Valentina Kondratjeva

On otettu Рувики-späi
RUWIKIS on kirjutustu toizis ristikanzois sugunimenke Kondratjeva.
Tarkastettu kirjutus
Valentina Mihailovna Kondratjeva
Kondratjeva1.jpg
Roindunimi Valentina Mihailovna Rikkijeva
Roindupäivy 21. kevätkuudu 1950(1950-03-21) (76 vuottu)
Roindukohtu Issoilan kylä, Anuksen piiri, Karjalan avtonoumine socialistine nevvostotazavaldu, Nevvostoliitto
Kanzalližus  Nevvostoliitto,  Ven'anmua
Toimindu kirjuttai, runoilii
Palkindot da arvonimet

Vladimir Brendojevan nimine literatuurupalkindo, Karjalan Kielen Seuran palkindo

Valentina Kondratjeva (21. kevätkuudu vuvvennu 1950) on karjalaine kirjuttai da runoilii, pajoloin sanoin luadii. Kirjuttau karjalan kielen livvin murdehel. On Vladimir Brendojevan nimizen literatuurupalkindon laureattu (2010).

Eloskerdu

Valentina Kondratjeva on roinnuhes vuvvennu 1950 karjalazes Issoilan hierus Anuksen piiris, nygöi tämä hieru kuuluu Immalan kyläh. Enne täl čupul oli mondu pikkarastu hieruu: Issoilu, Liettii, Niemi, Päččil. Pereh oli suuri, tuatal da muamal oli kaheksa lastu. Valentinan tuattah oli karjalaine, muamah – inkeriläine. Muamal oli sugunimi Rikkinen, tuatal – Rikkijev. Pakkaskuul 1947 vuvvel Valentinan vahnembat mendih yhteh.

Perehes, hos emändän muamankielenny oli inkerinmurreh, ijän kaiken paistih livvikse. Valentinan muamah Hil'da Petrovna on Leningruadan alovehel rodivunnuh. Karjalah tulduu terväh opastui pagizemah livvikse da sit ven'aksegi. Lapset školah lähtiettih, nikudai ei maltanuh ven'an kieldy. Vie Valentina Kondratjevan omassah poigugi, konzu rubei käymäh päivykodih, ei maltanuh niyhty sanua ven'akse.

Valentina Mihailovna nelli kluassua opastui Jeroilan pienes alguškolas, sit viijendes da kaheksandes kluasas – Riipuškalan školas. Kymmenenden kluasan loppi Anuksen školas n:o 1 vuvvennu 1967. Školan loppiettuu lähti opastumah Sordavalan tehnikumah buhgalterikse. Loppi sen vuvvennu 1969. Buhgalterinnu ruadoigi enimät vuvvet Anuksenlinnas. Nygöi on eläkkehel.

Luomisruado

Eläkkehel Valentina Kondratjevan toizekse ruavokse rodih omal karjalan kielel kirjutandu. Hänen enzimäzii kerdomuksii painettih Oma Mua -lehteh vuvvennu 2009. Net oldih "Akoin päivy", "Tönčöi" da "Ni puččih, ni päččih". Tämän jälgeh kirjuttai rodih alallizekse Oma Mua -lehten kirjuttajakse da lugijakse .

Konzu vuvvennu 2008 Valentina Mihailovna rubei kirjuttamah, kirjuttua livvikse häi ei maltanuh, ei tiedänyh karjalan kielen kirjaimii. Enzimäi kirjutti kiriillizil kirjaimil, sit otti Aberin da iče opastui livvin kirjaimikkoh.

Kirjuttajan suurembat kerdomukset ollah "Kaksi pedäjiä" (Oma Mua, Kukastu kummua -kniigu, 2009), "Poluudittu syväin" (Taival-al'manuahu, 2011), "Čomaine Nastoi" (Taival-al'manuahu, 2014), "Eloksen viehkuri" (Taival-al'manuahu, 2015). Net da toizet kirjuttajan tevokset on painettu kirjuttajan Ozan tiešuarat -kniigah, kudai nägi päivänvalgien vuvvennu 2018 Petroskois Periodika-julguamos.

Valentina Kondratjevan kerdomuksis on kuvattu kajalaine elos da karjalazet rahvas. Poluudittu syväin -kerdomus on omistettu hänen muaman eloksele. Voinan aigah häi oli nemsoin valloitetul alovehel, luagerilois Germuanies da sit Suomes.

Prouzan ližäkse Valentina Kodratjeva kirjuttau runoloi da pajoloin sanoi. Hänen pajoloi pajatetah äijät anukselazet pajojoukot. Hänen kerdomuksii da runoloi alalleh painetah karjalankielizeh Oma Mua -lehteh da Taival-al'manuahah. Kirjuttajan Poluudittu syväin -kerdomuksen oza on otettu Karjalan nygyaigazen kanzallizen literatuuran antolougieh.

Bibliogruafii

Kniigat

  • Kondratjeva, V. M. Kaksi pedäjiä : runot da kerdomukset karjalan kielel / V. Kondratjeva ; [taid. C. Treškina]; Litto "Anuksen kr jalaizet". — Petroskoi : Петрозаводскийгосударственный университет, 2012. — 115 с. : ил. — В вып. дан.: Две сосны: стихи и рассказы на карельском языке / В. М. Кондратьева. — Текст карел. — ISBN 978-5-8021-1414-8.
  • Kondratjeva, V. M. Ozan tiešuarat / Valentina Kondratjeva. — Petroskoi : Periodika, 2018. — 250, [2] с. — В выпускных данных: Перекрестки судьбы: сборник прозы и поэзии на ливвиковском наречии карельского языка / В. М. Кондратьева. — ISBN 978-5-88170-321-9.

