИ.Медиа | |
Pyhärvi (ven. Святозеро, suom. Pyhäjärvi) on vahnu karjalaine kylä Karjalan tazavallan Priäžän kanzallizes piiris. Se on Pyhärven kyläkunnan haldivolline keskus.
Muantiedo
Se sijoittuu samannimizen Pyhärven järven päivänlaskurannal. Kyläspäi Petroskoissah on 59 km, Priäžässäh, piirin keskuksessah, on 15 km.
Histourii
Pyhärven čupul löyttylöin arheolougizien löydölöin — kiviruadobrujien — mugah piätetäh, ku rahvastu nämmil aloveheil eli enne meijän aijanluvun kolmanden vuozituhanden lopus. Erähät tiedomiehet smietitäh, gu nämmien alovehien enzimäzet eläjät oldih saamelazien ezi-ižät. Sen tovestetah Pyhärven kyläkunnan kylien nimet, ezim. Sidniemi (siida on saamelaine sana, kudai merkiččöy talvimökkii).
Pyhärvie enzimästy kerdua muanitah XVI vuozisual Onieguviijendeksen vuvven 1568 verokniigas[1].
Vuvven 1911 tiedoloin mugah Pyhärves ruadoi zemstvon kaksikluassahine opisto[2].
Vuozinnu 1927—1930 Pyhärvi oli Karjalan avtonoumizen socialistizen nevvostotazavallan Pyhärven piirin keskuksennu.
Vuvvennu 1935 Pyhärven kylänevvostos perustettih kolhozu.
27. kevätkuudu vuvvennu 1938 viärän viäritändän periä vallankumovuksen vastazes toimindas Karjalan avtonoumizen socialistizen nevvostotazavallan NKVD:n kolmikon piätökses ammuttih Pyhärven kirikön pappi, kyläs rodivunnuh Vladimir Nazarovič Petrov (1869—1938)[3].
Karjal-suomelazen socialistizen nevvostotazavallan okkupacien aigah kyläs oli koncluageri.
Kevätkuul vuvvennu 1959 Pyhärves perustettih Pyhärven zvierinkazvatandusouhozu Oniegutraktoruzavodan abutalohuon perustehel. Vuvves 1965 algajen täs souhozas ruvettih kazvattamah mustii hiähkii.
Elokuul vuvvennu 1966 Karjalan avtonoumizen socialistizen nevvostotazavallan Ministroin Nevvoston käskys kyläs perustettih Karjalan pedagouguinstituutan agrobiolougine stansii[4].
Nygyaigu
Vuvven 2025 tiedoloin mugah kyläs ruadau algukluassoin škola, päivykodi, kirjasto, kul’tuurutaloi, laukku[5].
Sygyzyl vuvvennu 2025 kyläs nostettih da avattih uuzi feršalipunktu[6].
Kyläs on Il'l'u-prorokan kirikkö.
Eläjät
Vuvvennu 1905 kyläs eli 367 hengie[7].
| 2009[8] | 2010[9] | 2013[10] |
|---|---|---|
| 951 | ↘725 | ↘658 |
Vuvven 2025 tiedoloin mugah kyläs eläy 603 hengie[11].
Histourien mustomerkit
Kyläs on voinumustomerki "Kunnivon kurguanu" — Suuren Ižänmuallizen voinan aigah surman suannuzien 98. gvardien ilmudesantudiviizien saldattoin velleskalmu.
Kuulužat pyhärveläzet
Pyhärves eli kuulužu runoilii Konstantin Gordejev-Häkki da hänen bunukku Vasilii Gordejev, kudai rodih Karjalan kuulužakse suarnansanelijakse da runonpajattajakse. Toine kuulužu karjalaine runonpajattai on Anna Česnokova, häi oli roinnuhes Pyhärven voulostin Čarniemen kyläh, täl aigua Čarniemi kuuluu Pyhärveh.
Kyläs oli roinnuhes Ven’an federatiivizen socialistizen nevvostotazavallan arvostettu artistu, Suomen valdivollizen druamuteatran ozuttelii M. J. L’ubovin (1907—1986)[12].
