Parikmuaheran päivy

On otettu Рувики-späi
Parikmuaheran päivy
Barbero cortando el pelo.jpg
Tiippu Mualline, ei-virralline, ammattipruzniekku
Merkičys Parikmuahertaijon popul'arizacii nuorižon keskes, sego tämän alan ruadajien kunnivoičendu.
Pandih alguh vuvvennu 2001
Alguhpanii Ven'an Parikmuaheroin da kosmetoulogoin liitto
Pietäh  Ven'anmua
Päivymiäry 13. syvyskuudu
Liittyy 13. syvyskuudu vuvvennu 1901 perustettin enzimäine Parikmuaheroin da kosmetoulogoin associacii.

Parikmuaheran päivy (ven. Де́нь парикма́хера) on mualline, ei-virralline ammattipruazniekku, kudai on kiini kaunehusalas — parikmuahertaijos. Pruazniekkua joga vuottu pietäh 13. päivänny syvyskuudu vuvves 2002. Se on perustettu Ven'an Parikmuaheroin da kosmetoulogoin liiton ehoitukses.

Histourii

Enzimäzet parikmuaherat oldih Muinazes Jegiptas[1][2]:

  • Räken täh rahvas ajettih piät pal’l’ahikse libo piettih parikkoi. Tukkienmuasterit keksittih tavan mujuttua tukkii hna-aihehel — net roittih kirkahan ruostienkarvazen värizikse, basmal — mustan värin vihandan sävynke suamizekse, a gu nämmä kaksi ainehtu sevoittua keskenäh, sit suadih kaštanan- libo muzavankaštanankarvaine väri. Tukkien kiherdettäväkse keksittih enzimäzet bigudit (raudulevyt jätettih päivypastoh libo pandih net tuleh, kodvazen viluškoitettih da sen jälgen punottih niilöih tukkukiherät). Jegiptalazet ajettih kaiken rungan faraonanke vastavustu vaste, palkattih maltajan cir’ul’niekan, kudai ajoi rungas kai tukat-karvat, gu halliččii ei suuttus da ei ottas pahakse);

Muinazes Grecies roittih enzimäzet kaunehussalonat[1][2]:

  • Korgieh yhteiskundah kuulujii griekkalazii naizii palveltih parikmuaherat. Salonois ruattih vai orjat. Parikmuaherat kruasittih tukkii eriluaduzil heinysevoituksil, suvittih, azuttih pričoskoi da navedittih niilöih lentua, rengastu da eläviä kukkuagi.

Keskiaijal parikmuaherat ruattih liäkärilöinnygi[1][2]:

  • Moizet muasterit viettih hambahii, azeteltih katkelmuksii, availtih paižieloi. Naizil oldih movvakkahat korgiet pričoskat, kudamih pletittih eläviä kukkua da azetettih kai linduloin peziä. Moizih pričoskoih käytettih tegotukkua da parikkua. Gu moine pričosku pyzys tukus, sidä voijeltih razval da piäle ripoitettih jauhuo, piäh pannes se kasteltih zuahariviel. Pričoskoi sai pidiä moni päiviä kiärijen hienozeh verkoh, sendäh gu moizii piettih taidotevoksinnu;

XIX vuozisuan loppupuolel enzimäzet parikmuaheroin ammattiškolat avavuttih Čikagos (Amierikan Yhtysvallat)[1][2].

Vuvvennu 1964 perustettih Muailman parikmuaheroin liitto[3].

Vuvvennu 1980 Amierikan Yhtysvallois perustettih Kanzoinväline parikmuaheroin, kosmetoulogoin da lähezien aloin associacii (angl. BBAIIA)[3].

Ven'an parikmuaheroin da kosmetoulogoin liitto perustettih 22. elokuudu vuvvennu 2002[3].

On mostu parikmaherpalveluu, kui[4]:

  • tukkien pitkendykset;
  • tukkien mujuttamine;
  • naizien pričoskoin stilistan palvelut;
  • parikmuaheran (barberan) palvelut miehile (tukkienleikkuandu, pričoskat, pardoin, bakenbardoin  (ven.) (olo. da usien muodoilu).
    Kitailazen naizen kezäpričosku. Kuva kirjas "Loittoine Päivännouzu fotokartočkois: Siberi, Kitai, Korei, Japounii", 1902.

