Muston da surun päivy

Muston da surun päivy
Muston da surun päivy
	; Muston tuohus -akcii Voiton muzeis (vuozi 2023)
Päivymiäry	22. kezäkuudu
Syy	Suuren Ižänmuallizen voinan algu
Žertvat
	26,6 miljonua kuoltuu nevvostokanzalastu
Suuditut	N’urnbergan tribunualu, Nacistu-Germuanien sodarikkojat
Suvvon oigevushommu	N’urnbergan oigevushommu
	Медиафайлы на РУВИКИ.Медиа

Muston da surun päivy on mustopäivy, se on Ven'an histourien tragiediellizimii päivii. 22. kezäkuudu vuvvennu 1941 Nacistu-Germuanien da sen liittolazien vuottamattoman hyökkävyksen jälgeh Nevvostoliittuo vastah sytyi Suuri Ižänmualline voinu. Joga vuottu 22. kezäkuudu Ven'al, Valgo-Ven'al da toizis Nevvostoliiton jälgehizen aijan mualois pietäh tälle päiväle omistettuloi mustopidoloi^[1].

Voinuvuozis kuoli 26,6 miljonua nevvostokanzalastu (niilöis 8,7 miljonua ollah bojulois kuadunuot; 7,42 miljonua ollah valloitettuloil alovehil nacistoin tapetut; 4,1 miljonua kuoli nälgäh valloitettuloil alovehil; 5,27 miljonua ollah vägehes vietyt Germuanieh). Nacistat hävitettih Nevvostoliiton 1,7 tuhattu linnua da pos’olkua, läs 70 tuhattu kyliä da hieruu, valdivon da rahvahan ainehellizen menetyksen suurus on 679 miljardua rubl’ua (vuvven 1941 hinnois)^[2].

Ven'a

13. kezäkuudu vuvvennu 1992 Ven’an Federacien Korgeviman Nevvoston Prezidiumu ilmoitti oman käskyn, kudaman mugah 22. päivy kezäkuudu oli luajittu Ižänmuan puolistajien mustopäiväkse.

8. kezäkuudu vuvvennu 1996 Ven’an Piämiehen Boris Nikolajevič Jel'cinan käskys 22. päivy kezäkuudu ilmoitettih Muston da surun päiväkse.

24. päiväs ligakuudu vuvvennu 2007 Muston da surun päivy rubei kuulumah Ven'an sodakunnivon päivät da mustopäivät -luvetteluh^[3].

Piendytavat

22. kezäkuudu kogo muadu myö ilmoitetah vaikkaniolendu Suuren Ižänmuallizen voinan žertvoin mustokse. Sinäpiän valdivollizien laitoksien talolois heitetäh alembakse valdivollizet flavut, Ven’an Federacien vojennoin laivaston korabliloil laskietah alah Andrejevskoit flavut, eländykodiloin seinih nostettuloih flaguloih sivotah surulentazet. Kul’tuurulaitoksis, tele-da ruadivoyhtevykset heitetäh iäre kai veseldysohjelmat^[4].

Vaikkaniolendu Muston da surun päivänny (vuozi 2023)

Rosgvardeicat Erillizen voinuoperacien alovehel yhtyttih Muston sadu -akcieh (vuozi 2024)

Ven'an Federacien Piämies Vladimir Putin kukkuvenkua panemas Tundemattoman Saldatan Kalman edeh (vuozi 2023)

Ymbäri muadu pietäh mustopidoloi, Muston seizanduvuoro da Muston tuohus -akcieloi, pannah kukkua da venkua Suuren Ižänmuallizen voinan urhomiehilöin mustopaččahien edeh^[5]. Eri tabah tädä päiviä pietäh Ven’an Federacien Ammundutarbehil varustettulois vojennoilois joukkolois da Rosgvardies. Sanakse, vuvvennu 2024 Erillizeh voinuoperacieh yhtynnyzet rosgvardeicat otettih ozan Muston sadu -akcieh, hyö istutettih puuntaimendu Doneckan rahvahan tazavallan puustolois da pienis puustolois^[6].

Musta- kuvan kompozicii Voiton muzein oččuseinäs (vuozi 2024)

Viritetyt tuohukset Muston da surun päivän kunnivokse

Ven’an Federacien Piämies, Ven’an Federacien halličuksen piälikkö, Federacien Nevvoston piälikkö, Valdivollizen Duuman piälikkö, Ven’an Federacien halličukseh kuulujat, Valdivollizen Duuman deputuatat, Ven’an Federacien senuattorat, veteruanuyhtistyksien rahvas pannah kukkua olo. edeh Aleksandrovskii -savus.

Muston da surun päivy vuvvennu 2024

22. kezäkuudu vuvvennu 2024 Moskovas Voiton muzein augivol piettih kogo Ven’an Muston tuohus —mustoakcii: školaniekat, opastujat da Suuren Ižänmuallizen voinan veteruanat viritettih sadoi tuohuksii, omatahtozet lad’d’attih niilöis tulikuvan, kudai mustoitti Iraklii Toizen ven. Героям — салют Родины! -plakuatan. Voiton muzein oččuseinäh heitettih Musta (ven. Помни) -kuvan kompozicii^[7].

