Karjalan tazavallan pruazniekat
Karjalan tazavallan pruazniekat ollah Karjalan tazavallas virrallizesti hyväksytyt joudo- da pruazniekkupäivät, kanzallizet pruazniekat da mustopäivät. Kai virrallizet pruazniekat hyväksytäh Karjalan tazavallas zakonoin vuoh.
Pruazniekat da mustopäivät
| Piävymiäry | Nimi | Huomavukset |
|---|---|---|
| 28. tuhukuudu | Kalevalan päivy[1] | Vuvvennu 1935 Elias Lönnrot kirjutti Kalevalan enzimäzen käzikirjutuksen (muga sanotun Vahnan Kalevalan (suom. Vanha Kalevala)) algusanoih tämän päivän oman allekirjutuksenke rinnal. |
| 18. sulakuudu | Karjalan tazavallan tulipalovardoičusjoukon päivy (ammattipruazniekku)[2] |
Hyväksyi vuvvennu 1998 Karjalan tazavallan halličus. |
| 20. sulakuudu | Karjalan da vepsän kirjukielen päivy[3] | Vuvvennu 1989 Karjalan avtonoumizen socialistizen nevvostotazavallan Ministroin Nevvoston käskys hyväksyttih karjalan da vepsän kielen kirjaimikot. |
| 31. oraskuudu | Karjalan tazavallan kul'tuurualan ruadajien päivy (ammattipruazniekku)[4] |
Hyväksyi vuvvennu 2000 Karjalan tazavallan halličus. Zakonan mugah sidä pietäh joga vuottu 31. oraskuudu Kogo muailman kul'tuuran päivän nimeh. |
| 8. kezäkuudu | Karjalan tazavallan päivy (pruazniekkupäivy)[5] | Hyväksyi vuvvennu 1999 Karjalan tazavallan halličus. 8. kezäkuudu vuvvennu 1920 oli allekirjutettu Kogo Nevvostoliiton keskustoimehpaniikomitietan azetus "Karjalan ruadokommuunan perustandas"[6]. |
| 10. kezäkuudu | Karjalazien runoloin päivy[7] | Hyväksyttih vuvvennu 2020 Karjalan tazavallan piämiehen Artur Parfenčikovan käskys. |
| 16. syvyskuudu | Karjalan ammattiliittoliikkehen perustandupäivy[8] | Hyväksyi vuvvennu 2011 Karjalan tazavallan halličus. |
| 30. syvyskuudu | Karjalan piäständypäivy fašistois da suomelazis valloittajis[9] | Hyväksyi vuvvennu 2009 Karjalan tazavallan halličus. |
Paiči virrallizii pruazniekkoi Karjalan tazavallas pietäh kanzallizii da paikallizii pruazniekkoi, sežo pruazniekkoi da festivualiloi, kudamih tullah rahvas muijalpäi. Niilöin joukos ollah Kanzoinväline muamankielen päivy, kanzoinväline Ruskeala Symphony -festivuali, vepsäläzen kul'tuuran Elonpuu-pruazniekku, Iivananpäivy, Pajopruazniekku, karjalazen kirjalližuon Vladimir Brendojevan nimine Täs synnynrannan minun algu -festivuali da toizet.
Huomavukset
- ↑ Karjalan opastuksen kehitysinstituutan verkosivusto
- ↑ Закон Республики Карелия от 5 февраля 1998 г. 258-ЗРК «Об установлении Дня пожарной охраны Республики Карелия»
- ↑ Karjalan da vepsän kirjukielen päivy
- ↑ Закон Республики Карелия от 28 сентября 2000 г. 430-ЗРК «Об установлении Дня работника культуры Республики Карелия»
- ↑ Закон Республики Карелия от 27 апреля 1999 г. N 346-ЗРК «Об установлении Дня Республики Карелия»
- ↑ Доклад Председателя Правительства Республики Карелия С. Л. Катанандова на торжественном заседании, посвященном Дню Республики Карелия 8 июня
- ↑ Karjalan opastuksen kehitysinstituutan verkosivusto
- ↑ Закон Республики Карелия от 23 июня 2009 г. N 1306-ЗРК «Об установлении Дня образования профсоюзного движения в Карелии»
- ↑ ЗАКОН РЕСПУБЛИКИ КАРЕЛИЯ от 17 июля 2024 года N 2971-ЗРК О внесении изменений в Закон Республики Карелия "Об установлении дня освобождения Карелии от фашистских захватчиков"