Vas'a Veikki

Tarkastettu kirjutus

RUWIKIS on kirjutustu toizis ristikanzois sugunimenke Vasilii Saveljevič Ivanov.

Vas'a Veikki
Vasilii Saveljevič Ivanov
Roindupäivy	8. kevätkuudu 1958(1958-03-08) (68 vuottu)
Roindukohtu	On'kulan kylä, Anuksen piiri, Karjalan avtonoumine socialistine nevvostotazavaldu, Nevvostoliitto
Kanzalližus	Nevvostoliitto,  Ven'anmua
Toimindu	runoilii, kirjuttai, kiändäi, žurnalistu

Vas'a Veikki (tovelline sugunimi Vasilii Saveljevič Ivanov, ven. Василий Савельевич Иванов; roin. 8. kevätkuudu 1958, On’kul, Karjalan avtonoumine socialistine nevvostotazavaldu^[d]) on karjalaine runoilii, kirjuttai, kiändäi, žurnalistu. Kirjuttau karjalan kielen livvin murdehel.

Eloskerdu

Vas'a Veikki on roinnuhes 8. kevätkuudu vuvvennu 1958 Anuksen piirin On'kulan kyläs. On karjalaine.

Lapsusaigah, seiččemeh vuodessah, händy kazvatti buabah.

Opastui Priäžän, Sordavalan da Anuksenlinnan školakodilois.

Loppi zaočno Leningruadan Arktiekan opiston da Leningruadan valdivonyliopiston žurnalistiekan tiedokunnan.

Vas'a Veikki ruadoi Baltiekkumeren laivastos vuodessah 1987.

Jälles tuli omale roindumuale, rubei ruadamah enzimäi Anuksen, sit Petroskoin da Lahdenpohjan lehtilöin toimituksis. Ruadoi ven. «Олонецкая правда»- (nygöi ven. «Олония»), ven. «Комсомолец» (nygöi ven. «МГ»), ven. «Прионежье»-, ven. «Набат»-lehtilöin toimituksis.

Veikin enzimäzenny painetunnu kirjutuksennu oli runo ven'an kielel, kudai jullattih Leningruadan Mor'ak Baltiki -lehtes vuvvennu 1985 da vuvven peräs hänen runoloi jullattih Oloneckaja pravda -lehtes.

Kuulužan karjalazen kirjuttajan Vladimir Brendojevan vaikutukses Veikki algoi kirjuttua tevoksii omal karjalan kielen livvin murdehel. Hänen tevoksii painettih Sever-, Carelia-, Kipinä-, Karjalan Heimo (Suomi) -žurnualois, Taival-al'manuahas da Oma Mua -lehtes, monis karjalankielizis kogomuksis. Runoilijan enzimäine Eloksen dorogat -kniigu nägi päivänvalgien vuvvennu 2023.

Veikin runoloih on kirjutettu pajuogi. Muuzikantutkii Irina Semakova runoilijan Loittoine loitto -kniigan algusanois kirjuttau nenga:

Vas'a Veikin runot ollah ylen muuzikuallizet. Niilöin pagintaba on tovelline da luonnolline rouno hengelline pajatandu. Juuri tämä muuzikualližus avvuttau lugijale ovvostua runoilijan runoloin vie yhten ominažuon — niilöin "valundan" da processualližuon". Vihjuan, ku äijät runolois roijah pajoloin pohjakse.

Veikki on Ven'an žurnalistoin liiton da Ven'an kirjuttajien liiton Karjalan ozaston ozanottai.

Omas eloskerras Vas'a Veikki kirjuttau:

Taijos minä suvaičen realizmua, suvaičen kirjalližuttu, kudamah näh ruvetah ajattelemah.

Vuvvennu 2016 Periodika-julguamos piäzi ilmah Veikin Loittoine loitto -kniigu.

Vuvvennu 2023 kirjuttajan 65-vuozipäiväkse Petroskoin valdivonyliopistos baltiekkumerensuomelazien kielien laitoksen opastajat da opastujat piettih pyöryžän stolan, kudai oli omsitettu Vas'a Veikin eloksele da ruavole.

Vuvvennu 2025 Kanzoinvälizes runohuon kiännöskilvas "Lugii Piiteri" (ven. "Читающий Петербург") kehoitetah kiändiä runoloi 22 kielel, niilöin joukos on Vas'a Veikin Hengi-runo karjalan kielel. Karjalan kieli on enzikedua ezitetty kilvas.

Bibliogruafii

• Вейкки, В. Мне снились летящие лебеди низко. — Петрозаводск: Verso, 2020. — 78 с. — ISBN 978-5-91997-352-2.
• Veikki V. Eloksen dorogat : Vallitut runot. — Petroskoi: Periodika, 2003. — 95 с.
• Veikki V. Ken andoi kažile silmät da hännän. — Petroskoi: Periodika, 2006.
• Veikki V. Loittoine loitto. — Petroskoi: Periodika, 2016. — 92 с..

Huomavukset

Kirjalližus

• Иванов Василий Савельевич// Писатели Карелии: Биобиблиографический словарь. — Петрозаводск, 2006. — С. 25 ISBN 5-98686-006-3