Šadajev Maksut Igorevič

On otettu Рувики-späi
Maksut Igorevič Šadajev
Максут Шадаев.png
Флаг
Ven'an Federacien digitualizen kehityksen, poštu- da telelaitoksen da joukkoviestindän ministru
Флаг
21. pakkaskuudu 2020
(vt. 7.—13. oraskuudu 2024)
Halličuksen piämies Mihail Mišustin
Andrei Belousov (vt.)
Mihail Mišustin
Prezidentu Vladimir Putin
Ielolii Konstantin Noskov
Roindu 11. kylmykuudu 1979(1979-11-11) (46 vuottu)
Moskovu, Ven’an federatiivine socialistine nevvostotazavaldu, Nevvostoliitto
Lapset kaksi lastu
Opastus Ven’an valdivolline sociualuyliopisto
Palkindot
RUS Order of Honour ribbon.svg RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Медиафайлы на РУВИКИ.Медиа

Maksut Igorevič Šadajev (ven. Максут Игоревич Шадаев; roin. 11. kylmykuudu 1979, Moskovu) on Ven'an valdivomies, Ven'an Federacien digitualizen kehityksen, poštu- da telelaitoksen da joukkoviestindän ministru vuvven 2020 pakkaskuun 21. päiväs[1][2][3]. Ven’an žurnalistoin liittoh kuului.

Eloskerdu

Maksut Šadajev on roinnuhes 11. kylmykuudu vuvvennu 1979 yksien tiedoloin mugah Moskovas, toizien tiedoloin mugah Nižnii Novgorodas. On tatuaru[4].

Vuvves 1999 ruadoi tiedo- da viestindytehnolougieloin alal.

Vuvvennu 2004 Šadajev loppi Ruavon da sociualukehtityksen ministerstvan Moskovan valdivollizen sociualuyliopiston  (ven.) (olo. (nygöi sen on Ven’an valdivolline sociualuyliopisto) sociolougii-opastusalan mugah. Samannu vuon händy pandih Ven’an Federacien tiedotehnolougieloin da poštu- da telelaitoksen ministran Leonid Reimanan  (ven.) (olo. nevvojakse. 6. tuhukuudu vuvvennu 2006 Šadajev rodih tämän virraston Valdivollizien ohjelmien, infrastruktuuran kehittämizen da rajoitetun resursan käyttämizen departuamentan johtajakse.

Vuozinnu 2000—2001 Šadajev oli Ilja Ponomar'ovan Arrava Internet Management -laitoksen Eidvaizers-projektan johtajannu, laitoksen alguhpanijoinnu oldih ven. ЮКОС-laitoksespäi lähtenyöt da se oli pandu kirjoile San-Mateos (Amierikan Yhtysvallat)[5][6][7]. Kezäkuul vuvvennu 2000 laitos ilmoitti, ku algau ruavon Ven'an markinoil[8][9]. Ligakuul vuvvennu 2000 Šadajev oli Arrava Internet Advisors -laitoksen internettustratiegien johtajannu[10].

Vuozinnu 2002—2004 Šadajev ruadoi Anatolii Karačinskoin IBS Group-laitokses, kus oli internettupiätöksien ozaston biznesan kehittämizen ozaston piälikönny, а heinykuul vuvvennu 2003 rodih biznesan kehittämizen johtajakse[5].

Heinykuul vuvvennu 2004 Šadajev oli Voshod-tiedo-tutkimuslaitoksen johtajan Leonid Juhnevičan nevvojannu[11].

9. ligakuudu vuvvennu 2007 yhtes Reimananke rubei kuulumah Federualuomažuon ohjuandan federuallizeh agenstavan Rosinfokominvest-venčurufondan johtajien nevvostoh, sen perustandua kannatti Ven’an Federacien tiedotehnolougieloin da poštu- da telelaitoksen ministerstvu[12].

Sen jälles kui oraskuul vuvvennu 2008 Ven’an Federacien tiedotehnolougieloin da poštu- da telelaitoksen ministerstvan sijah perustettih Ven'an Federacien digitualizen kehityksen, poštu- da telelaitoksen da joukkoviestindän ministerstvu  (ven.) (olo. Igor' Ščogolevan johtol, Šadajev rodih sie digitalizacien da tiedotehnolougieloin alan valdivollizen poliitiekan departuamentan johtajakse.