Yhtelaigua kaikis Ven’an linnois da eländypaikois oli pietty Suurel Ižänmuallizel voinal kuadunuzien nevvostokanzalazien mustole omistettu akcii. Sinäpiän Ven’anmuan muzeilois ruattih ozuttelut, kuduat saneltih Nacistu-Germuanien da sen liittolazien hyökkävykses Nevvostoliittoh. Muga VDNH:s piettih ilmazii ven. Вставай, страна огромная!- da ven. Письма и дневники как память о войне -ekskursieloi (pidi vai ielpäi niilöih ilmoittuakseh)^[7].

Valgo-Ven'a

Valgo-Ven'al tälle päiväle oli annettu Suuren Ižänmuallizen voinan žertvoin kaiken rahvahan muston päivy -nimi (Дзень усенароднай памяці ахвяр Вялікай Айчыннай вайны)^[8]. Myöhembi päivän nimi muutettih, se rodih Suuren Ižänmuallizen voinan žertvoin kaiken rahvahan muston da valgoven’alazen kanzan rahvahanhävitändän päiväkse.

Dmitrii Medvedev da Aleksandr Lukašenko pannah kukkuvenkoi Brestskoin linnan puolistajien mustopaččahan edeh, 22. kezäkuudu vuvvennu 2008

Ukrainu

Ukrainal piämehen käskys 17. kylmykuudu vuvvennu 2000 perustettih Voinan žertvoin surun da muston kunnivoičuspäivy. Jälles valdivollistu vallankumovustu vuvvennu 2014, konzu ymbäri muadu ruvettih vaihtamah pihoin nimilöi nacistoin avvuttajien kunnivokse, 22. päivänny kezäkuudu rodih päiväkse, konzu puaksumbah čällätäh Suuren Ižänmuallizen voinan urhomiehilöin mustopaččahii^[9].

Huomavukset

↑ Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Kačondan päivymiäry: 9. tuhukuudu 2022. Arhiviiruittu 26. kylmykuudu 2021
↑ День памяти и скорби — день начала Великой Отечественной войны (неопр.). РИА "Новости" (22. kezäkuudu 2020). Kačondan päivymiäry: 21. kezäkuudu 2024.
↑ День памяти и скорби. Досье (неопр.). ТАСС (21. kezäkuudu 2017). Kačondan päivymiäry: 28. kezäkuudu 2024.
↑ Указ Президента России от 8 июня 1996 года № 857 (неопр.). Предпринимательское право (8. kezäkuudu 1996). Kačondan päivymiäry: 22. kezäkuudu 2009. Arhiviiruittu 18. heinykuudu 2012
↑ День памяти и скорби. 83-я годовщина начала Великой Отечественной войны. Как советские граждане узнали о нападении (неопр.). РБК (14. kezäkuudu 2024). Kačondan päivymiäry: 21. kezäkuudu 2024.
↑ В преддверии Дня памяти и скорби росгвардейцы в ДНР присоединились к акции «Сад памяти» (неопр.). "Росгвардия" (21. kezäkuudu 2024). Kačondan päivymiäry: 21. kezäkuudu 2024.
↑ ¹ ² Помнить историю, чтить героев: какие мероприятия пройдут в столице в ночь на 22 июня (неопр.).
↑ День всенародной памяти жертв Великой Отечественной войны в Беларуси (рус.). Министерство обороны Республики Беларусь. Kačondan päivymiäry: 12. tuhukuudu 2022. Arhiviiruittu 21. oraskuudu 2021
↑ В Киеве накануне Дня памяти и скорби осквернили знаменитый монумент "Родина-мать" (неопр.). "Беларусь 1" (20. kezäkuudu 2020). Kačondan päivymiäry: 21. kezäkuudu 2024.

Linkat

[1] Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Kačondan päivymiäry: 9. tuhukuudu 2022. Arhiviiruittu 26. kylmykuudu 2021

[2] День памяти и скорби — день начала Великой Отечественной войны (неопр.). РИА "Новости" (22. kezäkuudu 2020). Kačondan päivymiäry: 21. kezäkuudu 2024.

[3] День памяти и скорби. Досье (неопр.). ТАСС (21. kezäkuudu 2017). Kačondan päivymiäry: 28. kezäkuudu 2024.

[4] Указ Президента России от 8 июня 1996 года № 857 (неопр.). Предпринимательское право (8. kezäkuudu 1996). Kačondan päivymiäry: 22. kezäkuudu 2009. Arhiviiruittu 18. heinykuudu 2012

[5] День памяти и скорби. 83-я годовщина начала Великой Отечественной войны. Как советские граждане узнали о нападении (неопр.). РБК (14. kezäkuudu 2024). Kačondan päivymiäry: 21. kezäkuudu 2024.

[6] В преддверии Дня памяти и скорби росгвардейцы в ДНР присоединились к акции «Сад памяти» (неопр.). "Росгвардия" (21. kezäkuudu 2024). Kačondan päivymiäry: 21. kezäkuudu 2024.

[:0-7] ¹ ² Помнить историю, чтить героев: какие мероприятия пройдут в столице в ночь на 22 июня (неопр.).

[8] День всенародной памяти жертв Великой Отечественной войны в Беларуси (рус.). Министерство обороны Республики Беларусь. Kačondan päivymiäry: 12. tuhukuudu 2022. Arhiviiruittu 21. oraskuudu 2021

[9] В Киеве накануне Дня памяти и скорби осквернили знаменитый монумент "Родина-мать" (неопр.). "Беларусь 1" (20. kezäkuudu 2020). Kačondan päivymiäry: 21. kezäkuudu 2024.

[1]

[2]

[3]

[4]

[5]

[6]

[7]

[8]

[9]