Tundemattoman saldatan päivy

On otettu Рувики-späi
Tundemattoman saldatan päivy
День Неизвестного Солдата вечный огонь.png
Virrallizesti Tundemattoman saldatan päivy
Merkičys Bojulois kuadunuzien ven'alazien da nevvostolazien saldattoin muisto, kudamien nimet jiädih tundemattomikse
Pandih alguh Federuallizen zakonan № 340-ФЗ mugah 4. kylmykuudu vuvvennu 2014 Tundemattoman saldatan jiännöksien uvvellehmuahpanendan mustokse Kremlin seinällyö kylmykuun 3. päivänny vuvvennu 1966
Alguhpanii Ven'an Federacien Valdivolline Duumu
Pietäh  Ven'anmua
Päivymiäry 3. talvikuudu
Piendy Kukkien da venkoin panemine saldattumustomerkilöile, miehekkähyön da rohkevuon urokat, mustotapahtumat
Perindöt Muston kunnivoittamine vaikkaniolendal
Liittyy Torah Moskovas

Tundemattoman saldatan päivy (ven. Де́нь Неизве́стного Солда́та) on Ven'an mustopäivy, kudai ei ole lebopäivy[1]. Sidä pietäh 3. talvikuudu vuvves 2014 lähtijen. Merkipäivy perustettih niilöin Ven’an da Nevvostoliiton saldattoin mustokse, ket kuavuttih bojulois oman muan alovehel libo rajan tagan.

Histourii

Talvikuun 3. päivy vallittih sendäh, gu juuri sil päiväl, vuvvennu 1966 Moskovan lähäl germuanielazien voiskien hävitändän 25-vuozipäivän mustokse siirrettih Tundemattoman saldatan  (ven.) (olo. jiännökset Leningruadan juaman 41. kilometril olijas velleskalmaspäi (Zelenograd-linnah viejäl ajodorogal) da pruazniekkupivos pandih muah Moskovas Kremlin seinällyö Aleksandrovskii-savus. 8. oraskuudu vuvvennu 1967 kalman paikal avattih Tundemattoman saldatan kalmu -arhitektuurumustokogonažus da viritettih Iguine tuli  (ven.) (olo..

Federualline zakon 4. kylmykuudu vuvvennu 2014 № 340-ФЗ "Federuallizen zakonan pygäläh 1.1 luajittulois muutoksis "Ven'an sodakunnivon päivis da mustopäivis"", kudaman mugah perustettih pruazniekku, oli otettu vastah Valdivollizes Duumas 24. ligakuudu vuvvennu 2014, se hyväksyttih Federacien Nevvostos 29. kylmykuudu da 5. kylmykuudu vuvvvennu 2014 sen ualekirjutti Ven’an Federacien piämies Vladimir Putin[2][3]. Ven'an piämiehen haldivon piälikön Sergei Ivanovan ennepäi kannatetun ehoituksen luadijat oldih joukko deputuattoi kaikis parluamentujoukkoloispäi.

Tundemattoman saldatan päivänny järjestäh eriluadustu mustotapahtumua. Pietäh kukkien da venkoin panenduseremounieloi, opastuslaitoksis — rohkevuon urokkoi.

Mustotapahtumat

Tundemattoman saldatan päiviä pietäh kaikkiel ymbäri Ven’anmuadu virrallizil seremounieloil, yhteiskunnallizil tapahtumil da tiijonandajil pidoloil. Päivän piäkeskuksennu on Tundemattoman saldatan kalmu Moskovan Aleksandrovskii-savus  (ven.) (olo.[4]. Sinäpiän Ven’an Federacien piämies panou venkan da kukkua Iguzel tulelluo[5]. Seremounieh otetah ozua veteruanat, vojennoit, halličuksen da parluamentan ezittäjät. Tapahtumah liittyy vaikkanolendan hetki[6]. Yhtenjyttymiä pruazniekkusemouniedu pietäh kaikis Urhoilinnois, Voinukunnivon linnois da toizis eländysijois, piendykohtinnu ollah Iguzet tulet, velleskalmat da mustomerkit[7].