Sygyzyl vuvvennu 2008 Šadajev oli Ven’an Federacien piämiehien hallindon johtajan Sergei Nariškinan abuniekannu, vastai Ven'an piämiehen alazen tiedoyhteiskunnan kehittämizen nevvoston ruavon ohjailus sego biometrizien pasportoin luajindan projektas. Tuhukuul vuvvennu 2009 Šadajevua otettih Ven’an Federacien piämiehen ohjuajien ruadajien rezervan enzimäzeh suan hengen luvetteluh. Oli Federuallizen uuzien pasportu- da viizudokumentoin luajindu-, zakonanmugazeh kundoh panendu- da valvondusistieman konstruktoroin nevvoston piälikönny — piäkonstruktorannu[13].

Vuvvennu 2012 Šadajev rodih Ven’an Federacien Valdivollizen Duuman piälikön Sergei Nariškinan nevvojakse. Vastai Sähköparluamentu-projektan todevutandas.

11. tuhukuudu vuvvennu 2014 Šadajevua pandih Moskovan alovehen valdivollizen ohjuandan, tiedotehnolougieloin da poštu- da telelaitoksen ministrakse. Häi rubei kuulumah Moskovan alovehen halličukseh, kudaman johtajannu oli alovehen gubernuattoru Andrei Vorobjov. 29. syvyskuudu vuvvennu 2016 sežo rodih Moskovan alovehen halličuksen varapiälikökse. Šadajevan johtol pandih ruadamah Dobrodel  (ven.) (olo.-portualu — Moskovan alovehen yhtehine pahoitteluloin da kehoituksien kniigu. 14. syvyskuudu vuvvennu 2018 jälles Moskovan alovehen halličuksen iärelähtendiä, Šadajev ei ruvennuh kuulumah sen uudeh halličukseh da omal vallal pakoittamattah oli gubernuattoru Vorobjovan nevvojannu.

Vuvven 2017 oraskuus Šadajev oli sežo omal vallal Ven’an Federacien piämiehen hallindon enzimäzen varapiälikön Sergei Kirijenkon nevvojannu, valvoi alovehellizien vallasolijoin tiijoituspoliitiekkua sociualuverkolois[14].

26. syvyskuudu vuvvennu 2018 Šadajevua pandih Rostelekoman digitualizien platformoin varapiämiehekse, а vuvven 2019 tuhukuus häi samal aigua sežo oli ven. АО "РТ Лабс"-laitoksen piäjohtajan virras, laitoksen 100 % akcieloi kuului valdivollizele operuattorale.

21. pakkaskuudu vuvvennu 2020 Ven’an piämiehen Vladimir Putinan käskys Šadajevua pandih Ven'an Federacien digitualizen kehityksen, poštu- da telelaitoksen da joukkoviestindän ministrakse[15]. Uvves virras Šadajevan enzimäzenny alguhpanonnu oli Ven’an Federacien Valdivollizen Nevvoston istundos ezitetty mieli andua turvalližusjoukkoloin operatiivuruadajile[16] piäzy kanzalazien tiedoloih onlain-ruadotavas suvvon piätöksettäh[17], ga jälles Peskovan korhistunnuttu reaksiedu Šadajev ilmoitti, ku händy viäräh ellendettih[18].

14. oraskuudu vuvvennu 2024 Valdivolline Duumu uvvessah hyväksyi Šadajevua Ven'an Federacien digitualizen kehityksen, poštu- da telelaitoksen da joukkoviestindän ministrakse[19], samannu piän Ven'an Federacien piämies allekirjutti käskyn virgah miäriändäs[20][21].

Vuvvennu 2025 Sociualizesti merkittävien palveluksien luvettelun käyttöh otettuu Maksut Šadajev sellitti nämmii uvvistuksii jogavuodizes kanzoinvälizes Kazan Digital Week -fourumas. Hänen sanoin mugah turvalližuokse luajittuloin mobiili-internetan rajoituksien toimijes toimijoin verkosivustoloin luvetteluu ruvetah uvvistamah joga nedälii[22].

Pereh

On kaksi tytärdy[23][4].

Palkindot

  • Kunnivon kunnivomerki (18. kylmykuudu 2010) — digitualizien tiedoloinke ulgmualazien pasportoin aijanmugazes käyttöh otandas[24];
  • Arvoruadolois Ižänmuan hyväkse -II astien kunnivomerkin medali (29. oraskuudu 2019) — suadulois ruadotuloksis da monivuodizes kunnollizes ruavos[25].

