Larisa Lazutina

On otettu Рувики-späi
Larisa Lazutina
Лазутина Лариса Евгеньевна.jpg
Roindupäivy 1. kezäkuudu 1965(1965-06-01) (61 vuozi)
Roindukohtu
Mua
Toimindu maastohiihtäjä
Ukko Gennadii Nikolajevič Lazutin[d][1]
Palkindot da arvonimet
Логотип РУВИКИ.Медиа Медиафайлы на РУВИКИ.Медиа

Larisa Jevgenjevna Lazutina (ven. Лари́са Евге́ньевна Лазу́тина, neissugunimi Ptitsina, roin. 1. kezäkuudu 1965, Kondupohju, Nevvostoliitto) on nevvostolaine da ven’alaine hiihtäi, viizi kerdua oli Olimpiuadukižoin voittajannu, moni kerdua Muailman kilvoin voittajannu. On Nevvostoliiton sportan arvostettu muasteri (1987), Ven’an sportan arvostettu muasteri (1984), Ven’an Federatsien urhomies (1998). Ekonoumiekkutiedoloin kandiduattu.

Eloskerdu

Lazutina rodivui ruadajien pereheh Kondupohjah. Vuvves 1972 rubei opastumah Kondupohjan keskiškolas n:o 1. Školan jälles piäzi opastumah Habarovskan fiskul’tuuran instituuttah, kudaman loppiettuu sai treeneran-opastajan ammatin. Lazutina opastui myös Karjalan pedagouguinstituutas fiiziellizen kazvatuksen tiedokunnal.

Vuvvennu 1989 Nevvostoliiton hiihtäjien joukkoh kuulujannu muutui Odincovo-linnah.

Vuvvennu 2002 hänele annettih Ven’an armien maijouran virgunimen.

Vuozinnu 2003-2007 da 2007-2011 händy vallittih Moskovan alovehen Duuman deputuatakse, ruadoi sie Opastuksen, kul’tuuran, sportan, nuorižon da turizman komitietan piälikönny.

Kuului Fiskul’tuuran da sportan nevvostoh, kudai ruadoi Ven’an Federacen prezidentan tyves.

Vuvvennu 2011 uvvessah oli vallittu Moskovan alovehen Duumah Yhtenäine Ven’a -puoloveheh kuulujannu. Oli tämän Duuman Opastuksen da kul’tuuran komitietan piälikönny.

Vuvvennu 2016 händy uvvessah vallittih sih da häi rodih Moskovan alovehen Duuman piälikön enzimäzekse sijahizekse.

Vuvves 2021 on Moskovan alovehen Duuman VII kučundukerähmön deputuatannu, Moskovan alovehen Duuman piälikön enzimäzenny sijahizennu[2].

Algukarjieru

Vuvven 11 ijäs Lazutina harjaitti sportua Kondupohjan sportuškolas. Vuvvennu 1984 händy otettih Nevvostoliiton hiihtäjien joukkoh. Kavven 1983-1984 aigua häi enzi kerdua oli aiguzien Muailman hiihtokilvois.

Vuozien 1984-1985 Lazutina rodih Muailman čempionakse junioroin keskes. Yhtes joukonke häi voitti kuldumedalin 3x5 kilometrin juoksukilvas.

Tulokset

Muailman sportumal’l’an kilvois Lazutina oli 21 kerdua voittajannu da 62 kerdua nouzi poudiumale iččenäzes hiihtändäs da kaksi hiihtokauttu oli muailman parahannu hiihtäjänny. Lazutina sai moni kerdua voiton Muailman hiihtokilvois da Olimpiuadukižoi.

Palkindot da arvonimet

  • Ven'an Federacien urhomies (27. tuhukuudu vuvvennu 1998) — suuris suavutuksis sportas, urhokkahuos da urholližuos XVIII talven Olimpiuadukižois vuvvennu[3];
  • Arvoruadolois Ižänmuan hyväkse -IV astien kunnivomerki (5. kylmykuudu vuvvennu 2020) — suures panokses parlamentarizman kehittämizeh, aktiivizes zakonoinluajindutoimindas da monivuodizes kunnollizes ruavos[4].
  • Kunnivon kunnivomerki (3. tuhukuudu vuvvennu 2015) — aktiivizes zakonoinluajindutoimindas da monivuodizes kunnollizes ruavos[5]
  • Ystävyön kunnivomerki (22. sulakuudu vuvvennu 1994) — suuris suavutuksis sportas XVII talven Olimpiuadukižois vuvvennu 1994[6]
  • Karjalan tazavallan fiskul’tuurualan arvostettu ruadai (1995);
  • Karjalan tazavallan kunnivoeläi (1999);[7]
  • III astien merki "Arvoruadolois Moskovan alovehen hyväkse" (15. talvikuudu vuvvennu 2008)[8]
  • Sampo-kunnivomerki (28. ligakuudu vuvvennu 2019, Karjalan tazavaldu)[9];
  • Odincovo-linnan kunnivoeläi (1999). Linnas Kunnivoeläjien kujol on azetettu hänen rinduvestos;
  • II astien kunnivomerki "Arvoruadolois Moskovan alovehen hyväkse" (2023)[10];
  • II astien merki "Arvoruadolois Moskovan alovehen hyväkse" (2023)[11].

