Partizuanoin da peittotoiminduruadajien päivy

Partizuanoin da peittotoiminduruadajien päivy
Merkičys	Br'anščina -partizuanuliikkehen sego kaikkien Suuren Ižänmuallizen voinan ozanottajien muston kunnivoičendu.
Pandih alguh	27. päivänny kevätkuudu vuvvennu 2009
Alguhpanii	Ven'an Federacien Valdivolline Duumu
Pietäh	Ven'anmua
Päivymiäry	29. kezäkuudu
Liittyy	kezäkuun 29. päiväh, konzu oli ilmoitettu Sovnarkoman da Kogo Nevvostoliiton bol'ševiekkoin kommunistizen partien keskuskomitietan käsky partieloin, nevvostoliittolazien, ammattiliittoloin da komsomolan järjestölöile luadie partizuanoin da peittotoiminduruadajien joukkoloi nemsoin voiskien vasturindahnouzuh niškoi Suurel Ižänmuallizel voinal (vuozi 1941)
Медиафайлы на РУВИКИ.Медиа

Partizuanoin da peittotoiminduruadajien päivy on mualline pruazniekku, Ven'anmuan mustopäivy, sidä joga vuottu pietäh 29. kezäkuudu vuvves 2010.

Histourii

Partizuanoin da peittotoiminduruadajien päivy ehoitettih perustua Br’anskan alovehellizes duumas:

Partizuanoin da peittotoiminduruadajien vihaniekan tagavos omaničenžiäleimättöman vastahrindunouzun muston kunnivokse, ket jätettih suuren panoksen nevvostoliiton rahvahan fašistu-valloittajien vastazen toimindan voittoh Suurel Ižänmuallizel voinal vuozinnu 1941—1945.

27. kevätkuudu vuvvennu 2009 Ven’an Federacien Valdivollizes Duumas hyväksyttih Federualline zakon muutoksen azundas Federuallizen zakonan 11. pygäläh Ven'an sodakunnivon päivis da mustopäivis, sih ližättih Partizuanoin da peittotoiminduruadajien päivy -pruazniekku.

1. sulakuudu vuvvennu 2009 Ven’an Federacien Nevvosto, kudamah kuului 133 senuattorua, hyväksyi pruazniekan perustandan zakonan.

11. sulakuudu vuvvennu 2009 Ven'an Federacien piämies Dmitrii Medvedev allekirjutti zakonan, kudai astui voimah 1. pakkaskuudu vuvvennu 2010.

Partizuanoin da peittotoiminduruadajien päivän piendäkse oli sanottu 29. päivy kezäkuudu — sinäpiän vuvvennu 1941 oli ilmoitettu Sovnarkoman da Kogo Nevvostoliiton bol'ševiekkoin kommunistizen partien keskuskomitietan käsky partieloin, nevvostoliittolazien, ammattiliittoloin da komsomolan järjestölöile luadie partizuanoin da peittotoiminduruadajien joukkoloi nemsoin voiskien vastazeh toimindah niškoi Suurel Ižänmuallizel voinal.

• Tämän pruazniekan tarkoituksii on Br'anščina -partizuanuliikkehen sego kaikkien Suuren Ižänmuallizen voinan ozanottajien muston kunnivoičendu.

29. kezäkuudu vuvvennu 2010 enzikerdua piettih Partizuanoin da peittotoiminduruadajien päiviä.

Pivot

Sinäpiän ymbäri Ven’anmuadu pietäh nengozii pidoloi:

• Suuren Ižänmuallizen voinan urhomiehien muston kunnivoičusakcieloi;
• Mustomerkilöin da mustopaččahien edeh kukkien panendoi;
• Temuattizii ozutteluloi muzeilois;
• Vastavuksii veteruanoinke kirjastolois sego levendoloin da tiedokilboin piendöi.

Partizuanoin da peittotoiminduruadajien päivy Sovetskois piiris (Krimu), vuozi 2022

Partizuanoin da peittotoiminduruadajien päivän piendän piäpaikannu on Br’ansk-linnu.

