Irina Semakova

Irina Semakova
Roindupäivy	28. heinykuudu 1954(1954-07-28) (72 vuottu)
Roindukohtu	Krasnokamsku, Permin aloveh, Nevvostoliitto
Kanzalližus	Nevvostoliitto,  Ven'anmua
Toimindu	muuzikantutkii
Palkindot da arvonimet	Karjalan tazavallan taidoalan arvostettu ruadai

Irina Borisovna Semakova (28. heinykuudu 1954, Krasnokamsku, Permin aloveh, Nevvostoliitto) on muuzikantutkii, suomelas-ugrilazien rahvahien perindöllizen muuzikan tutkii, Petroskoin A. K. Glazunovan nimizen valdivollizen konservatourien suomelas-ugrilazen muuzikan ozaston opastai (1993—2000), Karjalan tazavallan taidoalan arvostettu ruadai.

Eloskerdu

Irina Semakova on roinnuhes 28. heinykuudu vuvvennu 1954 Krasnokamsku-linnas. Permin muuzikkuopiston loppiettuu opastui Petroskoin valdivollizes konservatouries muuzikan histourien tiedokunnal. Sen loppiettuu jäi elämäh da ruadamah Karjalah.

Vuozinnu 1993—2000 Irina Borisovna ruadoi Petroskoin A. K. Glazunovan nimizes valdivollizes konservatouries suomelas-ugrilazen muuzikan ozaston opastajannu. Eri vuozinnu pidi luvendoloigi Petroskoin valdivonyliopistos baltiekkumerensuomelazien kielien da kul'tuuran tiedokunnal.

Vuozinnu 1993—2009 Irina Semakova ruadoi Karjalan tazavallan kanzallizen poliitiekan ministerstvas.

Irina Semakovan eloksenruavokse rodih muuzikan tutkimine. Häi on kirjutannuh enämbän 140 tiedokirjutustu da on monien kniigoin kirjuttajannu. Net on omistettu karjalazien, vepsäläzien, inkeriläzien da Karjalan tazavallan ven'alazien pajatandu-, soitandu- da tansikul'tuuroile, etnogruafiele.

Tutkii on Elävy kandeleh: Viktor Gudkovan eloksen da luomisruavon sivut -kniigan (ven. Живое кантеле : страницы жизни и творчества Виктора Пантелеймоновича Гудкова) da V. I. Kononov: tansis eläi -kniigan (ven. В. И. Кононов: живущий в танце) kirjuttajannu. Enzimäine kniigu sanelou säveldäjäs, Kantele-ansambl'an alguhpanijas, hromuattizen kandelehen luadijas Viktor Gudkovas, toine — Karjalan tazavallan kanzallizen horeogruafien alguhpanijas Vasilii Kononovas.

Irina Semakova on monien karjalan- da vepsänkielizien pajoloin nouttukogomuksien, kandelehelsoitandukogomuksien luadijannu da redaktorannu, karjalan- da vepsänkielizien pajoloin muuzikan kirjuttajannu.

Irina Semakova on olluh yhteisruavos Karjalan monien pajo- da tansijoukkoloinke, opastus- da kul'tuurulaitoksienke, oli niilöin nevvojannu da avvuttajannu. Niilöin joukos ollah Karjalan kanzalline pajo- da tansiansambl'u "Kantele", Oma Pajo -joukko, Pomoran rahvahan hora, Karjalaine gorničču Kostamuksespäi, lapsien folklouruansambl'u "Vesläžed" da äijät toizet.

Irina Semakovan opastujat ruatah monis kul'tuuru- da opastuslaitoksis.

Irina Borisovna on monien yhteiskunnallizien yhtistyksien ozanottajannu: Karjalan kandelehelsoittajien liiton, Baltiekkumerensuomelazien rahvahien liigan, Karjalan Rahvahan Liiton, Vepsän kul'tuuruseuran, Anuksen karjalazet-, Zaonežje- da monien toizien yhtistyksien ozanottajannu.

Arvonimet da palkindot

• Karjalan tazavallan taidoalan arvostettu ruadai;
• Vladmir Brendojevan nimizen literatuurupalindon laureattu (2019);
• Rynnäsmerki "Panokses Karjalan tazavallan kehittämizeh" (2020).

Bibliogruafii

• Семакова, И. Б. ивое кантеле : страницы жизни и творчества Виктора Пантелеймоновича Гудкова (1899 — 1942). — Петрозаводск: Verso, 2012. — 189 с. — ISBN 978-5-91997-065-1.
• Семакова, И. Б. В. И. Кононов: живущий в танце. — Петрозаводск: Verso, 2015.
• Кантеле : вопр. теории и исполнительства / М-во культуры Респ. Карелия, Гос. ком. Респ. Карелия по нац. политике, Карел. центр нар. творчества, Союз кантелистов Карелии ; сост. И.Б. Семакова ; отв. за вып. Г.М. Демидова. — Петрозаводск, 2001. — 33 с.
• Олемба : Традиционные игры финно-угорских и самодийских народов / Карел. центр нар. творчества ; Сост. И.Б. Семакова ; Отв. за вып. Г.М. Демидова. — Петрозаводск, 1999. — С. 88—94.
• И.Б. Семакова. Традиционные музыкальные хордофоны кантеле и йоухикко в контексте этнической культуры. — Петрозаводск: Адверт Пресс, 2015. — 175 с.
• Семаков, Сергей Владимирович. Александр Цыганков : исполнитель, композитор, педагог… [Текст] : С. В. Семаков, И. Б. Семакова. — Петрозаводск: Петрозаводская гос. консерватория им. А. К. Глазунова, 2018. — С. 449. — ISBN 978-5-906514-28-8.
• Семаков, С. В. Домра в России: из истории становления и развития музыкального инструмента : историко-культурные очерки / С. В. Семаков, И. Б. Семакова. — Петрозаводск: Петрозаводская государственная консерватория им. А. К. Глазунова, 2022. — 469 с.

Huomavukset

Kirjalližus

• Irina Semakova. Muaman pajot — akkiloittavat, uvvet pajot — pajatettavat // Taival. — 2020. — С. 83—92.

Linkat

• К юбилею И. Б. Семаковой