Tuttujeva L'ubov' Mihailovna

L'ubov' Mihailovna Tuttujeva
L'ubov' Mihailovna Tuttujeva
Roindupäivy	21. sulakuudu 1963
Roindupaikku	Kunil[d], Anuksen kanzalline piiri, Karjalan avtonoumine socialistine nevvostotazavaldu[d], Ven'an federatiivine socialistine nevvostotazavaldu[d], Nevvostoliitto;
Kuolendupäivy	16. sulakuudu 2013 (49 vuottu)
Kuolendupaikku	Tuuksi, Anuksen kanzalline piiri, Karjalan tazavaldu, Ven'a;
Kanzalližus	Nevvostoliitto; Ven'a;
Toiminduala	kirjuttai, lapsienkazvattai
Tevoksien kieli	karjalan kielen (livvin murreh)
Palkindot	Vladimir Brendojevan nimizen literatuurupalkindon laureattu

L'ubov' Mihailovna Tuttujeva (ven. Туттуева Любовь Михайловна; 21. sulakuudu 1963, Kunil^[d], Karjalan avtonoumine socialistine nevvostotazavaldu^[d] — 16. sulakuudu 2013, Tuuksi, Karjalan tazavaldu) on karjalaine kirjuttai, lapsienkazvattai. Vladimir Brendojevan nimizen literatuurupalkindon laureattu (2003)^[1].

Eloskerdu

L'ubov' Tuttujeva oli roinnuhes 21. sulakuudu vuvvennu 1963 Anuksen piirin Kunilan kyläh.

Loppi Petroskoil pedagouguopiston № 2. Ruadoi Tuuksen Kiuruine-päivykoin lapsienkazvattajannu (ven.) (olo. da johtajannu^[2].

Päivykois ruadajes opasti lapsii karjalan kieleh.

Školas opastujes rubei kirjuttamah runoloi, karjalan kielen livvin murdehel kirjuttau runoloi da ozutelmii vuvves 2000 algajen^[2].

L'ubov' Tuttujevan runoloi painettih Oma Mua -lehteh, Taival-al'manuahah da Kipinä-žurnualah. Net on otettu erilazih kogomuksih, lapsien Kumalikko-luvendukniigah, karjalan kielen opastuskniigoih. Niilöi puaksuh suau kuulta lapsis, kudamat otetah ozua jogavuodizeh runokilbah Vladimir Brendojevan nimizen literatuurufestivualin hantuzis Anuksenlinnas. L'ubov' Mihailovna iče otti ozua täh kilbah da oli diplomoin suannuzien joukos^[3].

Vuvvennu 2003 L'ubov' Tuttujeva rodih Vladimir Brendojevan nimizen literatuurupalkindon laureatakse, palkinduo annetah panokses karjalazen kul'tuuran da karjalan kielen säilyttämizeh da kehittämizeh.

Tuttujevan runot ollah detsadulazes ijäs olijoih lapsih niškoi. Enimät niilöis ollah vuvvenaijois da elättilöis. Runoloin kieli on kebjei... Helpot juondehet vastatah lapsien igii.Natalja Čikina, КиберЛенинка (ven.) (olo.^[2]

Runoilijan enzimäine runokniigu karjalan kielel nimel "Iloine" nägi päivänvalgien vuvvennu 2007 Periodika-julguamos^[4].

Eli Tuuksel, kuoli 16. sulakuudu vuvvennu 2013.

Julgavot

Tuttujeva, L'ubov. Iloine. — Petroskoi: Periodika, 2007. — 32 с.
Туттуева, Л. М. Приобщение детей к истокам карельской национальной культуры : учебно-методическое пособие. — Петрозаводск: Изд-во КГПУ, 2007. — 96 с.

Palkindot da arvonimet

Vladimir Brendojevan nimizen literatuurupalkindon laureattu (2003)^[5].

Pereh

Kazvatti kaksi tytärdy.

Huomavukset

↑ Любовь Михайловна Туттуева (рус.). lit-karta.karelia.ru. Kačondan päivymiäry: 16. syvyskuudu 2025.
↑ ¹ ² ³ Чикина Н. В. Детская карелоязычная литература кон. XX — нач. XXI в. (ven.) // КиберЛенинка. (Kačondan päivymiäry: 16 syvyskuudu 2025)
↑ Милое слово карельское (рус.). libraries.karelia.r (20. sulakuudu 2009). Kačondan päivymiäry: 16. syvyskuudu 2025.
↑ Ирина Семакова. Моя первая книжка на родном карельском языке (рус.). karelinform.ru (30. pakkaskuudu 2008). Kačondan päivymiäry: 16. syvyskuudu 2025.
↑ Лауреаты премии им. В.Е. Брендоева (рус.). biblioteka-olon.karelia.ru. Kačondan päivymiäry: 16. syvyskuudu 2025.

[1] Любовь Михайловна Туттуева (рус.). lit-karta.karelia.ru. Kačondan päivymiäry: 16. syvyskuudu 2025.

[Cik-2] ¹ ² ³ Чикина Н. В. Детская карелоязычная литература кон. XX — нач. XXI в. (ven.) // КиберЛенинка. (Kačondan päivymiäry: 16 syvyskuudu 2025)

[3] Милое слово карельское (рус.). libraries.karelia.r (20. sulakuudu 2009). Kačondan päivymiäry: 16. syvyskuudu 2025.

[4] Ирина Семакова. Моя первая книжка на родном карельском языке (рус.). karelinform.ru (30. pakkaskuudu 2008). Kačondan päivymiäry: 16. syvyskuudu 2025.

[5] Лауреаты премии им. В.Е. Брендоева (рус.). biblioteka-olon.karelia.ru. Kačondan päivymiäry: 16. syvyskuudu 2025.

[1]

[2]

[3]

[4]

[5]