Diplomuatturuadajan päivy

On otettu Рувики-späi
Diplomuatturuadajan päivy
Ministry of Foreign Affairs building in Moscow, Russian Federation.jpg
Tiippu Ammattipäivy
Toizin «Diplomuatan päivy», «Dupruadajan päivy», «Ven'an diplomuatien päivy»
Pandih alguh Ven'an Federacien piämiehen käskys 31. ligakuudu vuvvennu 2002
Pietäh Ven'an Federacies
Päivymiäry 10. tuhukuudu
Liittyy Posol’stvuprikuazan perustamizeh
Логотип РУВИКИ.Медиа Медиафайлы на РУВИКИ.Медиа

"Diplomuatturuadajan päivy" (ven. День дипломати́ческого рабо́тника) on Ven'an Federacien diplomuattuvirran kaikkien ruadajien ammattipruazniekku, kudai perustettih Ven'an piämiehen Vladimir Putinan käskys 31. ligakuudu vuvvennu 2002. Sidä joga vuottu pietäh Ven'al tuhukuun 10. päivänny.

Histourii

Tädä päivymiäriä täkse pruazniekakse Ven'an piämies ei vallinnuh petties, se liittyy Ven’an enzimäzeh ulgopoliitiekallizeh virrastoh — Posol’stvuprikuazah  (ven.) (olo.. Täl päiväl vuvvennu 1549 sit on aigazin mainičendu; virraston enzimäzenny ohjuajannu oli djuakonan abulaine Ivan Mihailovič Viskovatov (Viskovatii), kudaman Ven’an cuari Ivan Kova "pani posol’stvudieloh"[1].

Pruazniekan piendy

Sinäpiän erilazien valdivollizen virrastoloin ezittäjät, moizien kui Ven'an Federacien piämiehen hallindo, Halličuksen toimikundu, Federacien Nevvosto da Valdivolline Duumu sego yksittäzet persounat työtäh Ven’an Federacien ulgoazieloin ministerstvah hyvittelytelegrammoi[2].

Vuvvennu 2009 Diplomuatturuadajan päiviä vaste Ven’an Federacien piäministru Vladimir Putin työndi hyvittelysanat " Ven’an Federacien ulgoazieloin ministerstvan ruadajile da veteruanoile", kudamis arvosti diplomuattoin roulii Ven’an nygyaigazes tovelližuos:

Ven’an diplomuatiel tavan mugah on keskeine rouli meijän muan ulgopoliitiekallizen kursan todevuttamizes, se lujah puolistau Ven’an kanzallizii hyödylöi, merkittäväh vaikuttau muailman muuttumattomuon da turvalližuon turvuamizeh. Meijän diplomuattoin ižänmuansuvaičendu, korgei ammattitaido da älyllizet kyvyt avvutetah Ven’an kanzoinvälizen arvovallan da vaikutuksen lujittamistu, sobijoin ololoin luajindua iellizekse sociualutalovuollizekse kazvamizekse.

Tämänmoizien paginoinke Vladimir Putin ezittyy joga vuottu[3][4][5].

Diplomuatturuadajan päivän pido 10. tuhukuudu vuvvennu 2020

Ven’an Federacien ulgoazieloin ministrugi  (ven.) (olo. S. V. Lavrov pidäy paginoi Diplomuatturuadajan päiväkse[2][6].

S. V. Lavrov, J. M. Primakov da I. S. Ivanov Diplomuatturuadajan päivän pivos Ven'an Federacien ulgoazieloin ministerstvas, 8. tuhukuudu vuvvennu 2008

Pruazniekan perustandu

Diplomuatturuadajan päivy perustettih 31. ligakuudu vuvvennu 2002 Ven’an Federacien piämiehen V. V. Putinan käskys, kudao miäräi: "Perustua Diplomuatturuadajan päivy da pidiä sidä 10. tuhukuudu"[7].

Toimenpivot

Diplomuatturuadajan päiväkse Moskovan valdivollizes rahvahankeskezien välilöin instituutas  (ven.) (olo.joga vuottu järjestetäh pruazniekkukonsertua[8].

Vuvvennu 2022 Diplomuatturuadajan päivän nimeh Daanies Ven’an tiijon da kul’tuuran keskukses avattih Daanies toimijale diplomuattuezittäikunnale omistettu ozuttelu[9].

Vuvvennu 2026 Diplomuatturuadajan päiviä vaste diplomuattukunnan jalgumiäččypellol järjestettih perindölline dovariššukiža Ven’an Kambodžan posol’stvan da Kuningaskunnan ulgoazieloin da kanzoinvälizen yhtesruavon ministerstvan joukkoloin välis[10]. Ven’an Kairon posol’stvan školan alovehel piettih dovariššujalgumiäččyottelu, kudamah otettih ozua Jegiptan ulgoazieloin ministerstvan ruadajat da Iččenäzien valdivoloin yhtymän ozanottajien valdivoloin diplomuattukunnat[11].

Huomavukset

  1. ↑ Настоящее положение Висковатого. Kačondan päivymiäry: 10. tuhukuudu 2026. Arhiviiruittu 20. sulakuudu 2013
  2. ↑ 1 2 Выступление Министра иностранных дел Российской Федерации С.В.Лаврова на торжественном собрании по случаю Дня дипломатического работника, Москва, 9 февраля 2024 года (рус.). mid.ru (9. tuhukuudu 2024).
  3. ↑ Путин поздравил сотрудников МИД РФ с Днем дипломатического работника, TACC. Kačondan päivymiäry: 10. tuhukuudu 2026.
  4. ↑ Путин поздравил сотрудников МИД с Днем дипломата, РИА Новости (20230210T0911). Kačondan päivymiäry: 10. tuhukuudu 2026.
  5. ↑ Поздравление сотрудникам и ветеранам МИД России с Днём дипломатического работника, Президент России. Kačondan päivymiäry: 28. pakkaskuudu 2025.
  6. ↑ Лавров поздравил коллег с Днем дипломатического работника, TACC. Kačondan päivymiäry: 10. tuhukuudu 2026.
  7. ↑ Указ Президента Российской Федерации от 31.10.2002 г. № 1279, Президент России. Kačondan päivymiäry: 10. tuhukuudu 2026.
  8. ↑ Концерт ко Дню дипломатического работника. mgimo.ru. Kačondan päivymiäry: 10. tuhukuudu 2026.
  9. ↑ Об открытии выставки ко дню дипломата - Министерство иностранных дел Российской Федерации. mid.ru. Kačondan päivymiäry: 10. tuhukuudu 2026.
  10. ↑ В Посольстве России в Камбодже состоялся товарищеский футбольный матч по случаю Дня дипломатического работника (рус.). Министерство иностранных дел Российской Федерации (9. tuhukuudu 2026). Kačondan päivymiäry: 10. tuhukuudu 2026.
  11. ↑ По случаю Дня дипломатического работника на территории школы при Посольстве России в Каире состоялся товарищеский футбольный турнир (рус.). Министерство иностранных дел Российской Федерации (9. tuhukuudu 2026). Kačondan päivymiäry: 10. tuhukuudu 2026.

Linkat

Lähteh - "https://olo.ruwiki.ru/w/index.php?title=Diplomuatturuadajan_päivy&oldid=126360880"