Ven'an piämiehen haldivon piälikkö Sergei Borisovič Ivanov da Moskovan alovehen gubernuattoru Andrei Jurjevič Vorobjov Tundemattoman saldatan päiväle omistetus pruazniekkutapahtumas Krasnii-pos'olkas Moskovan alovehel. 3. talvikuudu vuvvennu 2014

Piärouli tapahtumien järjestämizes on yhteiskunnallizel Ven’an ečindyliikkehel (ven. "Поисковое движение России"), kudaman ehoitukses perustettih tämä mustomerkipäivy[8]. Aktivistat järjestetäh miitingoi, ečindymatkoin aigua löyttylöin saldattoin jiännöksien pruazniekkumuahpanendoi da avatah uuttu mustomerkii[7]. Kanzalazet kaikkie muadu myöte vietäh kukkua saldattukalmoile da yhtytäh moizih tapahtumih, kui "Muston tuohus"[8].

Opastuslaitoksis pietäh "rohkevuon urokkua", školaniekoile sanellah päiviä, sen histouriedu da ečindyjoukkoloin toimindua[9]. Kirjastolois järjestetäh kniiguozutteluloi da luvendoloi[10]. Vuvvennu 2024, päivän 10-vuozipäivän nimeh, perindöllizien tapahtumien rinnal järjestettih Kogo Ven’an Tundemattomien urhomiehien mustokse -nimine olimpiuadu školan opastujile, yliopastujile da opastajile[11][12].

Samanmoizet pruazniekat toizis mualois

Perindö kunnivoija saldattoi, kenen nimet jiädih tundemattomikse, on olemas äijis muailman mualois, kudamis täh tarkoitukseh niškoi perustettih omat mustomerkipäivät erilazil nimilöil[13].

  • Yhtistynnyh Kuningaskundu da Rahvahien yhtymän muat (Kanuadu, Avstrualii, Uuzi Zelandii da toizet): 11. kylmykuudu pietäh Kuadunuzien mustopäiviä (angl. Remembrance Day), sidä tietäh vie Muakan päivy -nimel (angl. Poppy Day) muston simvolan — ruskien muakan kukan — periä. Ihan allus päivy perustettih Välirauhan päiväkse (angl. Armistice Day) Enzimäzen muailman voinan lopendan kunnivokse[14]. Tärgevimät seremouniet pietäh 11. kylmykuudu lähembänny pyhänpiän — Mustopyhäpäivy (angl. Remembrance Sunday);
  • Amierikan Yhtysvallat: on kaksi tärgiedy mustopäiviä. Mustopäiviä (angl. Memorial Day) pietäh oraskuun jälgiezmässargen, se on omistettu kaikil voinil kuaunuzien vajennoloin mustole. 11. kylmykuudu pietäh Veteruanoin päiviä (angl. Veterans Day), kudai on omistettu ammundutarbehil varustettuloin voimien kaikile veteruanoile. Päivän piämustopaikannu on Tundemattoman saldatan kalmu Arlingtonan kanzallizel kalmužimal;
  • Francii da Bel'gii: 11. kylmykuudu pietäh Välirauhan päivänny (fran. Jour de l'Armistice)[15]. Pariižas Voittoveriällyö on Tundemattoman saldatan kalmu, kudaman rinnal palau Iguine tuli;
  • Itualii: 4. kylmykuudu pietäh Kanzallistu yhtenäžyön da ammundutarbehil varustettuloin voimien päiviä (itual. Giorno dell'Unità Nazionale e delle Forze Armate). Sinäpiän kunnivoijah kuadunuzien saldattoin mustuo, Riimas olijalgi Tundemattoman saldatan kalmal;
  • Alangomuat: Mustopäiviä (golland. Dodenherdenking) pietäh 4. oraskuudu. Sinäpiän mustellah kaikkii Toizen muailman voinan da sen jälgehizil voinil rauhanturvutehtävis kuolluzii siviiliristikanzoi da vojennoloi[16];
  • Germuanii: Kanzallistu surun päiviä (germ. Volkstrauertag) pietäh kylmykuus pyhänpiän kahtu nedälii enne enzimästy Adventua (kylmykuun 13. da 19. päivien välil) da se on omistettu voinien da vägivallan žertvoin mustole[17];
  • Pol'šu: Tundemattomien saldattoin musto on pandu igäzeh mustoh Tundemattoman saldatan kalmalluo Varšavas. Tärgevin vällystoran mustoh liittyi kanzalline pruazniekku on Pol’šan iččenäžyspäivy, kudamua pietäh 11. kylmykuudu.