Huomavukset

  1. ↑ Энциклопедия ТАСС, 2024. Шадаев, Максут Игоревич. Министр цифрового развития, связи и массовых коммуникаций РФ (рус.). ТАСС. Kačondan päivymiäry: 20. elokuudu 2026.
  2. ↑ Путин назначил нового министра по цифровому развитию и связи (рус.). Сnews.ru (21. pakkaskuudu 2020). Kačondan päivymiäry: 20. elokuudu 2026.
  3. ↑ Новым главой Минкомсвязи назначили Максута Шадаева (рус.). РИА Новости. Kačondan päivymiäry: 20. elokuudu 2026.
  4. ↑ 1 2 Шадаев Максут Игоревич. Биография. РБК. Kačondan päivymiäry: 4. elokuudu 2025.
  5. ↑ 1 2 Максут Шадаев возглавил "РТ лабс" (рус.). Cnews.ru. Kačondan päivymiäry: 20. elokuudu 2026.
  6. ↑ Arrava намерена развивать электронный бизнес (рус.). Коммерсантъ. Kačondan päivymiäry: 20. elokuudu 2026.
  7. ↑ Фирмы Пономарёва: правда или вымысел? (рус.). Ридус. Kačondan päivymiäry: 20. elokuudu 2026.
  8. ↑ ARRAVA: первый строитель реального бизнеса в Интернете (ARRAVA) (рус.). PressRoom.Ru. Kačondan päivymiäry: 20. elokuudu 2026.
  9. ↑ Илью Пономарёва обвинили в предпринимательской деятельности (рус.). Anone.ru. Kačondan päivymiäry: 20. elokuudu 2026.
  10. ↑ В Рунет за советами] "Консалтинг" Приложение № 201 от 26.10.2000 (рус.). Коммерсантъ. Kačondan päivymiäry: 20. elokuudu 2026.
  11. ↑ Кто такой Максут Шадаев? (рус.). "АиФ" (21. pakkaskuudu 2020). Kačondan päivymiäry: 20. elokuudu 2026.
  12. ↑ [Венчурных денег прибыло — Газета Коммерсантъ № 189 (рус.). Газета Коммерсантъ № 189 (3765) от 16.10.2007. Kačondan päivymiäry: 20. elokuudu 2026.
  13. ↑ Новости компании (рус.). Voskhod.ru. Kačondan päivymiäry: 20. elokuudu 2026.
  14. ↑ Региональным чиновникам подобрали интернет-штурмана (рус.). Коммерсантъ (31. oraskuudu 2017). Kačondan päivymiäry: 20. elokuudu 2026.
  15. ↑ Подписаны указы о назначении министров Правительства Российской Федерации (рус.). Kremlin.ru. Kačondan päivymiäry: 20. elokuudu 2026.
  16. ↑ "Министр связи предложил открыть силовикам доступ к данным россиян" (рус.). Коммерсантъ (29. pakkaskuudu 2020). Kačondan päivymiäry: 20. elokuudu 2026.
  17. ↑ "Министр Шадаев предлагает открыть персональные данные граждан силовикам" (рус.). Vedomosti.ru (29. pakkaskuudu 2020). Kačondan päivymiäry: 20. elokuudu 2026.
  18. ↑ "В Кремле назвали новой инициативу дать силовикам доступ к данным россиян" (рус.). РБК (29. pakkaskuudu 2020). Kačondan päivymiäry: 20. elokuudu 2026.
  19. ↑ Госдума утвердила Шадаева на должность главы Минцифры. РИА "Новости" (14. oraskuudu 2024). Kačondan päivymiäry: 4. elokuudu 2025.
  20. ↑ Президент подписал указы о назначении членов Правительства Российской Федерации и директоров служб. kremlin.ru (14. oraskuudu 2024). Kačondan päivymiäry: 4. elokuudu 2025.
  21. ↑ Указ Президента Российской Федерации от 14.05.2024 № 403 «О Министре цифрового развития, связи и массовых коммуникаций Российской Федерации». publication.pravo.gov.ru. Kačondan päivymiäry: 4. elokuudu 2025.
  22. ↑ Шадаев: "белый список" интернет-ресурсов будет обновляться каждую неделю, smotrim.ru. Kačondan päivymiäry: 1. ligakuudu 2025.
  23. ↑ Биография нового главы Минкомсвязи Максута Шадаева - ТАСС. TACC. Kačondan päivymiäry: 4. elokuudu 2025.
  24. ↑ Указ Президента Российской Федерации от 18.11.2010 г. № 1443 "О награждении государственными наградами Российской Федерации" (рус.). Kremlin.ru. Kačondan päivymiäry: 20. elokuudu 2026.
  25. ↑ [Указ Президента Российской Федерации от 29.05.2019 г. № 240 "О награждении государственными наградами Российской Федерации" (рус.). Kremlin.ru. Kačondan päivymiäry: 20. elokuudu 2026.

Linkat

Lähteh - "https://olo.ruwiki.ru/w/index.php?title=Šadajev_Maksut_Igorevič&oldid=126361393"