Pruazniekan ilmestymizen histouries

Vuvvennu 2001 Ven'an parikmuaheroin da kosmetoulogoin liitto ezityi ehoituksenke perustua Parikmuaheran päivy -ammattipruazniekku[5].

Ammattipruazniekan piendän päiväkse pandih 13. syvyskuudu[3]:

  • Enzimäine Parikmuaheroin da kosmetoulogoin associacii perustettih 13. syvyskuudu vuvvennu 1901.

Pruazniekku ei ole virralline, eigo ole huogavundupäivy[3].

Päivän perustandan tarkoituksih kuulutah parikmuahertaijon popul'arizacii nuorižon keskes, sego täl alal ruadajien kunnivoiččemine.

Ven’al Parikmuaheran päiviä enzikerdua piettih 13. syvyskuudu vuvvennu 2002.

Sih liittyjät tapahtumat

Ven’an parikmuaherat pietäh vie mostu pruazniekkua[1]:

Tämän alan pruazniekat toizis mualois[3]:

Perikmuahersalon Iruanas

Parikmuaheran päiviä pietäh vie Valgo-Ven'al, Kazahstuanas da Jevroupan mualois(Ispuanies, Yhtistynnyös Kuningaskunnas, Germuanies, Itualies, Grecies, Avstries, Francies)[3].

Piendytavat da perindöt

Jogavuodehizet perindöllizet Parikmuaheran päivän pivot[1][3]:

  • Parikmuaherškolanlopendupido;
  • Muailman parikmuaheroin liiton Muailman World Cup HairWorld -kilbailu;
  • Estelän festivuali yhtes tehnolougoin da stilistoinke;
  • "Parikmuaheroin yö" Moskovas.

Järjestetäh sežo mostu tapahtumua, kui[1][6]:

  • muasterikursua da kilbua mouduozuttelendoinke  (ven.) (olo.;
  • seminuarua, konferensiedu, kerähmyö;
  • kävyjöin päivii (vastahotandat gostitandanke, akciet, alendukset);
  • ruadojoukkoloin pruazniekat.

Vuvvennu 2022 Moskovas piettih Tukkien palavu muodoilu joga päiväkse -muasteriopastus Tehnolougien kolledžas № 24[7].

Vuvvennu 2023 Belgorodas Sosnovka Loft-kohtas muasteriloin keskes järjestettih Profi Fest -nimizen parikmuahertaijon kilbu[8].

Vuvvennu 2024 Čel’abinskas kaunehussalonoin johtajih da muasteriloih niškoi piettih temuattine konferensii[9].

Sinävuongi Tatarstuanas Kukmorskoin piiris piettih Kirkevin parikmuaheru -kilbu[10].

Sverdlovskan alovehel Zarečnoin linnupiiris kirjasto järjesti virtualizen ozuttelun nimel "Kaunehus pellastau mieron!"[11].

