Valentina Libertsova

On otettu Рувики-späi
Tarkastettu kirjutus
Valentina Vasiljevna Libertsova
Либерцова2.jpg
Roindunimi Valentina Vasiljevna Rodionova
Roindupäivy 22. oraskuudu 1957(1957-05-22) (69 vuottu)
Roindukohtu Mačarvi, Anuksen piiri, Karjalan avtonoumine socialistine nevvostotazavaldu, Nevvostoliitto
Kanzalližus  Nevvostoliitto,  Ven'anmua
Toimindu ven'an kielen da literatuuran opastai, runoilii da kirjuttai
Palkindot da arvonimet

Vladimir Brendojevan nimizen palkindon laureattu

Valentina Vasiljevna Libertsova (22. oraskuudu vuvvennu 1957) on karjalaine kirjuttai da runoilii, Karjalan tazavallan arvostettu opastai[1], Vladimir Brendojevan nimizen literatuurupalkindon laureattu (2012)[2].

Eloskerdu

Valentina Libertsova on roinnuhes vuvvennu 1957 Anuksen piirin Mačarven kyläs karjalazes perehes. Loppi Kotkatjärven školan. Vuozinnu 1974-1979 opastui Petroskoin valdivonyliopistos histourii-filolougizel tiedokunnal ven'an kielen da literatuuran opastajakse.

Opastundan loppiettuu kolmekymmen kuuzi vuottu ruadoi Alavozen školas ven'an kielen da literatuuran opastajannu. Vuozinnu 2015-2020 opasti ven'an kieldy da literatuurua Petroskois liceis № 1.

On eläkkehel, eläy Alavozes.

Kuuluu Karjalan Rahvahan Liiton halličukseh. On Alavoizen taigin -teatrustuudien artistannu, kirjuttau da kiändäy teatrah niškoi ozutelmii.

Luomisruado

Kirjuttamah ven'an kielel Valentina Vasiljevna rubei vie yliopistos opastujes — kirjutti Petroskoin valdivonyliopiston lehteh. Omal karjalan kielel algoi kirjuttua vuvvennu 2006, sih ruadoh inehmisty potakoičči Marija Brendojeva — Vladimir Brendojevan akkah. Sit aijas Valentina Vasiljevna on alalline Oma Mua -lehten da Taival-al'manuahan kirjuttajannu da lugijannu. Hänen kirjutuksii suau puaksuh lugie Anuksen čupun Olonija-lehtesgi, kudamanke kirjuttai on yhteisruavos vuvves 1989 algajen[1].

Bibliogruafii

Valentina Libertsova kirjuttau runuo, prouzua, kirjutuksii lehtih, oučerkoi da literatuurukriitiekkua. Vuvvennu 2015 piäzi ilmah hänen ainavo kniigu nimel "Kylläl karjalakse paista...". Sih on kerätty kirjuttajan runuo karjalan kielel.

Kniigat

Kogomuksis

  • Libertsova, V. Runot / Valentina Libertsova // Anuksen sil'mykaivozet : V. Brendojevan nimizeh kilbah tarittu runokogomus. — Petroskoi, 2012. — ISBN 978-5-8021-1404-9.
  • Libertsova, V. Runot / V. Libertsova // Kielen vardoiččijat : (luvemmo perehel) / Anuksen rahvahalline kirjasto. — Петрозаводск,, 2013. — ISBN 978-5-8021-1740-8.
  • Либерцова, В. Посвящение [Владимиру Брендоеву] [стихи] / В. Либерцова // Anuksen silmükaivozet : V. Brendojevan mustokse-kilvan tarittu runokogomus. — Anus, 2006. — 23 с.
  • Либерцова, В. В. Фольклорно-языческие и православные корни образов смерти в произведениях В. Брендоева и Н. Зайцева / Либерцова Валентина Васильевна // Культура, язык: колыбель предков : материалы конференции в рамках фестиваля "Здесь родины моей начало" имени В. Брендоева. — Петрозаводск, 2019. — ISBN 78-5-88170-361-5.[1].

Palkindot da arvonimet

  • Ven'an Federacien yhtehizen opastuksen kunnivoruadai;
  • Karjalan tazavallan arvostettu opastai[3]
  • Vladimir Brendojevan nimine literatuurupalkindo (2012);
  • Vuvvennu 2012 Libertsova sai kiitändykirjazen karjalan, vepsän da suomen kielel kirjuttajien žurnalistoin Karjalan histourii. Ristikanzat da ozat (ven. История Карелии. Лица и судьбы») -kirjutuskilbah ozanotandas.

Kilboih ozanotandu

  • Vuvvennu 2015 kirjuttai piäzi kolmandele sijale Voiton 70-vuozipäiväkse pietys karjalankielizes kirjutuskilvas[1];
  • Vuvvennu 2923 Valentina Libertsova pizi enzimäzele sijale Luvemmo Kalevalan runoloi -onlaine-kilvas 24 vuottu vahnembien kilbuniekoin joukos[4].

Huomavukset

  1. ↑ 1 2 3 4 Karjalan kirjuttajien verkokirjstio. Valentina Libertsova (рус.). avtor.karelia.ru. Kačondan päivymiäry: 18. syvyskuudu 2025.
  2. ↑ Vladimir Brendojevan nimizen literatuurupalkindon laureatat (рус.). biblioteka-olon.karelia.ru. Kačondan päivymiäry: 18. syvyskuudu 2025.
  3. ↑ Голосуют ветераны! (рус.). news-karelia.ru (13. syvyskuudu 2025). Kačondan päivymiäry: 18. syvyskuudu 2025.
  4. ↑ Подведены итоги онлайн-конкурса "Читаем руны эпоса "Калевала" (рус.). petrsu.ru (28. kevätkuudu 2023). Kačondan päivymiäry: 18. syvyskuudu 2025.

Kirjalližus

  • О награждении государственными наградами Республики Карелия [присвоить почетное звание «Заслуженный учитель Республики Карелия» Либерцовой Валентине Васильевне – учителю русского языка и литературы МКОУ «Ильинская средняя общеобразовательная школа», Олонецкий муниципальный район]: указ Главы Республики Карелия от 21 августа 2012 г. № 115 // Собрание законодательства Республики Карелия. 2012. — № 8. — С. 15.

Linkat

Lähteh - "https://olo.ruwiki.ru/w/index.php?title=Valentina_Libertsova&oldid=126361249"