Kyläs oli roinnuhes etnougraffu da kirjuttai N. F. Leskov.
Yhteiskunnallizet yhtistykset
Kyläs toimiu lyydiläzien yhteiskunnalline yhtistys "Pyhärven juuret", kudaman piäruadoloi on Priäžän kanzallizen piirin lyydiläzien kul’tuuran da kielen säilyttämine da kehittämine[13], da aktiivizesti ruatah TOSat — alovehellizet yhteiskunnallizet ičehalličukset[5].
Huomavukset
- ↑ Календарь знаменательных дат (стр. 5). Kačondan päivymiäry: 13. kylmykuudu 2025. Arhiviiruittu 13. talvikuudu 2016
- ↑ Памятная книжка Олонецкой губернии на 1911 год (стр. 80). Kačondan päivymiäry: 13. kylmykuudu 2025. Arhiviiruittu 11. kylmykuudu 2021
- ↑ Б. Ф. Детчуев, В. Г. Макуров. Государственно-церковные отношения в Карелии (1917-1990). — Петрозаводск: СДВ-Оптима, 1999. — 206 с. — ISBN 5-201-07841-9.
- ↑ Агробиологическая станция (рус.). web.archive.org. Kačondan päivymiäry: 13. kylmykuudu 2025.
- ↑ 1 2 [https://art-selo.ru/sviatozero.html СЕЛО В НАШИХ РУКАХ: Как в Святозеро мосты строят и детские пространства создают] (рус.). art-selo.ru. Kačondan päivymiäry: 14. kylmykuudu 2025.
- ↑ Новый фельдшерско-акушерский пункт построили в посёлке Святозеро Пряжинского района (рус.). karel.mk.ru (23. syvyskuudu 2025). Kačondan päivymiäry: 13. kylmykuudu 2025.
- ↑ Святозерская волость Петрозаводского уезда. Kačondan päivymiäry: 13. kylmykuudu 2025. Arhiviiruittu 15. elokuudu 2016
- ↑ Рекомендуемая нормативная сеть и формы библиотечного обслуживания с указанием численности населения на 1 января 2009 года по данным Карелиястата (рус.). Kačondan päivymiäry: 19. sulakuudu 2015. Arhiviiruittu 4. syvyskuudu 2014
- ↑ Всероссийская перепись населения 2010 года. Сельские населённые пункты Республики Карелия
- ↑ Численность населения в разрезе сельских населённых пунктов Республики Карелия по состоянию на 1 января 2013 года (рус.). Kačondan päivymiäry: 3. pakkaskuudu 2015. Arhiviiruittu 7. tuhukuudu 2016
- ↑ Население села Святозеро Пряжинского района Республики Карелии (рус.). bdex.ru. Kačondan päivymiäry: 13. kylmykuudu 2025.
- ↑ Карелы Карельской АССР / Ин-т яз., лит. и истории Карел. филиала АН СССР. — Петрозаводск: Карелия, 1983. — 288 с., ил.
- ↑ МОО "Святозерские корни" (рус.). vk.com. Kačondan päivymiäry: 14. kylmykuudu 2025.
Kirjalližus
- Михайлова С. Н. Святозерские самоцветы. — Петрозаводск, 1979.
- Сеппянен Н. Г. На земле Пряжинской. — Петрозаводск, 1980.
- Берестов Б. А. . — Петрозаводск, 1987.
- Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД "ПетроПресс", 2011. — С. 68—384. — ISBN 978-5-8430-0127-8.
- Керт Г. М. . Загадки карельской топонимики: рассказ о географических названиях Карелии / Г. М. Керт, Н. Н. Мамонтова — Изд. 3-е, испр. и доп.. — Петрозаводск: "Карелия", 2007. — С. 15. — 118 с. — ISBN 978-5-7545-1535-2.
- Lehtipuu, Markus. Karjala, suomalainen matkaopas 2001 = Toinen, korjattu painos maaliskuu. — Keuruu: Suomalainen matkaopas Finnish Guidebooks Oy, 2001. — С. 264. — ISBN 952-9715-13-7.