Sinäpiän sinne tullah Federuallizen keskusokrugan kai ezittäjät, linnas pietäh jogavuodehine kolmepäiväine Br’anščinan partizuanutroppii myö — ižänmuansuvaičusfestivualii.

Festivualin perindöllizinny pidoloinnu ollah:

• Sportukilvat;
• Partizuanoin obozu -teatrukulgu;
• Br’anskan Partizuanoin lagevol ruadau oman čupun partizuanuliikkehen histouries kerdoi ozuttelu;
• Luadiipajon illačču tulelluo;
• Mieliruadojoukkoloin Partizuanoin huogavopaikku — taidokonsertu;
• Interaktiivizet pivot;
• Ekskursiet Hacun’ da Partizuanoin aho -mustumerkikompleksoi myö.

Vuvves 2009 Moskovas Izmailovskois puustos pietäh jogavuodehistu Partizuanan robl’o -mustopiduo.

Vuvvennu 2015 siegi oli pietty Partizuanoin da peittotoiminduruadajien pruazniekkuvastavus. Valdivollizes Duumas avattih Br’anskan alovehen partizuanuliikkehele omistettu ozuttelu.

Vuvvennu 2022 Kriman Sovetskois piiris rahvas pandih kukkua Ičkinskoin partizuanujoukon mustolavvan da Ičkinskoin piirin partizuanoin da peittotoiminduruadajien mustopaččahan edeh.

Partizuanoin da peittotoiminduruadajien päiväle omistettu ozuttelu Ven'an Federacien Valdivollizes Duumas, vuozi 2015

Vuvvennu 2023 Voiton muzeis ruadoi kaksi Armien urhotego da Rahvahan urhotego — nimisty ozutteluu.

Vuvvennu 2024 Novozibkovskoin linnan okrugas oli miitingu da kukkien panendu Novozibkov — partizuanukunnivon linnu -postamentan edeh.

Päiväh liittyjät tapahtumat

30. syvyskuudu vuvvennu 2010 Br’anskan alovehellizes duumas hyväksyttih Br’anskan alovehen arvonimilöi koskii zakon, arvonimilöin palkičuspido sovitettih Partizuanoin da peittotoiminduruadajien päiväh:

Ižänmuallizen voinan partizuanale -medali

• "Partizuanukunnivon linnu",
• "Partizuanukunnivon pos’olku",
• "Partizuanukunnivon kylä",
• "Partizuanukunnivon eländykohtu".

Vuvvennu 2016 Moskovas Ven'an Federacien ammundutarbehil varustettuloin voimien vojennoin da ižänmuansuvaičuksen kul’tuuran da huogavon Patriot -nimizes keskuspuustos avattih Partizuanoin kylä — vojennoi da histourielline kompleksu, kuduah kuuluu seiččietostu objektua:

• Štuabublindažu,
• Diversantoin valmistusškola,
• Ruskei čuppu,
• Magavoblindažat, ammundutarbehien da oružoin skluadu da muut.

Huomavukset

Kirjalližus

1. Мягкова Елена Михайловна, Репников Александр Витальевич. Партизанское движение на оккупированных территориях РСФСР и БССР в годы Великой Отечественной войны в публикациях архивных документов 1991–2024 годов // Вестник ВНИИДАД. — 2025. — № 1.
2. Ольга Николаевна Литвинова. Система руководства партизанским движением в годы Великой Отечественной войны: на примере Брянского края // Социально-политические исследования. — 2024. — № 1 (22). — doi:10.20323/2658-428X-2024-1-22-102.

Linkat

• Федеральный закон от 10.04.2009 г. № 59-ФЗ О внесении изменения в статью 1-1 Федерального закона "О днях воинской славы и памятных датах России"
• Изменения в Федеральный закон "О днях воинской славы и памятных датах России" от 11 апреля 2009 года
• С 29 июня 2009 отмечается Памятная дата "День партизан и подпольщиков"
• В День партизан и подпольщиков Главархив вспоминает их подвиги, 2020 год