Julgavot kogomuksis

  • Kondratjeva, V. Kaksi pedäjiä : [kerdomus] ; Minun ukko : [runuo] / Valentina Kondratjeva // Kukastu kummua! : karjalazet kirjutetah. — Helsinki, 2010. — S. 35-70. — ISBN 978-952-5790-16-0. — Текст карел.
  • Kondratjeva, V. Guarbaloh : [kerdomus] / Valentina Kondratjeva // Kondien ker marjas : karjalazet kirjutetah. — Helsinki, 2012. — S. 27-52. — ISBN 978-952-5790-27-6. — Текст карел.
  • Kondratjeva, V. Runot / Valentina Kondratjeva // Anuksen sil'mykaivozet : V. Brendojevan nimizeh kilbah tarittu runokogomus : [сборник] / Anuksen rahvahalline kirjasto ; [yhteh kerättih: G. Fedulova, T. Boikova]. — Julk. 4. — Petroskoi , 2012. – S. 31-35. — Загл. обл.: Anuksen silmükaivozet. — На обл. подзаг.: Anus 2012. - Пер. загл.: Олонецкие родники. — Текст карел. — ISBN 978-5-8021-1404-9. — Текст карел.
  • Kondratjeva, V. Guarbalon : [kerdomus] / / Valentina Kondratjeva // Kondien ker marjas : karjalazet kirjutetah. — Helsinki, 2012. — S. 27-52. — ISBN 978-952-5790-27-6. — Текст карел.
  • Kondratjeva, V. Tuatto : [runo]; Guarbalon : kerdomus / Valentina Kondratjeva // Kielenvardoiččijat : (luvemmo perehel) / Anuksen rahvahalline kirjasto ; [сост.: Г. М. Федулова, Т. И. Бойкова ; худож. Г. М. Трешкина]. — Петрозаводск, 2013. – S. 80-100.— На обороте тит. л. в макете: Kielen vardoiččijat : Хранители языка : сборник стихотворений на карельском языке (ливвиковское наречие)/Г. М. Федулова, Т. И. Бойкова. — На тит. л. подзагл.: Anuslinnu 2013. — ISBN 978-5-8021-1740-8.
  • Kondratjeva, V. Poluudittu syväin / Valentina Kondratjeva // Антология современной национальной литературы Карелии : [на вепсском, карельском, финском и русском языках / составитель Н. В. Чикина]. — Петрозаводск , 2018. – S. 89-98. – Текст карел. — Имеется электронная версия, изготовленная в НБ РК. Доступ: Электронная библиотека авторов Карелии. — ISBN 978-5-88170-315-8.
  • Kondratjeva, V. Syväin sinul annettu! / Valentina Kondratjeva // Моя земля : [сборник] / "Олонецкие карелы", карельская региональная общественная организация ; [предисл.: Галина Федулова]. — Петрозаводск, 2018. – S.32. — Часть текста параллельно на русском и карельском (ливвиковском наречии) языках. — ISBN 978-5-91997-284-6.
  • Кондратьева, В. Закаленное сердце : [рассказ] / Валентина Кондратьева; пер с карел. Натальи Синицкой // Антология современной национальной литературы Карелии : [на вепсском, карельском, финском и русском языках / составитель Н. В. Чикина]. — Петрозаводск , 2018. – С. 307-317. – Имеется электронная версия, изготовленная в НБ РК. Доступ: Электронная библиотека авторов Карелии. — ISBN 978-5-88170-315-8[1].

Palkindot da arvonimet

  • Vuvvennu 2009 Suomes ruadajan Karjalan Kielen Seuran kirjutuskilvas Valentina Kodratjevan Kaksi pedäjiä -kerdomus rodih parahakse prouzukirjutuksekse. Kilvan jälles kerdomus painettih Kukastu kummua -kniigah, kudamah puututtih kaikkien kilbuniekkoin kerdomukset da runot.
  • Vuvvennu 2010 kirjuttai sai Vladimir Brendojevan nimizen literatuurupalkindon.
  • Vuvvennu 2016 yhteiskunnallizen Nuori Karjala -yhtistyksen da Oma Mua -lehten Rakkahuskirjaine-kirjutuskilvas Valentina Kondratjevan kirjutus "Ole tervehen, Karjalan kieli!" sanottih parahakse Kirjaine karjalan kielen tiedäjäs -nominacies.

Huomavukset

  1. ↑ Karjalan kirjuttajien verkokirjasto. Valentina Kondratjevan bibliogruafii

Kirjalližus

  • Valentina Kondratjeva. Mustelut // Taival. — 2020. — С. 106-110.
  • Jelena Ruppijeva. Igä elä, igä opastu // Oma Mua. — 2023. — 28. kezäkuudu (№ 24). — С. 4.

Linkat

Lähteh - "https://olo.ruwiki.ru/w/index.php?title=Valentina_Kondratjeva&oldid=126330454"