Pereh

Ukko — Gennadii Lazutin (roinnuhes vuvvennu 1966), hiihtäjänny otti ozua Olimpiuadukižoih vuvvennu 1994. Lapset — tytär Alisa (1991 libo 1992 roinduvuottu)[12], poigu Daniil Даниил (2003 roinduvuottu) jiäkur’oikižuajien kluuban "SKA-VMF" hyökkyäjy[13].

6. syvyskuudu vuvvennu 2002 Moskovan alovehen Odincovo-linnan 45-vuozipäivän hantuzis avattu suksi- da rolleruladu rubei kuulumah Ven'an urhomiehen Larisa Lazutinan sportan huogavopuustoh.

Huomavukset

  1. ↑ http://www.sports-reference.com/olympics/athletes/la/larisa-lazutina-1.html
  2. ↑ [https://www.mosoblduma.ru/O_dume/Deputati/persons/657d218a-69b3-4932-b8d3-0d525b3cf2d6 Лазутина Лариса Евгеньевна] (рус.). www.mosoblduma.ru. Kačondan päivymiäry: 8. ligakuudu 2025.
  3. ↑ День Героев Отечества: наши земляки, которыми гордится вся Россия (рус.). rk.karelia.ru (9. talvikuudu 2022). Kačondan päivymiäry: 8. ligakuudu 2025.
  4. ↑ Указ Президента Российской Федерации от 05.11.2020 № 675 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Kačondan päivymiäry: 8. ligakuudu 2025. Arhiviiruittu 7. sulakuudu 2022
  5. ↑ Указ Президента Российской Федерации от 03.02.2015 № 48 «О награждении государственными наградами Российской Федерации». Kačondan päivymiäry: 8. ligakuudu 2025. Arhiviiruittu 4. tuhukuudu 2015
  6. ↑ Указ Президента Российской Федерации от 22 апреля 1994 года № 808 «О награждении государственными наградами Российской Федерации спортсменов, тренеров, работников физической культуры и спорта Российской Федерации по итогам XVII зимних Олимпийских игр 1994 года». Kačondan päivymiäry: 8. ligakuudu 2025. Arhiviiruittu originualaspäi 4. syvyskuudu 2014
  7. ↑ Лучшим людям Карелии. Kačondan päivymiäry: 8. ligakuudu 2025. Arhiviiruittu originualaspäi 4. kevätkuudu 2016
  8. ↑ Постановление губернатора Московской области от 15 декабря 2008 года № 170-ПГ «О награждении наградами Московской области». Kačondan päivymiäry: 8. ligakuudu 2025. Arhiviiruittu 7. sulakuudu 2022
  9. ↑ Указ Главы Республики Карелия от 28.10.2019 № 66 «О награждении государственными наградами Республики Карелия» Arhiivukoupii 4 oraskuudu 2021 Wayback Machine (Kačondan päivymiäry: 8 ligakuudu 2025)
  10. ↑ Воробьев вручил награды депутатам Мособлдумы к 30-летию парламента Подмосковья (рус.). tass.ru (13. talvikuudu 2023). Kačondan päivymiäry: 8. ligakuudu 2025.
  11. ↑ Губернатор Воробьев вручил региональные награды подмосковным депутатам (рус.). www.interfax-russia.ru. Kačondan päivymiäry: 8. ligakuudu 2025.
  12. ↑ Туманов С. Лариса Лазутина: «Не судачьте о том, что у меня все в прошлом» // Спортивная панорама. — 1998. — 16 sulakuudu (№ 58). — С. 3.
  13. ↑ Даниил Лазутин (рус.). flashscorekz.com. Kačondan päivymiäry: 8. ligakuudu 2025.

Kirjalližus

  • Карелия: энциклопедия: в 3 т. / гл. ред. А. Ф. Титов. Т. 2: К — П. — Петрозаводск: ИД «ПетроПресс», 2009. С. 134—464 с.: ил., карт. ISBN 978-5-8430-0125-4 (т. 2)
  • Симонов А. А., Чудинова С. В. Женщины — Герои Советского Союза и России. — Москва: Фонд «Русские Витязи», Музей техники Вадима Задорожного, 2017. — С. 300—301. — 352 с. — ISBN 9785990960701.

Linkat

Lähteh - "https://olo.ruwiki.ru/w/index.php?title=Larisa_Lazutina&oldid=126360838"