Zinaida Dubinina

On otettu Рувики-späi
Tarkastettu kirjutus
Zinaida Timofejevna Dubinina
Дубинина Зинаида.png
Roindupäivy 2. elokuudu 1934(1934-08-02)
Roindupaikku
Kuolendupäivy 24. pakkaskuudu 2022(2022-01-24) (87 vuottu)
Kuolendupaikku
Kanzalližus
Toiminduala kirjuttai, kiändäi, opastai
Tevoksien kieli karjalan kielen (livvin murreh)
Enzitevos 1989
Palkindot Karjalan tazavallan vuvven laureattu Орден Святой равноапостольной княгини Ольги III степени

Zinaida Timofejevna Dubinina (2. elokuudu 1934 — 24. pakkaskuudu 2022) on Karjalan tazavallan runoilii, kirjuttai, kiändäi. Kirjutti karjalan kielen (livvin murdehel)[1]. Zinaida Dubinina on enzimäzii karjalan kielen opastajii Karjalan tazavallas, häi on Karjalan tazavallan opastusalan arvostettu ruadai.

Eloskerdu

Zinaida Dubinina oli roinnuhes Anuksen piirin Lumatjärven kyläs karjalazes perehes. Hänen tuattah kuadui Suurel Ižänmuallizel voinal. Muamo lapsienke oli evakos Urualal. Voinan loppiettuu tuldih järilleh Karjalah, kodvazen elettih Lumatjärves, sit tuldih elämäh Kotkatjärveh.

Školan jälles Zinaida Dubinina puutui Petroskoih opastumah pedagouguopistoh. Opastundan jälles ruadoi algukluassoin opastajannu Uutjärven školas. Sit tuli ruadoh Kotkatjärveh, kus školas eläkkehele lähdendässäh opasti lapsii suomen da karjalan kieleh. Zinaida Dubinina oli enzimäzii karjalan kielen opastajii tazavallas.

Luomisruado

Zinaida Dubinina kirjutti runuo da prouzua livvikse. Vuvvennu 1989 karjalankielizeh Oma Mua -lehteh oli painettu Zinaida Dubininan enzimäine runo.

Kirjuttajan tevoksii on alalleh painettu Oma Mua -lehteh, Kipinä-žurnualah, Taival-al'manuahah. Hänen runot da kerdomukset on otettu monih kogomuksih, suurimat niilöis ollah Karjalan nygyaigazen kanzallizen literatuuran antolougii da lapsien Kumalikko-kerävökniigu.

Vuvvennu 1991 Zinaida Timofejevna rubei ruadamah yhtes Biblien kiännändyinstituutanke (Helsinki). Häi kiändi livvikse "Uvven sanan", "Psaltirin" da "Biblien lapsile". Täs ruavos kiändäi sai palkindon Ven'an pravosluavnois kiriköspäi — Pyhän knäginän Ol'gan III astien kunnivomerkin‎.

Kirjuttajan suurimien kiännöksien joukkoh kuuluu Kalevala-eeposan kiännös karjalan kielen livvin murdehele. Se piäzi ilmah Suomes vuvvennu 2009.

Vuvves 2006 Zinaida Dubinina kuului Ven'an kirjuttajien liittoh.

Vuvvennu 2009 Dubinina sai Vladimir Brendojevan nimizen literatuurupalkindon. Vuvvennu 2003 rodih Vuvven lauretakse Karjalan tazavallas da vuvvennu 2019 Anuksenlinnan kunnivokanzalazekse[2]

Musto

Vuvvennu 2021 Kotkatjärven kylän kirjastole on annettu Zinaida Dubininan nimi.