Huomavukset

  1. ↑ Имя твоё неизвестно: зачем в России отмечают День Неизвестного солдата. 78.ru. Kačondan päivymiäry: 8. talvikuudu 2025.
  2. ↑ Федеральный закон от 04.11.2014 г. № 340-ФЗ. kremlin.ru. Kačondan päivymiäry: 8. talvikuudu 2025.
  3. ↑ Федеральный закон от 04.11.2014 № 340-ФЗ. Официальный интернет-портал правовой информации (5. kylmykuudu 2014). Kačondan päivymiäry: 8. talvikuudu 2025.
  4. ↑ День Неизвестного Солдата: как в Москве хранят память о павших защитниках Отечества. Официальный сайт Мэра Москвы. Kačondan päivymiäry: 8. talvikuudu 2025.
  5. ↑ Путин и лидеры стран СНГ возложили цветы к Могиле Неизвестного Солдата. Новости Mail.ru. Kačondan päivymiäry: 8. talvikuudu 2025.
  6. ↑ Президент РК принял участие в возложении цветов к Могиле Неизвестного солдата в Москве. kt.kz. Kačondan päivymiäry: 8. talvikuudu 2025.
  7. ↑ 1 2 Дайджест мероприятий поисковиков в День Неизвестного солдата. Поисковое движение России. Kačondan päivymiäry: 8. talvikuudu 2025.
  8. ↑ 1 2 День Неизвестного солдата. Поисковое движение России. Kačondan päivymiäry: 8. talvikuudu 2025.
  9. ↑ Уроки мужества, посвящённые Дню Неизвестного солдата. МБОУ «СОШ №2» г. Отрадное. Kačondan päivymiäry: 8. talvikuudu 2025.
  10. ↑ «И мы в молчанье головы склоняем перед бессмертным подвигом бойца»: цикл мероприятий ко Дню Неизвестного солдата. ЦБСЭ.РФ. Kačondan päivymiäry: 8. talvikuudu 2025.
  11. ↑ Всероссийская олимпиада «В память о неизвестных героях». НТО «Просвещение». Kačondan päivymiäry: 8. talvikuudu 2025.
  12. ↑ В России отмечается День Неизвестного солдата. Общественная палата Оренбургской области. Kačondan päivymiäry: 8. talvikuudu 2025.
  13. ↑ Могилы Неизвестного солдата в разных странах мира: Дань памяти павшим героям. Kulturologia.Ru. Kačondan päivymiäry: 8. talvikuudu 2025.
  14. ↑ 11 ноября — День перемирия. Окончание Первой мировой войны в 1918 год. Культура.РФ. Kačondan päivymiäry: 8. talvikuudu 2025.
  15. ↑ 11 ноября — День перемирия. Русский очевидец. Kačondan päivymiäry: 8. talvikuudu 2025.
  16. ↑ День Поминовения в Нидерландах. BSI Group. Kačondan päivymiäry: 8. talvikuudu 2025.
  17. ↑ How Different Countries Celebrate Remembrance Day. E. C. Ope & Son. Kačondan päivymiäry: 8. talvikuudu 2025.
Lähteh - "https://olo.ruwiki.ru/w/index.php?title=Tundemattoman_saldatan_päivy&oldid=126361108"