Karjalan gimnu

Karjalan gimnu
Karjalan tazavallan valdivolline gimnu
Sanoin kirjuttai	Ivan Kostin, Armas Mišin, 1993
Säveldäi	Aleksandr Beloborodov
Mua	Ven'anmua
Hyväksytty	6. sulakuudu vuvvennu 1993
Karjalan tazavallan gimnu

Gimnan soittonauhoitus

Karjalan tazavallan valdivolline gimnu on Karjalan tazavallan virralline valdivolline simvolu, ohjelmantabaine pruazniekkupajo. Sen hyväksyi Karjalan tazavallan Korgeviman Nevvoston XII kučundukerähmö 6. sulakuudu vuvvennu 1993. Muuzikan kirjuttajannu on Aleksandr Beloborodov, sanoin kirjuttajinnu ollah Ivan Kostin, Armas Mišin.

Gimnua julgizesti soittajes kai olijat kuunnellah sidä seizojen.

Histourii

Elokuul vuvvennu 1990 Karjalan avtonoumizen socialistizen nevvostotazavallan Korgevin Nevvosto hyväksyi deklaracien Karjalan avtonoumizen socialistizen nevvostotazavallan valdivollizes iččenäžyös. Karjalan avtonoumine socialistine nevvostotazavaldu sai Karjalan tazavaldu -nimen. Sen periä Karjalan tazavallan Korgeviman Nevvoston Prezidiumu luadi azetuksen simvouliekan muutandas da kilvan piendäs gerban, flavun da gimnan luajindas.

Muuzikan kirjutti säveldäi Aleksandr Beloborodov, Karjalan tazavallan säveldäjien liiton piälikkö. Sanoin kirjuttajinnu ven'an kielel oldih runoilijat Ivan Kostin da Armas Mišin, gimnan sanat kiändi suomen kielele Armas Mišin.

6. sulakuudu vuvvennu 1993 Karjalan tazavallan Korgeviman Nevvoston XII kučundukerähmö hyväksyi Karjalan tazavallan valdivollizen gimnan tekstan da Karjalan tazavallan zakonan № XII-16.495 "Karjalan tazavallan valdivollizen gimnan tekstah nähte". Gimnu hyväksyttih Karjalan tazavallan peruszakonas, pygäläs 101. Gimnal oli kaksi virrallistu tekstua (ven’an da suomen kielel). Gimnan tekstan hyväksyttyy deputuatat seizojen kuunneltih sidä kahtel kielel horan ezitetynny.

Talvikuul vuvvennu 2001 Karjalan tazavallan Zakonoinluajindukerähmön II kučundukerähmön deputuatat kiellettih gimnan sanoin ezitändän suomen kielel da luajittih kohenduksii zakonah "Karjalan tazavallan valdivollizen gimnan tekstah nähte". Se piätös sellitettih sil, ku Karjalan tazavallas ainavonnu virrallizennu kielenny on ven'an kieli da virralline gimnan ezitändy suomen kielel on peruszakonua vastah.

Gimnan sanoin kiändämine

Gimnan sanat suomen kielele kiändi runoilii Armas Mišin.

Suomen kielel gimnua virrallizesti ezitettih kerran vuvvennu 1993 Karjalan tazavallan muuzikkuteatras, hedi Karjalan tazavallan valdivollizen gimnan tekstah nähte -zakonan enzimäzen toimitandan Karjalan tazavallan Korgevimal Nevvostol hyväksyttyy.

Karjalan tazavallan gimnan sanat kiändi karjalan kielen livvin murdehele karjalaine runoilii Aleksandr Volkov.

Gimnan sanat

Ven’an kielel Край родной — Карелия! Древняя мудрая земля. Братских племён одна семья, Карелия! Звените, озёра, и пой, тайга! Родная земля, ты мне дорога. Высоко на сопках твоих стою И песню во славу тебе пою. Край родной — Карелия! Ты мне навек судьбой дана. Здравствуй в веках, моя страна, Карелия! Герои былин средь лесов и гор Живут на земле нашей до сих пор. Лейся, песня! Кантеле, звонче пой Во имя карельской земли святой! Край родной — Карелия! Рун и былин напев живой. Вижу рассвет лучистый твой, Карелия! Вижу рассвет лучезарный твой, Карелия!

Suomen kielel Kotimaamme Karjala! Ikivanha kaunis maa. Veljeskansat yhteen saa Karjala! Nuo järvet ja vaarat ja hongikot - ne huomisen kutsua kuunnelkoot! Seisoin vaaran harjalla paljain päin ja suljin syliini mitä näin. Kotimaamme Karjala! Ikivanha laulumaa. Työllään etsii kunniaa Karjala! Ne urhot ja sankarit laulujen - ne asuvat täällä entiselleen. Soita, soma kantele, jatku, työ! Soi, laulu, sydämen liekki, lyö. Kotimaamme Karjala! Rahvas rehti, ahkera töin ja lauluin ikuistaa Karjala! Töin ja lauluin ylistää Karjala!

Karjalan kielel Kodirandu — Karjalu! Igäine kaunis meijän mua. Heimokanzat yhteh suat, Karjalu! Tuo kuunnelkua järvet dai mečät, suot Kui sydämeh oma mua pajuo tuou. Se mäin piälpäi selvembi nähtä voi — Vie parembi kaikkii mua meijän roih. Kodirandu — Karjalu! Ozan kel elä igä kai. Ryndähis meijän yksi vai — Karjalu! Tiä runoloin rohkiembat poijat vie Kai eletäh salolois, järvien ies. Pajo lennä, kandeleh helkieh lyö, Kiitä Karjalua kaikkie muadu myö. Kodirandu — Karjalu! Runot dai pajot elos piet. Nägyy tiä päivännouzu vies, Karjalu! Päiväzen nouzu nägyy vies, Karjalu!

Kačo ližäkse

• Karjalan gerbu
• Karjalan flagu

Huomavukset

Kirjalližus

• Ведомости Верховного Совета Республики Карелия. 1993. — № 5—6, стр. 495
• Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД "ПетроПресс", 2007. — С. 267—400 с.: ил., карт. ISBN 978-5-8430-0123-0 (т. 1)

Linkat

• Гимн на русском языке в mp3
• Закон Республики Карелия "О тексте Государственного гимна Республики Карелия"