Bibliogruafii

Omat tevokset

  • Dubinina, Z. Silmükaivoine : karjalazet runot lapsile / Zinaida Dubinina. — Petroskoi : Karjala, 1995. — 47 с. : ил. — Текст карел. (ливвик. диалект). — ISBN 5-7545-0691-0.
  • Dubinina, Z. Valgei koivikko / Zinaida Dubinina; худож. М. Юфа. — Petroskoi : Periodika, 2003. — 77 s. — Текст карел. — ISBN 5-88170-107-0.
  • Dubinina, Z. Minun livvin linduzile — Моим ливвиковским птичкам: Стихи, рассказы, переводы. — Петрозаводск: Периодика, 2006. — 112с. — Текст на карел. яз.
  • Dubinina, Z. Kirjutukset : [воспоминания, рассказы, стихи] / Zinaida Dubinina; [toim. i luadi kirjakse Martti Penttonen]. — [Jyväskylä] : KKS, 2013. (Kopijyvä). — 286, [2] c. : фот. — Текст карел. — Библиогр. в конце кн. — ISBN 978-952-5790-34-4.
  • Dubinina, Z. Olen gu järvele nostettu aldo — Я как озёрная волна: Избранные стихи. — Хельсинки, 2014. — 107, (7)с. — Текст на карел. яз.
  • Брендоев, В. Е. Нить жизни : [сборник стихов] / Владимир Брендоев, Зинаида Дубинина; [пер. с карел.: Г. И. Чернобровкин, Г. М. Федулова] ; Олонецкая национальная библиотека, КРОО «Олонецкие карелы». — Петрозаводск : Verso, 2014. — 117, [1] c. : портр. — Текст парал. карел., рус. — ISBN 978-5-91997-146-7.-Из содерж. : Зинаида Дубинина Стихи. — С. 53-115.

Kiännökset

  • Lönnrot, E. Kalevala : [karjalankieline Kalevala-eepossu] / Elias Lönnrot; [kiändänyh Zinaida Dubinina]. — Helsinki : Karjalan Kielen Seura, 2009. — 519 c. : карта ; 25 см. — Текст карел. — Пер.: Калевала / Э. Лённрот. — ISBN 978-952-5790-09-2.
  • Biblii lapsile / [Borislav Arapovič, Vera Mattelmäki; livvikse kiändänyh Zinaida Dubinina]. — 2. kohendettu pain. — Helsinki ; Stokgol'm : Biblienkiännändyinstituuttu : Ижевская республиканская типография, 2009. — 549, [1] c. : цв. ил. ; 21 см. — Текст на ливвиковском наречии карельского языка. — На обороте титульнного листа: Детская Библия на карельском (ливвиковском) языке. — ISBN 978-952-5634-20-4. — ISBN 978-91-977187-9-0.
  • Meijän taivahallizet puolistajat. Karjalan pyhät / [Благотворительный Фонд «Утешение»; авт.-сост., ил.: С. Шлыкова; пер. с рус. З. Дубининой, Т. Романовой]. — Ivanovo : Listos, 2017. — 78 с. : цв. ил. ; 40 см. — На титульной странице: Kniigu on jullattu 625-vuodehizele Lazarin Muromskoin kuolendas, 450-vuodehizele Zosiman da Solovkoin pyhäluuloin tuondas, 375-vuodehizele Aleksandr Svirskoin pyhäluuloin suandas. — В выпускных данных: Наши небесные защитники. Карельские святые : на карельском языке. — Текст карел. — ISBN 978-5-905158-86-5.
  • Харламова, Е. С. Чудесная коробочка : [стихи для детей на русском и ливвиковском наречии карельского языка] / Елена Харламова; [пер.: З. Т. Дубинина; ил.: М. А. Федулова]. — Петрозаводск : Periodika, 2018. — 55 с. : цв. ил. ; 28 см. — На обложке автор не указан. — Текст параллельно на русском и карельском языках. — Автор также на карельском языке: Jelena Harlamova. — ISBN 978-5-88170-323-3.

Huomavukset

  1. ↑ Писатели Карелии: библиографический словарь/Карельский научный центр РАН; [сост. Ю. И. Дюжев]. — Петрозаводск: Острова, 2006. — 306 с. — С. 17—18. ISBN 5-98686-006-3
  2. ↑ Почётные граждане города Олонца (2019)

Kirjalližus

  • Мишин А. И. «Дать начало песнопенью» // «Север». — 2000. — № 10. — С. 152—160.
  • Клементьев Е. И. Послесловие к разделу «Карелы» // Прибалтийско-финские народы России. — М.: Наука, 2003. — С. 317—323.

Linkat

Lähteh - "https://olo.ruwiki.ru/w/index.php?title=Zinaida_Dubinina&oldid=126202981"