Kauppualan ruadajan päivy
| Kauppualan ruadajan päivy | |
|---|---|
 Einehtavarlaukan myöjy | |
| Tiippu | Ammatilline |
| Pandih alguh | 17. oraskuudu vuvvennu 2013 |
| Pietäh | joga vuottu |
| Päivymiäry | heinykuun nelläs suovattu |
| Liittyy | myöndäh |
Kauppualan ruadajan päivy (ven. День рабо́тника торго́вли) on pruazniekkupäivy, kudamua kauppualan ruadajat pietäh joga vuottu heinykuun nelländenny suovatannu.
Pruazniekan tarkoituksih kuulutah kauppualan ruadajien arvoruadoloin tunnustamine, heijän ammatillizis arvoruadolois kiitändän ilmoittamine, alan tärgevyön valdivontalovuoh niškoi ozuttamine.
Pruazniekan histourii
Kauppualan ruadajan päivy enzikerdua perustettih vuvvennu 1966 Nevvostoliiton Korgeviman Nevvoston Prezidiuman käskys[1]. Silloi sidä piettih heinykuun jälgimäzenny pyhäpäivänny[2].
1. kylmykuudu vuvvennu 1988 annettih uuzi miärävö, sen mugah Kauppualan ruadajan päivy yhtistettih Eländykunnallistalovuon da rahvahan elospalveluloin aloin ruadajien päivänke[3]. Muga rodih Kaupan, rahvahan elospalvelun da eländykunnallistalovuon aloin ruadajien päivy. Se piätettih luadie jogavuodehizekse da pidiä kevätkuun kolmandennu pyhäpäivänny[4].
Vuvvennu 2013 Kaupan, rahvahan elospalvelun da eländykunnallistalovuon aloin ruadajien päivy juattih kahtekse erillizekse pruazniekakse. Pruazniekan piendän lopulline päivy miärättih Ven'an Federacien piämiehen käskyn mugah — se on heinykuun nelläs suovattu[5]. Eländykunnallistalovuon da rahvahan elospalveluloin aloin ruadajile jätettih aijembi olii päivymiäry — kevätkuun kolmas pyhäpäivy[6].
Pruazniekan piendytavat
Kauppualan ruadajan päivän hyvittelylöi otetah vastah kaikin täh alah kuulujat — myöjät, kasserit, biznesmiehet, johtajat, tavartiijonspecialistat, nevvonandajat da muut ammattimiehet. Jo tavan mugah sinäpiän tämän alan ruadajii kiitetäh heijän kunnon ruavos. Rahvas vastavutah dovariššoin da sugulazienke, ket ruatah kauppualal. Omile soitetah telefonih libo hyvitelläh videosoitandan kauti[7].
Kauppualan ruadajan päivän pidämizen perindölöih kuulutah pruazniekkupivot da pruazniekat stolan tagan, kunne kerävytäh kaupan, elospalvelun da eländykunnallistalovuon aloin ruadajat, heijän perehet, dovarišat da omat.
Parahat ruadajat suajah kunnivokirjazet, kiitändykirjazet da lahjat. Laitokset maksetah ruadajile dengupalkindoloi, järjestetäh ruadojoukkoloin yhtehizii pruazniekkoi[8].
Tädä pruazniekkua pietäh muijalgi, sanakse, Iččenäzien valdivoloin yhtymän mualois[9].
Sih liittyjät pruazniekat
Oraskuun toizennu suovatannu pietäh Muailman oigienmugazen kaupan päiviä (angl. World Fair Trade Day)[10].
15. kevätkuudu on Muailman käyttäjien oigevuksien päivy (angl. World Consumer Rights Day), se perustettih Yhtistynnyzien Kanzukundien piätökses.
Histouriellizet toziaziet
- Keskiaijal kauppualal enimäl ruattih miehet da nygözes muailmas suurin oza alan ruadajis ollah naizet.
- Muinazen Ven’an tärgevimiä kauppumatkua sanottih "var’uagois griekkalazih"[11]. Slavjuanat myödih nahkua da metty, sijah ostettih kangastu, st’oklua da kallisarvostu kivie.
- Enne XVII vuozisadua Moskovan Ruskei lagevo oli kuulužu torgupaikku[12].
- Talvikuus vuvvennu 1893 Ruskiel lagevol avattih ylimäzet ostoriävyt (nygöine GUM-keskus) — Jevroupan suurin laukkukohtu, libo kauppu-uuličču levon ual[13].
Huomavukset
- ↑ 22 июля — День работника торговли в России: когда отмечается и кто празднует. «МИЦ «Известия» (21. heinykuudu 2023). Kačondan päivymiäry: 24. heinykuudu 2025.
- ↑ День работника торговли. Федеральная служба государственной статистики. Kačondan päivymiäry: 24. heinykuudu 2025.
- ↑ День работника торговли в России. ТАСС (22. heinykuudu 2023). Kačondan päivymiäry: 24. heinykuudu 2025.
- ↑ Указ Президиума ВС СССР от 01.11.1988 О внесении изменений в Законодательство СССР о праздничных и памятных днях. Портал "Сейчас.ру". Kačondan päivymiäry: 24. heinykuudu 2025.
- ↑ Указ Президента РФ от 7 мая 2013 г. N 459 "О Дне работника торговли". Информационно-правовой портал "ГАРАНТ.РУ" (20. oraskuudu 2013). Kačondan päivymiäry: 24. heinykuudu 2025.
- ↑ О празднике "День работников торговли, бытового обслуживания населения и жилищно-коммунального хозяйства". Министерство труда и социальной защиты Российской Федерации (27. kevätkuudu 2020). Kačondan päivymiäry: 24. heinykuudu 2025.
- ↑ 22 июля — День работника торговли. Информационный центр "Вольская жизнь" (22. heinykuudu 2023). Kačondan päivymiäry: 24. heinykuudu 2025.
- ↑ Департамент экономического развития Курганской области. Департамент информационных технологий и цифрового развития Курганской области. Kačondan päivymiäry: 24. heinykuudu 2025.
- ↑ День работников торговли. ГУ "Республиканская научно-техническая библиотека". Kačondan päivymiäry: 24. heinykuudu 2025.
- ↑ Ульяна Светачева. День работников торговли в 2024 году: история и традиции праздника. Комсомольская правда. Kačondan päivymiäry: 24. heinykuudu 2025.
- ↑ Татьяна Григорьева. Кто инициировал путь "из варяг в греки"? Портал «Культура.РФ». Kačondan päivymiäry: 24. heinykuudu 2025.
- ↑ Красная площадь. История. История Москвы. Kačondan päivymiäry: 24. heinykuudu 2025.
- ↑ История ГУМа. ГУМ. Kačondan päivymiäry: 24. heinykuudu 2025.