Mieldykiinittäjät toziaziet

  • Francien kunningattaren Marija-Antuanetan pričosku oli 91,5 sm korgevuttu[1][2];
  • Vuvvennu 1907 Francien hiimiekku Ežen Pol' Lui Šueller keksi sinteetiekkallizen tukkien kruaskan ilmai tinua[6];
  • Vuvvennu 1888 keksittih enzimäine tukkienkuivandukoneh. Vuozinnu 1920 ilmestyi kuivajan kannettavu malli, kudai otettih massutuotandoh[6];
Miehen tukkienleikkuandu
  • Japuonies virguniekat käskiettih parikmuaheroil tarkah kuunnella kävyjöin paginoi tulipalon vastustamizekse[6];
  • 1900 vuozinnu Amierikan Yhtysvallois rodih pajomuuzikan uuzi parikmuaherkvartiettu-stiili (angl. «barbershop chorus»). Parikmuaherat pajol houkuteltih rahvastu tulemah salonah, kävijätgi voidih pajattua sie[6];
  • 1920 vuozinnu movvas oli bob-tukkieleikkuandutaba naizien emansipacien simvolannu, se merkičči iččenäžytty da kieldävymisty perindöllizis tehtävis. Sidä piettih sufražistkat  (ven.) (olo. da feminizman kannattajat. Keksi sen tansii Iren Kasl Bob[5][12];
  • Vuvvennu 2014 parikmuaheru Yhtistynnyös Kuningaskunnas Džeims Jellerei puutui Ginesan rekordoin kniigah 412 tukkienleikkuandas, kudamat häi ehti azuo yhtes päiväs. Kai kerätyt varat mendih hyvyönluajindah, ruakkah voimatunnuzien lapsien kannattamizekse[12];
  • Muailman kallehin tukkienleikkavus maksoi 16 000 dollarua, azui sen Itualies Beverli Lateo[5];
  • Tukkienleikkuandah pidäy olla nengomua tehniellisty ruadovehkehty: lazernožničat, ul’traiänisuvat, "viizahat" tukkienkuivajat da muga ielleh[12]

Kuulužat parikmuaherat

  • Vidal Sassun  (ven.) (olo.;
  • Trevor Sorbi;
  • Džon Frida;
  • Hose Eber;
  • Maikl Kanele.

Huomavukset

  1. ↑ 1 2 3 4 5 6 7 8 День парикмахера 2025 году: какого числа, история праздника, традиции в России, Lenta.RU. Kačondan päivymiäry: 10. syvyskuudu 2025.
  2. ↑ 1 2 3 4 5 День парикмахера 2025: какого числа, история и традиции праздника. Kačondan päivymiäry: 10. syvyskuudu 2025.
  3. ↑ 1 2 3 4 5 6 7 8 Анна Егорова. День парикмахера (рус.). secrets.tbank.ru (10. kezäkuudu 2025). Kačondan päivymiäry: 10. syvyskuudu 2025.
  4. ↑ 13 сентября — День парикмахера в России: история и традиции праздника, как поздравить, Известия (12 syvyskuudu 2024). Kačondan päivymiäry: 10. syvyskuudu 2025.
  5. ↑ 1 2 3 День парикмахера. Kačondan päivymiäry: 10. syvyskuudu 2025.
  6. ↑ 1 2 3 4 5 Корнеева, Ольга. День парикмахера в 2025 году: когда поздравлять мастеров стрижки и укладки, ВФокусе Mail (10 heinykuudu 2024). Kačondan päivymiäry: 10. syvyskuudu 2025.
  7. ↑ Мастер-класс "Горячая укладка на каждый день". С днем парикмахера! (рус.). Kačondan päivymiäry: 10. syvyskuudu 2025.
  8. ↑ Конкурс парикмахеров 2023 Profi Fest Sosnovka Loft День парикмахера 13 сентября 2023 Белгород видео (рус.). Kačondan päivymiäry: 10. syvyskuudu 2025.
  9. ↑ Конференция приуроченная ко Дню Парикмахера (рус.). мойбизнес74.рф (9. syvyskuudu 2024). Kačondan päivymiäry: 10. syvyskuudu 2025.
  10. ↑ Конкурсы на день парикмахера 2024, Кукморский район — дата и место проведения, программа мероприятия., Культура.РФ. Kačondan päivymiäry: 10. syvyskuudu 2025.
  11. ↑ Виртуальная выставка «Красота спасёт мир!» ко Дню парикмахера в России | МБУ ГО Заречный "Централизованная библиотечная система" Свердловская область (рус.). zarech-biblio.ru. Kačondan päivymiäry: 10. syvyskuudu 2025.
  12. ↑ 1 2 3 День парикмахера в России 2024: история праздника, как принято отмечать, интересные факты | SAKH.ONLINE. Kačondan päivymiäry: 10. syvyskuudu 2025.

Linkat

Lähteh - "https://olo.ruwiki.ru/w/index.php?title=Parikmuaheran_päivy&oldid=126360865"